بستی ملوک(نمائندہ باغی ٹی وی) اڈا محمد پور سرکاری ہسپتال میں حفاظتی ٹیکوں کی مہم جاری جبکہ لیڈی ہیلتھ ورکرز، ویکسینٹرشوکت کالونی میں ایک عطائی ڈاکٹرکے کلینک میں بیٹھا کر ڈیوٹی سر انجام دینے لگے جب اطلاع پر میڈیا ٹیم موقع پر پہنچ تو عطائی سمیت سرکاری عملہ دوکان بند کر کے غائب ہوگیا جب صحافیوں نے ان سے رابطے کی تو کوشش کی توعملے نے موقف دینے کی بجائے موبائل فون بند کر دیا شہریوں نے سرکاری عملہ کے خلاف سخت موقف دیتے ہوئے کہا کہ کاروباری و مزدور طبقہ گھروں میں موجود نہیں ہوتا جس کی وجہ سے باپردہ خواتین خود اور اپنے بچوں کو حفاظت ٹیکے نہیں لگوا سکتی سرکاری عملہ کو چاہیے کہ ان عطائیوں کے خلاف کاروائی کریں جبکہ یہ خود ہی وہاں ڈیرے ڈال کر مسجد میں اعلان کرواتے ہیں کہ فلاں عطائی کے پاس آکر حفاظتی انجکشن لگائیں محکمہ ہیلتھ کو اس پر کاروائی کرنی چاہے
Author: +9251
-
ورلڈ کپ 2019 بھارتی بلے باز روہت شرما نے5 سنچریاں بنا کر عالمی ریکارڈ قائم کردیا
لندن :عالمی شہرت یافتہ بھارتی بلے باز روہت شرما نے ورلڈ کپ میں سری لنکا کے خلاف سنچری اسکور کر کے نیا عالمی ریکارڈ قائم کردیا۔لیڈز میں کھیلے جا رہے میچ میں بھارتی بلے باز نے سری لنکا کے خلاف شاندار کھیل پیش کرتے ہوئے عالمی کپ میں عمدہ فارم کا سلسلہ برقرار رکھا اور شاندار سنچری اسکور کی۔
روہت شرما کی ورلڈ کپ 2019 میں پانچویں سنچری تھی اور اس کے ساتھ ہی انہوں نے کسی بھی ایک عالمی کپ میں سب سے زیادہ سنچریوں کا نیا عالمی ریکارڈ قائم کردیا۔اس سے قبل کسی ایک ورلڈ کپ ایونٹ میں سب سے زیادہ سنچریاں بنانے کا ریکارڈ عظیم سری لنکن بلے باز کمار سنگاکارا کے پاس ہے جنہوں نے 2015 ورلڈ کپ میں 4 سنچریاں اسکور کی تھیں۔
بھارتی بلے بازروہت شرما نے جنوبی افریقہ کے خلاف ناقابل شکست 122، پاکستان کے خلاف 140، انگلینڈ کے خلاف 102 اور بنگلہ دیش کے خلاف 104رنز کی اننگز کھیلی۔آج روہت شرما نے 94 گیندوں پر 2 چھکوں اور 14 چوکوں کی مدد سے 103رنز کی اننگز کھیلی۔کرکٹ کی تاریخ میں صرف دو کھلاڑی ہیں جنہیں کسی ایک سیریز یا ٹورنامنٹ میں 5 سنچریاں بنانے کا حق رکھتے ہیں۔
-
وہاڑی : ڈاکوؤں کی فائرنگ ایک شخص جاں بحق ہو گیا
بورے والا (نمائندہ باغی ٹی وی) تهانہ فتح شاہ کے علاقہ پرانا سلدیرا میں ڈکیتی کی خونی واردات۔ڈاکو دکاندار کو رسی سے باندھ کر گھر میں لوٹ مار اور خواتین سے بدتمیزی کرتے رہے
خواتین کے شور مچانے پر ہمسایہ منیر اور دیگر لوگ آگئے اور بھاگتے ہوئے ڈاکوؤں کی فائرنگ کی زد میں آ کر ہمسایہ منیر شدید زخمی ہوا ڈاکوؤں کی فائرنگ سے زخمی منیر کو نشتر ملتان منتقل کیا گیا مگر وہ زخموں کی تاب نہ لاتے ہوئے دم توڑ گیا۔ -
سندھ حکومت اب سنبھالنے جارہی ہے تین بڑے ہسپتالوں کا انتظام
اسلام آباد:وفاقی اور صوبائی حکومت کے درمیان تین بڑے ہسپتالوں کے حوالے سے پیدا ہونے والی کشمکش ختم ہو گئی ہے. وفاقی حکومت کا سندھ کے 3 بڑے ہسپتالوں کا انتظام واپس صوبے کو دینے کا فیصلہ.اطلاعات کے مطابق وفاقی حکومت نے جناح ہسپتال، این آئی سی ایچ اور این آئی سی وی ڈی کا انتظام سندھ حکومت کو واپس دینے کا فیصلہ کیا ہے۔
یاد رہے کہ اس وقت کے چیف جسٹس میاں ثاقب نثار کی سربراہی میں سپریم کورٹ کے 3 رکنی خصوصی بینچ نے 18ویں ترمیم کے تحت صوبوں کو اختیارات کی منتقلی سے متعلق کیس کی سماعت کے دوران یہ احکامات دیئے تھے۔
سپریم کورٹ کے اس فیصلے کے بعد وفاقی اور سندھ حکومتوں میں تنازع کھڑا ہوگیا تھا، سندھ حکومت ان ہسپتالوں کو وفاق کے حوالے کرنے پر تیار نہ تھی جبکہ وفاقی حکومت عدالتی فیصلے کی روشنی میں ان ہسپتالوں کا انتظام سنھبالنا چاہتی تھی۔نیشنل سروسز ڈویژن کے مطابق تنازع کے حل کے لیے ایک کمیٹی قائم کی گئی جس نے فیصلہ کیا کہ ان ہسپتالوں کا انتظام سندھ حکومت کو واپس کردیا جائے۔
-
وہاڑی : ڈرون جہاز اب زراعت میں
ٹبہ سلطان پور (نمائندہ باغی ٹی وی) میں بڑے کسانوں نے سپرے کے لئے ڈرون ٹیکنالوجی کا استعمال شروع کر دیا ہے یہ سپرے کرنے کا جدید اور آسان و انتہائی سستا طریقہ تصور کیا جا رہا ہے مقامی کسانوں اور لوگوں کی بڑی تعداد مقامی کسان کے کھیتوں میں ڈرون سے سپرے کا نظارہ دیکھنے کے لئے جمع ہوئی لوگوں نے ڈرون کے زراعت میں استعمال کو سراہا ہے
-
بورے والا : صفائی کی صورتحال انتہائی خراب
بورے والا (نمائندہ باغی ٹی وی) میں گلشن رحیم کالونی 505 روڈ کے مین گیٹ پر سیوریج کے پانی سے پیدا شدہ بدترین صورتحال پیدا ہو گئی ہے
گٹر کے گندے پانی نے مکینوں کا جینا دوبھر کر دیا ہے ہر آنے جانے والے کو گندے پانی سے گزرنا پڑتا ہے کئی ہفتوں سے مسلسل خراب صورتحال چل رہی ہے میونسپل کمیٹی بورے والا نے اس صورتحال کو کوئی ترجیح نہیں دی جس کی وجہ سے اہل علاقہ شدید پریشان نظر آ رہے ہیں -
لندن :جنوبی افریقہ کا آسٹریلیا کو فتح کے لیے 326رنز کا ہدف
لندن :مانچسٹر میں کھیلے جا رہے میچ میں جنوبی افریقہ نے ٹاس جیت کر پہلے بیٹنگ کا فیصلہ کیا جو بالکل درست ثابت ہوا جنوبی افریقہ نےپہلے کھیلتے ہوئے فاف ڈیو پلیسی اور وین ڈر دوسن کی شاندار بیٹنگ کی بدولت آسٹریلیا کو ورلڈ کپ کے اہم میچ میں فتح کے لیے 326رنز کا ہدف دیا ہے۔اوپنرز ایڈن مرکرم اور کوئنٹن ڈی کوک نے اپنی ٹیم کو 79رنز کا عمدہ آغاز فراہم کیا جس کے بعد مرکرم کی 34رنز کی اننگز اختتام کو پہنچی۔
کوئنٹن ڈی کوک نے کپتان ڈیو پلیسی کے ہمراہ اسکور کو 114 تک پہنچایا لیکن اسی اسکور پر وہ نیتھن لایون کی دوسری وکٹ بن گئے۔کوئنٹن ڈی کوک نے نے 95 رنز بنائے۔اپنی نصف سنچری مکمل کی.اس کے بعد ڈیو پلیسی کا ساتھ دینے وین ڈر ڈوسن آئے اور دونوں کھلاڑیوں نے عمدہ کھیل پیش کرتے ہوئے تیسری وکٹ کے لیے 151 رنز کی شراکت قائم کی۔ڈیو پلیسی نے 100 رنز کی شاندار اننگز کھیلی جس کے بعد وہ بہرن ڈورف کو وکٹ دے بیٹھے، ان کی اننگز میں دو چھکے اور 7 چوکے شامل تھے۔
جنوبی افریقہ کی طرف سے دوسرے اینڈ سے وین ڈر ڈوسن نے عمدہ بیٹنگ جاری رکھی جس کی بدولت جنوبی افریقہ کی ٹیم مقررہ اوورز میں 6 وکٹوں کے نقصان پر 325رنز بنانے میں کامیاب رہی۔ڈوسن اننگز کی آخری گیند پر چھکا لگا کر سنچری مکمل کرنے کی کوشش میں باؤنڈری پر کیچ ہوئے،
-
لودھراں : تھانہ گیلے وال کی انسپکشن
لودھراں (نمائندہ باغی ٹی وی) ڈی پی او ملک جمیل ظفرکی ہمراہ ڈی ایس پی صدر سرکل ہمایوں افتخار تھانہ گیلے وال کی انسپکشن-تھانہ کی صفائی،عمارت،کوت،مال خانہ،فرنٹ ڈیسک اور تھانہ کی حوالات کو چیک کیا گیا- اس موقع پر ڈی پی او لودھراں ملک جمیل ظفر کا کہنا تھا کہ کرپشن کے معاملہ میں کوئی رعایت نہ ہوگی، بلا تفریق سخت احتساب ہو گا۔مظلوم کو انصاف فراہم کرنا پولیس کی اولین ذمہ داری ہے۔اللہ تعالیٰ نے ہم پر بہت اہم ذمہ دارایاں سونپی ہیں کہ لوگوں کو انصاف فراہم کیا جائے-جھوٹے مقدمات کا اندراج کسی صورت برداشت نہیں کئے جائیں گے۔میرٹ پر انصاف کی فراہمی کو یقینی بنائی جائے۔
-
مقبوضہ کشمیر:8جولائی کو برہان وانی کی تیسری برسی پرحریت قیادت نے ہڑتال کی اپیل کردی
سرینگر:تحریک آزادی کشمیر کو جلا بخشنے والے حریت کمانڈر برہان وانی کی تیسری برسی کے سلسلے میں کشمیری حریت پسندوں کی مشترکہ مزاحمتی قیادت نے 8جولائی کو ہڑتال کی اپیل کی ہے۔حزب المجاہدین کےکمانڈر برہان وانی کو فورسز نے ایک کارروائی کے دوران8جولائی2016کو جنوبی کشمیر ک علاقے میں شہیدکیا گیا تھا۔
یاد رہے کہ کشمیری حریت پسند نوجوان مظفر برہان وانی کی شہادت کے بعد وادی بھر میں زور دار تحریک پیدا ہوگئی تھی اور اس میں اس قدر تیزی آگئی تھی کہ بھارت قابض افواج نے تحریک کو کچلنے کے لیے کم سے کم ایک سو شہری شہید کردیئے تھے۔حریت پسند لیڈروں نے برہان کے ساتھ ساتھ سبھی شہداء کی یاد میں سوموار8جولائی کو ہڑتال کی کال دی ہے۔
-
لڑکی پر تیزاب پھینک دیا۔
کوٸٹہ کے علاقہ گوالمنڈی چوک پر دو لڑکیوں کی معمولی تکرار پر لڑاٸی ہو گئی جب کے ایک لڑکی نے دوسری لڑکی پر تزاب پھنک دیا اطلاعت کے مطابق ایک لڑکی ہزارہ ہے اور دوسری قریشی ہے زرائع کے مطابق دونوں لڑکیاں آپس میں دوست ہیں اور پولیس نے دونوں لڑکیوں کو گرفتار کر لیا ہے۔