چین کےصوبے سیچوان میں زلزلےسے 12افراد کی اموات
باغی ٹی وی رپورٹ کے مطابق چین کےصوبے سیچوان میں زلزلےسے 12افراد کی اموات ہوگئیں اور125زخمی ہیں،بیجنگ:سیچوان میں زلزلہ گزشتہ رات آیا،شدت6.0رکارڈ کی گئی.زلزلےسے سیچوان کے 10گاؤں اورقصبےبری طرح متاثر ہوئے ہیں.
زلزلےسےعمارات،سڑکیں ،بجلی اورمواصلات کےنظام کونقصان ہواہے.زلزلےسےمتاثرہ مقامات پر امدادی کام،امدادی اشیا کی ترسیل جاری ہے
یہ ابتدائی اطلاعات ہیں مزید نقصان اور اموات کی امید کی جارہی ہے.
ٹھٹھہ صادق آباد(نمائندہ باغی ٹی وی) کے نواحی گاوں چک نمبر 132 دس آر قدیم کے رہائشی سیاسی وسماجی شخصیت خان اسلام دین خان کا بیٹا محمد عادل خان جو کہ نوشہرہ میں حساس ادارے کا ٹرینی ملازم تھا ہفتہ 15 جون کو پل 132سے براستہ ملتان واپس اپنے ٹرینگ سنٹر نوشہرہ جاتے ہوئے لاپتہ ہوگیا۔عادل کا تین روز سے موبائل فون مسلسل بند ہے تلاش کے باوجود تاحال کچھ پتہ نہ چل سکا ہے جس کے باعث لواحقین شدید پریشان ہیں۔یاد رہےکہ کچھ دن قبل پاک آرمی کا جوان بھی اسی علاقے سے لاپتہ ہوا تھا وہ بھی تاحال لاپتہ ہے۔
مریکہ نے مزید 1000 فوجیوں کو مشرق وسطیٰ میں تعینات کرنے کا اعلان کیا گیا ہے۔
تفصیلات کے مطابق ماریکی وزارت دفاع نے مشق وسطی میں مزید 1000 فوجی بھیجنے کا اعلان کیا ہے امریکی نائب وزیردفاع پیٹرک شاناھن نے کہا کہ خطے میں فضائی، بری اور بحری خطرات سے نمٹنے میں مدد لی جاسکے۔
بیان میں مزید کہا گیا ہے کہ ایران کی طرف سے حالیہ ایام میں ہونے والے حملوں کے شواہد بتاتے ہیں کہ تہران معاندانہ روش پرعمل پیرا ہے۔ خطے میں امریکا اور اس کے مفادات کو ایرانی فوج اور اس کے حمایت یافتہ عناصر سے خطرات لاحق ہیں۔
جنرل پیٹرک کا کہنا تھا کہ ان کا ملک امریکا کے ساتھ جنگ نہیں چاہتا۔ ان کا کہنا تھا کہ ہمارا پہلا مقصد خطے میں امریکی مفادات اور وہاں پرکام کرنے والے امریکی شہریوں کی جان ومال کا تحفظ ہے۔ ہم خطے میں اپنے مفادات اور شہریوں کے تحفظ کے پیش نظر انٹیلی جنس اداروں کی مصدقہ معلومات کی روشنی میں سیکیورٹی پلان تیار کرتے ہیں
سعودی عرب کے وزیر توانائی وپٹرولیم انجینئر خالد الفالح نے کہا ہے کہ تیل کی گذرگاہوں کا کھلا رہنا بین الاقوامی برادری کے لیے بہت اہم ہے۔ مشرق وسطیٰ میں تیل بردار جہازوں پر حملوں کے بعد عالمی برادری کو تیل کی ترسیل کو تحفظ فراہم کرنا ضروری ہے۔
باغی ٹی وی کی رپورٹ کے مطابق سعودی وزیر پٹرولیم انجینئر خالد الفالح نے کہا کہ انہیں امید ہے کہ تیل برآمد کرنے والے ممالک کی تنظیم ‘اوپیک’ اور روس سمیت دیگر غیر پیداواری ممالک جولائی کے پہلے ہفتہ میں تیل کی پیداوار بڑھانے یا کم کرنے پر غور کریں گے۔ ان کا کہنا تھا کہ تجارتی تنازعات کے باوجود عالمی منڈی میں تیل کے مستحکم رکھنے اور تیل کی طلب 100 ملین بیرل یومیہ سے زیادہ کرنے پر اتفاق ہے، انہوں نے کہا کہ جون اور جولائی میں سعودی عرب کی تیل پیداوار حالیہ چند ماہ کی پیداوار کے برابر رہے گی۔
انجینئر الفالح کا کہنا تھا کہ تمام ملکوں کو تیل کے استحکام کے مسئلے میں تعاون کرنا ہو گا تاہم انہوں نے یہ نہیں بتایا کہ 13 جون کو خلیج عُمان میں دو تیل بردار جہازوں پر حملوں کے بعد کسی نوعیت کے حفاظتی اقدامات کیے گئے ہیں۔ خالد الفالح کی طرف سے یہ بیان ایک ایسے وقت میں سامنے آیا ہے جب امریکہ اور ایران کے درمیان کشیدگی کی وجہ سے خطے کی صورت حال کشیدہ ہے۔
واضح رہے کہ پچھلے ہفتے خلیج میں دو تیل بردار جہازوں کو میزائل حملوں کا نشانہ بنایا گیا جس سے ایک جہاز میں آگ لگ گئی اور دوسرا محفوظ رہا تھا. اس واقعہ کے بعد دونوں ملکوں میں مزید کشیدگی پیدا ہو گئی ہے. امریکہ اور برطانیہ نے تیل بردار جہازوں پر حملوں میں واضح طور پر ایران کو ملوث قرار دیا ہے.
پنجاب کے شہر ننکانہ صاحب میں ڈی ایچ کیو اسپتال کے ایمرجنسی وارڈ میں 2 گروپوں میں فائرنگ ہوئی ہے جس سے 4 افراد جاں بحق ہو گئے ہیں.
باغی ٹی وی کی رپورٹ کے مطابق اس واقعہ کے بعد ہسپتال میں بھگدڑ مچ گئی اور لوگوں میں زبردست خو ف وہراس پھیل گیا. یہ واقعہ دیرینہ دشمنی کا شاخسانہ بتایا جارہا ہے.
مقامی پولیس بھی اس واقعہ کے بعد جائے وقوعہ پر پہنچ گئی اور اس افسوسناک واقعہ سے متعلق تحقیقات کا آغاز کر دیا گیا ہے. مقامی شہریوں نے ہسپتال میں پیش آنے والے اس واقعہ کو انتہائی افسوسناک قرار دیا ہے.
پاکستان مسلم لیگ ن کے صدر شہباز شریف اور جمعیت علماءاسلام کے سربراہ مولانا فضل الرحمن کے درمیان اہم ملاقات ہوئی ہے جس میں حکومت مخالف تحریک کے حوالہ سے آل پارٹیز کانفرنس کی تاریخ مشاورت سے طے کرنے کا فیصلہ کیا گیا.
باغی ٹی وی کی رپورٹ کے مطابق ملاقات میں حالیہ پیش کردہ بجٹ، اپوزیشن لیڈروں کی گرفتاریاں اور دیگر معاملات بھی زیر بحث آئے. اس موقع پر شہباز شریف نے گفتگو کرتے ہوئے کہا کہ حکومت کی طرف سے پیش کردہ بجٹ عوام دشمن ہے. ہر فورم پر اس کی بھرپور مخالفت کریں گے اور حکومت کو یہ بجٹ واپس لینے پر مجبور کریں گے. ان کا کہنا تھا کہ میں نے اپنی زندگی میں اتناجھوٹا سلیکٹڈ وزیراعظم نہیں دیکھا۔ اس سلیکٹڈ وزیراعظم اوران کی ٹیم نے عام آدمی کی زندگی اجیرن کردی ہے. سلیکٹڈ وزیراعظم نے معیشت کوتباہ کردیا ہے،
شہباز شریف اور مولانا فضل الرحمن ملاقات کے دوران فیصلہ کیا گیا کہ جلد آل پارٹیزکانفرنس بلائی جائے گی اور اے پی سی کی تاریخ مشاورت سے طے کی جائے گی، ان کا کہنا تھا کہ عمران نیازی نے کنٹینرپرعوام کوسبزباغ دکھائے اور کہا جاتا رہا کہ ہم ملک کومعاشی لحاظ سے جنت بنادیں گے لیکن حقیقت یہ ہے کہ پچھلے دس ماہ میں عوام کامعاشی قتل کرکے ملک کوجہنم بنادیاگیا ہے. غریب مریضوں کوادویات نہیں مل رہیں،
ملاقات کے حوالہ سے گفتگو کرتے ہوئے مولانا فضل الرحمان نے کہا کہ میں آج کی مشاورت سے مطمئن ہوں، جعلی حکومت عوام کوکسی صورت قبول نہیں ہے. واضح رہے کہ مولانا فضل الرحمن نے اس سے قبل پیپلز پارٹی کے چیئرمین بلاول بھٹو اور دیگر عہدیداران سے بھی ملاقات کی اور حکومت مخالف تحریک کے حوالہ سے تبادلہ خیال کیا گیا. سیاسی ملاقاتوں کے حوالہ سے آج کا دن بھرپور رہا اپوزیشن لیڈروں کی باہم ملاقاتیں ہوتی رہیں.
ورلڈکپ میں بھارت کے ساتھ کھیلے جانے والے اہم میچ میں بھارت سے بری طرح شکست کے بعد پاکستانی ٹیم میں اختلافات کی خبریں منظر عام پر آرہی ہیں. یہ بھی کہا گیا ہے کہ اندرونی اختلافات بھی پاکستانی ٹیم کی ناقص کارکردگی کا ایک سبب ہے.
باغی ٹی وی کی رپورٹ کےمطابق بھارتی میڈیا کی طرف سے بھی پاکستانی ٹیم میں اختلافات کی خبریں شائع اور نشر کی جارہی ہیں. بھارت سے شکست کے بعد پاکستانی ڈریسنگ روم سے کھلاڑیوں کے اختلاف کی خبروںسے ڈریسنگ روم کا ماحول پریشانی کا شکار ہو گیا ہے ۔ میڈیا رپورٹس میں بتایا گیا ہے کہ آج سرفراز احمد جب ہوٹل آئے تو وہاں موجود ایک صحافی نے قومی ٹیم کے کپتان سے ٹیم میں اختلافات سے متعلق سوال کیا تو انہوں نے جواب دینے سے گریز کیا اور پھر کہ سارا کچھ میرے حساب سے چل رہا ہے ۔
واضح رہے کہ اس سے قبل سرفراز احمد نے ڈریسنگ روم میں کھلاڑیوں کو کھری کھری سنا دیں اور کہا تھا کہ اگر کوئی سمجھتا ہے کہ خراب کارکردگی پر صرف میں گھر جاؤں گا تو ایسا نہیں ہے میرے ساتھ اور بھی کئی جائیں گے اس لئے سب کو اپنی کارکردگی بہتر بنانی چاہیے.
رحیم یارخان حسن کالونی میں آتشزدگی کا واقعہ
رحیم یارخان حسن کالونی نزد زرعی کالج گھر میں آگ لگ گئی ریسکیو 1122کا عملہ آگ بجھانے میں مصروف۔ مالی نقصان کا خدشہ ظاہر کیا جارہا ہے.تاہم گھر کے افراد کو باحفاظت نکال لیا گیا ہے.آگ لگنے کی وجہ ابھی تک معلوم نہیں ہو سکی۔
شہبازشریف اور ان کے بیٹوں کیلئے منی لانڈرنگ کیس میں درپیش مشکلات میں مزید اضافہ ہوگیا۔ مبینہ فرنٹ مین مشتاق چینی اوراس کے بیٹے نے بطور وعدہ معاف گواہ بیان ریکارڈ کرادیا ہے۔ ملزم نے سلمان شہباز کیلئے 60 کروڑ روپے کا کالا دھن سفید کرنے کا اعتراف بھی کرلیا ہے.
باغی ٹی وی نے مشتاق چینی کے بیان کی کاپی حاصل کی ہے جس کے مطابق مشتاق چینی نے بیان ریکارڈ کرواتے ہوئے کہا ہے کہ
کروڑوں روپے قرض کے فرضی معاہدے کیے گئے، میں شہباز شریف کے بیٹوں حمزہ اور سلمان شہباز کے ساتھ 2005 سے کاروبار کر رہا ہوں. سلمان شہباز نے ٹرانزیکشنز کو قانونی بنانے کیلئے 2 فرضی معاہدے کیے. ایک معاہدہ میرے، دوسرا میرے بیٹے کے ساتھ کیا گیا، معاہدوں کے مطابق سلمان شہباز کو 61 کروڑ قرض دیا گیا۔ بیان میں کہا گیا ہے کہ جو رقم سلمان شہباز کو ٹرانسفر کی وہ انہی کی تھی، دونوں معاہدے فرضی تھے جن کا حقیقت سے کوئی تعلق نہیں تھا، سلمان شہباز نے 10 کروڑ ہماری کمپنی کے اکاؤنٹ میں ٹرانسفر کیے، ہم پیسہ وائٹ ہو جانے کی لالچ میں کام کرتے رہے، مجھے اپنے گناہ کا احساس ہے، قانون کی مدد کیلئے تمام حقائق پر مبنی بیان دیا، جرم سرزد ہوا، معافی دی جائے۔
شریف خاندان کے مبینہ فرنٹ مین مشتاق چینی اوراس کے بیٹے نے اعترافی بیانات میں کہا ہے کہ رمضان شوگرملز کے چیف فنانشل افسر نے انہیں سلمان شہباز کا کالا دھن سفید کرنے کا کہا۔ اس مقصد کے لئے مشتاق چینی، اس کی کمپنی اور بیٹے کے اکاوئنٹ استعمال ہوئے۔ بیان میںکہا گیا ہے کہ معاملے کو قانونی رنگ دینے کےلئے سلیمان شہباز کو ساٹھ کروڑ روپے قرض دینے کے دو فرضی معاہدے تیار کئے گئے۔ نیب نے مشتاق چینی کو اپریل میں گرفتار کیا تھا۔ عدالت میں پہلی پیشی پر ملزم نے شریف خاندان کی ملازمت کی تردید کی تھی۔
باغی ٹی وی کی رپورٹ کے مطابق وعدہ معاف گواہ مشتاق چینی نے کہا کہ مشتاق اینڈ کمپنی کے اکاؤنٹ میں بھی 2 کروڑ 93 لاکھ کی بیرون ملک سے ٹی ٹی لگوائی گئی. میرے اکاؤنٹ میں یہ رقم سلمان شہباز کے سی ایف او نے بھجوائی جس سے میرا کوئی تعلق نہیں ہے. سلمان شہباز کے ملازم سید طاہر نقوی کے نام پر کمپنی بنائی گئی. کمپنی سے 10 کروڑ بذریعہ چیک پہلے میری کمپنی میں منتقل کیے گئے، 10 کروڑ کے چیک سلمان شہباز نے کاٹ کر عثمان کے حوالے کر دیئے، میری کمپنی کے اکاؤنٹ میں ٹی ٹی کے ذریعے 50 کروڑ روپے سلمان شہباز کے ملازم طاہر نقوی کےکمپنی سے ٹرانسفر ہوئے۔
مشتاق چینی نے کہا میں نے بینک الفلاح سمیت متعدد بینکوں میں اکاؤنٹ کھلوائے، بینک الفلاح کے منیجر عبدالقیوم کے ساتھ اسی وجہ سے تعلق بن گیا، عبدالقیوم کا بیٹا قاسم قیوم بھی منی چینجر کا کام کرتا تھا، اس سے بھی تعلق بن گیا، 2014 میں شہباز شریف فیملی کے سی ایف او محمد عثمان نے سلمان شہباز کیلئے 60 کروڑ کی رقم کرنے کا کہا، میں نے کہا اتنی بڑی رقم دے نہیں سکتا، جیسے جیسے رقم میرے اکاؤنٹ میں آتی رہی، سلمان شہباز کے چیک کاٹ کر دیتا رہا۔
واضح رہے کہ مشتاق چینی کے اس بیان میں حیرت انگیز انکشافات سامنے آئے ہیں جس سے شہباز شریف اور ان کے بیٹوں کیلئے مزید بڑی مشکلات کھڑی ہو گئی ہیں اور ان کے لئے مزید مسائل کھڑے ہوںگے.
رحیم یار خان: سٹی پل پر کمپیوٹر کی دوکان میں آگ لگ گئی،
آگ نے دیکھتے ہی دیکھتے کمپیوٹر شاپ کو اپنی لپیٹ میں لے لیا،
واقعہ کی اطلاع ملتے ہی، پولیس ریسکیو اور امدادی ٹیمیں موقع پر پہنچ گئیں،
ریسکیو اور فائر بریگیڈ کی گاڑیاں آگ بجھانے میں مصروف،
آگ لگنے کے باعث کمپیوٹر شاپ میں موجود لاکھوں مالیت کا سامان جل کر راکھ ہو گیا،
آگ لگنے کی وجہ تا حال معلوم نہیں ہو سکی
