لاہور:زبان زد عام تنازعہ جو کہ مشہور گلوگار واداکار علی ظفر اور میشا شفیع کے درمیان ان دنوں زیر بحث ہے اور میشا شفیع علی ظفر پر ہراساں کرنے کے الزام لگا رہی ہے اس کیس میں میشا شفیع کی وکیل نگہت داد کے بارے میں ہوش ربا انکشافات ہوئے ہیں.
معتبر ذرائع کے مطابق نگہت داد جس کے بارے میں معلوم ہوا ہے کہ اسے بعض ممالک سے فنڈنگ ہورہی ہے اور اس فنڈنگ کے بارے میں یہ بھی معلوم ہوا ہے کہ اس کا کچھ حصہ پاکستان مخالف پختون تحفظ تحریک کی رہنما گلہ لئی اسماعیٰل بھی اپنی پاکستان مہم کے لیے اپنے تصرف میں لاتی رہی ہیں.نگہت داد اورگلہ لئی اسماعیٰل کی اس حوالے سے اہم ملاقاتوں کا بھی انکشاف ہوا ہے
نگہت داد کے بارے میں ذرائع کا کہنا ہے کہ پہلے اس نے میشا شفیع کی آڑ میں گلوکار واداکار علی ظفر کو کیس میں الجھا کر تمام تر توجہ اس طرف مبذول کرائے رکھی ہے اور اب اپنے جرائم اور عزائم چھپانے کے لیے عمران خان کے بھانجے حسن نیازی پر الزامات کا نیا سلسلہ شروع کرکے اپنی طرف بڑھنے والی تحقیقات کا رخ موڑنا چاہتی ہے.
نگہت داد کا الزامات کا جواب دیتے ہوئے حسن خان نیازی نے کہا کہ وہ نگہت داد کے الزامات کا نہ صرف جواب دیں گے بلکہ اس کی پاکستان دشمن سرگرمیوں سے بھی پردہ اٹھایا جائے گا.حسن خان نیازی نے کہا میں نگہت داد کی پراکسی کا مقابلہ کروں گا
