Author: +9251

ایرانی صدر حسن روحانی نے کہاہے کہ قوم کا مورال بلند ہے اور ایران امریکی پابندیوں کے مقابلے میں پختہ عزم کے ساتھ کھڑا ہے۔

تفصیلات کے مطابق ایران کی نیم سرکاری خبررساں ایجنسی مہر کے مطابق صدرحسن روحانی ایران کے شمالی صوبے خراسان میں پہنچے ہیں جہاں وہ مختلف ترقیاتی منصوبوں کا افتتاح کیا۔ایرانی صدر حسن روحانی نے کہاہے کہ قوم کا مورال بلند ہے اور ایران امریکی پابندیوں کے مقابلے میں پختہ عزم کے ساتھ کھڑا ہے۔

انھوں نے کہا:’’ دنیا کی سب سے بڑی اقتصادی اور فوجی قوت نے گذشتہ چودہ ماہ سے ایران کے عوام کے خلاف سخت ترین اقتصادی پابندیاں عاید کررکھی ہیں لیکن ان چودہ مہینوں کے دوران میں ایرانی عوام عزم واستقلال کے ساتھ کھڑے رہے ہیں اور امریکیوں کو اپنے اختیار کردہ ہر طریق سے شکست ہی ہوئی ہے‘‘۔

ڈاکٹر حسن روحانی نے کہا کہ امریکہ کو افغانستان، عراق، شام اور یمن نیز خطے کے دیگر ملکوں میں شکست کا سامنا ہے اور اگر کوئی دعوی کرتا ہے کہ ایرانی قوم دباؤ کی وجہ سے کمزور ہوئی ہے تو یہ اس کی بھول اور غلط فہمی ہے۔
صدر ایران نے واضح کیا کہ اقوام متحدہ اور آئی اے ای اے سمیت تمام عالمی فورموں میں بھی امریکہ کو ایران مخالف اقدامات میں شکست کا سامنا کرنا پڑا ہے جبکہ عالمی ایٹمی توانائی ایجنسی کے بورڈ آف گورنر کے اجلاس میں شریک ممالک نے ایرانی قوم کی حمایت کی۔

انہوں نے کہا کہ ایران کی شکایت کے بعد امریکہ کو عالمی عدالت انصاف میں بھی منھ کی کھانا پڑی ہے اور عالمی رائے عامہ نے بھی امریکی اقدامات کی شدید مذمت کی ہے۔

حسن روحانی نے یہ بات زور دے کر کہی کہ اسلامی جمہوریہ ایران نے امریکی دباؤ اور پابندیوں کے باوجود دوسروں کے سامنے یا عالمی مالیاتی اداروں کے سامنے ہاتھ نہیں پھیلائے بلکہ اپنے اوپر بھروسہ کیا اور گزشتہ سال کے قرضے بھی واپس کر دیئے ہیں۔

ترکی کے خلاف برسر پیکار PKK دہشت گرد تنظیم کے حملے سے زخمی ایک اور ترک فوجی چل بسا
تفصیلات کے مطابق ضلع حقاری میں علیحدگی پسند دہشت گرد تنظیم PKK کے دہشت گردوں کی طرف سے حملے کے نتیجے میں شدید زخمی ہونے والا فو جی زیر علاج ہسپتال میں جاں بحق ہو گیا
ترکی کے ضلع حقاری میں علیحدگی پسند دہشت گرد تنظیم PKK کے دہشت گردوں کی طرف سے حملے کے نتیجے میں شدید زخمی ہونے والا فو جی زیر علاج ہسپتال میں جاں بحق ہو گیا ہے۔
فوجی آلتن تاش 9 جولائی کو ضلع حقاری میں فوجی گاڑی پر PKK کے دہشت گردوں کی طرف سےطویل مسافت سے کئے گئے حملے کے نتیجے میں شدید زخمی ہو گیا تھا۔
حملے میں 2 فوجی شہید بھی ہوئے تھے ۔
آلتن تاش کو انقرہ کے تعلیمی و تحقیقی ہسپتال میں منتقل کیا گیا تھا جہاں وہ تمام تر کوششوں کے باوجود جامِ شہادت نوش کر گئے ہیں۔

ترکی نے دہشت گردوں کے خلاف شمالی عراق میں آپریشن شروع کردیا

اسرائیل کے ماہرین نے ایران کے طلبا کو عسکری تعلیم کے حصول سے روکنے کا مطالبہ کر دیا.

تفصیلات کے مطابق میزائل امور کے ایک اسرائیلی ماہر کا کہنا ہے کہ ایرانی طلبہ کو بیرون ملک تعلیم حاصل کرنے سے روکا جائے تا کہ وہ جدید عسکری ٹیکنالوجی سیکھ کر اسے اپنے ملک منتقل نہ کر سکیں۔

انگریزی ویب سائٹDefense & Aerospace Report سے گفتگو کرتے ہوئے اسرائیلی ماہر عوزی روبن نے ایران کے ساتھ تنازع کی نوعیت پر روشنی ڈالی۔

روبن کا تعلق Jerusalem Institute for Strategy and Security سے ہے۔

روبن کے مطابق "ایرانیوں کی جانب سے اُس طریقے کار کا تجزیہ کیا جا رہا ہے جس کے ذریعے مغرب اپنی جنگوں کو لڑتا ہے۔ انہوں نے ہر ممکنہ مفروضے کے واسطے مانع اقدامات وضع کیے ہوئے ہیں … ایرانی فوجوں کے خلاف نہیں لڑتے بلکہ وہ معاشروں کے خلاف نبرد آزما ہوتے ہیں۔ ان کا مقصد اس معاشرے کو شکست دینا ہوتا ہے جو اپنی فوج کی پشت پر کھڑا ہوتا ہے”۔

ایران کی عسکری صلاحیتوں کے حوالے سے روبن نے کہا کہ "تہران نے ایرانی کردستان پارٹی کے صدر دفتر پر حملے میں طویل مار کے میزائلوں کا استعمال کیا۔ اگرچہ ایک چوتھائی میزائل اپنے ہدف تک پہنچنے میں ناکام رہے تاہم بقیہ میزائل اپنی منزل تک پہنچے اور انہوں نے مذکورہ پارٹی کے میٹنگ روم کو نشانہ بنایا۔ ایران کے پاس اچھی انٹیلی جنس ہے اور اس کا یہ ٹکنالوجی استعمال کرنا انتہائی متاثر کن امر ہے”۔
جنگ ہوئی تو ایران اسرائیل پر بمباری کی اہلیت رکھتا ہے،حزب اللہ لیڈر

یمنی فوج کے ساتھ جھڑپوں اور عرب اتحاد کے فضائی حملوں میں 23 حوثی ہلاک
ہو گئے
تفصیلات کے مطابق یمن کے جنوبی صوبے الضالع میں یمنی فوج کے ساتھ جھڑپوں میں حوثی ملیشیا کے 13 ارکان مارے گئے جن میں ایک اہم کمانڈر بھی شامل ہے۔

یمنی فوج کی سرکاری ویب سائٹ کے مطابق جھڑپوں کا آغاز اس وقت ہوا جب حوثی ملیشیا کے ارکان نے قعطبہ ضلع میں غلق اور شخب کے محاذوں پر سرکاری فوج کے ٹھکانوں کی جانب دراندازی کی کوشش کی۔

یمنی فوج نے باغیوں کی کوشش کو ناکام بنا دیا اور انہیں اِب صوبے کے علاقوں کی سمت فرار پر مجبور کر دیا۔ جھڑپوں کے نتیجے میں حوثی ملیشیا کے 13 ارکان ہلاک اور متعدد زخمی ہو گئے۔ ہلاک شدگان میں حوثیوں کا ایک کمانڈر ابو شریف حزام عبداللہ بھی شامل ہے۔
حوثیوں کی طرف سے سعودی عرب کے جازان ایئر پورٹ پر ڈرون حملہ
ادھر یمن کے شمال میں حوثی ملیشیا کے مرکزی گڑھ صعدہ صوبے میں عرب اتحاد کے فضائی حملوں میں 10 حوثی باغی جانوں سے ہاتھ دھو بیٹھے۔ اس دوران اتحادی طیاروں نے کتاف ضلع میں العادیات کے پہاڑی سلسلے میں حوثی ملیشیا کے ٹھکانوں اور جتھوں کو نشانہ بنایا۔ کارروائی میں میں متعدد باغی زخمی ہوئے اور ان کی کئی گاڑیاں بھی تباہ ہو گئیں۔

امریکہ اور ایران کشیدگی کے دوران قطر نے خلیج میں اپنے سب سے بڑے فوجی بحری اڈے کا افتتاح کر دیا
تفصیلات کے مطابق وزیر اعظم عبداللہ بن ناصر بن خلیفہ الثانی اور کمانڈر امریکی نیول فورسز برائےمشرق وسطیٰ ایڈمرل جم ملوئے نے دوحہ کے مشرقی ساحل سے 30 کلومیٹر پر واقع سیمائی سیما میں الداین نیول بیس کا افتتاح کیا۔

خطے میں امریکا کے قریبی اتحادی قطر میں واشنگٹن کا مشرق وسطیٰ میں سب سے بڑا فوجی اڈہ بھی قائم ہے۔

بحرین میں امریکی ففتھ فلیٹ کے کمانڈر جم ملوئے کا کہنا تھا کہ ‘نئے بیس سے ہمیں قطری ساحل کے محافظوں کے ساتھ مل کر کام کرنے کا مزید بہتر موقع ملا ہے’۔

خلیجی ممالک جہاں سے دنیا میں تیل کا تیسرا حصہ گزرتا ہے، حالیہ عرصوں میں کشیدگی میں اضافہ سامنے آیا ہے جہاں امریکا ایران پر تیل بردار جہازوں پر حملے کرنے کا الزام لگارہا ہے جبکہ تہران نے امریکی ڈرون مارگرایا ہے۔

قطر کے وزارت داخلہ کا کہنا ہے کہ ‘6 لاکھ اسکوائر میٹر سے زائد کی یہ جگہ سمندر اور سرحدی علاقوں کو محفوظ بنانے کے لیے ہے’۔

انہوں نے بتایا کہ ‘نیول بیس میں، منفرد بندرگاہ، تربیت اور طبی سہولیات، سول ڈیفنس کے دفاتر اور آپریٹنگ رومز شامل ہیں’۔ اس بیس کے ذریعے ایران کے معاملے پر امریکا-قطر تعاون میں اضافے کے حوالے سے سوال کے جواب میں جم ملوئے کا کہنا تھا کہ ‘ہماری توجہ بھی یہی ہے’۔