وزیر اعظم پاکستان عمران خان کی معاون خصوصی فردوس عاشق اعوان نے کہا ہے کہ حکومت کا وزیربلدیات نیب کےہاتھوں گرفتارہوا ، قانونی پراسس کے بعد رہا ہوا،وزیر جنگلات بھی گرفتار ہوا اور اس وقت نیب کی حراست میں ہیں، ن لیگ کے دور میں کوئی ایک مثال بتا دیں جس میں وزیر گرفتار ہوا ہو؟

شاہد خاقان عباسی گرفتار، کہاں منتقل کیا جائے گا؟ نیب نے فیصلہ کر لیا

باغی ٹی وی کی رپورٹ کے فردوس عاشق اعوان نے پریس کانفرنس کرتے ہوئے کہاکہ جب قانون کی عملداری شروع ہوتی ہے تو ان کے چہروں کا رنگ بدل جاتا ہے ، شاہدخاقان عباسی کہتے تھے کہ ان کو گرفتار کیوں نہیں کیا جاتا ہے، شاہد خاقان عباسی کی تو خواہش تھی کہ گرفتار کیا جائے آج ان کی خواہش پوری ہوئی ، ان تمام معاملات میں حکومت اور وزیراعظم کو کیوں گھسیٹا جارہا ہے ، کیا عمران خان کا قصور یہ ہے کہ وہ ملک میں قانون کی عملداری چاہتے ہیں، جن لوگوں نےکبھی قانون کوتابع بنایاہواتھاآج وہ قانون کےتابع آرہےہیں، شاہدخاقان عباسی خودکہتے رہے ہیں جس نے گرفتارکرنا ہے کرلے،

وزیراعظم کو شاہد خاقان عباسی کی گرفتاری کا بتایا گیا تو انہوں نے کیا کہا؟ اہم خبر

فردوس عاشق اعوان نے کہاکہ شاہدخاقان عباسی نے کوئی ضمانت قبل از گرفتاری نہیں کرائی تھی، جوشخص نیب کا ملزم ہو وہ ضمانت کراتا ہے یا قانونی چارہ جوئی کرتا ہے، بےگناہی کےثبوت دینےکافورم عدالتیں ہیں وہاں بےگناہی کےثبوت دینےچاہیے،

وفاقی وزارت داخلہ نے میئر اسلام آباد شیخ انصر عزیز کے بیرون ملک دوروں کا ریکارڈ طلب کر لیا ہے، پبلک آفس ہولڈر ہونے کے باوجود میئر کا بنا تحریری اجازت لیئے بیرون ملک دورے کرنے کا بھی انکشاف ہوا ہے،

باغی ٹی وی کی رپورٹ کے مطابق میٹرو پولیٹن کارپوریشن ( ایم سی آئی) کا آڈٹ شروع ہوتے ہی میئر ایک مرتبہ پھر بیرون ملک روانہ ہو گئے، وزارت داخلہ ذرائع کے مطابق میئر اسلام آباد شیخ انصر عزیز کے گزشتہ تین سالوں میں سرکاری حیثیت میں بیرون ممالک دوروں اور اس پر اٹھنے والے اخراجات کی تفصیلات طلب کرنے کے ساتھ ان دوروں میں وصول کیئے گئے تحائف اور ان کے مصرف کے بارے بھی رپورٹ دینے کے احکامات جاری کئے ہیں،

وزارت داخلہ کے اعلی حکام میئر اسلام آباد کے بیرون ممالک دوروں میں وزارت سے اجازت نہ لینے پر بھی سخت برہمی کا اظہار کیا ہے اور تمام دوروں کے این او سی کے بارے بھی تفصیل طلب کی ہے، تاہم ایف آئی اے ذرائع کے مطابق میئر اسلام آباد نے گزشتہ تین سالوں میں جتنے بھی بیرون ممالک کے دورے کیے کسی بھی قسم کا این او سی ایئرپورٹس پر ایف آئی اے کے کاونٹر پر نہیں دکھایا گیا ،

یاد رہے کہ کسی بھی پبلک آفس ہولڈر کو بیرون ملک دورے کے لئے اپنی متعلقہ وزارت سے این او سی لینا ضروری ہوتا ہے اور ایم سی آئی وزارت داخلہ کے ماتحت ادارہ ہے ، ایم سی آئی ذرائع کے مطابق ادارے کا آڈٹ شروع ہونے سے ایک یوم قبل میئر اسلام آباد بیرون ملک روانہ ہوگئے تھے جبکہ ایم سی آئی کے مسائل حل کرنے کے بارے وزارت داخلہ میں بھی اہم اجلاس جاری تھے اور ان اجلاسوں میں میئر اسلام آباد کا ہونا انتہائی ضروری تھا۔
محمد اویس

وفاقی وزیر ریلوے شیخ رشید نے نجی ٹی وی سےگفتگو کرتے ہوئے کہا کہ حافظ سعید کا تعلق عالمی سطح پر کچھ منفی واقعات سے جوڑا گیا ہے حقیقت میں ان کا ان الزامات سے کوئی لینا دینا نہیں ہے۔ جدوجہد آزادی کشمیر میں حافظ سعید کردار ادا کرتے رہے۔

واضح رہے کہ سی ٹی ڈی نے آج حافظ محمد سعید کو لاہور سے گرفتار کیا ہے.حافظ محمد سعید نے دہشت گردی کےمقدمات پر لاہور ہائیکورٹ سے بھی رجوع کر رکھا ہے، گزشتہ روز لاہور ہائیکورٹ میں سماعت کے دوران عدالت نے پنجاب حکومت اور سی ٹی ڈی سے جواب طلب کیا تھا، عدالت نے دو ہفتوں کے لئے سماعت ملتوی کی تھی.

حافظ سعید کی گرفتاری، وزیراعظم نے بھارت کو خوش کر دیا، انصار عباسی