نئی دہلی:موب لنچنگ یا ہجومی تشدد کے ہر روز رونما ہوتے واقعات کے خلاف ملک کی اہم شخصیات نے آواز بلند کی ہے، بھارت کی ممتاز 49شخصیات نے وزیراعظم مودی کو خط لکھ کر ان واقعات پر تشویش کا اظہار کیا ہے کہ اگرایسا نہ ہوسکا تو پھر بھارت کے وجود کو خطرات لاحق ہوسکتے ہیں.

وزیر اعظم کو لکھے گئے اس خط میں ہجومی تشدد کے بڑھتے رجحان پر گہری تشویش کا اظہار کیا گیا ہے۔ خط لکھنے والے لوگوں میں سنیما، آرٹ، میڈیکل وغیرہ سے جڑی شخصیات شامل ہیں۔ وزیر اعظم مودی کو لکھے خط پر منی رتم ، ادور گوپال کرشنن، رامچندر گوہا، انوراگ کشیپ جیسے دانشوران کے دستخط موجود ہیں۔

مودی کے لکھے گئے اس خط میں لکھا ہے کہ ہمارے آئین کے مطابق ہندوستان ایک سیکولر جمہوری ملک ہے جہاں ہر مذہب، طبقہ، صنف اور ذات کے لوگوں کو یکساں حقوق حاصل ہیں۔خط کے ذریعے دانشوران نے مطالبہ کیا ہے کہ مسلمانوں، دلتوں اور دیگر اقلیتوں کی لنچنگ پر فوری پابندی لگائی جائے۔

خط میں وزیر اعظم کو بتایا گیا کہ نیشنل کرائم ریکارڈ بیورو کے اعداد کی بنیاد پر کہا گیا ہے کہ یکم جنوری 2009 سے لے کر 29 اکتوبر 2018 کے درمیان مذہب کی بنیاد پر 254 جرائم درج کیے گئے، اس دوران 91 لوگوں کو قتل کیا گیا اور 579 افراد زخمی ہوئے۔ خط کے مطابق مسلمان جو ہندوستان کی آبادی کے 14 فیصد ہیں وہ 62 فیصد جرائم کا شکار بنے، جبکہ عیسائی جن کا آبادی میں حصہ محض 2 فیصد ہے وہ 14 فیصد جرائم کا شکار ہوئے۔ خط میں کہا گیا ہے کہ ایسے 90 فیصد واقعات مئی 2014 یعنی نریندر مودی کے اقتدار میں آنے کے بعد رونما ہوئے۔

بھارتی ممتاز شخصیات نے کہا کہ وزیر اعظم نریندر مودی نے پارلیمنت میں لنچنگ کے واقعات پر تنقید کی ہے لیکن یہ کافی نہیں ہے۔ خط میں مزید لکھا ہے۔ ”ایسا جرم کرنے والوں کے خلاف کیا قدم اٹھایا گیا۔ ہمارا موقف ہے کہ ایسے جرائم کرنے والوں کی ضمانت نہیں ہونی چاہیے اور قصورواروں کو ایسی سزا دی جائے کہ وہ دنیا والوں کے لیے ایک مثال بن جائے۔ جب قتل کے قصورواروں کو بنا پیرول کے عمر قید کی سزا دی جا سکتی ہے تو لنچنگ کے معاملات میں ایسا کیوں نہیں ہو سکتا! ہمارے ملک کے کسی شہری کے دل میں خوف نہیں رہنا چاہیے۔“

’ جو نہ بولے جے شری رام، بھیج دو اس کو قبرستان ‘ انتہا پسند ہندووں نے نفرت آمیز گانا یو ٹیوب پر اپ لوڈ کرکے ہندتوا کا ثبوت پیش کردیا .تفصیلات کے مطابق ’جے شری رام‘ کے نام پر قتل عام کو فروغ دینے والا گانا تیار کر کے یو ٹیوب چینل پربار بار اَپ لوڈ کیا جا رہا ہے۔ اس سے زیادہ حیران کن یہ ہے کہ اس کے خلاف کسی طرح کی کارروائی بھی اب تک نہیں ہوئی ہے۔

معتبر ذرائع کے حوالے سے یہ معلوم ہوا ہے کہ دراصل ایک گانا گزشتہ دنوں ریلیز ہوا ہے جس کے بول ہیں ’جو نہ بولے جے شری رام، بھیج دو اس کو قبرستان‘۔ یہ گانا سوشل میڈیا پر موضوعِ بحث بنا ہوا ہے۔ اس گانے کو ’ورون بہار آفیشیل‘ نامی یو ٹیوب چینل پر اَپ لوڈ کیا گیا ہے۔ گانا 23 جولائی کو اَپ لوڈ کیا گیا ہے اور اس میں جس طرح کے الفاظ استعمال کیے گئے ہیں وہ لوگوں کو مشتعل کرنے کے لیے کافی ہیں۔

مسلمان رہنماوں نے ہندودہشت گردانہ سوچ کی مذمت کرتےہوئے کہا کہ یہ ایک ایسا ویڈیو ہے جو ’جے شری رام‘ کا نعرہ زبردستی لگوانے والے لوگوں کی حوصلہ افزائی کرے گا اور موب لنچنگ جیسے واقعات کو بڑھائے گا۔ یہی سبب ہے کہ کئی لوگ اس ویڈیو کو خطرناک قرار دے رہے ہیں۔ کچھ لوگ ویڈیو بنانے اور اَپ لوڈ کرنے والوں کے خلاف اس لیے بھی کارروائی کا مطالبہ کر رہے ہیں کیونکہ جھارکھنڈ میں تبریز انصاری کی موب لنچنگ پر ایک ٹک ٹاک ویڈیو بنانے والے نوجوانوں کے خلاف قدم اٹھایا گیا ہے۔ اس تعلق سے ٹک ٹاک اسٹار محمد رضوان فیضل اور اس کی ٹیم کے خلاف ممبئی پولس میں کیس درج ہوا ہے۔

مسلمان زعما کے مطابق ملک بھر میں ہو رہے موب لنچنگ کے واقعات سے دلت اور اقلیتی طبقہ فکر مند ہے اور لگاتار اس کے خلاف آوازیں بھی اٹھ رہی ہیں، لیکن ایسے لوگوں کی بھی کمی نہیں ہے جو اُن سماج دشمن عناصر کی حوصلہ افزائی کر رہے ہیں جو مذہبی تشدد پھیلانے میں پیش پیش ہیں۔ جبراً ’جے شری رام‘ کہلوانے کا تو جیسے چلن ہی عام ہو گیا ہے اور ایسی صورت میں یہ خبر حیران کرنے والی ہے کہ

If a FIR against this hate video makers is not registered by you, I, Tehseen Poonawalla will protest by playing this video outside the residence of hon @PMOIndia shree @narendramodi ji.
Kindly take note .
Cc @HMOIndia @CPDelhi@DCPCentralDelhi @DCP_CCC_Delhi @DelhiPolice pic.twitter.com/g1oYvqqxn2

— Tehseen Poonawalla Official 🇮🇳 (@tehseenp) July 24, 2019

ایک ٹوئٹر یوزر نے اس میوزک ویڈیو کا لِنک شیئر کرتے ہوئے لکھا ‘ ہے کہ ’’ہندوستان واحد ایسا ملک ہے جہاں دہشت گرد اپنا میوزک ویڈیو بناتے ہیں اور یو ٹیوب پر چلاتے ہیں۔ اس معاملے میں طالبان اور آئی ایس آئی ایس اس تکنیک تک نہیں پہنچ پایا ہے۔ ڈیجیٹل انڈیا کے ساتھ ڈیجیٹل دہشت گردی۔‘‘ قابل ذکر ہے کہ پرشانت صحافت پیشہ سے تعلق رکھتے ہیں اور یو پی کے وزیر اعلیٰ یوگی آدتیہ ناتھ سے متعلق قابل اعتراض سوشل میڈیا پوسٹ کے الزام میں انھیں حال ہی میں یو پی پولس نے گرفتار بھی کیا تھا۔

دوسری طرف بہت سے لوگوں نے گانا بنانے اور یو ٹیوب پر اَپ لوڈ کرنے والوں کے خلاف کارروائی کا مطالبہ کیا ہے۔حکومت سے مطالبہ کرتے ہوئے کہا گیا ہے کہ حکومت اس سوچ کا خاتمہ کرے ورنہ اکھنڈ بھارت نہیں رہے گا.

اسلام آباد:وزیراعظم پاکستان عمران خان نے برطانیہ کے نو منتخب وزیراعظم بورس جانس کو منصب سنبھالنے پر مبارک باد پیش کرتے ہوئے کہا ہے کہ برطانیہ آپ کی قیادت میں مزید ترقی کرے گا.

Congratulations Rt. Hon. Boris Johnson MP on your election as Conservative Party Leader & on assuming PM's Office. I am confident that under your leadership not only the UK & its people will prosper but our bilateral relations will also flourish.I look forward to working with you

— Imran Khan (@ImranKhanPTI) July 24, 2019

عمران خان نے کہا کہ کنزرویٹو پارٹی کا رہنما منتخب ہونے اور وزارت عظمیٰ کا منصب سنبھالنے پر آپ کو دلی مبارکباد . عمران خان نے کہا کہ مجھے قومی امید ہے کہ آپ کی زیر قیادت برطانیہ اور اسکے عوام ہی ترقی نہیں کریں گے بلکہ ہمارے دوطرفہ تعلقات کو بھی جلا ملے گی۔ میں آپ کے ساتھ باہم کام کرنے کو تیار ہوں۔