Author: +9251

سی ڈی اے انتظامیہ کی طرف سے محکمہ میں زیر التواء مختلف انکوائریوں کو منطقی انجام تک پہنچانے کا عمل تیزی کے ساتھ مکمل کرنے کا عمل شروع کیا گیا ہے اور اب تک مزید 11 انکوائریاں‌ مکمل کی گئی ہیں.

باغی ٹی وی کی رپورٹ کے مطابق یہ انکوائریاں‌ مکمل کر کے قواعد کے مطابق سزائیں تجویز کی گئی ہیں۔ حالیہ انکوائریوں‌ میں جس کسی افسر یا ملازم کو ملوث پایا گیا ہے ان کیلئے سزائیں تجویز کی گئی ہیں‌ اور جن کے خلاف کسی قسم کا کوئی الزام ثابت نہیں‌ ہو سکا انہیں انکوائریوں سے بر ی الذمہ قرار دے دیا گیا ہے۔

رپورٹ کے مطابق چیئرمین سی ڈی اے نے کچھ عرصہ قبل محکمہ میں زیر التواء انکوائریوں کا نوٹس لیتے ہوئے ہدایات جاری کی تھیں کہ انکوائری افسران کو مقررہ مدت ہی میں انکوائریاں مکمل کرنی چاہئیں بصورت دیگر انکوائری افسران کے خلاف نہ صرف انضباطی کاروائی کی جائے بلکہ ان کی سالانہ کارکردگی رپورٹ میں بھی درج کیا جائے۔ چیئرمین سی ڈی اے کی جانب سے ان ہدایات کے بعد زیر التواء انکوائریوں کا عمل تیز رفتاری سے مکمل کیا جا رہا ہے۔ سی ڈی اے کی طرف سے برق رفتاری سے انکوائریاں‌ مکمل کئے جانے کے عمل کو تحسین کی نگاہ سے دیکھا جارہا ہے.
محمد اویس

اورسیزپاکستان بزنس کونسل کےصدرجاوید ملک نے کہا ہے کہ پاکستان جانیوالے اوورسیزپاکستانیوں کےموبائل فون پرڈیوٹی قابل مذمت ہے،

باغی ٹی وی کی رپورٹ کے مطابق زرمبادلہ بھیجنے والے اوورسیز پاکستانیوں کےذاتی استعمال کی اشیاپرٹیکس غیر مناسب ہے، حکومت اوورسیزپاکستانیوں کےمسائل کے حل کیلیےسنجیدہ اقدامات اٹھائے، حوصلہ افزائی سےاوورسیزپاکستانی ملک کی ترقی میں مزیدفعال کرداراداکرسکتےہیں،

اوورسیز پاکستان بزنس کونسل کے صدر جاوید ملک نے کہاکہ خلیج میں 40لاکھ سےزیادہ اوورسیزپاکستانی ہرسال اربوں ڈالرزرمبادلہ وطن بھیجتےہیں، واضح‌ رہے کہ بیرون ممالک سے پاکستانی موبائل وغیرہ اپنے گھروں‌ اور عزیز و اقارب کو بھیجتے ہیں‌ تو یہاں‌ ان موبائلز پر بھاری ٹیکس دینا پڑتا ہے، بعض‌ اوقات تو ایسا بھی دیکھا گیا ہے کہ اتنی قیمت کا موبائل نہیں‌ ہوتا جتنا ٹیکس ڈال دیا جاتا ہے جس پر پاکستانیوں‌کی جانب سے سخت احتجاج کیا جارہا ہے. بیرون ممالک پاکستانیوں‌ کے احتجاج پر ممکن ہے کہ آنے والے دنوں‌ میں حکومت اپنا فیصلہ تبدیل کرے اور دوسرے ملکوں‌ سے بھیجی جانے والی اشیاء پر ٹیکس کم کر دیا جائے.

پاکستان نے بھارت کیلیے پاکستانی فضائی حدود کی بندش میں 26 جولائی تک توسیع کر دی ہے. پاکستانی فضائی حدود میں ٹرانزٹ، اوور فلائی پر 12 جولائی تک پابندی عائدتھی،

باغی ٹی وی کی رپورٹ کے مطابق سول ایوی ایشن اتھارٹی نے اوور فلائی پر پابندی کا نیا نوٹس جاری کر دیا ہے. بھارتی طیارے اوور فلائی کی بندش کےبعد پاکستانی فضائی حدود استعمال نہیں کر سکیں گے، پاک بھارت کشیدگی کے باعث پاکستانی ایسٹرن فضائی حدود 27 فروری سے بند ہے،

سول ایوی ایشن اتھارٹی کا کہنا ہے کہ پاکستانی فضائی حدود میں ٹرانزٹ اور اوور فلائی نئے حکم نامے تک بند رہے گی، ترجمان سی اے اے کا مزید کہنا تھا کہ ایسٹرن ایئر سائیڈ بند اور ویسٹرن فضائی حدود میں آپریشن جاری ہے،