Baaghi TV

Author: +9251

  • انگلینڈ کے بنا نقصان 100 رنز مکمل

    انگلینڈ کے بنا نقصان 100 رنز مکمل

    کرکٹ ورلڈکپ کے 38ویں میچ میں میزبان انگلینڈ کی بھارت کے خلاف پر اعتماد بیٹنگ جاری ہے . بنا نقصان کے 100 رنز مکمل کر لیے .دونوں اوپنر جونی اور جیسن نے 55 ،45 کے قریب رنز سکور کر لیے. انگلینڈ نے بھارت کے خلاف ٹاس جیت کر بیٹنگ کا فیصلہ کیا ہے۔ پاکستان شائقین بھارت ک جیت کے لیے دعاگو

    تفصیلات کے مطابق برمنگھم کے ایجبسٹن گراؤنڈ میں انگلش ٹیم کے کپتان اوئن مورگن نے ٹاس جیت کر بیٹنگ کا فیصلہ کیا جس کے بعد ان کا کہنا تھا کہ بھارت کے خلاف ٹیم میں دو تبدیلیاں کی گئی ہیں۔

    انگلش ٹیم میں معین علی اور جیمس ونس کی جگہ جیسن روئے اور لیام پلنکٹ کو شامل کیا گیا ہے جبکہ بھارت نے وجے شنکر کی جگہ رشب پانٹ کو گیارہ رکنی ٹیم کا حصہ بنایا ہے۔

    سیمی فائنل میں جگہ بنانے کے لیے انگلینڈ کو آج لازمی بھارت کو زیر کرنا ہوگا اور شکست کی صورت میں انگلش ٹیم ایونٹ سے باہر ہوسکتی ہے جب کہ بھارت کی کامیابی اسے سیمی فائنل میں پہنچا دے گی۔

    آج کے میچ میں بھارتی ٹیم کی جرسی تبدیل ہوگی، دونوں ٹیموں کی وردیاں نیلی ہونے کی وجہ سے آئی سی سی قوانین کے مطابق میزبان ٹیم کی وردی وہی رہے گی اور مہمان بھارتی ٹیم کے کھلاڑی نئی وردی میں دکھائی دیں گے۔

  • شمالی کوریائی سربراہ کم جونگ اور ٹرمپ کی طویل ملاقات

    شمالی کوریائی سربراہ کم جونگ اور ٹرمپ کی طویل ملاقات

    ڈونلڈ ٹرمپ اور شمالی کوریا کے سربراہ کم جونگ میں پچاس منٹ تک ملاقات ہوئی۔ ملاقات کے بعد صدر ٹرمپ نے ملاقات کو شاندار قرار دے دیا.

    اپنی ملاقات کے بارے بتاتے ہوئے امریکی صدر نےکہا کہ انھوں نے کہ مسٹر کم جونگ نے ملاقات کی تفصیلات کو آگے بڑھانے کے لئے ’’ورکنگ گروپ‘‘ تشکیل دینے پر اتفاق کیا ہے۔ نیز پیونگ یانگ اور واشنگٹن ورکنگ گروپ کی سطح پر مذاکرات کے لئے تیار ہو گئے ہیں۔

    صحافیوں سے بات کرتے ہوئے صدر ٹرمپ کا کہنا تھا ’’اگلے چند ہفتوں کے اندر شمالی کوریا اپنے جوہری ہتھیاروں سے متعلق مذاکرات کا سلسلہ دوبارہ شروع ہونے پر تیار ہو گیا ہے۔ دونوں ملکوں کا مشترکہ وفد تین ہفتوں کے اندر اجلاس منعقد کرے گا جن میں شمالی کوریا کے جوہری پروگرام سے متعلق امور پر تبادلہ خیال کیا جائے گا۔

    ان کا مزید کہنا تھا کہ ’’صدر کم جونگ ہماری آج کی گفتگو کی روشنی میں ورکنگ گروپ تشکیل دینے کے لئے تیار ہو گئے ہیں۔‘‘ ان کا مزید کہنا تھا کہ ایسے میں جنوبی کوریا پر پابندیوں کا کوئی جواز نہیں۔ یہ امر اس بات کا اشارہ تھا کہ وہ جنوبی کوریا پر عاید پابندیوں کو مذاکرات کے دوران کسی وقت ہٹا سکتے ہیںمذاکرات کا مقصد شمالی کوریا کو اپنا جوہری اسلحہ ترک کرنے پر تیار کرنا ہے۔

  • محکمہ اوقاف میں جدید اصلاحات کا آ غاز، اب زائرین نذرانہ جدید طریقے سے دیں گے

    محکمہ اوقاف میں جدید اصلاحات کا آ غاز، اب زائرین نذرانہ جدید طریقے سے دیں گے

    محکمہ اوقاف میں جدید اصلاحات کا آ غازحکومت پنجاب کا چائنہ کی ہواوے کمپنی کے ا شتراک سے تمام درباروں پر جدید الیکٹرانک کمپیوٹرائزڈ نذرانہ بکسوں کا اجرا ء تمام نذرانہ بکسوں کا کنٹرول جدید کیمروں اور وائی فائی کے عمل سے ہو گا

    باغی ٹی وی رپوٹ کے مطابق ملکی و غیر ملکی زائرین کی معلومات اور رہنمائی کے لئے بادشاہی مسجد کے سامنے سہولت ڈیسک قائم
     دنیا بھرسے زائرین حضرت داتا گنج بخش علی ہجویری و دیگرمزارات پر لنگر کی تقسیم کے لئے آن لائن رقوم کی ترسیل
     محکمہ اوقاف کے تمام ملازمین کی با قاعدہ مانیٹرنگ کا عمل جاری، سرکاری خزانے کونقصان پہنچانے والے گھو سٹ ملازمین کا بھی کھوج لگایا جا رہا
    صوبائی وزیر اوقاف پیر سید سیدالحسن شاہ نے کہا ہے کہ وزیر اعلیٰ پنجاب کے و یژ ن کے مطابق محکمہ اوقاف و مذہبی امور میں اصلاحاتی عمل کو تیزی سے پایہ تکمیل کیا جا رہا ہے۔اس سلسلے میں صوبائی وزیر اوقاف و مذ ہبی امور سید سعیدالحسن شاہ کی زیر صدرات عوامی جمہوریہ چین کی مشہور بین ا لا قوامی کمپنی ہوواوے کے ساتھ اہم اجلاس منعقد ہوا۔اس موقع پر سیکٹری اوقاف ذوالفقار گھمن، ڈائریکٹر ایڈمن آ فتاب احمد،ڈائریکٹر پرو جیکٹ،حامد مسعود وڑائچ کے علاوہ ہوواوے کمپنی کے مینیجنگ ڈائریکٹر مسٹر گھاو و اور مینجر فواد الحق بھی موجودتھے۔ صوبائی وزیر اوقاف نے کہا کہ حکومت پنجاب چائنہ کی ہواوے کمپنی کے شتراک سے صوبہ بھر کے تمام درباروں پر جدید الیکٹرانک کمپیوٹرائزڈ نذرانہ بکسوں کا اجراء کرے گی۔تمام نذرانہ بکسوں کا کنٹرول جدید کیمروں اور وائی فائی کے عمل سے ہو گا۔تمام نذرانہ بکسوں کی نگرانی و مانیٹرنگ کا عمل باقاعدگی سے ماسٹر کنٹرول روم سے کیا جائے گا۔مقررہ تاریخ پر جب تمام نذرانہ بکسوں کو کھولا جائے گا۔ اس مو قع پر نامزد کردہ کمیٹی کے ممبران اور بنک کے افسران بھی موقع پر موجود ہونگے جو اپنی نگرانی میں رقوم کی گنتی کا عمل شروع کرینگے۔ یہ عمل کرپٹ مافیا کے خلاف سخت اقدامات اپنانے کے لئے کیا جا رہا ہے تاکہ مستقبل میں کرپٹ اور دھوکہ باز مافیا کے خلا ف موقع پر سخت اقدامات عمل میں لائے جا سکیں۔انہوں نے مذیدبتایاکہ ڈیپارٹمنٹ کی ترقی کے عمل میں آنے والے ہر قسم کے عناصر کی سر کوبی کے لئے حکمت عملی تیار کر لی گئی ہے۔محکمہ اوقاف کے تمام شعبہ جات کے افسران کوتمام ٹار گٹ کے حصول کے لئے ٹائم فریم فراہم کر دیا گیاہے۔انہوں نے اجلاس کو بتا یاکہ دنیا بھر سے زائرین حضرت داتا گنج بخش علی ہجویری و دیگرمزارات پر لنگر کی تقسیم کے لئے آن لائن رقوم کی ترسیل کا عمل شروع کیا جا رہا ہے،جبکہ ملکی و غیر ملکی زائرین کے لئے پہلے ماڈل  ” سہولت ڈیسک” بادشاہی مسجد کے سامنے واقع عالمگیری پارک میں قائم کر دیا گیا ہے۔انہوں نے کہا کہ محکمہ اوقاف کے تما م ملازمین کی با قاعدہ مانیٹرنگ کی جا رہی ہے۔ایسے ملازمین کی بھی لسٹیں تیار کی جا رہی ہیں جو سرکاری فرائض کو ایمانداری سے ادا نہیں کر پا رہے ہیں۔انہوں نے کہا کہ اوقاف کے تمام ملازمین کی حاضری کے لئے بائیو میٹرک سسٹم کو لاگو کرنالازم و ملزوم کر دیا گیا ہے۔

  • سٹی پولیس کی صحافی سے بدتمیزی

    سٹی پولیس کی صحافی سے بدتمیزی

    چنیوٹ
    تبدیلی سرکار صحافیوں کو تحفظ فراہم کرنے میں ناکام چنیوٹ میں پولیس گردی کے واقعات میں اضافہ تھانہ سٹی پولیس کی صحافی سے بدتمیزی موٹرسائیکل چوری کا مقدمہ درج کرانے پر پولیس انتقامی کارروائی پر اتر آئی
    تھانہ سٹی چنیوٹ پولیس نے موٹرسائیکل چوری کرنے والے ملزمان کے خلاف مقدمہ درج کرنے میں تاخیر کی جس پر مقامی رپورٹر نے ڈی پی او چنیوٹ محمد انور کیتھران کو تھانہ سٹی پولیس کے منفی رویہ سے آگاہ کیا تو تھانہ سٹی پولیس آپے سے باہر ہوگئی مقدمہ کی کاپی حاصل کرنے کیلئے گئے مقامی رپورٹر معصب الحق رجوکہ کو ایس ایچ او تھانہ سٹی چنیوٹ اور دیگر پولیس ملازمین نے تشدد کا نشانہ بناتے ہوئے موبائل چھین لیا گالم گلوچ کرتے رہے اور کہا کہ صحافی ہونے اور ہمارے افسران کو شکایت لگانے پر تمہیں معاف نہیں کیا جاسکتا متاثرہ مقامی رپورٹر نے تھانہ سٹی پولیس کی جانب سے ہونے والی پولیس گردی کے خلاف کارروائی کرنے کیلئے ڈی پی او چنیوٹ محمد انور کیتھران کو تحریری درخواست دی ہے جس پر تاحال کسی قسم کی محکمانہ کارروائی نہ کی گئی ہے جس پر چنیوٹ کی صحافی برادری نے وزیر اعلیٰ پنجاب آئی جی پنجاب سے فوری نوٹس لینے کا مطالبہ کیا ہے۔

  • گیس کی قیمتوں کے ہوالے سے بری خبرآگئی،

    گیس کی قیمتوں کے ہوالے سے بری خبرآگئی،

    اوگرا نے یکم جولائی سے گیس کی قیمتوں میں اضافے کا نوٹی فکیشن جاری کردیا، ماہانہ 100 مکعب میٹر گیس استعمال کرنے والے گھریلو صارفین کیلئے فی یونٹ گیس کی قیمت 127 روپے سے بڑھا کر 300 روپے کر دی ہے۔

    تفصیلات کے مطابق اوگرا نے گیس کی قیمتوں میں اضافہ کر دیا ،جو صارفین ماہانہ 300 یونٹ استعمال کرتے ہیں ان کے لئے قیمت 275 سے بڑھا کر 738 روپے فی ایم ایم بی ٹی یو اورماہانہ 400 یونٹ والے صارفین کے لئے گیس کی قیمت 780 سے بڑھا کر1107 روپے فی ایم ایم بی ٹی یوکر دی گئی جبکہ 400 یونٹ سے زائد والے صارفین گیس کی قیمت 1460 روپے فی ایم ایم بی ٹی یو ادا رکریں گے۔ بڑھائی گئی ان قیمتوں کااطلاق یکم جولائی سے ہوگا ،واضح رہے کہ گیس کا کم سے کم بل 172 روپے 58 پیسے ماہانہ بھجوایا جائے گا۔

    ماہانہ 200 مکعب میٹرگیس استعمال کرنے والوں کیلئے فی یونٹ گیس کی قیمت 264 روپے سے بڑھا کر 553 روپے، 300 مکعب میٹرگیس استعمال کرنے والوں کیلئے فی یونٹ گیس کی قیمت 275 روپے سے بڑھا کر 738 روپے، 400 مکعب میٹرگیس استعمال کرنے والوں کیلئے فی یونٹ گیس کی قیمت 780 روپے سے بڑھا کر 1107 روپے کردی گئی۔

    نوٹی فکیشن کے مطابق ماہانہ 400 مکعب میٹر سے زائد گیس استعمال پر گیس کی قیمت 1460 روپے پر برقرار رکھی گئی ہے، کھاد کارخانوں کیلئے بطور فیڈ گیس کی قیمت میں 61 فیصد اضافہ کیا گیا ہے جبکہ بجلی کارخانوں، سی این جی اور جنرل انڈسٹری کیلئے گیس کی قیمت 31 فیصد بڑھائی گئی ہے۔

  • نامعلوم شخص کی نعش برآمد

    نامعلوم شخص کی نعش برآمد

    جہانیاں(نمائندہ باغی ٹی وی)کے نواحی اڈہ پل 14 میں زیر تعمیر عمارت سے ایک نامعلوم شخص کی لاش برآمد ہوئی ۔نعش کی ابھی تک شناخت نہ ہوسکی۔لیکن معلوم ہوا کہ مرنے والا شخص نشئی تھا اور انتہائی خطرناخ نشہ کرتا تھا ۔یہی نشہ اس کے لئے مہلک ثابت ہوا اور اس کی جان لے گیا۔ہومی سائیڈ سیل پولیس جہانیاں نے نعش قبضے میں لے کر قانونی کاروائی شروع کردی ہے۔

  • نجی ٹی وی چینل کے نمائندے پر قاتلانہ حملہ برہنہ کر کے ویڈیو بناتے رہے

    نجی ٹی وی چینل کے نمائندے پر قاتلانہ حملہ برہنہ کر کے ویڈیو بناتے رہے

    سرگودھا(نمائندہ باغی ٹی وی)سرگودہا نمائندہ 24 نیوز بشیر ملک پر قاتلانہ حملہ کیا گیا تفصیلات کے مطابق نجی ٹی وی چینل کے
    سرگودھاخوشاب نمائندہ بشیر ملک کو بھتہ اور سود خوروں نے بہیمانہ تشدد کا نشانہ بنایا فائرنگ کی اور برہنہ کر کے ویڈیو بھی بناتے رہے بشیر ملک پر ہنٹر اور ڈنڈوں سے خوب تشدد کیا
    کیمرہ موبائل توڑ دیا اور پیسے بھی چھین لئے
    ذرائع کے مطابق بشیر ملک کو ہسپتال منتقل کیا جا رہا ہے جبکہ بشیر ملک کی حالت نازک بتائی جا رہی ہے ب صحافتی اداروں نے اس اقدام کی شدید مزمت کی ہے اور ذمہ داران کے خلاف سخت کاروائی کا مطالبہ کیا ہے

  • شہری کو گن پوائنٹ پہ لوٹ لیا گیا

    شہری کو گن پوائنٹ پہ لوٹ لیا گیا

    ٹھٹھہ صادق آباد (نمائندہ باغی ٹی وی)کا رہائشی محمد کاشف اپنے چچا زاد بھائی کو ملتان ائیر پورٹ پہ بیرون ملک کے لئے الوداع کرکے واپس اپنے گھر آ رہا تھا کہ پرانا دنیا پور روڈ پل مانگا کے قریب علی الصبح اس کو ڈاکووں نے گن پوائنٹ پر روک کر قمیتی موبائل،نقدی اور موٹر سائیل سے محروم کردیا ۔وقوعہ کے بعد پولیس تھانہ مخدوم رشید جائے واردات پہ پہنچی اور قانونی کارروائی شروع کردی۔یادرہے کہ گزشتہ چند دنوں سے اسی شاہراہ پر ڈکیتی کی وارداتوں میں اضافہ ہوا ہے ۔جس کو کنٹرول کرنے میں پولیس ناکام نظر آرہی ہے۔

  • انگلینڈ کی بھارت کے خلاف پر اعتماد بیٹنگ جاری بنا کسی نقصان 84 سکور بنا لیے

    انگلینڈ کی بھارت کے خلاف پر اعتماد بیٹنگ جاری بنا کسی نقصان 84 سکور بنا لیے

    کرکٹ ورلڈکپ کے 38ویں میچ میں میزبان انگلینڈ کی بھارت کے خلاف پر اعتماد بیٹنگ جاری ہےدونوں اوپنر جونی اور جیسن نے 40 ،40 کے قریب رنز سکور کر لیے. انگلینڈ نے بھارت کے خلاف ٹاس جیت کر بیٹنگ کا فیصلہ کیا ہے۔ پاکستان شائقین بھارت ک جیت کے لیے دعاگو

    تفصیلات کے مطابق برمنگھم کے ایجبسٹن گراؤنڈ میں انگلش ٹیم کے کپتان اوئن مورگن نے ٹاس جیت کر بیٹنگ کا فیصلہ کیا جس کے بعد ان کا کہنا تھا کہ بھارت کے خلاف ٹیم میں دو تبدیلیاں کی گئی ہیں۔

    انگلش ٹیم میں معین علی اور جیمس ونس کی جگہ جیسن روئے اور لیام پلنکٹ کو شامل کیا گیا ہے جبکہ بھارت نے وجے شنکر کی جگہ رشب پانٹ کو گیارہ رکنی ٹیم کا حصہ بنایا ہے۔

    سیمی فائنل میں جگہ بنانے کے لیے انگلینڈ کو آج لازمی بھارت کو زیر کرنا ہوگا اور شکست کی صورت میں انگلش ٹیم ایونٹ سے باہر ہوسکتی ہے جب کہ بھارت کی کامیابی اسے سیمی فائنل میں پہنچا دے گی۔

    آج کے میچ میں بھارتی ٹیم کی جرسی تبدیل ہوگی، دونوں ٹیموں کی وردیاں نیلی ہونے کی وجہ سے آئی سی سی قوانین کے مطابق میزبان ٹیم کی وردی وہی رہے گی اور مہمان بھارتی ٹیم کے کھلاڑی نئی وردی میں دکھائی دیں گے۔

  • پاکستان اندرونی و بیرونی چیلنجز سے نمٹنے کے تیار ،وزیر خارجہ کا بیان

    پاکستان اندرونی و بیرونی چیلنجز سے نمٹنے کے تیار ،وزیر خارجہ کا بیان

    جہانیاں(نمائندہ باغی ٹی وی) میں پاکستان تحریک انصاف کے مقامی رہنما چوہدری ارشد آرائیں کے بھائی کی وفات پر وزیر خارجہ شاہ محمود قریشی نے دعائیہ تقریب میں شرکت کی ۔دعائیہ تقریب میں شرکت کے بعد وزیر خارجہ شاہ محمود قریشی نے میڈیا سے گفتگو کرتے ہوئے کہا کہ پاکستان اس وقت اندرونی و بیرونی چیلنجز سے نمٹنے کے لئے تیار ہے ۔افغانستان سے مذاکرات کے لئے پیشرفت ہورہی ہے ۔وزیر خارجہ نے مزید کہاکہ گزستہ حکومتوں نے ملک کی معیشت کا بیڑہ غرق کردیا جس کی وجہ سے آجکل پاکستان کی عوام کو بحران کا سامنا ہے ۔ہماری حکومت بہت جلد اس بحران پہ قابو پالے گی ۔وزیر خارجہ کے ساتھ وفاقی وزیر حسین جہانیاں گردیزی،پی ٹی آئی کے مقامی رہنما خالد جاوید اور دیگر بھی موجود تھے