شیخوپورہ(نمائندہ باغی ٹی وی) صوبائی وزیر میاں خالد محمود کی بلدیہ دفتر آمد، پی ٹی آئی ورکرز اور بلدیہ ملازمین سے خطاب کیا جس میں موجودہ صفائی کی تمام صورتحال پر تبادلہ خیال کیا گیا جس پر میاں خالد محمود نے ان تمام مسائل کو ترجیح بنیادوں پر حل کرنے کے لیے احکامات جاری کیے اور کہا کہ مجھے کسی بھی جگہ کرپشن نظر نہیں آنی چاہیے اور یہی ہماری جماعت کا ویژن ہے اس اجلاس میں پی ٹی آئی سینئر قیادت نے شرکت کی جس میں چوہدری ڈاکٹر سلیم گجر چودھری اقبال گوپے را شاہنواز سرا اجلاس کی صدارت صوبائی وزیر میاں خالد محمود اور سی ای او بلدیہ شیخوپورہ احسن سندھو نے کی
Author: +9251
-
سوڈان میں مسلح گروپوں کی صلح کے لیے کمیٹی کی تشکیل
سوڈان میں مسلح تنظیموں کے ساتھ مفاہمت اور صلح کے لیے کمیٹی کی تشکیل ہو گئی.
تفصیلات کے مطابق ..سوڈان میں عبوری کونسل نے مسلح تنظیموں کے ساتھ مفاہمت کے لی ایک کمیٹی تشکیل دی ہے۔ کمیٹی کے سربراہ سوڈان عبوری کونسل کے نائب صدر جنرل محمد حمدان دقلو عُرف "حميدتی” ہوں گے۔
کمیٹی کے دیگر ارکان میں عبوری کونسل میں سیاسی کمیٹی کے سربراہ شمس الدین کباشی، ان کے نائب اور میجر جنرل اسامہ العوض محمدین شامل ہیں۔
کباشی نے ایک پریس کانفرنس سے خطاب کرتے ہوئے کہا کہ نوجوانوں کے اور سیاسی نوعیت کے ایسے گروپ نمودار ہو رہے ہیں جن کو ساتھ لینا چاہیے تا کہ ملک کے امن و سلامتی کو یقینی بنایا جا سکے۔ انہوں نے باور کرایا کہ عبوری کونسل سوڈان میں یک جہتی، سلامتی اور امن کی خواہاں ہے۔
یاد رہے کہ مفاہمتی کمیٹی کی تشکیل جنرل دقلو کے جمعرات کے روز ایک کانفرنس میں خطاب کے چند روز بعد عمل میں آئی ہے۔ خطاب میں انہوں نے کہا تھا کہ رواں ماہ کے اوائل میں خرطوم میں دھرنا ختم کرانے کے ذمے داروں کی شناخت ہو گئی ہے۔
-
شیخوپورہ پولیس اِن ایکشن
شیخوپورہ (نمائندہ باغی ٹی وی) ڈی پی او شیخوپورہ غازی محمد صلاح الدین کی ناجائز اسلحہ رکھنے، اسلحہ کی نمائش کرنے والوں کے خلاف کریک ڈاون میں ایس ایچ او تھانہ صدر شیخوپورہ، ایس ایچ او تھانہ ہاوسنگ کالونی, ایس ایچ او تھانہ نارنگ اور ایس ایچ او تھانہ اے ڈویژن نے علاقے میں دشمنی کی آڑ میں لوگوں کے لیے خوف وہراس کی علامت بنے ہوئے افراد کے خلاف کریک ڈاون کرتے ہوئے گرفتار کر لیا۔ جن کے قبضہ سے بھاری مقدار میں اسلحہ و گولیاں بھی برآمد کر لیں۔
-
شیخوپورہ میں بہو کو سسرال یوں نے کر ڈالا قتل
شیخوپورہ(نمائندہ باغی ٹی وی) ایک اور حوا کی بیٹی سسرالیوں کے ظلم کا شکار ہو گئی تشدد کے بعد 18 سالہ لائبہ بی بی کو قتل کر دیا گیا
تفصیل کے مطابق 6 ماہ قبل بیاہی جانے والی منوں مٹی تلے چلی گئی جبکہ اس کے سادہ لوح دیہاتی والدین غم سے نڈھال ہو چکے ہیں
تھانہ صدر فاروق آباد پولیس نے ملزمان سے ملی بھگت کر کے پوسٹ مارٹم کرائے بغیر نعش والدین کے حوالے کر دی
عینی شاہدین کے مطابق لائبہ بی بی کی میت کو غسل دیتے وقت پتہ چلا کہ اس کا بازو اور پسلیاں ٹوٹیں ہوئیں ہیں اور لائبہ بی بی کے جسم کے مختلف حصوں میں تشدد کے نشان دیکھائی دئیے
لائبہ بی بی کے والد نے علاقہ مجسٹریٹ کو قبر کشائی کے لیے درخواست دے دی ہے
جبکہ ملزمان قبر کشائی کی کاروائی روکنے کے لیے عدالت میں پہنچ گئے
قبر کشائی کی کاروائی روکنے کے لیے ملزمان کی طرف سے کچہری شیخوپورہ کے بڑے وکیلوں میں سے ایک وکیل کا وکالت نامہ آ گیا
علاقہ مجسٹریٹ محمد علی ملک نے 25 تاریخ کو ڈاکٹر سمیت پولیس کو طلب کر لیا -
جدوجہد آزادی کشمیر کچلنے کیلئے بھارت نے ایک اور بڑا منصوبہ بنا لیا؟ اہم خبر آ گئی
بھارتی تحقیقاتی ایجنسی این آئ اے کو مزید بااختیار بنانے کیلئے ہندوستانی حکومت نے دوقوانین میں ترمیم کرنے کا فیصلہ کیا ہے جس سے مذکورہ ایجنسی کوبھارتی عوام اور بھارت کے بیرون ملک مفادات کے خلاف دہشت گردانہ کاروائیوں کی تحقیقات کرنے کی اجازت دی جائے گی. این آئی اے نے یٰسین ملک، شبیر شاہ اور سیدہ آسیہ اندرابی سمیت کئی کشمیری لیڈروں کے خلاف کیس کر رکھے ہیں اور وہ بھارتی جیلوں میں بند ہیں.
باغی ٹی وی کی رپورٹ کے مطابق کشمیر میں حریت کانفرنس کے رہنماؤں، سرگرم تاجروں، وکلاء اور دیگر اہم شخصیات کےخلاف کاروائیاں این آئی اے کر رہی ہے اور مودی حکومت اسے جنگی ہتھیار کے طور پر استعمال کر رہی ہے. اگر اس ایجنسی کومزید طاقتور بنایا جاتا ہے تو کشمیری لیڈروں کے خلاف مزید اقدامات اٹھائے جانے کی توقع ہے.
رپورٹ کے مطابق بھارتی کابینہ این آئی اے ایکٹ اور ان لاء فل ایکٹیوٹیز ایکٹ کی ترمیم پر غور کر رہی ہے اور اس ترمیمی بل کو پارلیمنٹ کے رواں اجلاس کے دوران پیش کیا جائے گا۔ یہ ترمیمی بل این آئی اے کو سائبر کرائم اور انسانی سمگلنگ کی تحقیقات کیلئے بااختیار بنا دے گا۔ کہا جارہا ہے کہ این آئی اے کو یہ اختیار بھی ہو گا کہ وہ دہشت گردوں کے ساتھ رابطہ رکھنے والوں کو بھی دہشت گرد قرار دے سکے. واضح رہے کہ این آئی اے کو ممبئی حملوںکے بعد بنایا گیا تھا تاہم اس کے بعد سے اسے مسلسل مسلمانوں اور حال ہی میں اب کشمیریوں کے خلاف ہتھیار کے طور پر استعمال کیا جارہا ہے.
-
بھارت :مودی کے انتہا پسند دہشت گردوں نے نوجوان مسلم کو مارمار کر ختم کر دیا
مودی کی حکومت میں مسلمانوں سمیت اقلیتوں پر عرصہ حیات مزید تنگ ہو گیا اور انتہا پسند بے لگام ہو گئے،
باغی ٹی وی رپورٹ کے مطابق. جھاڑکھنڈ میں مسلمان نوجوان کو بائیک چوری کا الزام لگا کر سرعام تشدد کا نشانہ بنایا گیا، چوبیس سالہ شمس تبریز جانبر نہ ہوسکا۔
میڈیا رپورٹس کے مطابق انتہا پسند ہندو چوبیس سالہ مسلمان نوجوان پر بائیک چوری کا الزام لگا کر کھمبے سے باندھ کر سات گھنٹے تک تشدد کا نشانہ بناتے رہے اور نعرے لگانے پر بھی مجبور کیا۔نوجوان کو نیم مردہ حالت میں پولیس کے حوالے کر دیا جہاں سے ہسپتال لے جایا گیا، تاہم شمس تبریز زخموں کی تاب نہ لاتے ہوئے چل بسا۔ نوجوان کی فیملی نے ملزمان کے خلاف فوری کارروائی کا مطالبہ کیا ہے۔
-
بھارت کا کنٹرول لائن کے قریب بسنے والے کشمیریوں کو نوکریاں دینے سے متعلق بل لانے کا فیصلہ
مقبوضہ کشمیر میں کنٹرول لائن کے دس کلو میٹر احاطے میں رہنے والے شہریوں کو تعلیمی اداروں اور سرکاری نوکریوں میں ریزرویشن دینے سے متعلق ایک بل پارلیمنٹ میں پیش کیا جائے گا.
باغی ٹی وی کی رپورٹ کے مطابق یہ بل ہندوستانی مرکزی وزیر داخلہ امیت شاہ کی طرف سے پیش کیا جائے گا. یہ بل پارلیمنٹ میں جلد پاس کئے جانے کی توقع ہے جس کا مقصد کنٹرول لائن کے قریب بسنے والے کشمیریوں کا دل لبھانا اور ان کے دلوں میں انڈیا کیلئے ہمدردیاں پیدا کرنا ہے.
ہندوستانی پارلیمنٹ میں بھارت کے مرکزی وزیر قانون روی شنکر پرساد آدھار کارڈ سے متعلق بھی ایک بل پیش کریں گے۔
واضح رہے کہ مودی سرکار کی طرف سے اس سے قبل بھی کشمیریوں کو تحریک آزادی سے دور رکھنے اور ان کے دلوں میں ہمدردیاںپیدا کرنے کیلئے اس قسم کے اقدامات اٹھائے جاتے رہے ہیں تاہم یہ بات بھی طے ہے ان باتوں پر عملی اقدامات کم ہی نظر آئے ہیں. -
امریکاکی سعودی عرب کے ابھا ایئرپورٹ پر حملے کی شدید مزمت
سعودی عرب میں امریکی سفیر جان ابی زید کی ابھا ایئرپورٹ پر حوثیوں کے حملے کی شدید الفاظ میں مذمت
باغی ٹی وی رپورٹ کے مطابق سعودی عرب میں امریکی سفیر جان ابی زید نے حوثی باغیوں کی جانب سے ابہا ایئر پورٹ حملے کو بزدلانہ کارروائی کرتے ہوئے کہا کہ ہوائی اڈے کو نشانہ بنانا قبیح فعل ہے۔ انہوں نے حملے کا نشانہ بننے والے افراد کے اہل خانہ سے تعزیت کا اظہار کیا اور زخمیوں کے لیے جلد صحت یابی کی دعا کی۔
زخمیوں میں 13 کو معمولی اور 3 کو درمیانے درجے کے زخم آئے جب کہ 2 کی حالت تشویش ناک ہے۔ حملے میں ایئرپورٹ پر واقع (میکڈونلڈز) ریستوران کے شیشے ٹوٹ گئے جبکہ 18 گاڑیوں کو بھی نقصان پہنچا۔
-
مسلم لیگ( ن )لائرز فورم نے بڑا اعلان کر دیا
سرگودہا(نمائندہ باغی ٹی وی) سرگودہا مسلم لیگ (ن) لائرز فورم کا اجلاس سابق صدر ڈسٹرکٹ بار ایسوسی ایشن سرگودہا سردار عنصر بلوچ کے چیمبر میں ہوا اجلاس میں مشترکہ اعلامیہ جاری کیا گیا کہ میاں محمد نواز شریف کو پابند سلاسل کرنا بین الاقوامی سازش ہے قاضی فائز عیسی کے خلاف بنائے گئے ریفرنس جعلی اور بے بنیاد ہیں جس کی لائرز فورم پر زور مزمت کرتا ہے اسمبلی میں پیش کیا جانے والا بجٹ عوام دشمن بجٹ ہے جسے لائرز فورم مسترد کرتا ہے اجلاس سے خطاب کرتے ہوئے سردار عنصر بلوچ نے کہا کہ مسلم لیگ ہی پاکستان کی نمائندہ جماعت ہے قائداعظم محمد علی جناح بھی وکیل تھے اس لیے انہوں نے برصغیر کے مسلمانوں کا موقف صحیح انداز میں دو قومی نظریے کی صورت پیش کیا اب ہمارا یہ فرض ہے کہ ہم میاں نواز شریف کا بیانیہ’’ووٹ کو عزت دو‘‘ عوام تک پہنچائیں عوامی تحریکوں میں وکلاء نے ہمیشہ مثبت کردار ادا کیا ہے ہم کسی ذاتی مفادات پر مبنی سیاسی ایجنڈے کا حصہ نہیں بنیں گے اجلاس میں مسلم لیگ ن لائرز ونگ کے سینیر صدر چوہدری اسلم،ربنواز فروکہ،طارق وڑائچ، ملک اعجاز ماہل،رشید میکن ،میاں غلام قدیر ،عاطف ممتاز گوندل و دیگر نے شرکت کی
-
سعودی عرب میں اب ہوں گے جہازوں کےسپیئرپارٹس تیار .
سعودیہ میں جہازوں کےسپیئرپارٹس تیار ہوں .
تٍفصیلات کے مطابق .سعودی عرب کی فضائی کمپنی سامی اور کمپنی ‘Figeac Aéro’ کے ساتھ ایک یادداشت پر دستخط کیے گئے۔جس میں دونوں کمپنیاں جہازوں کےسپیئر پارٹس کی تیاری مشترکہ طور پر کی جائے گی.
سعودی عرب کے دارالحکومت ریاض میں فوجی مصنوعات تیار کرنے والی کمپنی ’سامی‘ نے فرانس کی بین الاقوامی معیار کے ہوائی جہازوں کے فاضل پرزہ جات، انجن کے اجزاء، اور سخت دھاتوں سے طیاروں کے مختلف حصے تیار کرنے والی کمپنی ‘Figeac Aéro’ سے معاہدہ طے پا گیا۔
معاہدے کے تحت دونوں کمپنیاں سعودی عرب میں ہوائی جہازوں کے اسپیئر پارٹس تیار کریں گی۔ سعودی کمپنی’سامی‘ اور Figeac Aéro کے درمیان معاہدے کی ابتدائی یادداشت پر دستخط پیرس میں منعقدہ فضائی نمائش کے موقع پر کیے گئے۔پیرس میں منعقدہ فضائی نمائش بین الاقوامی سطح کی نمائشوں میں شمار کی جاتی ہے۔ اس کا اہتمام پیرس میں ’لے بورجیٹ‘ ہوائی اڈے پر منعقد کی گئی ہے۔ معاہدے کے تحت دونوں کمپنیاں سعودی عرب میں دھاتوں سے ہوائی جہازوں کے اسپیر پارٹس تیار کرنے کے لیے کارخانے قائم کریں گی۔
اس مشترکہ منصوبے میں سعودی کمپنی ’سامی‘ کے پاس زیادہ شیئرز ہوں گے۔ توقع ہے کہ اڑھائی سال کے اندر اندر اس منصوبے پر کام شروع کردیا جائے گا۔