Baaghi TV

Author: +9251

  • عمران خان نے وزیر اعظم بن کر پاکستان کو بند کرنے کے اعلان پر عملدرآمد کر دیا، سراج الحق

    عمران خان نے وزیر اعظم بن کر پاکستان کو بند کرنے کے اعلان پر عملدرآمد کر دیا، سراج الحق

    امیر جماعت اسلامی سراج الحق نے کہا ہے کہ حکومت نے پشاور میں روٹی کی قیمت 15 اور20 روپے نان کی قیمت مقرر کر دی ہے،

    باغی ٹی وی کی رپورٹ کے مطابق سراج الحق نے فیصل آباد میں میڈیا سے گفتگو کرتے ہوئے کہاکہ غریب آدمی اب کیسےکھاناکھائےگا، حکومت صرف تماشائی کاکرداراداکررہی ہے، حکومت نے برآمدی اشیاپرٹیکس بڑھایا، درآمدات کادروازہ کھولاجارہاہے، وزیراطلاعات نےتاجروں کامذاق اڑایا،کسی سیاسی جماعت کادخل نہیں تھا،

    سراج الحق نے کہاکہ حکومت کااپنارویہ اپوزیشن سے زیادہ ان کے لیے مسئلہ ہے، اپوزیشن کومتحدکرنےاورایوانوں میں باہرلانے کا کردار حکومت کا ہے، وزیر اعظم بن کرعمران خان نےپاکستان کوبندکرنےکےاعلان پرعملدرآمد کر دیا، گزشتہ روز پورے ملک میں تاجروں نے ہڑتال کی،کراچی سے چترال تک ملک بندتھا، ان کا کہنا تھا کہ پاکستان کے لوگ پی ٹی آئی کی حکومت کی پالیسیوں سے نا خوش ہیں،

  • ورلڈ کپ فائنل، نیوزی لینڈ کا انگلینڈ کو فتح کیلئے 242 کا ٹارگٹ، آٹھ کھلاڑی آؤٹ ہوئے

    ورلڈ کپ فائنل، نیوزی لینڈ کا انگلینڈ کو فتح کیلئے 242 کا ٹارگٹ، آٹھ کھلاڑی آؤٹ ہوئے

    ورلڈ کپ کے فائنل میچ میں نیوزی لینڈ نے انگلینڈ کو 242 سکور کا ٹارگٹ دیا ہے. نیوزی لینڈ نے پچاس اوور کھیلتے ہوئے 241 رنز بنائے ہیں‌ اور اس کے آٹھ کھلاڑی آؤٹ ہوئے.

    باغی ٹی وی کی رپورٹ کے مطابق نیوزی لینڈ نے میچ کے دوران پہلے بیٹنگ کی، اس دوران اوپنر گپٹل آج اپنے بیٹ کا جادو دکھانے میں ناکام رہے، مارٹن گپٹل اور ہنری نکولس نے انگلینڈ کے خلاف اننگز کا آغاز کیا لیکن گپٹل ایک بار پھر ناکام ثابت ہوئے اور 19 رنز بنا کر کرس ووکس کی گیند پر ایل بی ڈبلیو ہو گئے۔ گپٹل کے آؤٹ ہونے کے بعد نکولس اور راس ٹیلر محتاط انداز میں بیٹنگ کرتے ہوئے اپنی ٹیم کا اسکور آگے بڑھانے کی کوشش کرتے رہے لیکن بڑا سکور کرنے میں ناکام رہے. ہینری نکولس 55،کین ولیمسن 30،مارٹن گپٹل نے 19رنزبنائے، راس ٹیلر 15اورجیمزنیشم 19رنزبناکرآؤٹ ہوئے، ٹام لیتھم 47،گرینڈہوم نے 16رنزکی اننگزکھیلی، انگلینڈ کی جانب سے پلنکٹ اور ووکس نے 3 3 کھلاڑیوں کو آؤٹ کیا, ووڈ اور آرچر نے 1 1 وکٹ حاصل کی.

    ورلڈ کپ کی فیورٹ ٹیم اور میزبان انگلینڈ چوتھی مرتبہ ورلڈ کپ کا فائنل کھیل رہی ہے۔ انگلش ٹیم 1992 کے بعد اب جاکے ستائیس برس بعد فائنل تک رسائی حاصل کرنے میں کامیاب ہوئی ہے۔ ادھر نیوزی لینڈ کی ٹیم مسلسل دوسری بار فائنل تک پہنچنے میں کامیاب ہوئی ہے۔ 2015 کے ورلڈ کپ فائنل میں کیویز کو آسٹریلیا کے ہاتھوں شکست ہوئی تھی۔ دونوں ٹیمیں پہلی بار میگا ایونٹ میں تاریخی گراؤنڈ لارڈز میں آمنے سامنے ہیں جبکہ یہ بات بھی قابل ذکر ہے کہ دونوں ٹیمیں ابھی تک کوئی ورلڈ کپ نہیں جیت سکی ہیں ۔

    دوہزار گیارہ اور 2015 کے ورلڈ کپ میں میزبان ٹیموں نے کامیابی حاصل کی۔ 2011 میں بھارت اور 2015 میں آسٹریلیا ورلڈ چیمپیئن بنا۔ ایک بار پھر ایسا موقع آیا ہے کہ میزبان انگلینڈ کی ٹیم اپنی سرزمین پر فائنل کھیل رہی ہے۔ ورلڈ کپ کی تاریخ پر نظردہرائی جائے تو آسٹریلیا کی ٹیم پانچ بار عالمی چیمپئن رہ چکی ۔ ویسٹ انڈیز اور بھارت نے 2،2 مرتبہ ورلڈ کپ جیتا۔ پاکستان اور سری لنکا نے ایک ، ایک مرتبہ ورلڈ چیمپئن ہونے کا اعزاز حاصل کیا ہے۔

  • نیوزیلینڈ کا انگلینڈ کو 242 رنز کا ہدف

    نیوزیلینڈ کا انگلینڈ کو 242 رنز کا ہدف

    ورلڈ کپ کے فائنل میں نیوزیلینڈ نے میزبان ٹیم انگلینڈ کو 242 رنز کا ہدف دیا ہے.

    نیوزیلینڈ نے ٹاس جیت کر بیٹنگ کا فیصلہ کیا تھا لیکن اچھی بیٹنگ نہ کر سکے. اوپنر گپٹل 19 رنز بنا کر کرس ووکس کی گیند پر ایل بی ڈبلیو ہو گئے. کپتان ولیمسن بھی 30 رنز بنا کر آؤٹ ہو گئے. روز ٹیلر بھی اپنی کارگردگی نہ دکھا سکے اور مارک ووڈ کی گیند پر ایل بی ڈبلیو ہو گئے. نکولس 55 رنز بنا کر ٹاپ سکورر رہے.

    انگلینڈ کی جانب سے پلنکٹ اور ووکس نے 3 3 کھلاڑیوں کو آؤٹ کیا, ووڈ اور آرچر نے 1 1 وکٹ حاصل کی.

    واضح رہے انگلینڈ کی ٹیم 27 سال بعد ورلڈ کپ کے فائنل میں پہنچی ہے تاہم نیوزیلینڈ کی ٹیم گزشتہ ورلڈ کپ کے فائنل میں پہنچی تھی اور آسٹریلیا سے ہار گئی تھی. یہ ورلڈ کپ جیتنے کا دونوں ٹیموں کے پاس سنہری موقع ہے کیونکہ دونوں ٹیموں میں سے ابھی تک کوئی ٹیم ورلڈ کپ نہیں جیت چکی ہے.

  • ڈی ایف آئی ڈی کی تردید، منی لانڈرنگ کی خبر دینے والا برطانی صحافی بھی میدان میں‌ آ گیا

    ڈی ایف آئی ڈی کی تردید، منی لانڈرنگ کی خبر دینے والا برطانی صحافی بھی میدان میں‌ آ گیا

    برطانوی اخبار میں شریف خاندان کی منی لانڈرنگ کے خلاف خبر دینے والے صحافی ڈیوڈروز نے کہا ہے کہ میری خبرکی ڈیپارٹمنٹ فار انٹرنیشنل ڈویلپمنٹ (ڈی ایف آئی ڈی) کی تردید کی کوئی اہمیت نہیں ہے، میری رپورٹ میں موجودڈی ایف آئی ڈی کی وضاحت ہی دہرائی گئی ہے.


    باغی ٹی وی کی رپورٹ کے مطابق ڈیوڈ روز نے سوشل میڈیا سائٹ ٹویٹر پر ٹویٹ کرتے ہوئے کہاکہ بیان میں دعویٰ کیا گیا ہے کہ زلزلےسےمتعلق فنڈزکاکوئی ثبوت نہیں ہے، حقیقت چھپانے کی ناکام کوشش پیسوں کا ضیاع ہے، دعویٰ کیاجارہاہےکہ میراشہبازشریف سےمتعلق آرٹیکل پلانٹڈ ہے، میری عمران خان کےساتھ تصویرسوشل میڈیاپرشیئرکی جارہی ہے،

    ڈیوڈ روز نے کہاکہ میری عمران خان کے ساتھ تصویرگزشتہ سال الیکشن سے قبل کی ہے، واضح‌ رہے کہ ڈیپارٹمنٹ فارانٹرنیشنل ڈویلپمنٹ (ڈی ایف آئی ڈی) کی جانب سے جاری تردیدی بیان میں کہا گیا ہے کہ برطانوی اخبار نے اپنی خبر کے حق میں کوئی شواہد پیش نہیں کئے۔

  • برطانوی اخبار کی خبر سے شہباز شریف کا اصل چہرہ واضح‌ ہو گیا، صمصام بخاری

    برطانوی اخبار کی خبر سے شہباز شریف کا اصل چہرہ واضح‌ ہو گیا، صمصام بخاری

    وزیراطلاعات پنجاب سید صمصام علی بخاری نے کہا ہے کہ برطانوی اخبار نے سابق وزیر اعلیٰ‌ شہباز شریف کیخلاف منی لانڈرنگ سکینڈل کی خبر شائع کر کے ان کا اصل چہرہ واضح‌ کر دیا ہے، خود کو خادم اعلیٰ کہلوانے والے کا اصل چہرہ ساری دنیا کے سامنے واضح‌ ہو گیا ہے.

    باغی ٹی وی کی رپورٹ کے مطابق صمصام علی بخاری نے کہاکہ سچ کہتے ہیں کہ چھوٹے میاں‌ تو چھوڑے میاں بڑے میاں‌ سبحان اللہ، افسوس ہے کہ شہباز شریف نے زلزلہ زدگان کیلئے آنےو الی امدادی رقوم کو بھی نہیں چھوڑا، شہبازشریف کی کرپشن نے سب سے بڑے صوبے کو دیوالیہ کردیا ہے،

    صمصام بخاری کا کہنا تھا کہ عمران خان کا لٹیروں کے بارے میں موقف درست ثابت ہواہے اور یہ بات بھی واضح‌ ہو گئ ہے کہ شہباز شریف منی لانڈرنگ کے اصل ماسٹر مائنڈ ہیں، ان کا کہنا تھا کہ سابق حکومت نے ملک کو دیوالیہ کر دیا ہے.

  • بھارت میں اقلیتوں پر حملوں کیخلاف لندن میں انسانی حقوق کی تنظیمیں‌ سڑکوں پر نکل آئیں، زبردست احتجاج

    بھارت میں اقلیتوں پر حملوں کیخلاف لندن میں انسانی حقوق کی تنظیمیں‌ سڑکوں پر نکل آئیں، زبردست احتجاج

    لندن میں انسانی حقوق کی تنظیموں نے بھارت میں اقلیتوں‌ کے خلاف مظالم اور ان کے حقوق غصب کئے جانے کے خلاف زبردست احتجاج کیا ہے. احتجاج میں سکھوں‌کی بھی کثیر تعداد نے شرکت کی اور پاکستان کے حق میں نعرے بھی لگائے جاتے رہے.

    باغی ٹی وی کی رپورٹ کے مطابق بھارت میں مسلمانوں، دلتوں اور مختلف اقلیتوں‌ پر ہونے والے مظالم، ہجومی تشدد کے واقعات اور انسانی حقوق کی خلاف ورزیوں‌ کے خلاف لندن میں‌ انسانی حقوق کی تنظیموں‌ کے اراکین کی جانب سے شدید احتجاج کیا گیا ہے. مظاہرے میں بڑی تعداد میں انسانی حقوق کارکنان نے شرکت کی اور بھارت کے خلاف زبردست نعرے بازی کی گئی.

    احتجاجی مظاہرہ میں شریک افراد نے ہاتھوں‌ میں‌ پلے کارڈز اور بینرز اٹھا رکھے تھے جن پر بھارت میں اقلیتوں پر حملوں او رہجومی تشدد کے خلاف تحریریں‌ درج تھیں. مظاہرہ میں گاڑیوں پر بھی بڑے بینرز اور فلیکس لگائے گئے تھے. انسانی حقوق کارکنان نے انڈیا کے خلاف شدید نعرے بازی کرتے ہوئے کہا کہ بھارت خود کو دنیا کی سب سے بڑی جمہوریت قرار دیتا ہے لیکن وہ اپنے ملک میں بدترین انسانی حقوق کی پامالیوں‌ میں مصروف ہے. احتجاجی مظاہرہ کے شرکاء کی جانب سے پاکستان اور عمران خان کے حق میں بھی نعرے لگائے گئے.

  • پنجاب میں ن لیگ کے کتنے اراکین اسمبلی حکومت کے ساتھ ہیں؟ ترجمان وزیر اعلیٰ نے بڑا دعویٰ کر دیا

    پنجاب میں ن لیگ کے کتنے اراکین اسمبلی حکومت کے ساتھ ہیں؟ ترجمان وزیر اعلیٰ نے بڑا دعویٰ کر دیا

    ترجمان وزیر اعلیٰ پنجاب شہباز گل نے کہا ہے کہ ہڑتال سے مسئلے ختم نہیں ہوں گے،تاجر برادری سےبیٹھ کر بات کریں گے، کچھ لوگوں نے دکانیں بند کیں مگرزیادہ تردکانیں کھلی رہیں، اگرکوئی قانون ہاتھ میں لےگا توقانون حرکت میں آئے گا،

    باغی ٹی وی کی رپورٹ کے مطابق فیصل آباد میں میڈیا سے گفتگو کرتے ہوئے ترجمان وزیر اعلیٰ‌پنجاب نے کہاکہ پہلے یہاں کا مال کھایا جاتا تھا اب امداد کھانے کے اسکینڈل سامنے آ رہے ہیں، جیل والے چیک کر کےنہ بھیجیں تو جیل کا سامان چوری کر لیں گے، پنجاب میں اپوزیشن کے 40سے45 ایم پی ایزہمارے ساتھ ہیں، یوکے اسکینڈل کی انگلینڈ اور پاکستان کے اندر تحقیقات کرائیں گے،

    شہباز گل نے کہاکہ چیمبر آف کامرس کےممبران اورتاجروں سےمیٹنگ کی اورمسائل سنے ہیں، چالیس سال میں نظام کی تباہی کر دی، عمران خان مگرمچھوں‌کو نہیں‌ چھوڑے گا، ماضی میں حکومت اور اپوزیشن کی نورا کشتی ہوتی تھی، ماضی میں حکومت اور اپوزیشن کی نورا کشتی ہوتی تھی،

  • چیئرمین سینیٹ کیخلاف تحریک عدم اعتماد، ایم کیو ایم کس کی حمایت کرے گی؟ واضح‌ اعلان کر دیا

    چیئرمین سینیٹ کیخلاف تحریک عدم اعتماد، ایم کیو ایم کس کی حمایت کرے گی؟ واضح‌ اعلان کر دیا

    چیئرمین سینیٹ کی تبدیلی سے متعلق ایم کیوایم پاکستان کی رابطہ کمیٹی کا اہم اجلاس ہوا ہے.

    باغی ٹی وی کی رپورٹ کے مطابق اجلاس کے دوران رابطہ کمیٹی ایم کیوایم نے پاکستان کے موجودہ چیئرمین پرمکمل اعتماد کااظہار کیا ہے. ایم کیو ایم رابطہ کمیٹی نے کہا ہے کہ چیئرمین سینیٹ کیخلاف کسی بھی تحریک کاحصہ نہیں بنیں گے، ایم کیو ایم رہنما خالد مقبول صدیقی کا کہنا تھا کہ چیئرمین سینیٹ کیخلاف تحریک عدم اعتماد کی ہر فورم پر مخالفت کی جائے گی،

    حاصل بزنجو، چیئرمین سینیٹ کے اپوزیشن کے متقفہ امیدوار،سینیٹر کب بنے؟

    چیئرمین سینیٹ کے امیدوار پر اپوزیشن کا ہو گیا اتفاق،کون ہو گا نیا چیئرمین سینیٹ؟

    خالد مقبول صدیقی کا کہنا تھا کہ صادق سنجرانی بھاری اکثریت سے منتخب یافتہ چیئرمین ہیں، واضح رہے کہ اپوزیشن جماعتوں‌ نے متفقہ طور پر چیئرمین سینیٹ کی تبدیلی کیلئے تحریک عدم اعتماد پیش کر رکھی ہے اور میر حاصل بزنجو کو متفقہ طور پر اپنا امیدوار مقرر کیا ہے. ادھر حکومتی عہدیداران سینیٹرز سے رابطے جاری رکھے ہوئے ہیں جبکہ اپوزیشن جماعتیں بھی تحریک عدم اعتماد کی کامیابی کیلئے اپنا پورا زور لگا رہی ہیں.

  • چیئرمین کشمیر کمیٹی کی وزیر اعلیٰ‌ پنجاب سے ملاقات، کشمیر میں انسانی حقوق کی خلاف ورزیوں‌ کی مذمت

    چیئرمین کشمیر کمیٹی کی وزیر اعلیٰ‌ پنجاب سے ملاقات، کشمیر میں انسانی حقوق کی خلاف ورزیوں‌ کی مذمت

    وزیراعلیٰ پنجاب سردار عثمان بزدار سے چیئرمین کشمیر کمیٹی فخر امام کی ملاقات ہوئی ہے، وزیراعلیٰ پنجاب اور چیئرمین کشمیر کمیٹی کی مقبوضہ کشمیر میں بھارتی ظلم وستم کی شدید مذمت کی گئی ہے.

    باغی ٹی وی کی رپورٹ کے مطابق ملاقات کے دوران سردار عثمان بزدار نے گفتگو کرتے ہوئے کہاکہ بھارتی مظالم مقبوضہ کشمیر کے عوام کے دلوں میں جذبہ حریت دبا نہیں سکتے. بھارتی مظالم مقبوضہ کشمیر کے عوام کے دلوں میں جذبہ حریت دبا نہیں سکتے، بھارتی افواج نے مقبوضہ کشمیر میں بربریت کی انتہا کردی ہے، مقبوضہ کشمیر کے نہتے عوام اپنے لہو سے آزادی کی شمع روشن کررہے ہیں، عالمی برادری مقبوضہ کشمیر میں انسانی حقوق کی خلاف ورزیوں کا نوٹس لے،

    چیئرمین کشمیر کمیٹی سید فخر امام نے کہاکہ آزادی کشمیری عوام کا حق ہے جو انہیں ہر صورت ملنا چا ہیے، مقبوضہ کشمیر میں انسانی حقوق کی خلاف ورزی پرعالمی برادری کو بیدار ہونا پڑے گا،

  • ریکوڈک کیس میں جرمانہ کیوں‌ ہوا؟ عمران خان نے ذمہ داران کے تعین کیلئے انتہائی اہم قدم اٹھا لیا

    ریکوڈک کیس میں جرمانہ کیوں‌ ہوا؟ عمران خان نے ذمہ داران کے تعین کیلئے انتہائی اہم قدم اٹھا لیا

    وزیراعظم پاکستان عمران خان نے ریکوڈک کیس کا تفصیلی جائزہ لینے کیلئے کمیشن بنانے کی ہدایت کی ہے. یہ کمیشن اس امر کی تحقیقات کرے گا کہ عالمی ادارے کی طرف سے جرمانہ کئے جانے کی یہ صورتحال کیسے پیدا ہوئی، اسی طرح یہ کمیشن ملک کو نقصان پہنچانے والوں کا بھی تعین کرے گا.

    پاکستان کو 5.84 ارب ڈالرز کاجرمانہ،عالمی ادارے کا اعلامیہ،باغی ٹی وی کی خبر کی تصدیق ہوگئی

    باغی ٹی وی کی رپورٹ‌ کے مطابق حکومت پاکستان نے ریکوڈک منصوبے کے فیصلے کو چیلنج کرنے کا بھی اعلان کیا اور کہا ہے پاکستان خلاف عالمی ادارہ برائے سیٹلمنٹ سرمایا کاری تنازعات کے فیصلے ‏کو چیلنج کرے گا. ‏پاکستان کو ریکوڈک ہرجانہ کیس میں کمپنی کو 5.976 ارب ڈالرز کا جرمانہ ہوا ہے، اس حوالے سے اٹارنی جنرل آفس سے ایک اعلامیہ جاری کیا گیا ہے جس میں‌ کہا گیا ہے کہ عالمی عدالت نے کئی سو صفحات پر مشتمل فیصلہ جمعہ کے روز سنایا، اٹارنی جنرل آفس اور صوبائی حکومت بلوچستان فیصلے کے قانونی اورمالی اثرات کا جائزہ لے رہے ہیں حکومت پاکستان مشاورت سے تمام پہلوؤں کا جائزہ لیکر آئندہ کا لائحہ عمل طے کرے گی۔

    افتخار چوہدری پاکستان کو لے ڈوبے،پاکستان کو 4.7 ارب ڈالرز کا جرمانہ کروا دیا

    بریکنگ:اگلے تین گھنٹوں میں پاکستان کو 4 ارب ڈالر کا نقصان ہوسکتا ہے.

    عالمی بینک کے ثالثی ٹریبونل کا فیصلہ حکومت پاکستان کو بھجوایا گیا ہے۔ ‏ڈاکٹر ثمر مبارک مند ٹریبونل میں حکومت پاکستان کے ماہر کے طور پر پیش ہوئے تھے۔ ‏ڈاکٹر ثمرمبارک نے گواہی دی کہ ریکوڈک سے مجموعی طور پر 131 ارب ڈالر ملیں گے۔ فیصلہ میں کہا گیا ہے کہ ‏ڈاکٹرثمرمبارک نے گواہی دی کہ ریکوڈک سے اڑھائی ارب ڈالر سالانہ سونا برآمد ہو گا۔ ‏پاکستان عالمی بینک کے ٹربیونل کے ہرجانے کے فیصلے کو چیلنج کرے گا۔

    ریکوڈک منصوبے پر عالمی ادارے کے فیصلے کو چیلنج کریں گے پاکستان کا ردعمل

    اٹارنی جنرل آفس کی طرف سے جاری کردہ اعلامیہ میں کہا گیا کہ حکومت پاکستان بین الاقوامی قوانین کے تحت تمام قانونی آپشنز استعمال کرنے کاحق رکھتی ہے تاہم حکومت پاکستان ٹی ٹی سی کمپنی کی جانب سے معاملے کے مذاکرات کے ذریعے حل کے بیان خوش آئند قراردیتی ہے اور تمام بین الاقوامی سرمایہ کاروں کو خوش آمدید کہتا ہے۔

    وزارت قانون کے ذرائع کے مطابق پاکستان فیصلے کیخلاف ثالثی ٹریبونل کے سامنے ہی نظرثانی درخواست دائر کرے گا، پاکستان کی نظرثانی درخواست پر فیصلے میں 2 سے 3 سال لگیں گے۔ یاد رہے کہ ٹیتھیان کمپنی نے پاکستان سے 16 ارب ڈالر ہرجانے کا دعو یٰ کیا تھا۔ ‏ٹیتھیان کمپنی کو سونے، تانبے کے ذخائر کی تلاش کا لائسنس جاری کیا گیا تھا، ‏سپریم کورٹ نے 2011ء میں ٹیتھیان کمپنی کا لائسنس منسوخ کیا تھا، ‏ٹیتھیان کمپنی نےعدالتی فیصلے کے خلاف عالمی بینک کے ثالثی ٹریبونل سے رجوع کیا تھا۔