شیخوپورہ (نمائندہ باغی ٹی وی) ایاہ نگر کالاخطائی روڑ پر نامعلوم شخص کی لاش برآمد
ریسکیو 1122 نارنگ منڈی نے موقع پر پہنچ کر لاش کو نہر سے نکال کر لبان والا چوکی پولیس کے حوالے کر دیا-
ایاہ نگر گاؤں میں نہر کے اندر نامعلوم شخص کی لاش نظر آنے پر مقامی لوگوں نے ریسکیو 1122 پر کال کر کے بتایا جس پر ریسکیو 1122 نانگ منڈی کی غوطہ خور ٹیم نے موقع پر پہنچ کر لاش کو نہر سے نکال کر پولیس کے حوالے کر دیا
Author: +9251
-
نہر سے نامعلوم شخص کی لاش برآمد
-
ویل ایکسل ٹوٹنے سے رکشہ الٹ گیا
شیخوپورہ(نمائندہ باغی ٹی وی) خانپور سٹاپAJ ماچس کے قریب ایکسل ٹوٹنے سے رکشہ الٹ گیا-حادثے میں 5 افراد زخمی ہو گئے- ریسکیو 1122 شیخوپورہ کی امدادی ٹیم نے فورا” موقع پر پہنچ کر 3 زخمیوں کوموقع پر طبی امداد دی گئی جبکہ 2 شدید زخمیوں کو طبی امداد دینے کے بعد ڈسٹرکٹ ہیڈ کوارٹرہسپتال منتقل کر دیا- اطلاع کے مطابق آٹو رکشہ لاہور سے شیخوپورہ کی طرف جا رہا تھا کہ خانپور سٹاپ پر ماچس فیکٹری کے سامنے ایکسل ٹوٹنے سے الٹ گیا جس سے رکشہ میں سوار 5 افراد زخمی ہو گئے-زخمیوں کو فورا” طبی امداد فراہم کی گئی اور ہسپتال منتقل کیا گیا-
-
راہگیر کھلے گٹر میں گر گیا
شیخوپورہ(نمائندہ باغی ٹی وی) جالنھدری چٹخارا نزد کرکٹ سٹیڈیم راہگیر کھلے گٹر میں گر گیا –
ریسکیو 1122 شیخوپورہ کی امدادی ٹیم نے فورا” موقع پر پہنچ کر شخص کو بحفاظت گٹر سے باہر نکال کر موقع پر طبی امداد فراہم کی-کرکٹ سٹیڈیم میں جالنھدھری چٹخارہ کے پاس راہگیر اچانک کھلے گٹر میں گر گیا- اطلاع موصول ہوتے ہی ریسکیو 1122 کی امدادی ٹیم نے مہارت کے ساتھ وکٹم کو بحفاظت گٹر سے باہر نکال لیا اوع موقع پر طبی امداد دی-
-
فیروزوٹواں میں دو افراد قتل
شیخوپورہ (نمائندہ باغی ٹی وی) فیروزوٹواں کے نواحی علاقے مکی نمبر 460اصحباں والی میں دیرینہ دشمنی پر مخالفین نے گزشتہ روز اندھا دھند فائرنگ کرکے دو افراد کو موت کے گھاٹ اتار دیا. مکی نمبر 460کے رہائشی فلک شیر عرف فخر ولد نزیر احمد ورک اور منظور احمد ولد راجا انصاری اور شکیل احمد سانسرا تین کس اپنے موٹر سائیکل پر سوار ہوکر ایک مقدمہ کی پیروی کے سلسلہ میں تھانہ فاروق آباد جا رہے تھے کہ راستہ میں بٹر گاوں کے قریب نہر کیو بی لنک کے کنارے گھات لگائے بییٹھے ملزمان فقیرحسین عرف فیری جھٹو,محمد اشرف ولد محمد بوٹا, سفیان ولد ریاض وغیرہ نے آتشیں اسلحہ سے ان پر اندھا دھند فائرنگ کردی جس کے نتیجہ میں فلک شیر عرف فخر ورک اور منظور احمد انصاری دونوں گولیاں لگنے سےموقعہ پر ہلاک ہو گے جبکہ ان کا تیسرا ساتھی شکیل ولد شریف قوم سانسرا معجزانہ طور بچ نکلا ملزمان ہوائی فائرنگ کرتے ہوئے فرار ہونے میں کامیاب ہوگئے دوہرے قتل کی اس لرزہ خیز واردات کی اطلاع پا کر ڈی ایس پی صدر سرکل اکرام اللہ نیازی اور ایس ایچ او صدر فاروق آباد حبیب اللہ اوپل پولیس کی بھاری نفری کے ہمراہ جائے وقوع پر پہنچ گئے اور تفتیش شروع کر دی ہے ۔
-
مری میں لوٹ مار روکنے کیلئے وزیر اعلیٰ کا ایسا اعلان کہ سیاحوں میں خوشی کی لہر دوڑ گئی
وزیراعلیٰ پنجاب سردار عثمان بزدار کی خصوصی ہدایت پر مری میں ڈولفن فورس آگئی- مری میں سیاحوں اور شہریوں کے تحفظ کے لئے ڈولفن فورس تعینات کی گئی ہے-
باغی ٹی وی کی رپورٹ کےمطابق وزیراعلیٰ نے انسپکٹر جنرل پولیس کو مری میں ڈولفن فور س کی فوری تعیناتی کے لئے ہدایات جاری کی ہیں جس کے بعد ان کی ہدایات پر عمل کرتے ہوئے ڈولفن فورس مری بھجوائی گئی ہے- زیراعلیٰ کی ہدایات پر عملدرآمد کرتے ہوئے آج ڈولفن فورس نے پٹرولنگ بھی شروع کردی ہے- ڈولفن فورس جرائم پیشہ عناصر کے خلاف فوری ایکشن لے گی- ڈولفن فورس سٹریٹ کرائم کے سدباب کے لئے بھی فرائض سرانجام دے گی-
وزیر اعلیٰ پنجاب سردار عثمان بزدار کا کہنا ہے کہ مری میں ڈولفن فورس کی تعیناتی سے سیاحوں اور شہریوں میں تحفظ کا احساس بڑھے گا اور سیاحوں اور شہریوں کو زیادہ سے زیادہ سہولتیں دیں گے ، وزیراعلیٰ کا مری میں اوور چارجنگ اور کھانے پینے کی غیر معیاری اشیاء کے بارے میں شکایات کانوٹس لیا گیا ہے اور انتظامیہ کو سیاحوں کی شکایات کے فوری ازالے کا حکم دیا گیا ہے.
یہ بھی کہا گیا ہے کہ اوورچارجنگ اور کھانے پینے کی غیر معیاری اشیاء فروخت کرنیوالوں کے خلاف قانون کے تحت کارروائی کی جائے- سردار عثمان بزدار نے یہ ہدایات بھی جاری کی ہیںکہ انتظامی افسران اوور چارجنگ کے سدباب کے لئے موثر اقدامات اٹھائے جائیں. اسی طرحیہ بھی کہا گیا ہے کہ کھانے پینے کی غیر معیاری اشیاء فروخت کرنے والوں کے خلاف بلا تفریق کارروائی کی جائے، سیاحتی مقامات پر اوورچارجنگ کرکے سیاحوں کو لوٹنا کسی صورت برداشت نہیں کیاجائے گا- آئندہ اوورچارجنگ کی شکایت ملی تو متعلقہ افسر کے خلاف کارروائی ہوگی، کھانے پینے کی معیاری اشیاء کی فروخت کو یقینی بنانا انتظامیہ کی ذمہ داری ہے، مری میں کھانے پینے کی غیر معیاری اشیاء کی فروخت کو ہر صورت روکا جائے-
وزیر اعلیٰ پنجاب سردار عثمان بزدار نے کہاکہ کھانے پینے کی غیر معیاری اشیاء فروخت اوراوورچارجنگ کرنے کے ذمہ داروں کے خلاف کارروائی کر کے رپورٹ وزیراعلیٰ آفس بھجوائی جائے- وزیراعلیٰ کی طرف سے مری میں ٹریفک نظام کو بہتر بنانے کی بھی ہدایت کی گئی ہے. انہوںنے کہاکہ بہترین ٹریفک مینجمنٹ کر کے سیاحوں کو سہولت فراہم کی جائے- ٹریفک رواں دواں رکھنے کے لئے جامع پلان مرتب کیا جائے اور اس پر عملدرآمد یقینی بنایا جائے- مری میں پارکنگ کے دیرینہ مسئلے کا مستقل حل تلاش کیا جائے، پارکنگ اور زائد فیس کی وصولی کے بارے میں سیاحوں کو شکایت نہیں ہونی چاہیے، اہم مقامات پر پارکنگ اور طے شدہ فیس کے بورڈ نمایاں طو رپر لگائے جائیں ، انتظامیہ ہوٹل مالکان سے رابطے کر کے کرایوں کو مناسب سطح پر رکھنے کے لئے اقدامات کرے-
سردار عثمان بزدار نے کہاکہ سیاحوں کے ساتھ اچھے رویے کا مظاہرہ کیا جائے اور جہاں بد تمیزی کی شکایت سامنے آئے ذمہ داروں کے خلاف فوری ایکشن لیا جائے. واضح رہے کہ سیاحوں کی پے درپے شکایات کے بعد وزیر اعلیٰپنجاب کی جانب سے یہ اہم قدم اٹھایا گیا ہے.
-
بس کی ٹکر سے 8سالہ بچہ جاں بحق
شیخوپورہ (نمائندہ باغی ٹی وی) کھاریانوالہ ہسپتال میں بھکھی روڈ گلی قاسم آرائیں والی سے دوائی لینے آنے والی حوا کی بیٹی ہسپتال سے دوائی لینے کے بعد اپنے 8سالہ بیٹے حسیب ولد محمد سعید قوم پٹھان کے ساتھ روڈ کراس کرنے لگی تو اچانک بچہ شبیر کمپنی کی تیز رفتار بس نمبری BAS937لاہور سے فیصل آباد جانے والی بس سے ٹکرانے کے باعث موقع پہ جاں بحق ہو گیا. پولیس نے بس کو پکڑ کر تھانہ میں بند کر دیا. اور بچے کے ورثا کی درخواست پر کاروائی شروع کر دی
-
ٹائر پھٹنے سے تیز رفتار موٹر سائیکل الٹ گئی
شیخوپورہ(نمائندہ باغی ٹی وی) ہرن مینار حافظ آباد روڑ پر تیز رفتار موٹر سائیکل ٹائر پھٹنے سے گر گئی-حادثے میں موٹر سائیکل پر سوار 3 افراد زخمی ہو گئے- ریسکیو1122 شیخوپورہ کی امدادی ٹیم نے موقع پر پہنچ کر زخمیوں کو طبی امداد دینے کے بعد ڈسٹرکٹ ہیڈ کوارٹر ہسپتال منتقل کر دیا-
-
عصر کی نماز PIA ملازم کو 16لاکھ میں پڑ گئی
شیخوپورہ (نمائندہ باغی ٹی وی)دن دیہاڑے مین روڈ سے ایکوا (AQWA )کار چوری.
تفصیلات کے مطابق فیروزوٹواں واربرٹن روڈ پہ پی آئی اے ملازم غلام حسین ولد محمد رفیق سکنہ 575 واربرٹن لاہور ایر پورٹ( پی آئی ائے) پر ڈیوٹی کرتا ہے، 5بجے کے قریب نماز عصر کی ادائیگی کے لیے فیروزوٹواں واربرٹن روڈ پہ واقع جامع اجمل المدارس میں نماز عصر پڑھ کے واپس نکلا تو اس کی ایکوا کار نمبری AECاسلام آباد 406 غائب تھی .15پر کال کی تو 500گز کے فاصلے پر بنی چوکی فیروزوٹواں سے چوکی انچارج کی بجائے اکیلا کانسٹیبل موقع دیکھنے پہنچا. جس نے گاڑی کی ضروری انفارمیشن حاصل کرنے کے بعد کالر کو چوکی پہچنے کی ہدایت کی. گاڑی مالک جب چوکی پہنچا تو معلوم ہئوا کہ چوکی انچارج جاوید اختر صاحب 6بجنے والے ہیں ابھی تک گھر سے تشریف نہیں لائے. غلام حسین سے تحریری درخواست لکھوا کر پولیس اہلکاروں نے راویتی تسلیاں دئیں. ذرائع سے یہ بھی پتہ چلا ہئے کہ جب سے چوکی کا چارج جاوید اختر صاحب نے سنبھالا ہئے فیروزوٹواں جرائم, منشیات ,چوری, ڈکیتی ,کی وارداتوں کی شرح میں پہلے کی نسبت کافی اضافہ دیکھنے میں آیا ہئے. اہلیان فیروزوٹواں نے ڈی پی او شیخوپورہ سے مطالبہ کیا ہے کہ چوکی انچارج کو فی الفور تبدیل کر کے جرائم فائڑ چوکی انچارچ تعینات کیا جائے تاکہ آئے روز کی وارداتوں میں نمایاں کمی ہو سکے -
ٹرک بیک کرتے ہوئے موٹر سائیکل سوار کچلا گیا
شیخوپورہ (نمائندہ باغی ٹی وی) حدود تھانہ بھکھی چھوٹے مرادے (نزد مدینہ رائس مل) ٹرک بیک کرتے ہوئے موٹر سائیکل سوار کچلا گیا-
حادثے میں موٹر سائیکل پر سوار 1 خاتون کرن زوجہ اصغر مسیح محلہ رحمان پورہ موقع پر ہلاک جبکہ 1 زخمی- ریسکیو1122 شیخوپورہ کی امدادی ٹیم نے موقع پر پہنچ کر لاش کو پولیس کے حوالے کر دیا جبکہ زخمی کو طبی امداد دی- -
ایمنسٹی سکیم، خان پور میں 252 افراد کا ایف بی آر سے رابطہ، کروڑوں روپے ٹیکس وصول
خفیہ اثاثے ظاہر کرنے کی سکیم میں خان پور کے 252 افراد نے ایف بی آر سے باضابطہ طور پر رابطہ کیا ہے.
باغی ٹی وی کی رپورٹ کے مطابق ایف بی آر کے انسپکٹر نجیب عالم نے کہا ہے کہ شہریوں نے 2 ارب 26 کروڑ 35 لاکھ روپے کے خفیہ اثاثے ظاہر کیے ہیں.
انہوں نے بتایا کہ خفیہ اثاثے ظاہر کرنے والوں سے اب تک 9 کروڑ 5 لاکھ 40 ہزار روپے ٹیکس وصول کیا گیا ہے. ان کا کہنا تھا کہ خان پور میں رات 11 بجے تک دفاتر کھلے رہیں گے ، مزید اثاثے سامنے آنے کی بھی توقع ہے.
واضح رہے کہ آج اسلام آباد میں پریس کانفرنس کے دوران وزیر مملکت برائے محصولات حماد اظہر نے بھی کہا تھا کہ بہت بڑی تعداد میں پاکستانیوں نے ٹیکس ایمنسٹی سکیم کے حوالہ سے رابطے کئے ہیں. آج اس سکیم کی میعاد میں بھی 3 جولائی تک کیلئے توسیع کر دی گئی ہے.