پاکستان پیپلز پارٹی کے رہنما مولا بخش چانڈیو نے کہا ہے کہ خان صاحب سےاپنی کارکردگی کاپوچھوتوکہتےہیں کہ کسی کونہیں چھوڑوں گا، سوال گندم جواب چنا،وزیراعظم کی پالیسی بن چکی ہے،
باغی ٹی وی کی رپورٹ کے مطابق مولانا بخش چانڈیو نے کہاکہ کراچی میں خان صاحب نےکسی ایک سوال کاجواب نہیں دیا، لگ رہاہےسلیکٹڈوزیراعظم اپنےحواس کھوچکےہیں،
انہوں نے کہاکہ خان صاحب ہم ڈرنہیں رہے،جیلوں میں رہ کربھی آپ کوڈرارہےہیں،
نئی دہلی:بھارت کا جنگی جنوں انتہا کی بلندیوں کو چھونے لگا کہں ایک طرف سکولوں میں فوجی تربیت لازمی قرار دے دی گئی تو کہیں دوسری طرف ہندو انتہا پسند ،اسلام اور مسلمان مخالف دہشت گرد تنظیم کی تاریخ کو یونیورسٹی کے نصاب میں شامل کردیا گیا ہے.
یہ پہلی بار نہٰیں ہوا بلکہ اس سے قبل بھی ناگپور یونیورسٹی میں سنگھ کی تاریخ کو متعارف کرنے کاکام کیاگیا ہے۔ سال2002سے ایم اے کے نصاب میں ’آرایس ایس‘ کے قومی تعمیر میں رول کے عنوان پرلیکچر دیئے جاتے رہے.ناگپور یونیورسٹی کے شعبہ تعلیمات چیرمن برائے تاریخ شیام کوریٹی کے مطابق مئی کے مہینے میں منعقدہ ایک اجلاس کے دوران آر ایس ایس کو نصاب کے لئحے متعارف کروانے کا فیصلہ لیاگیاتھا۔ایم اے (تاریخ) میں پہلے سے مذکورہ مضمون پڑھایاجارہا ہے‘ ہم نے سونچا کہ بی اے کے نصاف میں اس کو شامل کریں گے تاکہ اسٹوڈنٹ کو تنظیم کے متعلق اس بات کوسمجھنے میں آسانی ہوسکے کہ ہندوستان کی آزاد ی سے قبل تنظیم کی کیا خدمات تھیں.
دوسری طرف کانگریس ترجمان سچن ساونت نے اس اقدام کو ”غیر معمولی“ قراردیا اور ناگپور یونیورسٹی انتظامیہ پر آر ایس ایس کو فروغ دینے کا الزام بھی لگایا.انہو ں نے ٹی او ائی سے بات کرتے ہوئے کہاکہ ”ہر کوئی جانتا ہے کہ سنگھ کی تاریخ ایک سیاہ باب ہے اور انہوں نے آزادی کے جدوجہد کے دوران انگریزوں کی مدد کی تھی۔وہ آ رایس ایس ہی تھی جس نے دستور کی مخالفت کی تھی اور قومی پرچم کو بھی مستردکردیاتھا اور 52سالوں تک اپنے ہیڈکوارٹر پر قومی ترنگا بھی نہیں لہرایاتھا۔یہ وہی لوگ ہیں جنھوں نے منوسمرتی کو فروغ دیا تاکہ شہریوں کے درمیان میں نفرت کو بڑھاوا دیاجاسکے۔
سچن ساونت نے کہا کہ سنگھ کی سونچ رکھنے والے ناتھو رام گوڈسے‘ مہاتما گاندھی کا قاتل ہے اور پھر اس طرح کی تنظیموں کو فروغ نہیں دینا چاہئے۔ان کے مطابق وی سی نے کسی بھی سوال کا جواب نہیں دیا وہیں کورتی اطمینان بخش جوابات دینے میں ناکام بھی رہے ہیں.یونیورسٹی انتظامیہ کو انتباہ کیا گیا ہے کہ اگر متنازع مواد کو نہ ہٹایاگیاتو وہ اپنے احتجاج مزید سخت کردیں گے.
وفاقی دارالحکومت اسلام آباد میں پہلی بار فارمااینڈ ہیلتھ کیئر ایکسپو کا آغاز ہو گیا ہے، اس موقع پر ایک افتتاحی تقریب کا بھی انعقاد کیا گیا جس سے خطاب کرتے ہوئے وزیر مملکت برائے پارلیمانی امور علی محمد خان نے کہا کہ پاکستان کی دواساز صنعت ترقی کر رہی ہے ، اسے مزیدآگے لے کر جائیں گے، مقامی صنعت کو اہمیت دینے سے فوائد حاصل ہوں گے۔
باغی ٹی وی کی رپورٹ کے مطابق اسلام آباد کے پاک چائنا فرینڈشپ سینٹر میں منعقدہ اس دو روزہ نمائش کا افتتاح بدھ کی صبح وزیرمملکت برائے پارلیمانی امور علی محمد خان اورسی ای او ڈریپ عاصم رؤف نے کیا، اس موقع پر چیئرمین پاکستان فارما سوٹیکل مینوفیکچررز ایسوسی ایشن نارتھ چوہدری انصر فاروق، سابق سی ای او ڈریب ڈاکٹر اسلم اور منتظم ڈائریکٹر پرائم ایونٹ کامران عباسی بھی موجود تھے، دو روزہ پاک فارما اینڈ ہیلتھ کیئر ایکسپو پرائم ایونٹ مینجمنٹ کے تحت منعقد کی جارہی ہے، افتتاح کے بعد وزیرمملکت نے مختلف اسٹالز کا دورہ کیا اور پروڈکٹس کے بارے میں معلومات حاصل کیں۔
وزیرمملکت علی محمد خان نے کہا کہ پاکستان میں زراعت ریڑھ کی ہڈی ہے، ہمیں زراعت کو آگے لانا ہے ، ہماری کوشش ہے کہ اپنی انڈسٹری کو آگے لائیں۔ انہوں نے کہا کہ کسانوں کے لئے مراعات لے کر آ رہے ہیں، کھاد کی قیمت میں کمی ہونی چاہیے،اٹھارویں ترمیم کے بعد زراعت کا بجٹ کم ہواہے۔ اس موقع پر میڈیا سے گفت گو کرتے ہوئے نمائش کے منتظم ڈائریکٹر پرائم ایونٹ کامران عباسی کا کہنا تھا کہ پہلا فارما اینڈ فوڈ سمٹ بھی نمائش کا حصہ ہے، اس نمائش اور کانفرنس میں پاکستان کے مختلف شہروں سمیت بیرون ممالک سے بھی مندوبین شریک ہیں۔
واضح رہے کہ یہ نمائش بدھ اور جمعرات کی شام چھ بجے تک جاری رہے گی جس میں فارما اینڈ ہیلتھ کیئرانڈسٹری سے وابستہ پارٹنرز اور نمائش کنندگان ہوں گے. یہ پہلی مرتبہ ہے کہ اسلام آباد میں فارمااینڈ ہیلتھ کیئر ایکسپو کا آغاز کیا گیا. اس اہم ایونٹ میں لوگوں کی زبردست دلچسپی دیکھنے میں آرہی ہے.
محمد اویس
تحصیل ہیڈ کوارٹر ہسپتال علی پور میں ڈاکٹرز اور عملے کی جانب سے تشدد کا ایک اور واقعہ رونما ہوا ہے۔ڈاکٹرز نے مریضہ کے علاج معالجے پر توجہ نہ دینے پر احتجاج کرنے والے بھائی کو تشدد کا نشانہ بناڈالاہے۔7 جولائی کو ہسپتال کے ڈاکٹرز اور عملے نے ریسکیو اہلکار کو بھی تشدد کا نشانہ بنایا تھا.مظفرگڑھ کی تحصیل علی پور کے ٹی ایچ کیو ہسپتال میں حاملہ خاتون کو ڈیلیوری کیس کے لیے لایا گیا تو علاج معالجہ پر توجہ نہ دینے پر مریضہ کے بھائی نے ڈاکٹرز کے خلاف احتجاج کیا.لواحقین کیمطابق احتجاج پر ہسپتال کے ڈاکٹرز اور عملے نے مریضہ کے بھائی کو گھونسوں اور مکوں سے مبینہ طور پر تشدد کا نشانہ بنایا.تشدد کا نشانہ بنانے کے بعد ہسپتال کے ڈاکٹرز نے پولیس طلب کرلی اور تشدد کا نشانہ بننے والے مریضہ کے بھائی منور اور شہزاد کو پولیس کے حوالے کردیا.لواحقین کیمطابق پولیس تھانہ سٹی علی پور نے تشدد کا نشانہ بنانے والے ڈاکٹرز کیخلاف مقدمہ درج کرنے کی بجائے ان پر ہی جھوٹا مقدمہ درج کرلیا.واقعے کیخلاف مریضہ کے لواحقین نے احتجاج کیا.دوسری جانب سی ای او ہیلتھ مظفرگڑھ ڈاکٹر ضیاء کیمطابق معاملے کی تحقیقات کی جارہی ہیں جس کے بعد ہی ذمہ داروں کا تعین ہوسکے گا.اس سے قبل 7 جولائی کو بھی مریض کی ٹی ایچ کیو ہسپتال علی پور میں شفٹنگ کے عمل کی تصاویر بنانے پر ہسپتال کے ڈاکٹرز اور عملے نے ریسکیو اہلکار کو بھی تشدد کا نشانہ بنایا تھا اور ڈاکٹرز کی ریسکیو اہلکار پر تشدد کی فوٹیج بھی منظر عام پر آئی تھی.
چیئرمین سینیٹ کے امیدوار کا نام فائنل کرنے کے حوالہ سے رہبر کمیٹی کا اجلاس کل طلب کر لیا گیا ہے،
باغی ٹی وی کی رپورٹ کے مطابق رہبر کمیٹی کا اجلاس کل صبح گیارہ بجے ہو گا. اجلاس کی صدارت کنوینر کمیٹی اکرم خان درانی کریں گے۔ رہبر کمیٹی نئے چیئرمین سینیٹ کے نام کا فیصلہ کرے گی جبکہ نیا چیئرمین سینیٹ بلوچستان سے لیے جانے کا امکان ہے۔
میڈیا رپورٹس کے مطابق نئے چیئرمین سینیٹ کے ناموں میں سینیٹر میر کبیر اور سینیٹر میر حاصل بزنجو بھی شامل ہیں، ادھر مسلم لیگ ن کی نائب صدر مریم نواز اور پی پی چیئرمین بلاول بھٹو کے مابین ٹیلیفونک رابطہ بھی ہوا ہے جس میں چیئرمین سینیٹ کیلئے نام پر مشاورت کی گئی. کل رہبر کمیٹی کے ہونے والے اجلاس میں چیئرمین سینیٹ کے امیدوار کا نام فائنل کر لیا جائے گا.
گلگت:بھارت پھر اپنی حرکتوں پر آگیا .ایک نو سالہ پاکسانی بچے کی لاش واپس کرنے سے انکار کرنے لگا.اطلاعات کے مطابق چند دن پہلے پاکستان کے شمالی علاقے گلگت بلتستان کے ایک نو سالہ بچے کی لاش کو پانی بہا کر بھارت کے زیرِ انتظام کشمیر لے گیا۔ کنٹرول لائن کی مشکلات کی وجہ سے والدین کے لیے نہ ختم ہونے والی اذیت بن گئی ہے۔
مظفر آباد سے ذرائع کے مطابق یہ واقعہ 8 جولائی کو اس وقت پیش جب یہ بچہ سکول سے واپسی پر لاپتہ ہو گیا۔ بچے کو تلاش کرنے کی تمام کوششیں لاحاصل ثابت ہوئیں اور اس کا کوئی پتہ نہ چل سکا۔ اس بچے کا تعلق گلگت بلستان کے ضلع استور کی تحصیل شونٹر کے علاقے منی مرگ سے ہے. مقامی افراد کا کہنا ہے بچہ نالے میں گر کر دم توڑ گیا جس کے بعد اس کی لاش پانی میں بہہ گئی۔ یہ معلوم نہیں ہو سکا کہ بچے کی لاش کب بھارت کے زیرِ اتنظام کشمیر جا پہنچی۔ کنٹرول لائن کے پار مقامی افراد نے پانی میں ایک بچے کی بہتی لاش دیکھ کر اسے نکال لیا لیکن بھارتی فوج عابد شیخ کی لاش واپس کرنے میں مدد نہیں کررہی اور مقامی افراد کو بھی خوفزدہ کررکھا ہے.
یہ بھی معلوم ہو اہے کہ علاقے کے لوگوں نے لاش میں مدد حاصل کرنے کے لیے معصوم عابد شیخ کی تصویر فیس بک پر اپ لوڈ کی جس کے بعد کنٹرول لائن کے پار بھارت کے زیر انتظام کشمیر سے اس کے بارے میں معلومات ملیں۔عابد کے والدین بہت غمگین ہیں اور خاندان کے افراد سمیت تمام اہل علاقہ چاہتے ہیں کہ پاکستان اور انڈیا کی حکومتیں انسانی ہمدردی کے تحت لاش کی واپسی کو یقینی بنائیں۔‘
ڈپٹی کمشنر ضلع استور عظیم اللہ نے کہا کہ انھوں نے بھی اسلام آباد کو لکھ کر دفتر خارجہ سے کردار ادا کرنے کی درخواست کی ہے اور امید ہے کہ دونوں حکومتیں انسانی ہمدردی کی بنیاد پر بچے کی لاش کی واپسی کے لیے کردار ادا کریں گی۔ڈپٹی کمشنر کا کہنا ہے کہ ضلعی انتظامیہ عابد شیخ کی فیملی سے رابطے میں ہے اور انھیں بھرپور تعاون کی یقین دہانی کرائی گئی ہے۔
پاکستان مسلم لیگ کے سینئر لیڈر احسن اقبال نے کہا ہے کہ اگرملک اسی طرح عمران خان کے پاس رہا توبہت نقصان ہو گا،
باغی ٹی وی کی رپورٹ کے مطابق سانگلہ ہل میں ورکرز کنونشن سے خطاب کرتے ہوئے احسن اقبال نے کہاکہ الیکشن میں ’’دھاندلا‘‘ ہوا لیکن ہم نے دھرنے نہیں دئیے، ہم نہیں چاہتے تھے کہ ملک کا نظام رک جائے، ہمیں بدنظمی سےبچناہے،ہم بہت صبروالے ہیں، ہم نے4سال میں12ہزارمیگاواٹ بجلی پیداکی.
احسن اقبال نے کہاکہ اناڑی وزیراعظم نےثابت کیاکہ ملک کوکسی دشمن کی ضرورت نہیں، سانگلہ ہل میں ہونے والے کنونشن میں شہریوں کی کثیر تعداد نے شرکت کی.
وزیراعظم پاکستان عمران خان کے دورہ امریکہ سے متعلق دفترخارجہ نے شیڈول جاری کردیا ہے.
باغی ٹی وی کی رپورٹ کےمطابق ترجمان دفتر خارجہ نے کہاکہ وزیراعظم عمران خان ڈونلڈ ٹرمپ کی دعوت پرامریکا کا دورہ کریں گے، وزیراعظم 21 سے23جولائی تک امریکاکادورہ کریں گے، دونوں رہنماؤں کےمنصب سنبھالنےکےبعدیہ پہلا باضابطہ رابطہ ہوگا،
ترجمان دفتر خارجہ نے کہا ہے کہ 22جولائی کووزیراعظم امریکی صدرٹرمپ سےوائٹ ہاؤس میں ملاقات کریں گے، ملاقات میں علاقائی معاملات پرغورکیاجائےگا، وزیراعظم امریکی کانگریس کےرہنماؤں اورسرمایہ کاروں سےبھی ملاقاتیں کریں گے، واشنگٹن میں مصروفیات کےدوران وزیراعظم نئےپاکستان کےویژن سےآگاہ کریں گے، وزیراعظم امریکاکےساتھ کثیرالجہتی تعلقات اوران کےفروغ پربھی زوردیں گے، وزیراعظم افغانستان کےپُرامن سیاسی حل کےحوالےسےبھی تبادلہ خیال کریں گے، وزیراعظم پرامن ہمسائیگی اورمذاکرات کےذریعےتنازعات کےحل پربھی زوردیں گے،
ترجمان دفتر خارجہ نے کہاکہ وزیراعظم کےدورہ امریکاسے دونوں ملکوں کے تعلقات میں نیا موڑ آئے گا،
بھارتی کرکٹ ٹیم کے کپتان ویرات کوہلی نے کہا ہے کہ نہ دنیا ختم ہو ئی ہے اور نہ ہم برباد ہوگئے ہیں. بھارتی شائقین کو جذباتی ہونے کی بجائے اپنا کرکٹ کلچر تبدیل کرنا ہو گا. جیت پر تو بہت خوش ہوتے ہیں لیکن ایک ہار پر کھلاڑیوں پر سخت تنقید شروع کر دی جاتی ہے، یہ سلسلہ اب ختم ہونا چاہیے.
باغی ٹی وی کی رپورٹ کے مطابق نیوزی لینڈ کے ہاتھوں بری طرح شکست کھانے کے بعد پریس کانفرنس کرتے ہوئے انہوں نے کہاکہ بھارتی عوام کی طرح میں بھی شکست پر دکھی ہوں لیکن حقیقت یہ ہے کہ جب آج کے سیمی فائنل جیسے کسی بڑے میچ میں 6 رنز پر 3 وکٹ گرجائیں تو پھر واپسی مشکل ہوجاتی ہے. دھونی اور رویندر جڈیجا نے بہترین بیٹنگ کی، آخری 4 اوورز میں ہمیں جیت کی توقع تھی لیکن نیوزی لینڈ نے چھوٹے اسکور کے باوجود کمال بولنگ کی، نیوزی لینڈ کی ٹیم ذہنی طور پر مضبوط تھی اور انہوں نے اپنے اعصاب کو کنٹرول میں رکھا، میں نے جڈیجا کی اس سے بہترین اننگز کبھی نہیں دیکھی۔
ویرات کوہلی نے نیوزی لینڈ کی باؤلنگ کی بہت تعریف کی اور کہا کہ انہوں اچھی باؤلنگ کے ذریعہ ہم پر بہت دباؤ رکھا. اب ہمارے لوگوں کو اپنے رویے کو تبدیل کرنا ہوگا، کسی بھی کام میں شدت پسندی درست نہیں ہے. ادھر نیوزی لینڈ کی ٹیم کے کپتان کین ولیم سن نے کہا کہ 2015 اور 2019 کے فائنل میں فرق ہے، بولٹ اور ہینری کی بولنگ نے ہمیں جیت دلوائی، پچ مشکل تھی اور ہمیں اندازہ تھا کہ جیت کیلئے ہمیں وکٹیں لینی ہیں۔
واضح رہے کہ انڈیا کی ٹیم کی شکست کے بعد کوہلی پر سخت تنقید کی جارہی ہے. ورلڈ کپ میں نیوزی لینڈ کے ہاتھوں بھارتی ٹیم کی شکست کے بعد ہندوستانی کھلاڑی جو کل تک ہیرو قرار دیے جارہے تھے آج سبھی کو زیرو کہا جارہا ہے. بھارتی میڈیا دھونی کی طرح ویرات کوہلی کے بھی ہاتھ دھو کر پیچھے پڑ گیا ہے.
ہندوستانی میڈیا کا کہنا ہے کہ سنچریوں کا انبار لگانے والے ویرات کوہلی صرف ایک سکور بنا کر آؤٹ ہو گئے. کہا جارہا ہے کہ ویرات کوہلی کا بلا بڑے میچوں میں کبھی نہیں چلتا جس سے بلے باز کی قلعی کھل جاتی ہے. بھارتی میڈیا کا کہنا ہے کہ سنچریوں کا انبارلگانے والے وراٹ کوہلی صرف ایک رن پرآوٹ ہوگئے۔ وراٹ کوہلی اس عالمی کپ سے پہلے سال 2015 اور2011 میں ہوئے عالمی کپ میں بھی ٹیم کا حصہ تھے۔ وہ اب تک پانچ ناک آوٹ مقابلے کھیل چکے ہیں، لیکن ان کے اعدادوشمارحیران کرنے والے ہیں۔ ان پانچ ناک آوٹ میچ کی اننگ میں کوہلی نے 14.40 کی اوسط سے صرف 72 رن بنائے ہیں۔
سری نگر:حریت کانفرنس کے چیئرمین کشمیر کی تحریک آزادی کے روح رواں بزرگ رہنما سید علی گیلانی نے ورلڈ کپ کے سیمی فائنل میں بھارت کی ہار پر بڑے خوبصورت انداز میں ردعمل دیتے ہوئے کہا ہے کہ بھارت کو یہ بات یاد رکھنی چاہیے تھی کہ جو کسی کے لیے گڑھا کھودتا ہوا وہ خود ہی اس میں آگرتا ہے.
سید علی گیلانی نے بھارت کے اس رویےکی طرف اشارہ کیا ہے جس میں پاکستان سے سخت دشمنی آشکار ہوتی ہے. یاد رہے کہ ورلڈ کپ کے اہم میچ میں بھارت صرف اس لیے انگلینڈ سے ہار گیا کہ کہیں پاکستان سیمی فائنل میں نہ پہنچ جائے .اس میچ میں اگر بھارت انگلینڈ کو ہراتا تو پاکستان کے سیمی فائنل میں پہنچنے کے سو فیصد مواقع تھے
پاکستان کو سیمی فائنل سے محروم رکھنے کے لیے بھارت نے جس منافقت سے کام لیا اس پر کھیل کے میدان کے بڑے بڑے تجزیہ نگاروں اور عالمی مبصرین نے شدید ردعمل ظاہر کرتے ہوئے کہا تھا کہ بھارت انگلینڈ سے صرف اس لیے ہارا تاکہ پاکستان کو سیمی فائنل کی دوڑ سے باہر رکھ سکے .اس منافقانہ رویے کا اظہار بھارتی میڈیا اور بھارتی سیاستدانوں ،انتہا پسند ہندووں حتی کہ فوج جیسے ادارے کی طرف سے پاکستان کے ہارنے کیا .
سید علی گیلانی نے اسی منافقانہ رویے کی طرف اشارہ کرتے ہوئے کہا ہے کہ بھارت نے پاکستان کو سیمی فائنل میں پہنچے سے روکنے کے لیے پاکستان کے جو گڑھا کھودا بالآخر بھارت خود اس گڑھے میں آگرا