عمان (مسقط_نمائندہ باغی ٹی وی) سلطنت آف عمان کے بڑے بنک ” بنک مسقط” نے اپنے صارفین کو جعل سازوں سے ہوشیار رہنے کے لیے کہا ہے۔ ذرائع کے مطابق جعل ساز پچھلے کچھ عرصہ سے بنک کا نمائندہ ظاہر کرتے ہوئے وٹس ایپ کے ذریعے لوگوں کو پیغام ارسال کرتے ہیں کہ ان کا بنک اکاؤنٹ اور ATM کارڈ بند کیا جا رہا ہے جبکہ اکاؤنٹ کو بحال رکھنے کے لیے آپ سے کچھ معلومات درکار ہیں اس کے لیے ساتھ ایک موبائل نمبر بھی لکھا ہوتا ہے جس پر رابطہ کرنے کو کہا جاتا ہے۔ رابطہ کرنے کی صورت میں بنک صارف سے ذاتی اور بنک اکاؤنٹ سے متعلق معلومات حاصل کی جاتی ہیں۔ اور پھر اکاؤنٹ ہیک کر کے اس شخص کو اپنے بنک اثاثوں سے محروم کر دیا جاتا ہے۔
بنک مسقط نے خبردار کیا ہے کہ یہ پیغامات دھوکہ دہی اور فراڈ پر مبنی ہیں۔ بنک نے ایسا کوئی پیغام نہیں بھیجا۔ براہ مہربانی ایسے جعل سازوں اور دھوکہ بازوں سے ہوشیار رہیں۔ اور اپنی ذاتی نوعیت کی معلومات کسی کے ساتھ شیئر نہ کریں۔
Author: +9251
-
بنک مسقط صارفین ہو جائیں ہوشیار، عمانی بنک نے خبردار کر دیا
-
بیرون ملک کتنی رقم لے جائی جا سکتی ہے ایف بی آر نے ہدایات جاری کردیں
بیرون ملک کتنی رقم لے جائی جا سکتی ہے ایف بی آر نے ہدایات جاری کردیں.
تفصیلات کے مطابق .18 سال سے زائد عمر کا شخص 10 ہزار ڈالر یا اس کے مساوی ملکی و غیر ملکی کرنسی بیرون ملک لے جا سکتا ہے ایف بی آر کا کہنا ہے کہ 5 سال تک کا بچہ ایک وقت میں ایک ہزار ڈالر یا مساوی کرنسی لے جا سکتا ہے، بچہ سال میں 6 ہزار ڈالر یا اس کے مساوی غیر ملکی کرنسی لے جا سکتا ہے۔
5 سال سے زائد اور 18 سال تک کے مسافر کو ایک وقت میں 5 ہزار ڈالر یا مساوی کرنسی کی اجازت دی گئی ہے جبکہ اس عمر کے افراد سال میں 30 ہزار ڈالر یا اس کے مساوی غیر ملکی کرنسی لے کر سفر کر سکتے ہیں۔
ایف بی آر کا کہنا ہے کہ 18 سال سے زائد عمر کے مسافر 10 ہزار ڈالر یا مساوی کرنسی ساتھ لے جا سکتے ہیں جبکہ سال میں 60 ہزار ڈالر یا اس کے مساوی غیر ملکی کرنسی کے ساتھ سفر کر سکتے ہیں۔
ایف بی آر نے ایکسپورٹ پالیسی اور پروسیجر آرڈر کے تحت 11 اشیا کو ممنوع بھی قرار دیا ہے۔ سونا، چاندی،جواہرات اور سونے کے زیورات لے جانے پر پابندی ہوگی۔ اسی طرح 3 ہزار سے زائد پاکستانی کرنسی، نوادرات، آثار قدیمہ، ملکی مفاد کے خلاف لٹریچر اور قابل اعتراض مواد لے جانے پر بھی پابندی ہوگی۔
-
مریم صفدر کے شوہر کپیٹن (ر)صفدر نےکس لئے کی ملتان یاترا؟؟؟
مسلم لیگ ن کی نائب صدر مریم صفدر کے شوہر کپیٹن ریٹائرڈ صفدر ملتان پہنچ گئے۔کپیٹن (ر)صفدر نے ملتان میں مسلم لیگ ن کے منڈی بہاالدین جلسہ کے دوران زخمی ہونے والے کارکن محمد عقیل کی عیادت کی۔ کپیٹن (ر)صفدر نے دربار حضرت شاہ رکن عالم اور دربار حضرت شاہ شمس تبریز پر بھی حاضری دی۔ اس موقع پرکیپٹن ر صفدر کے ہمراہ سابق گورنر رفیق رجوانہ بھی موجود تھے۔
-
فردوس عاشق اعوان بیماری کے بعد جلد صحتیاب ہور ہی ہیں
فردوس عاشق اعوان جلدی سے صحتیاب ہورہی ہیں.انہیں دل میں تکلیف کی شکایت ہوئی تھی جس کے بعد انہیں فوری ہسپتال داخل کرایا گیا تھا.
باغی ٹی وی رپورٹ کے مطابق فردوش عاشق اعوان ہسپتال سے ڈسچارج ہونے کے بعد تیزی سے صحتیاب ہو رہی ہیں.اس سے پہلے فردوس عاشق اعوان کو سینے میں درد کی شکایت ہوئی تھی جس کے بعد انہیں اسلام آباد کے پمز اسپتال منتقل کیا گیا تھا، ڈاکٹرز نے ضروری ٹیسٹ کرنے کے بعد اُن کی طبیعت کو خطرے سے باہر قرار دیا تھا۔
اپنے ٹویٹ پیغام میں معاون خصوصی ڈاکٹر فردوس عاشق اعوان نے کہا کہ الحمد اللہ صحت یاب ہوں، (آج) بدھ سے اپنے سرکاری فرائض کی انجام دہی شروع کر دوں گی، انہوں نے کہا کہ آپ سب کی دعائوں اور نیک تمنائوں کے ڈھیروں پیغامات کا شکریہ۔
-
سیال موڑ خادثے کے نتیجے میں ڈی آئی جی جاں بحق
سرگودھا(نمائندہ باغی ٹی وی )موٹر وے پرسیال موڑ کے قریب پولیس کی گاڑی اور ٹریلر میں تصادم کے نتیجے میں ڈی آئی جی ریسرچ اینڈ ڈویلپمنٹ لاہور کامران یوسف ڈرائیورسمیت شہید ہو گئے ڈی آئی جی کامران یوسف سرکاری گاڑی میں لاہور سے اسلام آباد جا رہے تھےکہ اچانک حادثہ پیش آ گیا جس سے ڈی آئی جی اور ان کے ڈرائیور موقع پر جاں بحق ہو گئے
-
بھارت کاجنگی جنون انتہا پر،طالب علموں کے لیے فوجی ٹریننگ لازمی قراردے دی
امرتسر:پاکستان کی طرف سے بھارت کو خیر سگالی کے پیغامات اور جزبات کے باوجود بھارت کی پاکستان دشمنی کم ہونے کا نام ہی نہیں لے رہی . بھارت جہاں پاکستان کو سبق سکھانے کے لیے کئی دہائیوں سے اپنے فوجیوں کو جدید اسلحہ اور ٹریننگ دے رہا ہے وہاں اب فوج کے ساتھ ساتھ بھارت سکولوں ،کالجوں اور یونیورسٹیوں میں زیر تعلیم طالب علموں پر بھی فوجی تربیت لینے لازمی قرار دیا ہے.
طالب علموں کو فوجی تربیت دینے کا آغاز بھارتی پنجاب سے کیا جارہا ہے جہاں این سی سی کے نام سے طالب علموں کو فوجی تربیت دینے کا سلسلہ شروع ہو گیا ہے.ذرائع کے مطابق اس حوالے سے نئی دہلی میں اہم فیصلے ہو چکے ہیں اور تمام ریاستوںمیں فوجی تربیت کو لازمی قرار دینے کے حوالے سے اقدامات کرنے کا کہا گیا تھا .
بھارت پنجاب کے وزیر اعلیٰ امریندر سنگھ نے اس حوالے سے تصدیق کرتے ہوئے ایک اہم میٹنگ میں کہا ہے کہ بہت جلد تمام تعلیمی اداروں میں فوجی ٹریننگ کا آغاز کر دیا جائے گا جس کے لیے فریم ورک تیار ہو گیا ہے.وزیر اعلیٰ نے کہا کہ اس منصوبے کے آغاز میں تین اضلاع سے فوجی ٹریننگ کا آغاز کیا گیا ہے. جن میں 9ویں سے لیکر 12ویں تک کے طالب علموں کو ٹریننگ دی جائے گی ان اضلاع میں گورداسپور،ترن تران اور امرتسر شامل ہیں. اس کے بعد یہ سلسلہ پوری ریاست میں پھیلا دیا جائے
ذرائع کے مطابق پائیلٹ پراجیکٹ کے طور پر ابھی 365 ہائی اور 365 ہایئر سیکنڈری سکولوں کے طالب علموں کو ٹرینینگ دی جارہی ہے.ذرائع کے مطابق یہ فیصلہ پاکستان کی سرحد پر بھارتی افواج کو کمک کے طور پر کیا گیا ہے تاکہ طالب علم این سی سی کرکے پاکستان کو ایک مضبوط پیغام دے سکیں اور پاکستان کو کسی جارحیت میں سبق بھی سکھا سکیں
یاد رہے کہ پاکستان میں این سی سی کے نام سے سکولوں اور کالجوں میں تربیت دی جاتی تھی لیکن امریکہ ،بھارت اور دیگر ہم نوا ملکوں کی سازشوں سے پاکستان میں یہ ٹریننگ ختم کروا دی گئی اورنائن الیون کے بعد پاکستان پر بہت دباو بڑھایا گیا تھا کہ وہ اس طالب علموں کو یہ کو رس نہ کروائے کیونکہ اس سے طالب علموں کے ذہینوں میں انتہا پسندی پیدا ہوسکتی ہے. امریکہ اور دیگر امریکی ہم نواوں کے سخت دباو پر اس وقت کے سربراہ مملکت جنرل پرویز مشرف کو بالآخر این سی سی کوختم کرنا پڑا
-
سینئر صحافی اور معروف اینکر پرسن مبشر لقمان کی وزیر اعظم سے ملاقات
سینئر صحافی اور معروف اینکر پرسن مبشر لقمان کی وزیر اعظم سے ملاقات ہوئی
باغی ٹی وی رپورٹ کے مطابق .معروف صحافی اور اینکر پرسن مبشر لقمان نے اسلام آباد وزیراعظم ہاؤس میں وزیراعظم پاکستان عمران خان کے ساتھ ایک ملاقات کی جس میں ملکی صورت حال پر تبادلہ خیال ہوا.اس موقع پر وزیر اعظم پاکستان عمران خان نے کہا کہ ملکی معیشت میں جلد بہتری آئے گی. وزیر اعظم نے حکومت کی جانب سے معاشی اصلاح کے لیے کیے گئے اقدام پر اپنا ویژن پیش کرتےہوئے کہا کہ ہماری اولین ترجیح یہ ہے کہ ملک کو عشروں سے جاری معاشی بحران سے نکالیں.
ماضی کے حکمرانوں نے اس بارے دیر پا اور سنجیدہ اقدام نہیں کیے .ہماری معاشی پالیسی دیر پا اور مستقل ہے . ہماری پوری کوشش ہے کہ زیادہ سے زیاد غیر ملکی سرمایہ پاکستان میں آئے. انہوں نے تسلیم کیا کہ پاکستانی قوم اس وقت مشکل حالات میں ہے اور ان حالات کو سابقہ حکمرانوں نے پیدا کیا ہے ہم اس بحران اور مشکل سے نکلنے کی کوشش کر رہےہیں..میٹنگ بہت ہی مثبت اور خوشگوار ماحول میں جاری رہی اور وزیراعظم اپنے مقصد میں پر امید اور مثبت دکھائی دے رہے تھے
مبشر لقمان نےکرکٹ اور ورلڈ کپ 2019ء میں اپنی ذاتی دلچسپی اور محبت کا اظہار بھی کیا،وزیر اعظم نے اس بارے کہا کہ گراس روٹ لیول پر کرکٹ کو اہمیت دینے پر کرکٹ میں بہتری آئے گی. جس سے نئے اور نوجوان کھلاڑیوں کو موقع ملے گا.اس موقع پر سابق حکمرانوں کے بیرون ملک مہنگے ترین دورے بھی زیر بحث آئے . انہوں نے کہا کہ میں کرکٹ میچ انگلینڈ دیکھنے کی بجائے ٹی وی پر دیکھتا ہوں تا کہ کفایت شعار ی اور بچت ہو سکے.. -
شیخوپورہ سے یہ کیا برآمد ہو گیا؟
شیخوپورہ (نمائندہ باغی ٹی وی) اسسٹنٹ کمشنر شیخوپورہ کی جوئیانوالہ موڑ پر ذخیرہ اندوزوں کے خلاف کاروائی ، 1400بوری چینی قبضہ میں لے کر گودام سیل کردیا
اسسٹنٹ کمشنر شبیر بٹ کے مطابق 4افراد کو حراست میں لے لیا گیا مقدمہ درج کروایا جائے گا، اور ذخیرہ اندوزی کرکے مصنوعی قلت پیدا کرنے والے عناصر کے خلاف کاروائیاں جاری رکھیں گے
-
وزیراعظم کا ایک اور یو ٹرن، حماد اظہر سے ریوینیو کا قلمدان واپس
تحریک انصاف کا ایک اور یو ٹرن ،حفیظ شیخ کے سامنے وزیر اعظم بھی بے بس ہوگئے. حفیظ شیخ کی ناراضی کے بعد ریوینیو کا قملدان حماد اظہر سے واپس لے کر حفیظ شیخ کو پھر واپس کر دیا گیا
باغی ٹی وی رپورٹ کے مطابق حماد اظہر ایک دن بھی ریوینیو کے وفاقی وزیر نہ رہ سکے..حفیظ شیخ سے لیا گیا قلمدان مشیر خزانہ حفیظ شیخ کی ناراضگی پر واپس حفیظ شیخ کو دے دیا گیا…وزیراعظم نے حماد اظہر سے وفاقی وزیر ریونیو کا قلمدان واپس لے لے کر مشیر خزانہ حفیظ شیخ کو ریونیو ڈویژن کا قلمدان واپس دے دیا..
حماد اظہر کو نئی وزارت وفاقی وزیر برائے اقتصادی امور ڈویژن مقرر کردیا.حفیظ شیخ سے اقتصادی امور ڈویژن کا قلمدان واپس لے لیا.حماد اظہر نے کل ہی وفاقی وزارت کا حلف اٹھایا تھا صدر پاکستان نے حماد اظہر سے نئ وزارت کا حلف لیا تھا. ..کابینہ ڈویژن نے قلمدان تبدیل کرنے کا نوٹیفکیشن جاری کردیا..فیظ شیخ نے ریونیو ڈویژن کا قلمدان واپس لیے جانے پر تحفظات کا اظہار کیا تھا
-
ڈسٹرکٹ بار ایسوسی ایشن کی مکمل ہڑتال عدالتوں کا بائیکاٹ
چنیوٹ کو ممکنہ جھنگ ڈویژن میں شامل کیئے جانے کے خلاف ڈسٹرکٹ بار ایسوسی ایشن کی مکمل ہڑتال عدالتوں کا بائیکاٹ اس فیصلہ کو کسی صورت قبول نہیں کریں گے وکلاء
ڈسٹرکٹ بار ایسوسی ایشن نے ممکنہ طور پر جھنگ کو ڈویژن بنا کر اس میں ڈسٹرکٹ چنیوٹ کو شامل کیئے جانے کے خلاف احتجاج کرتے ہوئے ہڑتال کردی ڈسٹرکٹ بار ایسوسی ایشن کے جنرل ہاؤس میں کیئے گئے فیصلہ کیمطابق اگر حکومت نے کوئی ایسا اقدام کیا تو وکلاء دیگر شہری تنظیموں کےساتھ مل کر سخت احتجاجی تحریک چلائیں گے جس کا آغاز آج مکمل ہڑتال کرکے کردیا گیا ہے