Baaghi TV

Author: +9251

  • برطانوی تیل بردار جہاز کو کون سی ایرانی نیوی یونٹ نے یرغمال بنایا؟جانیےرپورٹ میں

    برطانوی تیل بردار جہاز کو کون سی ایرانی نیوی یونٹ نے یرغمال بنایا؟جانیےرپورٹ میں

    ایرانی اپوزیشن کی طرف سے 19 جولائی کو آبنائے ہرمز میں یرغمال بنائے گئے برطانوی تیل بردار جہاز کے بارے میں اہم معلومات کا انکشاف کیا ہے۔

    تفصیلات کےمطابق اپوزیشن کی طرف سے فراہم کردہ اطلاعات کے مطابق ایرانی پاسداران انقلاب کے ‘ذوالفقار’ بریگیڈ کےزیرانتظام یونٹ نے بریگیڈ ابو عبداللہ کے تعاون سے برطانوی تیل بردار جہاز کو یرغمال بنایا۔ ابو عبداللہ بریگیڈ ایرانی نیوی کا اہم ترین بریگیڈ سمجھا جاتا ہے جو اس وقت جزیرہ فارور میں تعینات ہے۔

    ایرانی عوامی مزاحمتی کونسل کی طرف سے جاری کردہ رپورٹ میں بتایا گیا ہے کہ برطانوی جہاز کےاغواء سے ایک روز قبل 18 جولائی کو پاسداران انقلاب کے سربراہ جنرل حسین سلامی نے متحدہ عرب امارات کے تین مقبوضہ جزیروں ابو موسیٰ، طنب الصغریٰ اور طنب الکبری کا دورہ کیا تھا۔

    اس سے قبل خلیج فارس کے آبنائے ہرمز میں سپاہ پاسداران انقلاب کے فوجیوں نے ایک اور برطانوی آئل ٹینکر کو روک کر اپنی تحویل میں لے لیا۔الزام یہ تھا کہ اس نے بین لاقوامی قوانین کی خلاف ورزی کی ہے.

    معروف برطانوی جریدے انڈی پنڈنٹ نے بھی اس بات کی تصدیق کی تھی کہ ایران نے دوسرے برطانوی آئل ٹینکر کو اپنی تحویل میں‌لے لیا ہے،ایران نے بھی ایسا ہی دعویٰ کیا تھا کہ اس کے پاسداران انقلاب نے خلیج میں‌ایک برطانوی آئل ٹینکر اپنی تحویل میں لے کر اس میں سوار تمام اہلکاروں کو گرفتار کرلیا ہے.

  • امریکی صدر ٹرمپ بڑے نسل پرست ہیں: سروے رپورٹ

    امریکی صدر ٹرمپ بڑے نسل پرست ہیں: سروے رپورٹ

    واشنگٹن : کون نہیں مانتا کہ امریکی صدر ڈونلڈ ٹرمپ نسل پرست نہیں‌اب تو ٹرمپ کے اپنوں نے حقیقت کھول کر رکھ دی ہے. ٹرمپ کی نسل پرستی سے متعلق امریکا میں کرائے گئے ایک سروے میں نصف سے زیادہ ووٹرز نے صدر ڈونلڈ ٹرمپ کو نسل پرست قرار دیا ہے۔

    امریکی ذرائع ابلاغ کے مطابق ایک امریکی یونیورسٹی کی جانب سے کرائے گئے سروے میں51 فیصد ووٹروں نے کہا کہ صدر ٹرمپ نسل پرست ہیں، لیکن49 فیصد ووٹروں کی رائے اس کے برعکس تھی۔59 فیصد خواتین کی نظر میں ٹرمپ نسل پرست ہیں جبکہ 41 فیصد مردوں نے انہیں نسل پرست قرار دیا۔

    امریکی یونیورسٹی کی طرف سے کیے گئے سروے کے مطابق دوسری جانب صدر ٹرمپ نے میڈیا سے گفتگو میں کہا کہ افریقن امریکنز پر ان کی تنقید کے پیچھے کوئی نسل پرستانہ حکمت عملی نہیں ہے بلکہ ایک تقریب میں مجھے خود نفرت کا نشانہ بنایا گیا۔

    یاد رہے کہ اس سے پہلے صدر ٹرمپ نے سیاہ فاموں کی اکثریت والے شہر بالٹی مور کو سڑی ہوئی گندگی کہہ کر مخاطب کیا تھا اور وہاں سے منتخب رکن عالی جاہ کمنگز کے خلاف نسل پرستانہ بیان دیا تھا۔اس بیان پر اسپیکر ایوان نمائندگان سمیت کئی رہنماؤں نے صدر ٹرمپ پر شدید تنقید کی ۔

  • سیلاب 25 ہلاک ہزاروں بے گھر ، کہاں ہوئے ؟ ضرور جانیئے

    سیلاب 25 ہلاک ہزاروں بے گھر ، کہاں ہوئے ؟ ضرور جانیئے

    ماسکو : دنیا کے دیگر ممالک کی طرح روس میں‌بھی سیلاب کی تباہ کاریاں جاری ہیں . اور اطلاعات کےمطابق روس کے علاقے ارکٹسک میں سیلاب کے نتیجے میں 25 افراد ہلاک اور متعدد لا پتہ ہو گئے۔

    غیرملکی خبر رساں ایجنسی کےمطابق روس کے مختلف علاقوں میں‌ سیلاب نے11 ہزار سے زائد گھر تباہ کر دیئے ہیں جسکی وجہ سے 29 ہزار سے زیادہ افراد بے گھر ہو گئے ہیں، مقامی دریا میں پانی کی سطح ایک میٹر مزید بڑھ گئی ہے۔

    دوسری طرف روسی حکام کا کہنا ہے کہ اگلے کچھ دنوں میں خراب موسم کے سبب صورتحال مزید ابتر ہونے کا امکان ہے تاہم علاقے میں امدادی کارروائیاں جاری ہیں، متاثرہ افراد کو خیموں کے علاوہ کھانے پینے کا سامان پہنچایا جا رہا ہے جبکہ محفوظ مقامات پر منتقلی کیلئے بھی انتظامات کئے جا رہے ہیں۔

    ماسکوسے حکومتی ترجمان نےکہا ہے کہ سیلاب کے سبب مختلف علاقوں میں سڑکیں اور پل پانی میں بہ جانے سے متاثرہ علاقوں تک رسائی مشکل ہے تاہم امدادی کارکنوں کو ہیلی کاپٹروں اور کشتیوں کی مدد حاصل ہے جس سے ریسکیو آپریشن مسلسل جاری ہے۔

  • کون سا عمانی ریال اب مزید نہیں چلے گا؟

    کون سا عمانی ریال اب مزید نہیں چلے گا؟

    عمان (مسقط_نمائندہ باغی ٹی وی) سینٹرل بینک آف عمان کی طرف سے ختم ہو چکے پرانے کرنسی نوٹ تبدیل کروانے کا آج آخری دن ہے۔ تفصیلات کے مطابق سلطنت آف عمان نے کچھ عرصہ قبل پرانے کرنسی نوٹوں کو منسوخ کر دیا تھا۔ اس میں یکم نومبر 1995 سے پہلے کے تمام نوٹ شامل ہیں۔ سینٹرل بینک آف عمان نے متنبہ کیا ہے کہ 31 جولائی کے بعد پرانے کرنسی نوٹ قابل استعمال نہیں رہیں گے لہذا تمام صارفین بروقت پرانے کرنسی نوٹ تبدیل کروا لیں۔ عمان کے مرکزی بینک کے مطابق پہلے عمانی ریال 1970ء میں جاری کیا گیا جس میں سو پیسہ، نصف ریال، ایک ریال، 5 اور 10 ریال کے نوٹ شامل تھے۔
    دوسری بار عمان کرنسی بورڈ کی نگرانی میں 1972ء میں سو پیسہ، کواٹر ریال، نصف ریال، ایک ریال، 5 ریال اور دس ریال کے کرنسی نوٹ جاری کیے گئے۔
    تیسری بار 1976ء میں سو پیسہ سے 50 ریال تک کے نوٹ عمان سینٹرل بینک کی نگرانی میں جاری ہوۓ۔
    چوتھی بار 1985ء میں ایک بار پھر عمان کے مرکزی بینک کی نگرانی میں سو پیسہ سے 50 ریال تک کے نوٹوں کا اجراء ہوا۔
    منسوخ شدہ نوٹوں میں یکم نومبر 1995ء کو پانچویں بار شائع ہونے والے 5، 10، 20، اور پچاس ریال کے نوٹ بھی شامل ہیں جن میں سامنے کی طرف چمکدار ہولوگرافک سیکورٹی پٹی نہیں ہے۔
    عمان کے مرکزی بینک نے تمام صارفین کو مشورہ دیا کہ مقررہ وقت سے پہلے کسی بھی بینک سے ختم شدہ نوٹ تبدیل کروا لیں۔

  • گووندہ نے ہالی ووڈفلم”اویٹا رٹھکرانے کی وجہ بتا دی

    گووندہ نے ہالی ووڈفلم”اویٹا رٹھکرانے کی وجہ بتا دی

    بھارتی میڈیا رپورٹ کے مطابق گووندہ نے ایک ٹی وی چینل کو انٹر ویو دیا جس میں انہوں نے ہالی ووڈ کی 2009 میں ریلیز ہونے والی فلم”اویٹار”سے متعلق انکشاف کرتے ہوئے کہا ہے کہ معروف ہدایتکار جیمز کیمرون کی جانب سے فلم میں کام کرنے کی پیشکش کی گئی یہ وہ فلم تھی جو دنیاا بھر میں مقبول ہوئی اور باکس آفس پر اچھے ریکارڈ قائم کیے –
    گووندہ کا کہنا تھا کہ میں نے ہی اس فلم کا نام اویٹار تجویز کیا اور جمیز کیمرون سے کہا تھا کہ آپ کی یہ فلم کامیاب ترین فلم رہے گی اور آپ کی اس فلم کو مکمل ہونے کیلئے سات سے آٹھ سال درکار ہوں گے جس پر کیمرون ناراض ہوگے-
    فلم میں کام نہ کرنے کی وجہ بتاتے ہوئے گووندہ نے کہا کہ فلم کا اسکرپٹ اچھا تھا لیکن میں نے کیمرون سے کہا کہ آپ مجھے فلم میں ایک معذور کا کردار ادا کرنے کو کہہ رہے ہیں آپ چاہتے ہیں کہ میں 410 دن کی شوٹنگ کے دوران جسم کو رنگین رکھوں تو میں نے معذرت کر لی اور فلم میں کام کرنے سے انکار کردیا –
    اداکار کا مزید کہنا تھا کہ میرے انکار کے بعد دوسرے اداکار کو فلم میں کاسٹ کیا گیا لیکن فلم کے با رے میں میری پیشگوئی درست ثابت ہوئی اور فلم آٹھ سے نو سال بعد ریلیز کی گئی اور باکس آفس پر کامیاب رہی-

  • بھارت،کیفے کافی ڈے کے مالک سدھارتھ کی لاش نیتراوتی ندی سے برآمد

    بھارت،کیفے کافی ڈے کے مالک سدھارتھ کی لاش نیتراوتی ندی سے برآمد

    بھارت کے سب سے بڑی کافی چین ’کیفے کافی ڈے‘ (سی سی ڈی) کے بانی ومالک سدھارتھ کی لاش 36 گھنٹے کی تلاش کے بعد منگلور کے قریب نیتراوتی ندی سے ملی۔ سدھارتھ پیر کی رات سے لاپتہ تھے۔

    منگلور پولیس کمشنر سندیپ پاٹل کے مطابق بدھ کی صبح لاش کو دریا میں بہتا ہوا دیکھا گیا۔ لاش کو اسپتال منتقل کر دیا گیا ہے۔ اس سلسلہ میں اہل خانہ کو مطلع کر دیا گیا ہے۔

    یاد رہے کہ سدھارتھ کی لاش اس مقام سے پانچ کلومیٹر دور سے ملی جہاں انہیں آخری بار دیکھا گیا تھا۔ سدھارتھ کے ڈرائیور کے بیان کے بعد ان کے خود کشی کا خدشہ ظاہر کیا جا رہا تھا۔ کوسٹ گارڈ کی ٹیم اور دیگر ایجنسیوں کے 200 سے زیادہ اہلکار منگل کی صبح سے مسٹر سدھارتھ کی تلاش کر رہے تھے۔

  • شام ، بشار الاسد کے فوجی افسر کی اہم کال سوشل میڈیا پر وائرل

    شام ، بشار الاسد کے فوجی افسر کی اہم کال سوشل میڈیا پر وائرل

    سوشل میڈیاعرب میں وائرل ہونے والی ایک ٹیپ میں بشار الاسد کا فوجی افسر اپنے حامی جنگجوؤں کو احکام جاری کر رہا ہے. آڈیو ریکارڈنگ میں 10 ہزار جنگجوؤں کو "سپورٹ” پیش کرنے کے حوالے سے عسکری احکامات سامنے آئے ہیں۔

    ریکارڈنگ کے مطابق وائرلیس کے ذریعے ہونے والی بات چیت میں شامی حکومت کا ایک افسر دس ہزار جنگجوؤں کے واسطے "سپورٹ” کو لازم قرار دے رہا ہے۔ افسر نے جنگجوؤں کے لیے گولہ بارود اور گولیاں پیش کرنے کا مطالبہ بھی کیا۔ گفتگو میں جگہ کا تعین نہیں کیا گیا مگر غالب گمان ہے کہ یہ شام کے صوبے "حماہ” کا کوئی مقام ہے جہاں شامی حکومت اپنی فورسز کی سپورٹ کے لیے مزید کمک ارسال کی۔ گذشتہ چند ہفتوں میں حماہ کے شمال میں ہونے والے معرکوں میں بشار کی فوج کو بھاری جانی نقصان اٹھانا پڑا۔

    موبائل کیمرے کے ذریعے ریکارڈ کی جانے والی وڈیو میں ایک وائر لیس سسٹم نظر آ رہا ہے جس میں سے بشار کی فوج کے ایک افسر کے احکامات سامنے آ رہے ہیں۔ سسٹم کی اسکرین پر رابطہ کرنے والے کا نام "النمر گروپ” ظاہر ہو رہا ہے جب کہ پیغام وصول کرنے والا شخص کیمرے کے سامنے نہیں آیا۔

    واضح رہے کہ شامی فوج کے ساتھ مل کر لڑنے والے جنگجو مختلف ممالک سے شام کا رخ کرتے ہیں جہاں انہیں کچھ ممالک شام بھیجنے میں مدد کرتے ہیں پھر شام میں مسلک کی بنیاد پر اپنی اپنی ملیشیا میں شامل کرتے آئے ہیں.

  • مظفرگڑھ میں محکمہ صحت کےمرکزی دفتر میں شارٹ سرکٹ کے باعث آگ لگ گئی

    مظفرگڑھ میں محکمہ صحت کے مرکزی دفتر میں شارٹ سرکٹ کے سبب آگ بھڑک اٹھی،ریسکیو1122نے فوری طور پر آگ پر قابو پالیا۔مظفرگڑھ میں چیف ایگزیکٹو آفیسر ڈسٹرکٹ ہیلتھ اتھارٹی کے دفتر کی گیلری میں اچانک آگ بھڑک اٹھی۔آگ لگنے کے باعث پیدا ہونے والے کالے دھوئیں سےدفتر میں افراتفری پھیل گئی.دفتر کے ملازمین خوف کے مارے دفتر سے باہر نکل آئے.ریسکیو کیمطابق اطلاع ملنے پر فائر ٹینڈر کے ذریعے بروقت آگ پر قابو پالیا گیا،جس کے بعد کولنگ کا عمل جاری ہے.آگ لگنے کے باعث دفتر میں پڑا فرنیچر جل گیا.ریسکیو کیمطابق آگ شارٹ سرکٹ کے باعث لگی.

  • چین : 500 میٹر اونچا شیشے کا پل جسے دیکھ کر آنکھیں کھلی رہ جاتی ہیںں

    چین : 500 میٹر اونچا شیشے کا پل جسے دیکھ کر آنکھیں کھلی رہ جاتی ہیںں

    بیجنگ : چینی ماہرین اپنے فنون میں دنیا کو پیچھے چھوڑنے لگے . ملک کے مختلف پہاڑی علاقوں میں‌طرح طرح کے پل بناکر دنیا کو حیرت میں ڈال دیا ہے. پہاڑی علاقوں میں‌چینی ماہرین نے جس طرح کمال ہنر مندی سے کام کیا ہے ان کی قابلیت اور اہمیت سے چین کے مخالف ممالک بھی انکار نہیں کرسکتے

    چینی میڈیا کے مطابق چین کے صوبہ گانگ ڈانگ میں ماہرین نے ایک ایسا پل تیار کیا ہے جو کہ شیشے کا بنا ہوا ہے اور اس پر جس طرح مختلف خوبصورت مناظر کے ساتھ منظر کشی کی گئی ہے. وہ بھی دیکھنے کے قابل ہے.


    اس شیشے کے پل پر اوپر سے نیچے پانی جس طرح گررہا ہے اس سے پہلے دنیا میں‌کسی نے ایسا منظر نہیں دیکھا . لوگ اس پل پر چڑھ کر گردونواح کے حسین قدرتی مناظر کا نظارہ کرتے ہیں. آپ بھی نظارہ کریں

  • شناختی کارڈ کی شرط پر حکومت کا واضع اعلان

    شناختی کارڈ کی شرط پر حکومت کا واضع اعلان

    کراچی:اگست سے پورے ملک میں 50 ہزار سے زائد کی خریداری کرنے والوں کو ہر حال میں شناختی کارڈ دینا ہوگا، اور اگر آپ بین الاقوامی خریدار ہیں تو آپ کو اپنا پاسپورٹ ظاہر کرنا ہو گا،
    ان لینڈ ریونیو کے چیف کمشنر بدرالدین احمد قریشی نے میڈیا کو بریفنگ دیتے ہوئے کہا کہ غیر تصدیق شدہ خریداروں کی پہچان کرنے کیلئے اور ان کی ٹیکس چوری روکنے کیلئے یہ قدم اٹھایا گیا ہے، شناختی کارڈ کو لازمی قرار دینے ایک فائدہ یہ بھی ہوگا کہ جو کاروباری حضرات اپنا مال برآمد کرتے ہیں اور ملک میں بیچتے ہیں ان کا ریکارڈ بھی ایف بی آر کے پاس ہو گا کہ کتنا مال ملک سے باہر برآمد کیا گیا اور کتنا ملک میں بیچا گیا ہے،
    چیئرمین فیڈرل بورڈ آف ریونیو شبر زیدی نےکہا ہے کہ پاکستان میں ٹیکسٹائل سیکٹر ہر سال 1200 ارب کی ٹیکسٹائل پراڈکٹس فروخت کرتا ہے اور اس سے حاصل ہونے والے ٹیکس کی مقدار صرف 6 ارب روپے ٹیکس کی مد میں ادا کر رہا ہے اور اس کی بنیادی وجہ یہی ہے کہ کہ پاکستان کا ٹیکس نظام ڈاکومنٹڈ نہیں ہے،