Author: +9251

لندن:برطانیہ کی موجودہ لیبر پارٹی کی حکومت نے یورپی یونین میں رہنے کے لیے ایک بار پھر ریفرنڈم کا اشارہ کرتے ہوئے کہا ہے کہ وہ ملک میں ریفرنڈم کرائے گی اس ریفرنڈم میں‌تمام کاروباری یونینز کو اس ریفرنڈم کی حمایت کرنے کی کوششیں ہو رہی ہیں. لیبر پارٹی نے ریفرنڈم کا فیصلہ ملک بھر کی ٹریڈیونین کے مطالبے پر کیا ہے جس میں‌کہا گیا ہے کہ تمام ٹریڈ یونینز یورپی ہونین میں رہنے کے حق میں ووٹ دیں گی

Len McCluskey جو کہ یونائیٹ اسٹیٹ لیبر کے سربراہ ہیں نے بھی دیگر یونین کی حمایت میں کہا ہے کہ وہ برگزیٹ ریفرنڈم میں دیگر ٹریڈ یونین کے ساتھ کھڑے ہیں.ملک بھر کی اکثر ٹریڈ تنظیموں نے حکومت سے کہا ہے کہ وہ ریفرنڈم کرانے کے لیے راہ ہموار کریں.

یورپی یونین میں رہنے کے حوالےسے اس مجوزہ ریفرنڈم میں بہت سی تجارتی تنظیموں کی حمایت اپنی جگہ مگر اس بات کا حتمی فیصلہ تو حکومت نے کرنا ہے کہ آیا وہ یورپی یونین میں رہنا چاہتے ہیں یا پچھلی حکومت کے فیصلے کی توثیق کرنا چاہتے ہیں.

یاد رہے کہ برطانیہ کی پچھلی کنزرویٹو پارٹی کی حکومت نے ملک میں‌ریفرنڈم کرایا تھا جس میں 52 فیصد شہریوں نے یورپی یونین سے نکلنے کے حق میں ووٹ دیا جبکہ 48 فیصد نے مخالفت میں‌ووٹ دیا .اس ریفرنڈم کی دلچسپ بات یہ ہے کہ اس ریفرنڈم میں اسکاٹ لینڈ ناردرن آئیر لینڈ نے یورپی یونین میں رہنے کے حق میں ووٹ دیا .ملک میں اس انتشار کی وجہ سے بالآخر اس وقت کے وزیر اعظم ڈیوڈ کیمرون نے استعفی دے دیا تھا

دوحہ :قطر کے دارالحکومت دوحہ میں افغان طالبان اور افغانستان کے نمائندوں کے درمیان ہونے والی 2 روزہ آل افغان کانفرنس میں قیام امن اور 18 سال سے جاری جنگ کے خاتمے کے منصوبے پر اتفاق ہوگیا۔ رپورٹ کے مطابق امریکی نمائندہ برائے امن عمل زلمے خلیل زاد نے کہا کہ وہ یکم ستمبر تک افغانستان میں قیام امن کے حتمی معاہدے کے لیے پُرامید ہیں جس کے بعد امریکا اور نیٹو کی افواج کو انخلا کی اجازت دی جائے گی۔

دو روزہ آل افغان کانفرنس میں کہا گیا ہے کہ جنگ کے خاتمے کے بعد افغانستان میں اسلامی قانونی نظام نافذ ہوگا، اسلامی اقدار کے تحت خواتین کے حقوق کی حفاظت کی جائے گی اور تمام قومیتوں کے لیے مساوات کو یقینی بنایا جائے گا۔آل افغان کانفرنس میں افغان طالبان، افغان حکومت کے نمائندوں، خواتین اور دیگر نامور شخصیات نے شرکت کی، جس کا مقصد افغان معاشرے میں اتفاق رائے قائم کرنا تھا۔

دوسری طرف امریکی نمائندہ برائے افغانستان زلمے خلیل زاد آج قطر کے دارالحکومت دوحہ میں 2 روزہ آل افغان کانفرنس کے بعد طالبان کے ساتھ امن مذاکرات کے آٹھویں مرحلے کا آغاز کریں گے۔
تاہم اس حوالے سے آئندہ مذاکرات کے لیے کوئی تاریخ نہیں بتائی گئی کہ اسلامی نظام کیسا ہوگا، آئینی اصلاحات کیسے لائی جائیں گی اور طالبان سے وابستہ مقامی جنگجوؤں کا کیا ہوگا۔

فریقین کو اسلامی اقدار کے تحت خواتین کے حقوق کی تعریف اور ایک نگراں انتظامیہ کے قیام اور انتخابات کا انعقاد کا وقت سے متعلق بھی بات چیت کرنی ہوگی۔دوسری طرف افغان طالبان نے سرکاری اداروں اور عوامی مقامات جیسا کہ ہسپتالوں اور اسکولوں اور ہائیڈرو الیکٹرک ڈیمز پر حملہ نہ کرنے پر بھی اتفاق کیا۔

دوحہ میں جاری اعلامیے میں کہا گیا کہ ضعیف، معذور اور بیمار قیدیوں کو غیر مشروط طور پر رہا کیا جائے گا لیکن اس حوالے سے یہ نہیں بتایا کہ قیدیوں میں جنگ کے دوران گرفتار کیے گئے افراد بھی شامل ہیں یا نہیں۔

واشنگٹن :کون کب اور کیوں موٹا ہوتا ہے یہ تحقیقی خبریں تو پہلے بھی آتی رہی ہیں لیکن یہ پہلی بار آیا ہے کہ کالج میں زیر تعلیم طالب علم اپنی ہم مکتب طالبات کی نسبت جلد موٹے ہوجاتے ہیں.امریکا میں کی جانے والی ایک تحقیق میں دعویٰ کیا گیا ہے کہ نوجوان خواتین کے مقابلے نوجوان مرد جلد موٹاپے کا شکار ہوجاتے ہیں۔اس دلچسپ تحقیق میں کالج میں داخلہ لینے والے مرد و خواتین میں موٹاپے کے تناسب کا جائزہ لیا گیا اور دیکھا گیا کہ کن وجوہات کی وجہ سے لوگ موٹے ہو رہے ہیں۔

امریکی ادارہ برائے سائنس جرنل ’بی ایم سی‘ میں شائع رپورٹ کے مطابق امریکی ماہرین کی جانب سے یونیورسٹی کے طلبہ میں موٹاپے کی وجہ جاننے والی تحقیق میں یہ بات سامنے آئی کہ کالج کے زمانے سے ہی مرد و خواتین موٹے ہونا شروع ہوجاتے ہیں.سائنس جرنل نے اپنی رپورٹ میں لکھا ہے کہ لڑکے اور لڑکیوں کو 100 غذاؤں اور مشروبات کی فہرست دی اور ان سے پوچھا کہ انہوں نے کس غذا یا مشروب کی کتنی مقدار استعمال کی۔ماہرین کے مطابق رضاکاروں سے پوچھے گئے سوالات کے نتائج سے پتہ چلا کہ کالج یا یونیورسٹی کے پہلے سال میں ہی لڑکے اور لڑکیوں کا وزن بڑھنا شروع ہوجاتا ہے۔

سائنس جرنل ‘بی ایم سی ‘ نے اپنی تحقیق میں‌کہا ہے کہ ماہرین نے لڑکیوں کے مقابلے لڑکوں کے وزن بڑھنے کے اسباب کو ناقص خوراک کا زیادہ استعمال قرار دیا۔ماہرین کا کہنا تھا کہ لڑکے کالج یا یونیورسٹی کے پہلے سال ہی جنک فوڈ اور فرائیڈ غذائیں کھانے سمیت منشیات اور شراب نوشی کا کثرت سے استعمال کرتے ہیں، جس وجہ سے ان کا وزن تیزی سے بڑھتا ہے۔

ماہرین کے مطابق اگرچہ لڑکیاں بھی مردوں جیسے ہی کھانے استعمال کرتی ہیں، تاہم وہ ان غذاؤں کا استعمال کم مقدار میں کرتی ہیں۔رپورٹ میں بتایا گیا کہ مجموعی طور پر کالج یا یونیورسٹی کے پہلے سال میں لڑکوں کا وزن ایک سال میں 7 کلو جب کہ لڑکیوں کا وزن ساڑھے تین کلو تک بڑھ جاتا ہے۔