Author: +9251

پاک ترک تعلقات میں مینگو جیسی میٹھاس پائی جاتی ہے: سفیر پاکستان

تفصیلات کے مطابق ترکی کے دارالحکومت انقرہ میں سفیر پاکستان محمد سائیرس سجاد قاضی کی رہائش گاہ پر گزشتہ سات سالوں کی روایت پر عمل درآمد کرتے ہوئے امسال بھی مینگو فیسٹویل کا اہتمام کیا گیا۔

یہ مینگو فیسٹویل ترکی میں گزشتہ سات سالوں سے بڑی باقاعدگی سے منعقد ہوتا چلا آرہا ہے اور لوگ بڑی تعداد میں اس فیسٹویل میں شرکت کرکے پاکستان کے مینگوز سے لطف اندوز ہوتے ہیں۔ اس فیسٹویل میں بڑی تعداد میں سیاستدانوں سے لے کر سرکاری حکام،تاجروں سے لے کر سفارتکاروں تک مختلف طبقہ ہائے فکر کو مدعو کیا گیا۔

سفیر پاکستان کے ریذیڈنٹس کے لان کو پاکستان کے قومی پرچم کے رنگ کے غباروں سے سجایا گیا تھا اور لان میں پاکستان سے متعلق تصاویر کی نمائش بھی کی گئی تھی۔

تقریب کا افتتاح سفیر پاکستان محمد سائیرس سجاد قاضی ، متعدد ترک اراکین پارلیمنٹ اور مختلف ممالک کے سفیروں نے مشترکہ طور پر کیا۔

واضح رہے کہ چند ماہ پہلے پاکستان کے وزیر اعظم عمران خان نے ترکی کا دورہ کیا تو اس موقع پر رجب طیب اردوان نے وزیراعظم عمران خان کی پاکستان میں تبدیلی کے لیے طویل جدوجہد پر کہا کہ ہم ان کا اور ان کے وفد کا انقرہ میں خیر مقدم کرتے ہیں، اردوان نے کہا پاکستان، افغانستان، ترکی سہ فریقی اجلاس افغان امن عمل میں معاون ثابت ہو گا۔ انھوں نے کہا کہ ترکی فاؤنڈیشن سے متعلق سپریم کورٹ کے فیصلے کا خیرمقدم کرتے ہیں۔ قبل ازیں وزیراعظم عمران خان ترک صدر رجب طیب اردوان سے ملاقات کے لیے صدارتی محل پہنچے تھے جہاں ان کا پرتپاک استقبال کیاگیا اور انھیں گارڈآف آنر بھی پیش کیاگیا۔پاک ترک تعلقات کافی دیرنہ ہیں اور دونوں برادر ممالک آپس میں تاریخی اسلامی تہذیب کے حوالے سے گہری مماثلت رکھتےہیں.

یمنی وزیر اطلاعات کی طرف نے الحدیدہ فیکٹری پر حوثیوں کی گولہ باری کی شدید مزمت کی ہے
یمنی وزیر اطلاعات معمرالاریانی نے مائیکرو بلاگنگ ویب سائیٹ ‘ٹویٹر’ پر ایک فوٹیج پوسٹ کی ہے جس میں الحدیدہ میں اخوان ثابت صنعتی و تجارتی مرکزمیں دودھ کی فیکٹری پر حوثی باغیوں کے حملے میں ہونے والی تباہی کے مناظر دکھائے ہیں۔ ان کا کہنا ہے کہ حوثیوں کی فیکٹری پر گولہ باری کے نتیجے میں وہاں پرکام کرنےوالا ایک ملازم جاں بحق اور متعدد زخمی ہوگئےتھے جب کہ فیکٹری کو غیرمعمولی نقصان پہنچا ہے۔

معمر الاریانی کا کہنا ہے کہ حوثی باغیوں کی طرف سے الحدیدہ میں روزانہ کی بنیاد پر فیکٹریوں کو حملوں کا نشانہ بنا کر سویڈن میں طے پائےجنگ بندی معاہدے کی خلاف ورزیاں کی جا رہی ہیں۔ ان کا کہنا تھا کہ حوثی شدت پسند شہری آبادی اور شہری املاک کو نقصان پہنچا رہے ہیں۔ دودھ فیکٹری پرحملے کے بعد اقوام متحدہ کی جنگ بندی ٹیم کو واضح موقف اختیارکرنا چاہیے تاکہ حوثیوں کی طرف سے بے گناہ شہریوں کی جانوں سے کھیلنے کا سلسلہ بند کیا جا سکے۔
یہ بھی پڑھیں:یمنی فوج کی باقم میں پیش قدمی، حوثیوں کی کمک تباہ

امریکا کی جانب سے ایرانی تیل کی درآمدات پرپابندی کےبعد سعودی عرب نے چین کو متبادل کے طورپر تیل کی درآمد کا وعدہ پورا کردیا۔

تفصیلات کے مطابق امریکا کی طرف سے ایرانی تیل کی درآمدات پرپابندیوں کے بعد سعودی عرب نے چین کو تیل کی فراہمی کا وعدہ کیا تھا۔ سعودیہ نے بیجنگ کے ساتھ کیا وعدہ پورا کردیا ہے اور اس وقت چین سعودی عرب سے یومیہ ایک ملین بیرل کے قریب تیل خرید رہا ہے۔ چین کی جانب سے سعودی عرب سے تیل کی خریداری کا یک نیا ریکارڈ ہے۔

چینی کسٹمز کی رپورٹ کے مطابق گذشتہ ماہ بیجنگ ایشیائی ملکوں میں سعودیہ عرب کا خام تیل خریدنےوالا سب سے بڑاملک بن گیا۔ پچھلے ماہ چین نے 7 لاکھ 72 ہزار میٹر ٹن تیل سعودی عرب سے خرید کیا جو کہ ایک اعشاریہ 89 ملین بیرل کے برابر ہے۔
واضح رہے کہ جولائی 2018ء کو سوئٹرزلینڈ کے دورے کے دوران ایرانی صدر حسن روحانی نے کہا تھا کہ امریکی ایرانی تیل کی برآمدات مکمل طور پر بند کرنا چاہتے ہیں۔ امریکا ایران کو عالمی منڈی میں اپنے تیل کی سپلائی سے نہیں روک سکتا۔ ایسا کرنا امریکیوں کے بس کی بات نہیں۔ میں کہتا ہوں‌ کہ اگر اتنی ہمت اور جرات ہے تو ایران کا تیل بند کر کے دکھائو اور اس کے بعد اس کے نتائج بھی دیکھو۔

ایرانی صدر کا یہ بیان امریکا اور خطے میں تیل برآمد کرنے والے دوسرے ملکوں کے لیے کھلی دھمکی تھی۔ اس دھمکی کے ساتھ ساتھ ایرانی بحریہ نے خطے میں فرضی دشمن سے نمٹنے کی تیاری کے لیے مشقیں بھی شروع کردیں۔