Author: +9251

اسلام آباد سے ابوظہبی جانے والے پرواز میں فنی خرابی

اسلام آباد سے ابوظہبی جانے والے پرواز میں فنی خرابی پیدا ہو گئی مسافروں کا کہنا ھے کہ ہم 12گھنٹے سے انتظار کررہے ہیں،ہمارے لیے عارضی انتظام بھی نہیں کیاگیا. ان کا کہنا تھا کہ اتنی سخت سردی میں ھم نے نے رات ایئرپورٹ لاؤنج میں گزاری.
اے ایس ایف نے مسافروں کو طیارے سے نیچے اتارکر لاؤنج منتقل کردیا جس پر طیارے سے اتارنے پر مسافروں اور پی آئی اے عملہ آمنے سامناہو گیا. پرواز پی کے 261 کے مسافروں کو طیارے میں بٹھاکر اٹھادیا گیا.
یاد رہے کہ اس سے چند روز قبل بھی اسلام آباد سے سعودی عرب کے شہر جدہ کیلئے روانہ ہونے والی قومی ائیر لائن کی پرواز فنی خرابی کی وجہ سے کراچی میں اتار لی گئی تھی .ایوی ایشن ذرائع کے مطابق پرواز پی کے 741 نے اتوار کی شام چھ بج کر 45 منٹ پر اسلام آباد سے جدہ کیلئے ٹیک آف کیاتھا.
مزید یہ بھی پڑھیں؛
انسانی حقوق پر مرکوز حکمت عملی اپنانے کے عزم کا اعادہ ،وزیر اعظم
تحریک پاکستان کی مشہورخاتون رہنما اور ادیبہ بیگم ڈاکٹر شائستہ اکرام اللہ کا یوم وفات
اسلامی تعاون تنظیم سیکریٹری کا تین روزہ دورہ پاکستان؛ حکام سے ملاقاتیں بھی کریں گے
سعودی عرب کے چین اور امریکہ دونوں کے ساتھ مشترکہ مفادات ہیں،سعودی وزیر خارجہ

طیارہ ایک گھنٹے کی پرواز کے بعد پاکستان کی فضائی حدود میں قلات کے قریب تھا کہ بوئنگ 777 طیارے میں فنی خرابی کی نشاندہی ہوئی۔کپتان کے رابطہ کرنے پر ائیر ٹریفک کنٹرول نے طیارے کو کراچی اتارنے کی ہدایت کی تھی. مقامی وقت کے مطابق ٹھیک آٹھ بجے طیارہ کراچی کے جناح انٹرنیشنل ائیرپورٹ پر بحفاظت لینڈ کرنے میں کامیاب ہوگیا تھ . مسافروں کو جہاز سے اتار کر ٹرانزٹ لاؤنج میں منتقل کر دیا گیا تھا جبکہ رات گئے تک طیارے کا معائنہ جاری رہا. پی آئی اے انتظامیہ کا کہنا تھا کہ مسافروں کو لاونچ منتقل کر دیا گیا اور طیارےکی خرابی دور ہوتے ہی پرواز کو جدہ روانہ کر دیا گیا تھا.

وزارت پیٹرولیم کا ایل این جی کے اسپارٹ کارگو خریدنے کا فیصلہ اسپارٹ گارگوز مارکیٹ سے 12 ڈالر مہنگے ملیں گے،
وزارت پیٹرولیم نے ایل این جی کے سپارٹ گارگو خریدنے کا فیصلہ کر ليا۔ گیس بحران پر وزارت پیٹرولیم کا ایل این جی کے اسپارٹ گارگو خریدنے کا فیصلہ اسپارٹ گارگوز مارکیٹ سے 12 ڈالر مہنگے ملیں گے. ملک میں گیس بحران پر قابو پانے کے لئے وزارت پیٹرولیم نے اب ایل این جی کے اسپارٹ گارگو خریدنے کا فیصلہ کر ليا ہے۔ حکام کا کہنا ہے کہ کوشش ہے جن کمپنیوں کے پاس ایل این جی ہے ان سے گارگو خریدا جائے۔

وزارت پیٹرولیم حکام کا کہنا ہے کہ قطر سمیت دیگر ممالک میں ایل این جی کی ایڈوانس بکنگ ہو چکی ہے، اور گورنمنٹ ٹو گورنمنٹ معاہدے کیلئے فوری طور پر کہیں ایل این جی دستیاب نہیں۔ حکام نے بتایا کہ کوشش ہے جن کمپنیوں کے پاس ایل این جی ہے ان سے گارگو خریدا جائے، اور دو گارگو خریدنے کی کوشش کی جائے گی۔
مزید یہ بھی پڑھیں؛
انسانی حقوق پر مرکوز حکمت عملی اپنانے کے عزم کا اعادہ ،وزیر اعظم
تحریک پاکستان کی مشہورخاتون رہنما اور ادیبہ بیگم ڈاکٹر شائستہ اکرام اللہ کا یوم وفات
اسلامی تعاون تنظیم سیکریٹری کا تین روزہ دورہ پاکستان؛ حکام سے ملاقاتیں بھی کریں گے
سعودی عرب کے چین اور امریکہ دونوں کے ساتھ مشترکہ مفادات ہیں،سعودی وزیر خارجہ

حکام وزارت پيٹروليم کا کہنا ہے کہ جاپان یا سنگاپور سے اضافی کارگوز ملنے کی امید ہے، اسپارٹ گارگوز مارکیٹ سے 12 ڈالر مہنگے ملیں گے، قلت کے باعث سردیوں ميں لوڈ منیجمنٹ پر عملدرآمد چیلنج رہے گا۔ واضح رہے کہ پاکستان میں گرمیوں میں بجلی کی لوڈ شیڈنگ اور سردیوں میں گیس کی لوڈ شیڈنگ کافی سال سے معمول بن چکا ہے۔ ملک میں سردیوں کا آغاز ہے اور اس بار بھی ملک میں گیس کی کمی کی وجہ سے تجارتی اور گھریلو صارفین کو گیس کی لوڈ شیڈنگ کا سامنا کرنا پڑ رہا ہے.

راولپنڈی گارڈن کالج کی نجکاری کیخلاف طلبہ کا احتجاج

راولپنڈی کے تاریخی گارڈن کالج کی ممکنہ نجکاری کیخلاف طلبہ کا شدید احتجاج جاری ہے جبکہ مری روڈ کو لیاقت باغ کے مقام پر بند کر دیا گیا. مظاہرین کا ایک ہی مطالبہ ہےکہ اس نجکاری کو روکا جائے ورنہ ہمارا احتجاج جاری رکھا جائے گا. جب تک اسے روکا نہیں جاتا ہے.

راولپنڈی کے تاریخی گارڈن کالج کی ممکنہ نجکاری کیخلاف طلبہ کا شدید احتجاج، مری روڈ کو لیاقت باغ کے مقام پر بند کر دیا۔ pic.twitter.com/PwRWwWnAMv

— Khurram Iqbal (@khurram143) December 10, 2022

گورنمنٹ گارڈن کالج راولپنڈی کے پروفیسروں، عملے اور طلبا نے ہائیر ایجوکیشن ڈیپارٹمنٹ اور کرسچن کالج یونیورسٹی کے نمائندوں کو کالج میں داخلے سے روکتے ہوئے پنجاب بھر کی اساتذہ و طلبا تنظیموں کے اشتراک سے ”کالج بچاؤ“تحریک کا اعلان کا آغاز کردیا ہے.
مزید یہ بھی پڑھیں؛
انسانی حقوق پر مرکوز حکمت عملی اپنانے کے عزم کا اعادہ ،وزیر اعظم
تحریک پاکستان کی مشہورخاتون رہنما اور ادیبہ بیگم ڈاکٹر شائستہ اکرام اللہ کا یوم وفات
اسلامی تعاون تنظیم سیکریٹری کا تین روزہ دورہ پاکستان؛ حکام سے ملاقاتیں بھی کریں گے
سعودی عرب کے چین اور امریکہ دونوں کے ساتھ مشترکہ مفادات ہیں،سعودی وزیر خارجہ

جبکہ مظاہریں نے خبردار کیاہے کہ راولپنڈی کے قدیم اور تاریخی حیثیت رکھنے والے گورنمنٹ گورڈن کالج کی نجکاری نہیں ہونے دیں گے اور پنجاب بھر کے اساتذہ و طلباتنظیموں کی قیادت اور طلبا کو شامل کرکے بھرپور مزاحمتی تحریک چلائی جائے گی۔اس امر کا اعلان احتجاجی مظاہرے میں پہلے بھی کیا گیا۔ پپلاگارڈن کالج کے صدرپروفیسر خرم شہزاد اور ممبر سینٹرل ایگزیکٹو کمیٹی ظفر اللہ شاہین سمیت دیگر اساتذہ و طلباقائدین نے کہا تھا کہ قدیم درسگاہ گارڈن کالج کو نجی شعبے کی تحویل میں دینے کے خلاف اساتذہ اور طلبا ایک پیچ پر متحدہیں۔

یوٹیلٹی اسٹورز میں گھی، دودھ،سمیت برانڈڈ اشیا کی قیمتوں میں اضافہ کر دیا گیا.

یوٹیلٹی اسٹورز پر گھی، دودھ، نوڈلز، کیچپ، جام، بچوں کے خشک دودھ،بسکٹ سمیت متعددبرانڈڈ اشیاء کی قیمتوں میں بڑا اضافہ کر دیا گیاہے۔ یوٹیلٹی اسٹورز کی جانب سے گھی، دودھ سمیت متعددبرانڈڈ اشیاء کی قیمتوں میں بڑا اضافہ کر دیا گیا، قیمتوں میں اضافے کا نوٹیفکیشن جاری کر دیا گیا ہے۔

نوٹیفکیشن کے مطابق یوٹیلٹی اسٹورز پر برانڈڈ گھی کی فی کلو قیمت میں 71 روپے تک اضافہ کیا گیا اور برانڈڈ گھی 397 روپے سے بڑھاکر 468 روپے کا کردیا گیا۔ بچوں کا 800 گرام خشک دودھ کے ڈبے کی قیمت میں 120 روپے اضافہ کیا گیا اور بچوں کے خشک دودھ کے 800 گرام ڈبے کی قیمت 1690 سے بڑھا کر1810 روپے کر دی گئی۔ایک کلو برانڈڈدیسی گھی کی قیمت میں 220 روپے تک اضافہ کیا گیا اوربرانڈڈ دیسی گھی 1200 سے بڑھ کر 1420 روپے کا ہوگیا۔
مزید یہ بھی پڑھیں؛
انسانی حقوق پر مرکوز حکمت عملی اپنانے کے عزم کا اعادہ ،وزیر اعظم
تحریک پاکستان کی مشہورخاتون رہنما اور ادیبہ بیگم ڈاکٹر شائستہ اکرام اللہ کا یوم وفات
200 گرام ملک کریم کی قیمت میں 21 روپے اضافہ کیا گیا جو کہ 153 روپے سے بڑھ کر 174 روپے کی ہوگئی ۔چار پیک والے نوڈلز کی قیمت 207 روپے سے بڑھا کر 227 روپے کر دی گئی جس میں 20 روپے کا اضافہ ہوا۔800 گرام ٹماٹو کیچپ کی قیمت میں 30 روپے اضافہ کیا گیا جو 288 روپے سے بڑھ کر 318 روپے کا ہوگیا ۔
عوام کااس حوالے سے ردعمل سامنے آیا ہے جس میں ان کاکہنا ہے کہ پہلے ہی مہنگائی نے کمر توڑ رکھی ہے اب اشیاء کی قیمتوں میں مزید اضافہ نا قابل برداشت ہے اور حکومت کو چاہئے کہ اس بوجھ سے ہماری جان چھڑائیں.

شوکت ترین نے آئی ایم ایف معاہدے کو سبوتاژ کرنے کی کوشش کی.رانا ثناء اللہ

وفاقی وزیرِ داخلہ رانا ثناء اللہ نے کہا ہے کہ ہم پر بے بنیاد کیسز انصاف کے تقاضے پورے کرنے کے بعد ختم ہورہے ہیں، اگر الزامات بے بنیاد ہیں تو کیسز ختم کیوں نہ کروائیں؟ تفصیلات کے مطابق وفاقی وزیرِ داخلہ رانا ثنا اللہ نے آج میڈیا سے گفتگو کرتے ہوئے کہا کہ سابق وزیرِ خزانہ شوکت ترین نے آئی ایم ایف معاہدے کو سبوتاژ کرنے کی کوشش کی۔ ہم کیسز کلیئر کرنے نہیں آئے بلکہ ہم پر الزامات عائد کیے گئے۔ گفتگو کے دوران وزیرِ داخلہ رانا ثناء اللہ نے کہا کہ ڈیلی میل نے اس لیے معافی مانگی کیونکہ ان کے پاس ثبوت نہیں تھے۔ پی ٹی آئی کا ٹولہ ملک کو تباہ کرنے پر لگا ہوا ہے۔ عمران خان دور میں ہم پر جھوٹے کیسز بنوا کر انتقام کا نشانہ بنایا گیا۔

وفاقی وزیر رانا ثناء اللہ نے کہا کہ ہمارے خلاف بنائے گئے بے بنیاد کیسز ختم ہونے چاہئیں۔ وزیر اعظم شہباز شریف کے حق میں دنیا بھر سے گواہی آئی۔ پی ٹی آئی کے پاس اگر اقتدار نہیں تو سب کچھ غلط ہے۔ اگر ہم پر مقدمات بے بنیاد ہیں تو ختم کیوں نہ کروائیں؟ وزیرِ داخلہ نے کہا کہ ہمارے کیسز انصاف کے تقاضے ختم کرنے کے بعد ختم ہورہے ہیں۔ عمران خان کہتے ہیں میرا ذاتی معاملہ ہے پھر توشہ خانے سے متعلق آڈیو لیک ہوگئی۔ پی ٹی آئی چیئرمین عمران خان فرح خان کے معاملے پر کیوں جواب نہیں دیتے؟
مزید یہ بھی پڑھیں؛
انسانی حقوق پر مرکوز حکمت عملی اپنانے کے عزم کا اعادہ ،وزیر اعظم
تحریک پاکستان کی مشہورخاتون رہنما اور ادیبہ بیگم ڈاکٹر شائستہ اکرام اللہ کا یوم وفات
انہوں نے کہا کہ عمران خان نے قومی خزانے کو 50 ارب روپے کا ٹیکہ لگوایا۔ دوسروں پر جھوٹے مقدمات بنوائے اور خود کرپشن میں ملوث تھا۔ ان جیسا رویہ ہم نے اختیار کرنا ہوتا تو ایسا مقدمہ نہ بنتا کہ 4 دن بعد بری ہوگئے۔