Author: +9251

ڈونلڈ ٹرمپ کا کہنا ہے کہ وہ آج پیر کے روز سے ایران پر مزید پابندیاں عائد کر رہے ہیں

باغی ٹی وی رپورٹ کے مطابق ڈونلڈ ٹرمپ کا کہنا ہے کہ وہ آج پیر کے روز سے ایران پر مزید پابندیاں عائد کر رہے ہیں۔ تاہم ٹرمپ نے یہ بھی کہا کہ وہ ایک ایسی معاہدے تک پہنچنے کی کوشش کے لیے تیار ہیں جو ایران کی معیشت کو سہارا دے سکے۔

ٹرمپ سے جب پوچھا گیا کہ ایران کیا چاہتا ہے تو انہوں نے جواب دیا کہ "میرے خیال میں وہ (ایرانی) مذاکرات چاہتے ہیں۔ میرا خیال ہے کہ وہ ایک ڈیل طے کرنا چاہتے ہیں۔ میری ڈیل تو جوہری ہوگی۔ جوہری ہتھیار حاصل کرنا ان کے بس میں ہر گز نہیں ہو گا۔ میرا نہیں خیال کہ اپنی موجودہ صورت حال کو پسند کرتے ہیں۔ ان کی معیشت مکمل طور پر ڈھیر ہو چکی ہے”۔

اس سے قبل ٹرمپ نے ہفتے کے روز اپنی ایک ٹویٹ میں لکھا تھا کہ "ہم پیر کے روز ایران پر سخت اضافی پابندیاں عائد کریں گے … ایران کے لیے جوہری ہتھیار حاصل کرنا ممکن نہیں”۔

ادھر ایران کے لیے امریکا کے خصوصی ایلچی برائن ہاک نے عالمی برادری پر زور دیا ہے کہ وہ اپنی سفارتی کوششوں کا استعمال کرتے ہوئے ایران پر دباؤ ڈالیں کہ وہ "جارحیت میں کمی کرے”۔ برائن کا یہ موقف اتوار کی شام کویتی عہدے داران سے ملاقات کے بعد کویتی دارالحکومت میں صحافیوں سے گفتگو کے دوران سامنے آیا۔ امریکی ایلچی نے باور کرایا کہ ان کا ملک ایران کے خلاف مسلح تنازع کے لیے کوشاں نہیں ہے۔

بھارتی فوج کے ایئر چیف بھرندرسنگھ دھنویا نے کہا ہے کہ 27 فروری کو پاکستان کے لڑاکا طیاروں نے لائن آف کنٹرول کو عبور نہیں کیا تھا.
باغی ٹی وی رپورٹ کے مطابق ،بھارتی ایئر چیف ھرندرسنگھ دھنویا نے کہا ہے کہ 27 فروری کو پاکستان کے لڑاکا طیاروں نے لائن آف کنٹرول کو عبور نہیں کیا تھا.بھارت نے اپنے عسکری مقاصد حاصل کیے تھے. بھارتی طیاروں کا مقصد پاکستانی ایئرفورس کے فائٹرز کو نشانہ بنانا نہیں تھا بلکہ ان کا مقصد بالا کوٹ میں اپنے مقاصد حاصل کرنا تھا.اس لیے پاکستانی طیاروں کو کچھ نہیں کہا گیا جبکہ پاکستانی فضائیہ کا مقصد بھارتی طیارے گرانا تھا.
بھارتی فضائیہ کے سربراہ نےکہا کہ اگر ہمارےپاس رافیل طیارےہوتےتو 27 فروری کو نتیجہ کچھ اور ہوتا.

واضح رہے کہ 27 فروری کو بھارت نے پاکستان کےعلاقے بالا کوٹ میں مبینہ طور پر دہشت گرد کیمپ تباہ کرنے کا دعوی کیا تھا جسے وہ سچ ثابت نہیں کر سکا.جبکہ پاکستان نے بھارتی کا طیارہ پاکستانی حدود مار گرایا تھا اور دوسرا لائن آف کنٹرول کی دوسری طرف مار گرایا تھا جسے بھارت نےپہلے پاکستانی طیارہ بتایا پھر تسلیم کیا کہ فنی خرابی کی وجہ سے گرا کر تباہ ہوا