Author: +9251

نیپراآئی پی پیز کے حوالے سے کمیٹی کے 17سوالات کے جواب دینے میں ناکام ،ارکان کمیٹی کی برہمی

نہ ہمارے سوالات کے جواب دیے نہ ایکسل شیٹ پر آئی پی پیزکاڈیتامہیاکیا ارکان کمیٹی. پاکستان کواب بھی 3سے 3ہزار 5سو میگا واٹ بجلی کی کمی کاسامنا ہے،نندی پورپاورپلانٹ کی اوسط صلاحیت 49فیصد ہے حکام . پاکستان میں بجلی پوری ہے چوری والے علاقوں میںبجلی نہ دیںپہلے بجلی چوری ختم کریںپھر نئے کار خانے لگائیں نعمان وزیر. 2007 میں لگائے گئے آئی پی پیز کا دفاع کرنے کمیٹی میں نہیں آیا ہوں ممبرنیپرا

اسلام آباد( )سینیٹ کی قائمہ کمیٹی برائے توانائی کی آئی پی پیز کے حوالے سے سب کمیٹی کے 17سوالات کاجواب دینے میں نیپراناکام ہوگیا،نیپرا کی طرف سے کمیٹی کوبریف نہ دینے پر کمیٹی نے برہمی کااظہارکرتے ہوئے کہاکہ نہ ہمارے سوالات کے جواب دیے نہ ایکسل شیٹ پر آئی پی پیزکاڈیتامہیاکیا۔ارکان کمیٹی نے کہاکہ پاکستان میں بجلی پوری ہے چوری والے علاقوں میںبجلی نہ دیںپہلے بجلی چوری ختم کریںپھر نئے کار خانے لگائیں۔حکام نے بتایاکہ پاکستان کواب بھی 3سے 3ہزار 5سو میگا واٹ بجلی کی کمی کاسامنا ہے،نندی پورپاورپلانٹ کی اوسط صلاحیت 49فیصد ہے۔یکم اگست کو دوبارہ سب کمیٹی کا اجلاس ہوگا۔ممبرنیپراٹریف سیف اللہ چٹھہ نے کہاکہ2007 میں لگائے گئے آئی پی پیز کا دفاع کرنے کمیٹی میں نہیں آیا ہوں۔سینیٹ کی قائمہ کمیٹی برائے توانائی کی سب کمیٹی کا اجلاس کنوئینر سینٹر نعمان وزیر کی سربراہی میں پارلیمنٹ ہاوس میں ہوا۔اجلاس میں سینیتر محمداکرم ،سینٹر آگاشاہ زیب درانی ،جوائنٹ سیکرٹری پاور ڈویژن زرغام شاہ،ممبرنیپراٹریف سیف اللہ چٹھہ و نیپرا کے دیگر حکام نے شرکت کی ۔ارکان کمیٹی نے نیپرا کودیئے گئے 17سولات کاجواب نہ دینے پر برہمی کااظہارکرتے ہوئے کہاکہ کمیٹی اجلاس سے پہلے بریف نہیں دیاگیااور نہ ہی جو ایکسل شیٹ دی تھی اس پر تمام آئی پی پیز کا ڈیٹا ڈالاگیاہے ۔نیپراحکام نے کہاکہ نیپرا سو کمیٹی کو فیصد معلومات دے گا یہ کیس عدالت میں ہے عدالت میں آئی پی پیز نے سٹے لیا ہوا. کیا معائدے ٹریف کے مطابق ہے کہ نہیں ؟عدالت میں سٹے ہونے کی وجہ سے ہم اس معاہدوں کو نہیں دیکھ سکتے ہیں .نعمان وزیر نے کہاکہ عدالت کے سٹے میں کہاں لکھاہے کہ سینیٹ میں معائدہ پیش نہیں نہیں ہوسکتاہے.اگر ہے تو ہمیں عدالت کاحکم دیکھادیں ۔ کمیٹی نے سفارش کیا کہ نیپرا کا جو بھی ممبر صوبوں سے آئے اس کو متعلقہ شعبہ میں ماہر ہوناچاہیے .حکام نے کہاپاکستان پاور پالیسی 1994 کے تحت صدر پاکستان معائدوںضمانت دیں گے جن میں ادائیگیاں بھی شامل ہیں یہ 25سال کے لیے ہوگا بتائی گئی صلاحیت سے زیادہ منافع کچھ آئی پی پیز نے کمایاتھا جس پر ہم نے سوموٹو لیااور 2011میں پہلی بار ہم نے زیادہ منافع پر کمانے پر آئی پی پیز کو خط لکھے مگر انہوں نے کہاکہ آپ نے پہلے سال خط لکھا یے جب کہ یہ معائدہ 25سال چلناہے بعد میں اس کی صلاحیت کم ہوجائے گی۔2007 میں لگائے گئے آئی پی پیز کا دفاع کرنے یہاں نہیں آیا ہوں 13%ڈالر کے ساتھ منافع دیاجائے یہ طے ہواتھا 6ہزار میگا واٹ کے پلانٹ لگائے گئے یہ تمام پلانٹ 1994کی پالیسی کے تحت لگائے گئے تھے ۔ 2002میں توانائی کی کمی تھی کل 2634میگا واٹ کی کمی کا سامنا تھا .ای سی سی نے 16اگست 2006میں فیصلہ کیاتھا.اور اس پالیسی کے تحت 3165میگا واٹ کے پلانٹ لگنے تھے مگر 1200میگا واٹ کے پلانٹ لگے ۔مشرف دور میں روپے میں سرمایہ کاری کرنے والوں کو ڈالر میں منافع دینے کا فیصلہ کیا گیا تھا۔2002کی پالیسی میں آئی پی پیز کامنافع 13%سے بڑھا کر 15%کردیاگیا.۔ 2014-15میں دوبارہ پاورپالیسی آئی۔ اس کو 2015کی پالیسی کہتے ہیں اب 20%تک منافع دیاجائے گا اور ڈالر کے حساب سے دیاجائے گا. 2015کی پاور پالیسی آنے کے باوجود کیسی غیرملکی کمیپنی نے سرمایہ کاری نہیں کی ۔جو منصوبے لگے وہ سی پیک کے تحت لگے ہیں۔پاکستان میں اس وقت دستیاب بجلی کی پیداور 35ہزار میگا واٹ ہے جن میں سے ہم 23ہزار میگا واٹ بجلی کی ترسیل کرتے ہیں اور یہ پلانٹ 26ہزارمیگاواٹ تک بجلی بناسکتے ہیں ۔حکام نے کہاکہ پاکستان کواب بھی 3سے 3ہزار 5سو میگا واٹ بجلی کی کمی کاسامنا ہے. کنوئینر کمیٹی نعمان وزیر نے کہاکہ بجلی پوری ہے جہاں چوری ہے وہاں پر بجلی نہ دیں بجلی چوری ختم ہوتو نئے کار خانے لگائیں۔حکام نے بتایاکہ آئی پی پیزیونین والے کمیشن بنانے کا کہے رہے ہیںتاکہ وہ تمام معاملات کودیکھے ۔حکام نے کہا کہ نندی پورپاورپلانٹ کی اوسط صلاحیت 49فیصد ہے ۔آرایل این جی کے پاور پلانٹس کی 62فیصد،آر ایف او 45فیصد ،گیس کی 51فیصد اوسط صلاحیت ہے ۔نعمان وزیر نے کہاکہ نندی پورپاور پلانٹ کی 49فیصد اوسط صلاحیت بہت کم ہے ۔اس کودیکھناہوگاکہ اس کی صلاحیت کیوںکم ہے ۔۔نعمان وزیر نے کہاکہ آئی پی پیز کے ساتھ جو معائدے ہوئے ہیں وہ پورے ہوں مگر جو معائدے کے وقت خلاف ورزی ہوئی اس کی نشاندہی کریں گے. کمیٹی سمجھتی ہے کہ آئی پی پیز کو اضافی ادائیگیاں ہوئی ہیں ہم سب کو سنیں گے۔نعمان وزیر نے ممبر نیپرا کومخاطب کرتے ہوے کہاکہ آپ نے کمیٹی کوٹرک کے بتی کے پیچھے لگایا مگر 17سوالات کے جواب نہیں دیے ہیں۔دو ایکسل شیٹ دیے کہ اس میں ڈیٹا ڈالیں میں نے 8گھنٹے میں ایکسل شیٹ بنائی۔حکام نے کہاکہ 11آئی پی پیز کا ڈیٹا ای میل کردیں گے۔یکم اگست کو دوبارہ کمیٹی کا اجلاس ہوگا.

چائلڈ پروٹیکشن اینڈ ویلفیئر بیورو کا کمسن بچوں کے بھکاری مافیا کے ہاتھوں استحصال کے خلاف وارننگ آپریشن
بچوں سے بھیک منگوانے والے والدین اور دیگر افراد کے خلاف سخت قانونی کارروائی کی جائے گی۔ سارہ احمد

لاہور()چائلڈ پروٹیکشن اینڈ ویلفیئر بیورو پنجاب کی جانب سے کمسن بچوں کے بھکاری مافیا کے ہاتھوں استحصال کے خلاف لاہور کے 04 اہم مقامات چیرنگ کراس، ریگل چوک، لبرٹی مارکیٹ اور مین مارکیٹ گلبرگ میں "وارننگ ریسکیو آپریشن” کا انعقاد کیا گیا۔ آپریشن کی قیادت سارہ احمد، چیرپرسن چائلڈ پروٹیکشن اینڈ ویلفیئر بیورو پنجاب نے کی جس میں بیورو افسران اور لاہور پولیس نے بھرپور حصہ لیا۔ آپریشن کے موقع پر عوام الناس کو چائلڈ پروٹیکشن بیورو کی ہیلپ لائن 1121کے بارے میں آگاہی دی گئی اور اس حوالے سے پمفلٹ بھی تقسیم کیے گئے۔ اس موقع پر گفتگو کرتے ہوئے چئیر پرسن چائلڈ پروٹیکشن اینڈ ویلفئیر بیورو سارہ احمد نے کہا کہ چائلڈ پروٹیکشن بیورو اور پنجاب پولیس کے باہمی تعاون سے بھکاری مافیا کے خلاف آگاہی مہم چلارہے ہیں۔ انہوں نے کہا کہ آج بیورو بچوں سے بھیک منگوانے والے والدین اور دیگر ذمہ د اران کو آخری وارننگ دے رہا ہے۔ آئندہ بچوں سے بھیک منگوانے والے والدین اور دیگر افراد کے خلاف سخت قانونی کارروائی کی جائے گی۔ سارہ احمد نے کہا کہ بچے پھول کی نازک کونپلوں کی مانند ہوتے ہیں جن کو توجہ کی ضرورت ہوتی ہے۔ انہوں نے کہا کہ زندگی کی بنیادی ضروریات، اچھی خوراک، تعلیم اور طبی سہولیات تک رسائی ان کا بنیادی حق ہے اور کسی کو بھی بچوں سے ان کے حق کو چھیننے نہیں دیں گے۔