Author: +9251

مہوش حیات گزشتہ روز 34 برس کی ہو گئیں ، وہ ایک معروف اداکارہ و ماڈل ہیں. انہوًں نے ماڈلنگ کے ساتھ ساتھ چھوٹی اور بڑی سکرین کے لئے کام کیا ہے. ویسے تو ان کی جوڑی بہت سارے ٹی وی کے سٹارز کے ساتھ سراہی گئی لیکن ہمایوں سعید کے ساتھ ان کی جوڑی کو بہت زیادہ سراہا گیا. دونوں نے ایک ساتھ ڈرامہ سیریل دل لگی میں کام کیا ان کی جوڑی کو بہت سراہا گیا اس کے بعد ان دونوں نے فلم جوانی پھر نہیں آنی. پنجاب نہیں‌جائونگی اور لندن نہیں‌جائونگا میں بھی کام کیا دونوں کی جوڑی کو ایک بار پھر بہت سراہا گیا. مہوش حیات نے ایکٹر ان لاء ، چھلاوا ، باجی ، جیسی فلموں

میں‌کام کر کے اپنی صلاحیتوں کا لوہا منوایا. مہوش حیات کا شمار پاکستان کی سب سے زیادہ معاوضہ لینے والی اداکارائوں میں‌ ہوتا ہے. ان کے مشہور ڈراموں میں چاند پہ دستک ، خانہ بدوش ، میرے قاتل میرے دلدار ، پھر چاند پہ دستک ، آخری بارش ، بہو رانی ، تھوڑی سی وفا چاہیے ، میرات العروس ، عشق میں تیرے ، کبھی کبھی کے نام قابل زکر ہیںانہیں ان کی خدمات کے عوض تمغہ امتیاز سے بھی نوازا جا چکا ہے. .یاد رہے کہ مہوش حیات ایک بڑی فین فالونگ رکھتی ہیں انکے مداح انہیں چھوٹی اور بڑی سکرین پر بہت زیادہ سراہتے ہیں.

سینئر اداکار اعجاز اسلم نے حال ہی میں ایک انٹرویو میں کہا ہے کہ کوئی بھی کام کرنا آسان نہیں ہوتا اور اداکاری کرنا تو بالکل بھی آسان کام نہیں ہے. بعض اوقات ایسے سینز ریکارڈ‌کروانے پڑتے ہیں کہ جن میں‌ جان جانے کا بھی خطرہ ہوتا ہے. اعجاز اسلم کہتے ہیں‌کہ میں ایک ڈرامہ ریکارڈ‌کروا رہا تھا. اس کے ڈائریکٹر محسن مرزا تھے ، انہوں نے مجھے کہا کہ اس میں ایک پھانسی کا سین ہے مشکل بہت ہے نہ ہم کر سکتے ہیں اور نہ ہی دکھا سکتے ہیں ، تو میں‌نے کہا کہ رائٹر نے لکھا ہے تو کرنا تو پڑے گا اور اسی سین پر آگے کہانی بیس کرتی ہے تو ہم کوشش کرتے ہیں. خیر میرے گلے میں رسی لٹکانی تھی ، مجھے ہارنیس پہنا دی گئی ، میرا ماپ بھی لیا گیا ، ماپ لینے کے باوجود مجھے ہارنیس وہ

پہنائی گئی جو میرے ماپ کی نہیں تھی ، خیر وہ ٹوٹی تو میں لٹک گیا رسی میرے گلے میں‌پھنس گئی ، صحیفہ جبار سامنے موجود تھیں وہ رونا شروع ہو گئیں ، لیکن دو تین سیکنڈ کے اندر اندر میرے پائوں سوج گئے تو میں نے محسوس کیا کہ جو لوگ خود کشی کرتے ہیں وہ خود کتنی تکلیف سے گزر کر جان دیتے ہوں گے اس کے بعد ان کے گھر والے تکلیف سے گزرتے ہیں. اعجاز اسلم نے کہا کہ اس سین کے بعد میں نے آدھا گھنٹہ ریسٹ کیا ، میرے گلے پر نشان تھے ، پائوں سوجے تھے لیکن میں‌نے دوبارہ یہ سین ریکارڈ‌ ضرور کروایا.

اداکارہ سمیعہ ممتاز جو کہ نہ ہونے کے برابر انٹرویوز دیتی ہیں ان کے تیس سالہ شوبز کے کیرئیر میں انہوں نے کتنے انٹرویو دئیے یہ انگلیوں‌پر گنے جا سکتے ہیں. حال ہی میں انہوں نے اداکار نعمان اعجاز کے شو میں شرکت کی اس میں انہوں نے کھل کر کی دل کی باتیں . نعمان اعجاز کے سوالوں کے جواب دیتے ہوئے انہوں نے کہا کہ میں بچپن میں اپنے والد کے ساتھ اجوکا تھیٹر دیکھنے جایا کرتی تھی وہاں ان دنوں میں‌مدیحہ گوہر کے بہت ڈرامے چلتے تھے میں ان سے بہت متاثر ہوئی ان کی اداکاری سے بہت متاثر ہوئی ان کو دیکھ کر میرا بھی دل کیا کہ میں اداکاری کروں . بس انہی کو دیکھتے ہوئے میں تھیٹر کی طرف آئی تھیٹر میں کام کیا اس کے بعد ڈرامہ کیرئیر شروع ہوا . انہوں نے بتایا کہ میرا پہلا ڈرامہ زرد

دوپہر تھی اس کے بعد ایک لمبے عرصے کے لئے میں امریکہ چلی گئی واپس آئی تو کافی سارے پرائیویٹ چینلز آچکے تھے . میری ذات زرہ بے نشاں سے کیرئیر کو دوبارہ بحال کیا اس کے بعد پھر پیچھے مڑ کر نہیں دیکھا. اس انٹرویو میں سمعیہ ممتاز ایک گلہ کرتی ہوئی نظر آئیں انہوں نے کہا کہ مجھے رونے دھونے والے کردار ملتے رہے. آڈینز تو شاید مجھے مختلف کرداروں میں دیکھنا چاہتی تھی لیکن پرڈیوسرز نے کبھی مجھے الگ قسم کے کردار نہیں دئیے. کامیڈی کردار تو کبھی دئیے ہی نہیں‌ایسے جیسے قسم کھا رکھی ہے کہ مجھے ڈراموں‌میں رلانا ہی ہے. انہوں نے بتایا کہ وہ فارمنگ بھی کرتی ہیں ان کا ایک فارم ہائوس ہے اس میں انہوں نے ، گندم ، جو اور سبزیاں اگائی ہیں یہاں تک کہ مہندی بھی اگائی ہوئی ہے .

اداکارہ زارا نور عباس جنہوں نے حال ہی میں عمرے کی سعادت حاصل کی ہے ان کے بارے میں‌اطلاعات ہیں کہ ان کو ڈرامہ سیریل جھوک سیال سے آئوٹ کر دیا گیا ہے . جھوک سیال کے تمام کرداروں کے لئے کاسٹنگ فائنل کر لی گئی تھی اور شوٹنگ شروع ہونے والی تھی ، زارا نور عباس کو فرحان سعید اور درفشاں کے ساتھ کاسٹ‌کیا گیا تھا ، عین شوٹنگ سے پہلے پتہ چلا ہے کہ زارا نور عباس اب اس ڈرامے کا حصہ نہیں‌رہیں . زارا نور عباس کی جگہ اب یہ کردار کونسی اداکارہ کریں گی اس حوالے سے ابھی کوئی خبر سامنے نہیں آئی تاہم یہ کنفرم ہو چکا ہے

کہ زارا اب جھوک سیال کا حصہ نہیں ہیں ان کو ڈرامے سے کیوں نکالا گیا تاحال وجوہات منظر عام پر نہیں‌آئیں. یاد رہے کہ زارا نور عباس اسماء عباس کی بیٹی اور بشری انصاری کی بھانجی ہیں . انہوں نے نہایت ہی کم عرصے میں اپنی صلاحیتوں کا لوہا منوایا زارا نور عباس اچھی اداکارہ ہونے کے ساتھ ساتھ بہترین رقاصہ بھی ہیں . ان کے مداح ان کو بڑی سکرین پر بھی دیکھنا چاہیے ہیں لیکن وہ ابھی تک صرف چھلاوا فلم میں‌ہی نظر آئی ہیں انہوں‌نے مزید فلموں‌کے پراجیکٹ نہیں‌کئے امید ہےکہ وہ جلد ہی بڑی سکرین پر بھی نظر آئیں گی. زارا نور عباس کہتی ہیں کہ انہیں‌چینلجنگ کردار پسند ہیں چاہے سکرین بڑی ہو یا چھوٹی.

معروف بھارتی گلوکار ہنی سنگھ نے اپنے حالیہ انٹرویو میں‌کہا کہ کس طرح‌ سے سلمان خان انہیں واپس بالی وڈ‌ کی روشنیوں‌میں‌ لیکر آئے. ہنی سنگھ کہتے ہیں‌ کہ میں‌ نے اپے کیرئیر کو لیکر اب جو فیصلہ کیا تھا وہ یہ تھا کہ میں اب میں انڈیپینڈینٹ میوزک کروں گا اور ایک بار پھر سے خود کو اپنے پائوں پر کھڑا کروں گا. میں نے پلاننگ بھی کی تھی 2022 اور 2023 میں‌کس طرح‌سے اپنے آپ کو دوبارہ مداحوں کے دلوں میں‌زندہ کرنا ہے. پھر میری ملاقات آئیفا ایوارڈز میں سلمان خآن کے ساتھ ہوئی انہوں‌نے کہا کہ یار تم کیا کررہے ہو ، تمہارے ساتھ وہ کچھ نہیں‌ہوا جو میرے ساتھ ہوا لیکن میں‌پھر بھی کام کررہا ہوں اپنے پائوں‌پر کھڑا ہوں‌، تم بھی کام کرو زندگی میں بہت کچھ ہوتا رہتا ہے گھبرا کر بیٹھ جانے سے کچھ نہیں‌ہوتا

، ہنی سنگھ نے کہا کہ اس ملاقات کے دو دن کے بعد سلمان خآن نے مجھے ایک گانا بھیجا جو کہ ان کی فلم کسی بھائی کسی کی جان کے لئے تھا ، میں‌نے گایا ان کو پسند آیا ، انہوں‌نے مجھ سے پوچھا کہ پرسوں کیا کررہے تو میں نے کہا کہ یہیں ہوں‌دہلی میں‌ تو انہوں نے کہا کہ ٹھیک ہے آجائو اسے شوٹ کر لیتے ہیں اور میں چلا گیا شوٹ کروایا ، بہت اچھا لگا . ایکبار پہلے بھی سلمان خان نے میری ایسی ہی حوصلہ افزائی کی تھی. یوں میں‌ایکبار پھر کسی کا بھائی کسی کی جان کے گانے سے امیدیں لگا کر بیٹھ گیا ہوں.

علی بابا داستان کابل جو کہ بھارتی ٹی وی کا مشہور ڈرامہ ہے یہ بچوں میں کافی مقبولیت رکھتا ہے اس میں مرکزی کردار تنیشا شرما اور شیزان خان ادا کررہے تھے ، تنیشا شرما چونکہ اب اس دنیا میں نہیں‌رہیں ہیں لیکن ڈرامے نے تو آگے بڑھنا ہے لہذا اسکی جگہ ایک اور اداکارہ کا انتخاب کئے جانے کی خبریں آرہی ہیں. اطلاعات یہ ہیں‌کہ تنیشا کی جگہ انہی کی دوست اونیت کور لے رہی ہیں. اونیت کور کا تنیشا کے ساتھ ایک خوبصورت دوستی کا رشتہ تھا وہ ان کی میت جب شمشان گھاٹ لیجائی جا رہی تھی ساتھ تھیں . ڈرامے کے میکرز کا کہنا ہے کہ اونیت کور فائنل ہو چکی ہیں. خبریں‌ یہ بھی ہیں شیزان خان جو کہ اس وقت تنیشا کی موت کے کیس کے سلسلے میں پولیس اور عدالتیں بھگت رہے ہیں، ان کی جگہ

اداکارسدھارتھ نگھم کے بھائی ابھیشیک نگھم لیں گے . دوسری طرف تنیشا شرما کے مداح اپنی فیورٹ اداکارہ کے جانے پر کافی رنجیدہ ہیں. یاد رہے کہ تنیشا شرما نے دسمبر کے آخری ہفتے میں علی بابا داستان کابل کے سیٹ‌ پر خود کشی کرلی تھی اور جب ان کو ہسپتال لیجایا گیا وہ دنیا سے رخصت ہو چکیں تھیں ان کی اچانک موت نے انکے مداحوں‌ کو پریشان اور افسردہ کر دیا ہے.

اداکارہ ثناء جاوید جو کہ بہت کم کم انٹرویوز دیتی ہیں اور سوشل میڈیا پر بہت زیادہ متحرک نہیں‌ ہیں، تاہم وہ انسٹاگرام پر کافی ایکٹیو ہیں ، انہوں نے حال ہی میں ایک پوسٹ کر کے اپنے مداحوں کو خبردار کیا ہے کہ میں ٹویٹر پر نہیں ہوں ، میرا اس پلیٹ فارم پر کوئی اکائونٹ نہیں ہے . ثناء جاوید نے اپنے مداحوں اور میڈیا کے لوگوں سے کہا کہ اس اکائونٹ کو رپورٹ‌کیا جائے. ثناء جاوید نے باقاعدہ طور پر اس جعلی اکائونٹ کی تصویر بھی شئیر کی . اس جعلی اکائونٹ پر دیکھا جائے انتالیس ہزار فالورز ہیں اور یہ اکائونٹ صرف 43 لوگوں کو فالو کررہا ہے. لیکن اب ثناء جاوید نے

خبردار کر دیا ہے کہ ان کا ٹویٹر پر کوئی اکائونٹ‌نہیں ہے. یاد رہے کہ ثناء جاوید حالیہ وقتوں‌ میں ڈرامہ سیریل کالا ڈوریا میں‌ نظر آئیں ہیں وہ ایک بڑی فین فالونگ رکھتی ہیں گو کہ ان کا نام گوہر رشید کے ساتھ جڑا لیکن انہوں نے عمیر جسوال سے شادی کی . ثناء جاوید نے فلموں میں‌بھی قسمت آزمائی لیکن وہاں ان کی قسمت نے ان کا زیادہ ساتھ نہیں دیا اور وہاں ان کو وہ کامیابی نہیں‌ملی جو انہیں ٹی وی نے دی. ثناء جاوید کے کریڈٹ‌پر کافی اچھے ڈرامے اور کردار ہیں ، ان کی بہترین اداکاری انکی پہچان ہے.

بھارتی ٹی وی اداکارہ تنیشا شرما کی خود کشی کے بعد جاری ہے تنیشا کی ماں اور اسکے بوائے فرینڈ شیزان خان کی فیملی کے درمیان الفاظی جنگ.گزشتہ دنوں شیزان خان کی فیملی نے ایک پریس کانفرنس کرکے کہا تھا کہ تنیشا کی ماں کو صرف پیسے سے پیار تھا اسکو بیٹی سے پیار نہیں تھا، تنیشا کی ماں کا کہنا ہےکہ میری بینک سٹیٹمںٹ چیک کر لی جائے میں نے کبھی بھی اسکو کسی چیز کی کمی نہیں‌رکھی تھی. ہم ماں بیٹی کے رشتے میں تنائو شیزان خان اور اسکی فیملی کی وجہ سے آیا تھا، وہ کافی بدل گئی تھی وہ اردو بولنے لگی تھی. انہوں نے تنیشا کو بہت زیادہ انوالو کر لیا تھا، جو شیزان کی ماں‌اور بہن بولتی تھی وہ وہی کرتی تھی ، وہ شیزان کی فیملی پر بہت زیادہ خرچہ کرتی تھی ، مجھ سے جھوٹ بولنے لگ گئی تھی .

میری بیٹی کو پیسے سے پیار نہیں تھا ، یہ بالکل غلط اور جھوٹ ہے کہ وہ ایکٹنگ نہیں کرنا چاہتی تھی ، وہ تو بلکہ شوق سے اداکاری کررہی تھی. میں‌ نےاسکی سرپرائز برتھ ڈے پارٹی رکھی ہوئی تھی ،میں اس بار اسکے دوستوں کو بھی بلانے والی تھی. یوں دونوں‌ فیملیز کے درمیان لفظوں‌کی جنگ جاری ہے. اب کون سچا ہے کون جھوٹا ہے یہ کہنا قبل از وقت ہے.

مہدی کاظمی جو کہ دعا زہری کے والد ہیں انہوں نے اپنی بچی کے حصول کے لئے ہر ممکن کوشش کی، ان کا کیس معروف وکیل جبران ناصر لڑ رہے تھے آج ان کی کوششیں رنگ لے آئیں اور سندھ ہائیکورٹ نے لڑکی کو عارضی طور پر والدین کے حوالے کر دیا ہے. یہ یقینا ان تمام والدین کی جیت ہے جن کی بچیوں کے ساتھ اس قسم کے حادثے ہوتے ہیں.تاہم مہدی کاظمی کے وکیل جبران ناصر کی اہلیہ اداکارہ منشا پاشا نے اپنے شوہر کو مبارکباد دیتے ہوئے کہا کہ یہ سب آپکی محنت اور کاوشوں کا نتیجہ ہے. انہوں نے کہا کہ آپ نے دن رات محنت کی اور لگن کے ساتھ یہ کیس لڑا. یاد رہے کہ دعا زہری پچھلے سال کراچی سے لاہور آگئیں تھیں اور نکاح کر لیا تھا ان کے والد اور والدہ کئی مہینے عدالتوں‌کے چکر

لگاتے رہے.لیکن ان کو آج اپنی بیٹی کو اپنے گھر لیجانا نصیب ہوا ہے. بیٹی کو گھر لیجاتے ہوئے مہدی کاظمی کے چہرے کی خوشی عیاں تھی . بچی سے جب صحافی نے پوچھا کہ آپ اپنے والد کے ساتھ ہیں تو بچی بولی آپکو کیا لگتا ہے . دعا ذھری کو اپنے والدین کے ساتھ جانے کے فیصلے کو شوبز انڈسٹری کے لئے دیگر شخصیات نے بھی سراہا ہے.