اسلام آباد:روڈ ٹو مکہ میں مزید سہولیات کی فراہمی کا سلسلہ جاری، وزارت مذہبی امور نے حج پر جانے والے افراد کے لئے پانچ ایپلیکشن متعارف کرا دی ہیں یہ ایپلیکیشنز حج کی ادائیگی اور سعودی عرب میں رہائش سے متعلق مدد فراہم کریں گی۔
وزارت حج کی طرف سے کہا گیا ہے کہ پیش کی گئی اپلیکیشن اینڈراؤیڈ اسمارٹ فون موبائل رکھنے والے صارفین کے لئے ’ پلے اسٹور‘ میں دستیاب ہے۔
یادرہےکہ امسال2 لاکھ سے زائد پاکستانی حج کی سعادت حاصل کریں گے، حکومت کی جانب سے تمام ججاج کرام کو بہترین سہولیات فراہم کرنے کی غرض سے پانچ ایپلیکشنز متعارف کرائی گئی ہیں۔یہ ایپلیکیشنز کیا ہیں ان کی تفصیل کچھ اس طرح ہے.پہلی جو ایپلی کیشن ہے اس کا نام ہے "منیٰ لوکیٹر ایپ”
وزارت حج کے مطابق یہ ایپلیکشن لوگوں کو جائے رہائش تک پہنچانے، منیٰ مکتب، ٹرین اسٹیشنز، کیمپس تک جانے کا راستہ، مساجد، اسپتال منیٰ کی مختلف اہم جگہوں تک پہنچانے میں مدد فراہم کرے گی۔دوسری ایپلی کیشن جسے”ال مقصد”کا نام دیا گیا ہے یہ مدد فراہم کرے گی لوگوں کو مسجد الحرام کی اندرونی 3 ڈی سمت شناسی فراہم کرے گی۔اس ایپلیکشن سے لوگ مسجد الحرام میں کھڑے ہو کر اپنے مقام کا تعین کر سکیں گے اور اندازہ لگا سکیں گے کہ انہوں نے کس جانب جانا ہے۔وزارت حج کے مطابق تیسری ایپلی کیشن جو کہ ” پاک حج معاون” کے نام سے متعارف کروائی گئی ہے اس مدد سے ججاج کرام اپنے متعلق تمام اہم معلومات جان سکیں گے۔
ذرائع کے مطابق اس ایپلی کیشن میں جماعت کی معلومات، اس عمارت کا پتہ جس میں ان کی رہائش ہے، سفری معلومات اور اس طرح کی دیگر معلومات فراہم کی جائیں گی۔چوتھی جو ایپلی کیشن تیار کی گئی ہے اس کانام "رہنما حج” رکھا گیا ہے
وزارت حج کے آئی ٹی ماہرین کا کہنا ہے کہ یہ ایپلیکشن حج کی ادائیگی اور مناسک حج کے حوالے سے لوگوں کو مکمل راہنمائی فراہم کرے گی۔اس ایپلیکشن کو اینڈوائڈ موبائل صارفین پلے اسٹور سے ڈاؤن لوڈ کر سکتے ہیں۔
سب سے اہم اور مکمل فیچر والی جو ایپلی کیشن متعارف کروائی گئی ہے اسے "پاک حج گائڈ” کا نام دیا گیا ہے یہ اپیلی کیشن اس حوالے سے زیادہ اہم ہے کہ اس میںتقریبا پہلی چار ایپلی کیشنز میںدی گئی سہولیات اس میں پائی جاتی ہیں
وزارت حج پاکستان کا کہنا ہے کہ یہ ایپلیکشن حجاج کرام کو عمرا کی ادائیگی، حج ، زیارت مدنیہ اور وہ اہم باتیں جو دوران حج یاد رکھنا لازمی ہیں کہ حوالے سے تعلیم فراہم کرے گی۔
