Author: +9251

عرب اتحادی فوج نے حوثی باغیوں کی طرف سے بمبار ڈرون طیاروں کے ذریعے حملے کی سازش ناکام بناتے ہوئے دونوں ڈرون طیارے مار گرائے۔

باغی ٹی وی رپورٹ کے مطابق عرب عسکری اتحاد کےترجمان کرنل ترکی المالکی نے ایک پریس کانفرنس میں‌ بتایا حوثی باغیوں کے دو ڈرون طیارے سوموار اور منگل کی درمیانی شب کو سعودی عرب کی فضاء میں داخل ہونےکے بعد مار گرائے۔

سعودی عرب کی سرکاری نیوز ایجنسی ‘ایس پی اے’ کی طرف سے شائع کردہ بیان میں کرنل ترکی المالکی کا کہنا تھا کہ ایک ڈرون طیارہ منگل کی رات 10 بج کر 37 منٹ پر مار گرایا۔ بمبار طیارہ عرب اتحادی فوج نے حملے سے قبل ہی تباہ کردیا۔ اسے حوثی دہشت گردوں کی طرف سے شہری آبادی کو نشانہ بنانے کے لیے سعودی عرب کی فضائی حدود میں داخل کیا گیا تھا۔

دوسرا ڈرون طیارہ رات گیارہ بج کر 47 منٹ پر سعودی عرب کی فضائی حدود میں تباہ کیا گیا۔ دونوں طیاروں میں‌بارود اور دھماکہ خیزمواد بھرا گیا تھا۔

سلامتی کونسل کی طرف سے جاری بیان میں کہا گیاہے کہ ہم ابھا کے ہوائی اڈے پرحملے میں سعودی عرب کے ساتھ ہیں۔ ان حملوں کی شدید الفاظ میں مذمت کی جاتی ہے۔ سلامتی کونسل نے سعودی عرب کے ابھا ہوائی اڈے پر حملے کو عالمی امن وسلامتی کے لیے خطرہ قرار دیا۔

حوثی باغیوں کی لوٹ مار اور بد انتظامی کے باعث امدادی کارواائیاں بند ہونےکا خدشہ ،عالمی ادارہ خوراک

تفصیلات کے مطابق عالمی ادارہ خوراک کی طرف سے خبردار کیا گیا ہے کہ یمن میں حوثی ملیشیا کے ہاتھوں امدادی سامان کی لوٹ اور غبن کے بڑھتے واقعات کےباعث حوثیوں کے زیر تسلط علاقوں میں امدادی کارروائیاں بند ہونے کا اندیشہ ہے۔

بین الاقوامی فوڈ پروگرام کی طرف سے حوثی ملیشیا پر زور دیا ہے کہ وہ امداد کے حصول اور شفافیت کو یقینی بنانےکے لیے 20 جون تک تمام ضروری قانونی تقاضے پورےکریں ورنہ عالمی ادارہ امداد کی فراہمی بند کردے گا۔۔

عالمی ادارہ خوراک کے ایگزیکٹو ڈائریکٹر ڈیوڈ پیزلی نے سلامتی کونسل کے اجلاس سےخطاب میں کہا کہ اگر یمن میں حوثیوں کی طرف سے امدادی سامان کی لوٹ جاری رہتی ہے تو ادارہ امدادی سامان کی ترسیل عارضی طورپر بہ تدریج روک سکتا ہے۔

ایران کی جوہری اسلحہ کے عدم پھیلاؤ معاہدے (NPT) سے علیحدگی کی دھمکی دے دی

تفصیلات کے مطابق ایران نے دھمکی دی ہے کہ جوہری معاہدے کے فریق ممالک نے ایران کی خواہش کے مطابق اقدامات نہ اٹھائے تو یہ جوہری اسلحہ کے عدم پھیلاؤ معاہدے (NPT) سے کنارہ کشی کو ایجنڈے میں لائے گا۔

انہوں نے بتایا کہ یہ مہلت 8 جولائی کو پوری ہو رہی ہے اگر اس سے قبل تک مطلوبہ اقدامات نہ اٹھائے گئے تو پھر این پی ٹی کی نگرانی کی اجازت دینے والے اضافی پروٹوکول کو التوا میں ڈال دیا جائیگا اور عالمی اٹامک انرجی ایجنسی کے ساتھ جاری تعاون پر نظرِ ثانی کرتے ہوئے این پی ٹی سے علیحدگی اختیار کرنے کے معاملے کو ایجنڈے میں لایا جائیگا۔

یورپی یونین کی امریکہ کے ساتھ 900 ارب ڈالر کی تجارت ہونے کا ذکر کرتے ہوئے مجتبیٰ زُننور کا کہنا تھا کہ "یورپ کسی بھی صورت 900 ارب ڈالر کی 20 ارب ڈالر کے لیے قربانی نہیں دے گا، نکلیئر معاہدہ یورپی یونین کے مفاد میں ہے تا ہم یہ اس کے لیے کسی قسم کا ہرجانہ ادا نہیں کرے گی۔”