Author: +9251

معروف گلوکار ہنی سنگھ نے خود کشی کرنے کے عمل پر بات کرتے ہوئے کہا ہے کہ جو بچے ماں باپ اور بھگوان سے دور ہوتے ہیں وہ خودکشیاں کررہے ہیں. ہم سب بہت زیادہ گنہگار ہیں ہم اس خدا کو نہیں‌دیکھ سکتے ، لیکن اس کے نزدیک رہ کر سکون ضرور حاصل کر سکتے ہیں. ہنی سنگھ نے کہا کہ اگر ماں باپ کے نزدیک رہیںگے تو اچھا محسوس کریں گے. جب کسی کو لگ رہا ہو کہ سب کچھ ختم ہو گیا جینے کو دل نہیں‌کر رہا کچھ ٹھیک نہیں‌ہو رہا تو آپ اپنے ماں باپ کے پاس جائیں ان کے ساتھ اپنا دکھ درد شئیر کریں‌وہ آپ کو ریلیکس کریں گے وہ آپ کو زندگی کی طرف ضرور واپس لیکر آئیں گے . آخر انہوں نے پیدا کیا ہے وہ بہتر جانتے ہیں‌کہ اولاد کو خوش کس طرح سے رکھا جا سکتا ہے. ہنی

سنگھ نے کہا کہ میں‌جب بیمار پڑا تو میرے ماں باپ میرے ساتھ تھے مجھے سنبھالا انہی کی بدولت آج میں آپ کے سامنے بیٹھا ہوں . ہنی سنگھ نے مزید کہا کہ جب سوشانت سنگھ راجپوت نے خود کشی کی تھی تومیری والدہ نے کہا تھاکہ اگر اسکے ماں باپ اسکے پاس اسکے ساتھ ہوتے تو آج یہ ایسا نہ کرتا اور میرا خیال ہے کہ انہوں‌ نے بالکل ٹھیک کہا تھا.

دو ہفتے پہلے ٹی وی اداکارہ تنینشا شرما نے آن سیٹ خود کشی کر لی ، اس خود کشی کی اصل وجوہات تو سامنے نہیں آسکیں لیکن تنیشا کی والدہ کی جانب سے تنیشا کے بوائے فرینڈ شیزان خان پر الزامات لگانے کا سلسلہ جا ری ہے. شیزان خان کی بہنوں اور ماں نے چند روز قبل ایک پریس کانفرنس کرکے بتایا کہ ہمارا تنیشا کے ساتھ اچھا تعلق تھا لیکن اسکی والدہ شیزان کے ساتھ شادی پر خوش نہیں تھیں. تاہم اب شیزان خان کے ایک دوست نے انٹرویو دیا ہے اس میں اس نے بتایا ہے کہ جس روز تنیشا نے خود کشی کی ، مجھے جب علم ہوا کہ تنیشا کو ہسپتال لیجایا گیا ہے تو میں وہاں پہنچا اور دیکھا کہ شیزان خان کی رو رو کر آنکھیں سوجی ہوئی تھیں ، اور وہ ڈاکٹروں سے رو رو کر اور چلا چلا کر کہہ رہا تھا کہ تنیشا کوٕ

بچا لیں. میں نے اس سے پوچھا تھا کہ ہوا کیا ہے تو اس نے بتایا کہ ہم سیٹ پر موجود تھے ہم نے آپس میں بات کی اس نے کچھ وڈیوز بھی بنائیں جو کہ اس نے انسٹاگرام پر کچھ دیر میں پوسٹ کرنی تھیں. شیزان خان کے دوست شان نے کہا کہ شیزان کی جس سے بھی دوستی ہوتی ہے وہ اس کی بہت کئیر کرتا ہے اور اگر وہ تنیشا کو ڈیٹ کررہا تھا تو یقینا اس کا بھی خیال رکھتا ہو گا . لو جہاد کا اینگل دیا جانا غلط ہے اور ایسا اینگل زبردستی دے بھی دیا جائے تو تنیشا واپس نہیں‌آنے والی.

اداکارہ عرفی جاوید جو کہ سوشل میڈیا پر کافی مشہورہیں ، نامناسب لباس زیب تن کرنا انکی اصل پہچان ہے. ان کے کریڈٹ پر بہت زیادہ کام تو نہیں ہے لیکن مختصر لباس ان کی وجہ شہرت ضرور ہے. ہندوستان کی جماعت بی جے پی کی لیڈر چترا نے اداکارہ کے خلاف ایف آئی آر درج کروائی اور ایف آئی آر میں‌موقف اختیار کیا کہ عرفی مختصر لباس زیب تن کرکے نکلتی ہیں اور عریانی کو فروغ‌دے رہی ہیں. اس ایف آئی آر کے بعد عرفی جاوید کو چہرے پر ماسک لئے اور ڈھکے ہوئے لباس میں دیکھا گیا وہ میڈیا کو نظر انداز کررہی تھیں لیکن میڈیا نے پھر بھی انہیں پہچان

لیا. عرفی کو ڈھکے ہوئے لباس میں دیکھ کر کہا جا رہا ہے کہ اب آئی نہ لائن پہ . کہا جا رہا ہےکہ یہ ان کے خلاف ایف آئی آر کا نتیجہ ہے اس لئے انہوں نے ڈھکا ہوا لباس زیب تن کیا ہے. یاد رہے کہ عرفی جاوید جس قسم کا لباس پہنتی ہیں وہ آج تک شاید کسی بھی ہندوستابی فلم میں کسی ہیروئین نے نہیں‌پہنا ہو گا . عرفی کے لباس پر کافی عرصے سے تنقید ہو رہی تھی لیکن وہ یہ کہتی آئیں کہ ان کا جسم ان کی مرضی .لیکن جب سے انہیں دھمکیاں‌مل رہی ہیں وہ لگتا ہے لائن پہ آنے کے لئے تیار ہو گئی ہیں اور شاید ہو دوبارہ مختصر لباس نہ پہنیں .

کنگ خان کی بیٹی سہانا خان آج کل اپنی دوستی کی وجہ سے کافی چرچا میں ہیں‌. اطلاعات کے مطابق سہانا خان امیتابھ کی بیٹی شویتا کے بیٹے اگستیا کے ساتھ دوستی کے تعلق میں ہیں دونوں ایک دوسرے کو ڈیٹ کررہے ہیں ان کی دوستی کے قصوں کی ہر طرف چرچا ہے. کہا جا رہا ہے کہ شویتا بچن کو اپنی بیٹی کی دوستی سہانا خان کے ساتھ منظور ہے اور وہ دراصل سہانا خان کو بہت پسند کرتی ہیں. دونوں کی دوستی زویا اختر کی فلم کے سیٹ پر شروع ہوئی تھی جس میں‌دونوں نے ایک ساتھ کام بھی کیا. ان دونوں‌نے اپنی فیلنگز بالکل بھی کسی سے نہیں‌چھپائی اور دونوں ایک دوسرے کو سب کے سامنے ڈیٹ کرنے لگے اور ایک دوسرے کے ساتھ گھنٹوں گزارتے تھے . اطلاعات یہ بھی ہیں شویتا بچن سہانا خان کو

اپنی بہو بنانے کے لئے تیارہیں لیکن یہ تو اب وقت ہی بتائے گا کہ دونوں کی دوستی کتنی دیر چلتی ہے اور دونوں شادی کرنے کا فیصلہ کرتے بھی ہیں یا نہیں‌، تاہم اس حوالے سے شاہ رخ خان کا بیان سامنے نہیں آیا .نہ گوری خآن کو کوئی بیان سامنے آیا ہے تاہم دونوں اپنی بیٹی سہانا کی دوستی شویتا بچن کے بیٹے آگستیا کے ساتھ ہے یہ جانتے ہیں.

اداکارہ نادیہ جمیل جنہوں نے بہت بہادری کے ساتھ کینسر جیسے مرض‌کو شکست دی ہے. وہ حساس موضوعات پر نہ صرف آواز اٹھاتی ہیں بلکہ وہ بچوں کے حقوق کے لئے ایک مضبوط آواز ہیں. آج انہوں نے لاہور میں چائلڈ‌پروٹیکشن بیورو کے زیراہتمام ہونے والی واک میں شرکت کی . نادیہ جمیل نے اس موقع پر کہا کہ چائلڈ ابیوز صرف غریب خآندانوں میں‌نہیں‌ہوتا بلکہ ہر طبقے میں‌ایسا ہوتا ہے . اور چائلڈ ابیوز کا تعلق معاشی صورتحال سے بھی نہیں‌ہے بلکہ اسکا تعلق سوچ کے ساتھ ہے . ہر پاکستانی کو یہ سکھایا جانا چاہیے کہ بچوں کی عزت کرنی ہے ، جب اس چیز کا شعور پھیلے گا تو یقینا بچوں‌کی گھروں اور سکول ہر جگہ عزت کی جائیگی . ہمارے ہاں بچوں کے ساتھ کچھ نہ بھی کیا جائے تو کوئی ان کے گال کھینچ دیتا ہے کوئی گود میں‌بٹھا لیتا ہے یہ نہیں ہونا چاہیے. باہر کے ملکوں میں بھی چائلڈ ابیوز ہوتا ہے لیکن وہاں کے قوانین سخت ہیں ہمارے

ہاں‌اس ھوالے سے قوانین تو موجود ہیں لیکن ان پر عمل در آمد نہیں‌ہوتا یہ بالکل خاموش ہیں. جس کی وجہ سے مسائل زیادہ ہیں. سب سے زیادہ گھنائونی بات یہ ہے کہ ہمارے ہاں بچہ بازی بہت زیادہ ہوتی ہے جس پر پورا ملک خاموش ہے . چھوٹے چھوٹے بچے جنسی تشدد کا شکار ہوے ہیں‌. نادیہ جمیل نے کہا کہ جن گھروں میں‌ پیسہ نہیں‌ہوتا ، وہاں‌مایوسی زیادہ ہوتی ہے اور جہاں مایوسی زیادہ ہوتی ہے وہاں ایسی چیزیں بھی زیادہ ہوتی ہے چند سو روپوں کی خاطر اپنے بچوں‌کو کسی کے بھی حوالے کر دیا جاتا ہے، بچوں‌کو زریعہ آمدنی سمجھا جاتا ہے .

اداکار احسن خان جو چائلڈ ابیوز جیسے موضوع پر بنے ہوئے ڈرامہ کا حصہ بنے. اس ڈرامے کا نام اڈاری تھا. احسن خان نے ہمیشہ اس حساس موضوع پر آواز اٹھائی ہے . آج انہوں نے لاہور میں چائلڈ پروٹیکشن اینڈ ویلفئیر بیورو کے زیراہتمام واک میں شرکت کی اور اس موقع پر انہوں نے کہا کہ ہمارے ملک میں بچوں کا ایک بڑا حصہ سکول نہیں جاتا وہ محنت مزدوری کرتے ہیں ماں باپ اپنے بچوں کو مالکوں کے پاس چھوڑ کر خود صرف ماہوار پیسے لیتے ہیں اس دوران مالک ان کے ساتھ جو مرضی کرے. انہوں نے کہا کہ ایسے والدین کو گرفتار کرنا چاہیے جو بچوں کو پڑھانے لکھانے کی بجائے ان سے چائلڈ لیبر کرواتے ہیں. احسن خان نے کہا کہ بچوں کے حوالے سے ہمارے ہاں لوگوں کو آگاہی دئیے جانے کی

ضرورت ہے. دل دُکھتا ہے بچوں‌کو جوتے پالشش کرتا دیکھ کر ، یا گاڑیاں ٹھیک کرتا دیکھ کر، میں مانتا ہوں کہ ملک میں‌معاشی صورتحال ٹھیک نہیں‌ہے لیکن ماں‌باپ کو کچھ تو خیال کرنا چاہیے، پڑھنے لکھنے کی عمر میں چنر سو روپوں کی خاطر ان کو گھروں سے دور کر دیا جاتا ہے. ہمارے ہاں چائلڈ پروٹیکشن اینڈ ویلفئیر بیورو اس حوالے سے ہہترین کام کررہا ہے ہمیں اس ادارے کو سپورٹ کرنے کی ضرورت ہے اپنے تائیں جتنی ہوسکے لوگوں‌کو آگاہی دینی چاہیے کہ بچے قوم کا مستقبل ہیں ان کو پڑھائیں ان کو اچھا مستقبل دیں .