عراقی انٹیلی جنس کے الصقور سیل کے سربراہ نے دعویٰ کیا ہے کہ شدت پسند تنظیم’ داعش’ کےسربراہ ابو بکر البغدادی میزائل شیل لگنے سے شدید زخمی ہونے کے بعد اب مفلوج ہوچکےہیں مگر اب بھی تنظیم میں گہرا رسوخ رکھتے ہیں۔ انٹیلی جنس حکام کا کہنا ہے کہ داعش کے سربراہ کی ریڑھ کی ہڈی بھی متاثر ہوئی ہے جس کےنتیجے میں وہ چل پھر نہیں سکتے۔
تفصیلات کے مطابق ابوبکر البغدادی جسمانی طور پر مفلوج ، مگر تنظیم میں اب بھی مقبول اور سرگرم، رپورٹ ہیں. عراقی وزارت داخلہ کےماتحت الصقور سیل کی طرف سے سوموار کے روز جاری ہونےوالے ایک بیان میں کہا گیا ہے کہ داعش کا سربراہ ابو بکر البغدادی اس وقت شام میں موجود ہے۔ مفلوج ہونے کے باوجود اس کاتنظیم میں گہرا اثرو نفوذ ہے۔
عراق اور شام میں بدترین شکست کھانے کے بعد بھی ابراہیم السامرائی المعروف ابو بکر البغدادی اپنے عرب اور غیرملکی جنگجوئوں کے ساتھ سلامتی کےلیے بدستورخطرہ ہے۔
ایک سوال کے جواب میں علی البصری نے کہا کہ داعش کا سربراہ تنظیم میں بدستور موثر ہے اور جنگجو اس کےاحکامات کی اطاعت کرتے ہیں۔ اس کے گرد عرب اور غیرعرب ممالک کے جنگجوئوں کی بڑی تعداد اب بھی موجود ہے
واضح رہے کہ داعش جیسی خطرناک تنظیم نے عراق اور شام کے علاقے میں کئ شہروں اور علاقوں کے اپنے قبضے میں لے رکھا تھا اور اس تنظیم نے ان خطوں میں بہت وہشت ناک کاروائیاں کر رکھی ہیں اور جسے اتحادوں نے دو سال پہلے ختم کرنے کا دعوی کر رکھا ہے
