Author: +9251

نیویارک:نیویارک میں باپ کی لاپرواہی کی وجہ سے دو جڑوان بچے ہلاک ، پولیس نے باپ کی لاپرواہی پر نوٹس لیتے ہوئے باپ کو حراست میں‌لیکر تفتیش کا آغاز کردیا ہے۔

امریکی حکام کے مطابق نیویارک کے 37 سالہ رہائشی والد نے اپنی ملازمت کی جگہ پر جب گاڑی پارک کی تو اس وقت جڑواں بچے گاڑی کی پچھلی سیٹ پر تھے لیکن وہ دیکھے بغیرچلا گیا جہاں صبح آٹھ بجے سے شام تقریباً ساڑھے چار بجے تک اس نے دفتری فرائض سر انجام دیے۔

امریکی ذرائع ابلاغ کے مطابق شام کوجب وہ گاڑی چلا کر واپس گھر آرہا تھا تو اچانک اس کی نظر پڑی کہ اس کا ایک سالہ بیٹی اور بیٹا پچھلی نشست پہ موجود تھے ، باپ نے گاڑی روک کرایمرجنسی میں 911 کو فون کیا لیکن اس وقت تک بہت دیر ہوچکی تھی اور آٹھ گھنٹے تک سخت گرمی میں گاڑی کے اندر بند رہنے کے باعث بچے دم توڑ چکے تھے۔

منیلا:فلپائن زلزلوں سے لرز اٹھا ، ایک گھنٹے کے وقفے سے دو زلزلوں نے تباہی مچا دی . تفصیلات کے مطابق فلپائن میں ایک گھنٹے کے وقفے سے دو زلزلوں میں ہلاکتوں کی تعداد میں اضافہ ہوگیا،جس کے باعث8 افراد ہلاک اور9زخمی ہوگئے۔

فلپانئی حکام کے مطابق یہ زلزلہ فلپائن کے صوبے بٹانیس کے دو جزیروں میں آیا، یوایس جیولوجیکل سروے کے مطابق زلزلے کی شدت 6.4 اور 5.9 تھی، دونوں زلزلوں کے درمیان تقریباً ایک گھنٹے کا وقفہ تھا،

حکام کا کہنا ہے کہ زلزلے کے باعث کئی عمارتوں میں دراڑیں پڑ گئیں جبکہ بعض سڑکوں میں گڑھے دیکھے گئے، زلزلے کے بعد آفٹر شاکس بھی آتے رہے۔زخمیوں اورہلاک ہونے والے افراد کو ہسپتال منتقل کردیا گیا، زخمیوں میں بعض کی حالت تشویشناک بتائی جارہی ہے۔

واشنگٹن : امریکی صدر نے ملک میں ٹیکس لگانے کا نیا طریقہ وضع کرتے ہوئے کہا ہے کہ فرانسیسی شراب پر ٹیکس عائد کرنے کا عندیہ دیتے ہوئے انہوں نے مزید کہا کہ میں ہمیشہ کہتا ہوں کہ امریکی شراب فرانسیسی سے بہت بہتر ہے۔

فرانس میں امریکی کمپنیوں پر ٹیکس عائد کرنے کے حوالےس صدر ڈونلڈ ٹرمپ نے اعلان کیا ہے کہ امریکہ کی ٹیکنالوجی کمپنیوں پر اگر کوئی ملک ٹیکس عائد کر سکتا ہے تو وہ خود امریکہ ہے۔

صدر ٹرمپ نے مزید کہا ہے کہ فرانس نے امریکی کمپنیوں پر بھاری ٹیکس عائد کیا ہے، ہم میکرون کی اس حماقت پر جوابی کارروائی بہت جلد کریں گے۔11 جولائی کو فرانسیسی سینیٹ نے ان بڑی کمپنیوں پر 3 فیصد ٹیکس عائد کیا تھا جو ان کے ملک میں کام کر رہی ہیں .

بعد ازاں مائیکروسافٹ، گوگل، فیس بک اور ایمازون کے نمائندوں پر مبنی ایک گروپ نے ان تحقیقات کو یورپ میں بڑھتے ہوئے امتیازی ٹیکسوں کے خلاف امریکی قیادت کا پختہ اظہار قرار دیتے ہوئے اس کا خیر مقدم کیا تھا۔