Author: +9251

نیب نے سابق وزیر انفارمیشن ٹیکنالوجی انوشے رحمان کو بھی 19 جون کو طلب کرلیا ہے۔ ان پر تھری جی اور 4 جی کے غیرقانونی ٹھیکوں سے قومی خزانے کو اربوں روپے کا نقصان پہنچانے کا الزام ہے.

باغی ٹی وی کی رپورٹ کے مطابق قومی احتساب بیورو (نیب) راولپنڈی نے تھری جی اور فور جی لائسنس کے ٹھیکوں کی تحقیقات کے سلسلے میں سابق وزیر انفارمیشن ٹیکنالوجی انوشے رحمان کو 19 جون کو طلب کیا ہے. اس موقع پر سابق وزیرانفارمیشن انوشے رحمان کا بیان ریکارڈ کیا جائے گا. چیئرمین نیب نے کیس کو انکوائری سے تحقیقات میں تبدیل کرنے کی منظوری دے دی ہے.

یاد رہے کہ نیب تھری جی اور فور جی کیس میں متعدد بار مسلم لیگ ن کے مرکزی رہنما اور سابق وزیر خزانہ اسحاق ڈار کو بھی نوٹس جاری کر چکا ہے جبکہ اسی طرح انوشے رحمان اور سابق چیئرمین پی ٹی اے اسماعیل شاہ کا بیان بھی ریکارڈ کیا جا چکا ہے۔ انوشے رحمان کو 19 جون کو طلب کیا گیا ہے.

وفاقی وزیرسائنس وٹیکنالوجی فواد چوہدری نے کہاکہ خیبرپختونخواحکومت کا آج عید منانے سے متعلق فیصلہ مناسب نہیں ہے. خیبرپختونخواحکومت کے اس فیصلےسےجگ ہنسائی ہوئی ہے.

باغی ٹی وی کی رپورٹ کے مطابق فواد چوہدری نے کہاکہ ایسا لگا ہے کہ جیسےجھوٹ کوسرکاری سرپرستی حاصل ہے، حکومت کبھی مسلک اورمقامی لڑائیوں میں نہیں پڑتی. جوجہاں چاہےعید کرے مگرجھوٹ کی بنیادپرنہیں. کل چاند کا نظرآنا ممکن ہی نہیں تھا. تھا. مذہبی تہوارکی بنیادبھی جھوٹ پررکھ دی گئی ہے. جہالت کاعلاج حکیم لقمان کے پاس بھی نہیں تھا- انہوں نے کہاکہ چاند کا مسئلہ بھی حل ہوجائےگا.

واضح‌رہے کہ مفتی شہاب الدین پوپلزئی کے بعد خیبر پی کے حکومت نے بھی آج عید کا اعلان کر دیا تھا جس پر 28 روزوں‌ بعد ہی عید کر لی گی ہے اور ایک روزہ عید کے بعد رکھنے کا کہا گیا ہے.

سپریم کورٹ‌ کے جسٹس قاضی فائز عیسیٰ نے حکومت کی طرف سے سپریم جوڈیشل کونسل میں ریفرنس دائر کئے جانے کے بعد صدر مملکت عارف علوی سے سوال کیا ہے کہ کیاجس وزیر اعظم نے آپ کو میرے ریفرنس دائر کرنے کے لئے کہا انہوں نے اپنے گوشواروں میں انگلینڈ میں موجود اپنے بیٹوں اور بیویوں وغیرہ کی پراپرٹیز ظاہر کی ہیں؟،

باغی ٹی وی کی رپورٹ کے مطابق جسٹس قاضی فائز عیسیٰ نے کہاکہ میرے والد قاضی محمد عیسی نے قائد اعظم کے ساتھ مل کر جدوجہد کی اور یہ آزاد خطہ حاصل کیا۔ عدلیہ کو دباؤ میں‌لانے کیلئے اختیار کئے گئے ہتھکنڈے کسی طور کامیاب نہیں‌ ہوں‌گے اور میں قائداعظم کے نظریات کو کبھی نقصان پہنچنے نہیں دوں گا۔ انہوں نے صدر ڈاکٹر عارف علوی سے درخواست کی کہ آپ وزیر اعظم عمران خان سے پوچھیں‌کہ کیا انہوں نے اپنی بیویوں اور بچوں کی جائیدادیں اور اثاثے ظاہر کیے ہیں۔ حکومت نے یہ جو کچھ کیا ہے منصفانہ ٹرائل کے حق کے خلاف ہے۔اگر حکومتی اراکین سمجھتے ہیں کہ مجھ پر دباؤ ڈال کر حلف کی خلاف ورزی پر مجبور کریں گے تو یہ لوگ یہ خیال ذہنوں سے نکال دیں۔ میں‌ کسی قسم کا دباؤ قبول کئے بغیر بلا خوف و خطر آئین اور قانون کے مطابق اپنا کام جاری رکھوں گا۔

وفاقی حکومت کی جانب سے جسٹس قاضی فائز عیسیٰ کے خلاف سپریم جوڈیشل کونسل میں ریفرنس دائر کرنے کے بعد جسٹس قاضی فائز عیسیٰ‌نے صدر مملکت کو دوسرا خط لکھ کر اپنے خلاف کی جانےو الی کردار کشی پر افسوس کا اظہار کیا ہے. ان کا یہ بھی کہنا تھا کہ میرے خلاف جو ریفرنس دائر کیا گیا ہے ابھی تک اس کی کاپی نہیں‌دی گئی، مجھے جوڈیشل کونسل کی جانب سے بھی کوئی نوٹس نہیں بھیجا گیا لیکن میرے خلاف ایک منظم تحریک شروع کر دی گئی ہے جو کہ انتہائی افسوسناک ہے. انہوں نے کہاکہ میرے خلاف ریفرنس میں جن جائیدادوں‌کا ذکر کیا گیا ہے ان سے کیسے کہا جاسکتا ہے کہ میں‌ نے کسی ضابطہ اخلاق کی خلاف ورزی کی ہے. مجھے بدنام کرنے کی کوششوں‌ پر میں اور میرے اہل خانہ سخت کرب کی کیفیت میں‌ہیں.