Author: +9251

پی ٹی آئی کے الزامات بے وفوقانہ ہیں. ترجمان ایم کیو ایم

ترجمان ايم کيو ايم پاکستان اور وفاقی وزیر امین الحق کا کہنا تھا کہ پی ٹی آئی کے الزامات انتہائی بيوقوفانہ ہيں، عمران خان نے ہمارے ووٹوں پر ساڑھے تین سال حکومت کی، وہ ہمارا شکریہ ادا کریں۔ نجی ٹی وی سے بات کرتے ہوئے متحدہ قومی موومنٹ کے ترجمان اور وفاقی وزیر امین الحق کا کہنا تھا کہ پيپلز پارٹی کے ساتھ مذاکرات چل رہے ہيں، جبکہ حلقہ بندیوں پر بات ہورہی ہے، ہمارا سب سے بڑا مطالبہ حلقہ بندیاں ہیں، وفاق میں قانون سازی سے حلقہ بندیاں ہوگئیں تو کراچی میں کیوں نہیں۔

امین الحق کا کہنا تھا کہ وفاقی و صوبائی حکومت کو باور کرادیا کہ معاہدے کی پیشرفت کا جائزہ لیں، سابق صدر آصف زرداری نے مسئلہ حل کرنے کے لئے دو دن مانگے ہیں، اُمید ہے کہ مثبت نتائج سامنے آئیں گے۔ وفاقی وزیر کا کہنا تھا کہ اتحادی حکومت کے ساتھ بھی بہترین تعلقات آگے بڑھ رہے ہيں، چاہتے ہيں وفاق اور صوبے کے سطح پر ہونے والے معاہدوں پر عملدرآمد يقينی بنايا جائے۔
مزید یہ بھی پڑھیں؛
ہم بچے نہیں ہیں جو ہم پر ہونے والے حملوں کو نہ سمجھ پائیں اسد صدیقی کا عادل راجہ کو منہ توڑ جواب
اسلام آباد میں آج موسم شدید سرد اور خشک رہے گا
فیصل واوڈ کی نشست پر انتخاب کامعاملہ،کاغذات نامزدگی آج سے 7 جنوری تک جمع ہوں گے

اداکاراؤں کی کرداکشی : خواتین کی عزت نہ کرنے والے ذہنی بیمار ہیں،مریم اورنگزیب
انہوں نے مزید کہا کہ ایم کیو ایم کسی کی ہدايت يا فون کال پر فیصلے نہيں کرتی، اپنے عوامي آراء پر فیصلے کرتی ہے، جمہوری لوگ ہیں سارے آپشنز کھلے ہیں، نو جنوری کو ریلی نکالیں گے۔ رہنما ایم کیو ایم نے پی ٹی آئی کے الزامات کو بے وفوقانہ قرار دیتے ہوئے کہا عمران خان کو متحدہ کا شکريہ ادا کرنا چاہيے، کيونکہ انہوں نے ہمارے ووٹوں سے ساڑھے تين سال حکومت کی تھی۔

وزارت انفارمیشن ٹیکنالوجی کا کہنا ہے کہ ٹیلی نار کمپنی کے ملک چھوڑنے کی خبر سیاق و سباق سے ہٹ کر پیش کی گئی ہے

وزارت انفارمیشن ٹیکنالوجی نے کہا ہے کہ ٹیلی نار کمپنی کے ملک چھوڑ کر جانے کی بات سیاق و سباق سے ہٹ کر ہے۔ وزارت کی جانب سے کی گئی ایک ٹویٹ میں کہا گیا کہ ”ایڈیشنل سیکریٹری کا موقف تھا کہ ایل سیز کی بندش سے کمپنیوں کو مشکلات کا سامنا ہے۔ ایڈیشنل سیکریٹری نے ٹیلی کام کمپنیوں کو درپیش مسائل پر بات کی۔‘’ جبکہ اس سے قبل قومی اسمبلی کی قائمہ کمیٹی برائے انفارمیشن ٹیکنالوجی میں وزارت آئی ٹی کے حکام نے بتایا تھا کہ خراب معاشی صورتحال کے باعث ایک بین الاقوامی ٹیلی کام کمپنی نے پاکستان چھوڑنے کا فیصلہ کیا ہے۔ 

ٹیلی نار کمپنی کے ملک چھوڑ کر جانے کی بات سیاق و سباق سے ہٹ کر ہے. ایڈیشنل سیکریٹری کا موقف تھا کہ ایل سیز کی بندش سے کمپنیوں کو مشکلات کا سامنا ہے. ایڈیشنل سیکریٹری نے ٹیلی کام کمپنیوں کو درپیش مسائل پر بات کی، ترجمان#MOITT #Telenor pic.twitter.com/EBdI1Jikj4

— Ministry of IT & Telecom (@MoitOfficial) January 4, 2023

خیال رہے کہ گزشتہ روز بدھ کو قومی اسمبلی کے رکن میر خان محمد جمالی کی زیر صدارت اجلاس میں وزارت انفارمیشن ٹیکنالوجی نے بریفنگ دیتے ہوئے بتایا تھاکہ خراب معاشی حالات کے باعث ایک بڑی ٹیلی کام کمپنی جا رہی ہے۔ جبکہ ایڈیشنل سیکریٹری وزارت آئی ٹی اینڈ ٹیلی کام نے قائمہ کمیٹی کو بریفنگ دیتے ہوئے کہا تھا کہ ٹیلی نار نے کہا ہے کہ وہ پاکستان چھوڑنے جا رہا ہے، وفاقی حکومت کو ٹیلی کام کمپنیوں کے مسائل سے آگاہ کیا لیکن حکومت کی جانب سے ٹیلی کام سیکٹر کے مسائل کے حل کے لیے کوئی پیش رفت نہیں ہوئی.

ارکان نے ملک بھر میں ناقص سروسز کے حوالے سے تحفظات کا اظہار کیا جس پر حکام نے بتایا کہ ٹیلی کام سیکٹر کے ٹیکس اور ایل سیز کے مسائل ہیں، ایل سیز نہ کھلنے کی وجہ سے ٹیلی کام آلات درآمد نہیں ہو رہے۔ علاوہ ازیں کمیٹی ارکان نے کہا تھا کہ ملک بھر میں موبائل اور انٹرنیٹ سروس کا معیار انتہائی ناقص ہے۔ کراچی سمیت ملک کے بڑے شہروں میں سروس کے مسائل ہیں جبکہ سفر کے دوران موٹرویز پر انٹرنیٹ سروس دستیاب نہیں۔ 

جس پر وزارت آئی ٹی نے بتایا کہ خراب معاشی حالات کے باوجود ٹیلی کام شعبے میں نئی کمپنیاں آ رہی ہیں۔ ملک میں غیر معیاری انٹرنیٹ کی بنیادی وجہ ایل سیز نہ کھلنا ہے۔ سٹیٹ بینک کی جانب سے ٹیلی کام انڈسٹری کی ایل سیز پر پابندی ہے۔  ایڈیشنل سیکریٹری آئی ٹی نے موقف اختیار کیا کہ؛ جب مشینری درآمد نہیں کریں گے تو معیاری انٹرنیٹ کہاں سے ملے گا۔ اس وقت ملک میں فائبر آپٹک کی قلت ہے، جتنی فائبر آپٹک چاہیے دستیاب نہیں ہے جبکہ مائیکرو ویو پر سگنلز کے ذریعے انٹرنیٹ چل رہا ہے۔
مزید یہ بھی پڑھیں؛
ہم بچے نہیں ہیں جو ہم پر ہونے والے حملوں کو نہ سمجھ پائیں اسد صدیقی کا عادل راجہ کو منہ توڑ جواب
اسلام آباد میں آج موسم شدید سرد اور خشک رہے گا
فیصل واوڈ کی نشست پر انتخاب کامعاملہ،کاغذات نامزدگی آج سے 7 جنوری تک جمع ہوں گے

اداکاراؤں کی کرداکشی : خواتین کی عزت نہ کرنے والے ذہنی بیمار ہیں،مریم اورنگزیب
تاہم خیال رہے کہ ٹیلی نار کی جانب سے اس بارے میں کوئی بیان جاری نہیں کیا گیا جبکہ بدھ کی شب وزارت آئی ٹی کی جانب سے اس خبر کی تردید جاری کی گئی کہ ٹیلی نار کمپنی کے ملک چھوڑ کر جانے کی بات سیاق و سباق سے ہٹ کر ہے. ایڈیشنل سیکریٹری کا موقف تھا کہ ایل سیز کی بندش سے کمپنیوں کو مشکلات کا سامنا ہے. ایڈیشنل سیکریٹری نے ٹیلی کام کمپنیوں کو درپیش مسائل پر بات کی۔ اردو نیوز کے مطابق چیئرمین قائمہ کمیٹی میر خان محمد جمالی نے انہیں تصدیق کرتے ہوئے بتایا کہ وزارت آئی ٹی حکام کی جانب سے ٹیلی نار کمپنی کا پاکستان چھوڑنے سے متعلق بریفنگ دی تھی۔ آئی ٹی حکام نے یہ بتایا تھا کہ ٹیلی نار پاکستان سے چھوڑ کر جانے کا فیصلہ کرچکی ہے اور وزارت کی جانب سے اب اس خبر کی تردید آنا حیرت انگیز ہے۔

بغیر اجازت جج کی گاڑی استعمال کرنے پر جج کے گھر کے ویٹر کو جبری ریٹائر کرنے کا حکم دے دیا گیا۔

اسلام آباد ہائی کورٹ نے اپنے ہی سرکاری ملازم کے خلاف محکمانہ کارروائی کا حکم دے دیا۔ ایڈمن جج نے ہائی کورٹ کے سرکاری ملازم کو جبری ریٹائر کرنے کا فیصلہ درست قرار دیا۔ایڈمن جج جسٹس محسن اختر کیانی نے ملازم اسحاق کی محکمانہ اپیل پر فیصلہ کیا۔ ملازم نے رجسٹرار کے جبری ریٹائر کرنے کے فیصلے کے خلاف اپیل دائر کی تھی۔ فیصلے میں کہا گیا ہے کہ ہائیکورٹ کا سابق ملازم جسٹس ثمن رفعت امتیاز کے گھر میں بطور ویٹر کام کر رہا تھا۔ملازم نے تسلیم کیا 25 فروری آدھی رات کو جج کی گاڑی بغیر اجازت استعمال کی۔ملازم نے گاڑی 110 کلومیٹر تک لے جانے کے پیچھے حساسیت کو محسوس نہیں کی۔ فیصلے کے مطابق جج کے گھر کے ویٹر کو گاڑی کی ڈرائیونگ سیٹ پر بھی بیٹھنے کی اجازت نہیں تھی۔

ایڈمن جج نے فیصلے میں کہا کہ ملازم کی اس حرکت سے متوقع خطرناک نتائج کو نظر انداز نہیں کیا جا سکتا۔ رجسٹرار نے ملازم کو جبری ریٹائر کرکے پنشن دینے کا فیصلہ دیا۔ رجسٹرار ہائی کورٹ کے فیصلے کے خلاف ملازم کی اپیل خارج کی جاتی ہے۔ ریکارڈ کے مطابق ملازم نے پہلے بھی بہت دفعہ ڈسپلن کی خلاف ورزی کی ہے۔ فیصلے میں کہا گیا کہ ملازم پر ثابت ہوا کہ جج کی گاڑی 110 کلومیٹر استعمال کرکے قوم خزانے کو نقصان پہنچایا۔ اس سلسلے میں شوکاز نوٹس میں کہا گیا کہ ملازم نے آدھی رات کو بغیر اجازت ڈیوٹی کی جگہ چھوڑی۔ ملازم نے پولیس اہلکاروں کو غلط بتایا کہ جج کی ہدایت پر گاڑی لے کر جا رہا ہوں۔
مزید یہ بھی پڑھیں؛
ہم بچے نہیں ہیں جو ہم پر ہونے والے حملوں کو نہ سمجھ پائیں اسد صدیقی کا عادل راجہ کو منہ توڑ جواب
اسلام آباد میں آج موسم شدید سرد اور خشک رہے گا
فیصل واوڈ کی نشست پر انتخاب کامعاملہ،کاغذات نامزدگی آج سے 7 جنوری تک جمع ہوں گے

اداکاراؤں کی کرداکشی : خواتین کی عزت نہ کرنے والے ذہنی بیمار ہیں،مریم اورنگزیب
ملازم اسحاق نے مؤقف دیا تھا کہ جج صاحبہ کے گھر ڈیوٹی کرتا تھا میں ڈرائیور نہیں ویٹر ہوں۔ میری بیٹی ایک رات سخت بیماری ہو گئی تو جج صاحبہ کی گاڑی لے کر چلا گیا۔ جج کی گاڑی لے کر جانے کی غلطی تسلیم کی، مجھے معاف کردیں۔اپنی بیٹی کی خاطر پریشانی میں یہ غلطی کر بیٹھا، مجھے نوکری سے نہ نکالیں، معاف کردیں۔

انٹراپارٹی انتخابات؛ اگر مقررہ وقت میں نہ ہوئے تو انتخابی نشان واپس لے لیا جائے گا. الیکشن کمیشن

الیکشن کمیشن کی ن لیگ کو انٹراپارٹی انتخابات کرانے کیلئے ایک ہفتے کی حتمی مہلت جبکہ الیکشن کمیشن نے کہا کہ انٹراپارٹی انتخابات اگر مقررہ وقت میں نہ ہوئے تو انتخابی نشان واپس لے لیا جائے گا. الیکشن کمیشن نے مسلم لیگ ن کو انٹراپارٹی انتخابات کرانے کیلئے ایک ہفتے کی حتمی مہلت دے دی ہے۔

سیاسی جماعتوں کے انٹرپارٹی انتخابات کے حوالے سے الیکشن کمیشن میں چیف الیکشن کمشنر کی سربراہی میں 3 رکنی کمیشن نے سماعت کی۔ الیکشن کمیشن نے مسلم لیگ ن کو پارٹی انتخابات کرانے کیلئے ایک ہفتے کی حتمی مہلت دیتے ہوئے واضح کیا ہے کہ اگر مقررہ مدت میں انتخابات نہ ہوئے تو پارٹی سے انتخابی نشان واپس لے لیا جائے گا۔ چیف الیکشن کمیشن کا کہنا تھا کہ جو پارٹی الیکشن نہیں کراسکتی وہ عام انتخابات کیا کرائے گی۔
مزید یہ بھی پڑھیں؛
ہم بچے نہیں ہیں جو ہم پر ہونے والے حملوں کو نہ سمجھ پائیں اسد صدیقی کا عادل راجہ کو منہ توڑ جواب
اسلام آباد میں آج موسم شدید سرد اور خشک رہے گا
فیصل واوڈ کی نشست پر انتخاب کامعاملہ،کاغذات نامزدگی آج سے 7 جنوری تک جمع ہوں گے

اداکاراؤں کی کرداکشی : خواتین کی عزت نہ کرنے والے ذہنی بیمار ہیں،مریم اورنگزیب
یاد رہے کہ گزشتہ سال 2022 کے اکتوبر میں الیکشن کمیشن آف پاکستان نے انٹرا پارٹی انتخابات نہ کرانے پر سنی تحریک سمیت پانچ سیاسی جماعتوں کے انتخابی نشان واپس لے لیے تھے جبکہ الیکشن کمیشن کے جاری کردہ اعلامیے میں بتایا گیا تھا کہ سنی تحریک، قومی یکجہتی پارٹی، ہیومن رائٹس پارٹی کے انتخابی نشان واپس لیے گئے اور پاکستان امن پارٹی اور آل پاکستان تحریک کے انتخابی نشان بھی منسوخ کردئیے گئے۔الیکشن کمیشن کا کہنا تھا کہ انٹراپارٹی انتخابات نہ کرانے پر کمیشن نے پانچوں جماعتوں کو نوٹس جاری کیے تھے لیکن پانچوں سیاسی جماعتوں کی جانب سے الیکشن کمیشن میں کوئی پیش نہ ہوا تھا. الیکشن کمیشن کے جاری بیان میں کہا گیا تھا کہ انتخابی نشان واپس ہونے سے پانچوں جماعتیں الیکشن میں حصہ نہیں لے سکیں گی۔

472 ارب روپے مالیت کے 11 منصوبوں کی منظوری

مالی وسائل کی شدید کمی کے باوجود وفاقی حکومت نے بدھ کو 472 ارب روپے مالیت کے 11 منصوبوں کی منظوری دے دی، جن میں سیلاب کے بعد بحالی کے ضروری منصوبوں کے علاوہ سیاسی مفادات کی حامل بعض اسکیمیں بھی شامل ہیں، جن کا مقصد شہری اور دیہی ووٹروں کی ہمدردیاں حاصل کرنا ہے۔ شہباز رانا کے مطابق نیشنل اکنامک کونسل کی ایگزیکٹو کمیٹی (ECNEC) نے ان اسکیموں کی توثیق کردی ہے۔ اس کے علاوہ ’’ایکنک‘‘نے صوبہ سندھ میں فلڈ ریسپانس ایمرجنسی ہاؤسنگ پروجیکٹ کی لاگت کو معقول بناتے ہوئے اسے کم کر کے 160 ارب روپے کر دیا، جسے اس سے پہلے جلدبازی میں 330 ارب روپے کی مہنگی لاگت کے ساتھ منظور کیا گیا تھا۔

وفاقی وزیر خزانہ اسحاق ڈار نے گزشتہ روز ہونے والے’’ایکنک‘‘ اجلاس کی صدارت کی۔ ’’ایکنک‘‘ نے نیشنل ڈیولپمنٹ انٹرن شپ کی بھی منظوری دی۔ پی ٹی آئی کے نوجوانوں کے بیانیے کا مقابلہ کرنے کے لیے 20,000 انٹرن شپس دینے کا منصوبہ بنایا گیا ہے۔ تاہم وظیفہ منظور شدہ اسکیموں کے ہنگامی بجٹ سے ادا کیا جائے گا، جو ان منصوبوں کے لیے مالی مسائل پیدا کر سکتا ہے۔ وزارت خزانہ کے اعلامیے کے مطابق یہ پروگرام نوجوانوں کو مرکزی دھارے میں لانے اور انہیں قومی ترقی میں شامل کرنے کے وزیراعظم پاکستان کے وژن کے مطابق ہے۔ پروگرام کے اخراجات پی ایس ڈی پی کے تحت چلنے والے ترقیاتی منصوبوں سے پورے کیے جائیں گے۔

’’ایکنک‘‘ نے 10.9 بلین روپے کی لاگت سے پرائم منسٹرز یوتھ لیپ ٹاپ اسکیمHEC- (فیز-III) کی بھی منظوری دی تاکہ آزاد جموں و کشمیر اور گلگت بلتستان سمیت ملک بھر کے پبلک سیکٹر کے اعلیٰ تعلیمی اداروں میں تعلیم حاصل کرنے والے نوجوان اور ہونہار طلبہ کو مواقع فراہم کیے جا سکیں۔ فیزIII منصوبے کے تحت دو سال میں ہونہار طلبہ میں 100,000 لیپ ٹاپ تقسیم کیے جائیں گے۔ ’’ایکنک‘‘ نے سندھ میں سیلاب سے متاثرہ افراد کی امداد کے لیے عالمی بینک کے 500 ملین امریکی ڈالر کے قرضے سمیت 160 ارب روپے کی معقول لاگت سے فلڈ ریسپانس ایمرجنسی ہاؤسنگ پروجیکٹ کی بھی منظوری دی۔

یاد رہے کہ پہلے اسی منصوبے کی 330 ارب روپے کی لاگت کے ساتھ جلدبازی میں منظوری دیدی گئی تھی، جس میں اب 170 ارب روپے کی کمی کرکے کل لاگت کا نیا تخمینہ 160 ارب روپے لگایا گیا ہے۔ عالمی بینک پہلے ہی اس اسکیم کے لیے 500 ملین ڈالر کے قرضے کی منظوری دے چکا ہے۔ ’’ایکنک‘‘ نے ایم ایس اور ایم فل کے لیے 22.2 بلین روپے کی لاگت سے منتخب شعبوں میں پی ایچ ڈی کرنے کے لیے اوورسیز اسکالرشپس کی بھی منظوری دی ہے تاکہ نوجوان پاکستانی اسکالرز کو اعلیٰ تعلیم حاصل کرنے کے مواقع فراہم کیے جا سکیں۔

بلاول پاکستان کو دنیا کے نقشہ پر ترقی یافتہ ممالک کی صف میں نمایاں کریں گے. آصف علی زرداری

سابق صدر آصف علی زرداری نے کہا ہے کہ بلاول بھٹو وہ زنجیر ہیں جو اپنے نانا کے پاکستان کی نہ صرف حفاظت کرتے رہیں گے بلکہ پاکستان کو دنیا کے ترقی یافتہ ممالک کی صف میں شامل کریں گے۔ آصف علی زرداری نے یہ بات ذوالفقار علی بھٹو کے یوم ولادت پر جیالوں اور حامیوں کو مبارکباد پیش کرتے ہوئے کہا کہ قائد عوام آج بھی بھی عوام کے دل پر حکمرانی کر رہے ہیں، ذوالفقار علی بھٹو کے قاتلوں اور سازش میں شریک کرداروں کی قبریں ویران ہیں.

ان کا کہنا تھا کہ ذوالفقار علی بھٹو نے عوام کو شعور اور عزت سے سر اٹھا کر جینے کا سلیقہ سکھایا تھا، وہ فلسطین کے مسلمانوں کی آزادی کی جدوجہد کے بھی روح رواں تھے، اور انہوں نے ہی پاکستان کی ایٹمی صلاحیت کیلئے دنیا کے طاقتور قوتوں سے ٹکر لی۔
مزید یہ بھی پڑھیں؛
ہم بچے نہیں ہیں جو ہم پر ہونے والے حملوں کو نہ سمجھ پائیں اسد صدیقی کا عادل راجہ کو منہ توڑ جواب
اسلام آباد میں آج موسم شدید سرد اور خشک رہے گا
فیصل واوڈ کی نشست پر انتخاب کامعاملہ،کاغذات نامزدگی آج سے 7 جنوری تک جمع ہوں گے
اداکاراؤں کی کرداکشی : خواتین کی عزت نہ کرنے والے ذہنی بیمار ہیں،مریم اورنگزیب
انہوں نے مزید کہا کہ اقتدار کے لالچی ٹولے نے انتہائی حقیر مقاصد کی خاطر اپنے ملک پر قبضہ کر لیا ہے، کچھ خود غرض افراد نے ناجائز اقتدار کی خاطر پاکستان کو تختہ مشق بنا دیا، پاکستان کو پھر باوقار ملک بنائیں گے جس کیلئے بینظیر بھٹو نے زندگی بھر جدوجہد کی تھی، بلاول بھٹو زنجیر ہیں جو اپنے نانا کے پاکستان کی نہ صرف حفاظت کرتے رہیں گے اور پاکستان کو دنیا کے ترقی یافتہ ممالک کی صف میں شامل کریں گے۔