Author: +9251

وزیر ریلوے سعدرفیق کا کہنا ہے کہ کھایا پیا لوٹا بیچا سب سامنے آجائے گا۔

سماجی رابطے کی ویب سائٹ ٹویٹر پر اپنی ٹویٹ میں وزیرریلوے سعدرفیق کا کہنا تھا کہ افسوس! مفت خوری اور ٹکے ماری کےعادی مُرشد کوئی جائز کاروبار کر لیتے، تو فارن فنڈنگ، صدقہ خیرات خوری اور گھڑیاں چوری کرنے سے تو بچ جاتے۔

افسوس ! مفت خوری اورٹکے ماری کے عادی مُرشد کوئ جائز کاروبار کرلیتے تو
ممنوعہ فارن فنڈنگ وصولی ، صدقہ خیرات خوری اور گھڑیاں چوری کرنے سے بچ جاتے ۔۔۔

لھایا پیا لوٹا بیچا سب سامنے آۓگا۔۔۔

— Khawaja Saad Rafique (@KhSaad_Rafique) December 9, 2022

وفاقی وزیرریلوے نے بتایا کہ گرین لائن، فرید ایکسپریس اور پاکستان ایکسپریس جلد ٹریکس پر رواں دواں ہوں گی۔

انشا اللّٰہ

گرین لائن
فرید ایکسپریس
پاکستان ایکسپریس
جلد رواں دواں ھوں گی

— Khawaja Saad Rafique (@KhSaad_Rafique) December 9, 2022

مزید یہ بھی پڑھیں؛
مارگلہ کی پہاڑیوں پر نایاب نسل کا تیندوہ مردہ حالت میں پایا گیا
خاشقجی کی منگیتر، نے امریکی عدالت کے فیصلے پر ردعمل میں کہا کہ "جمال آج پھر انتقال کر گئے ہیں۔”
دنیا میں ترقی جنگوں سے نہیں بیلٹ پیپر سے آئی،سیکرٹری الیکشن کمیشن
عمران خان کے خلاف ممنوعہ فنڈنگ کیس کی سماعت 19دسمبر تک ملتوی
انہوں نے کہا کہ ریلوے پنشنرز کی پنشن شدید مالیاتی دباؤ کے باعث لیٹ ہوگئی ہے، اور وہ سخت تکلیف میں ہیں جس کا پورا احساس ہے، وزارت خزانہ نے رات کو کلئیرنس دے دی تھی،آج انشا اللّٰہ اے جی پی آر سے اتھارٹی ایشو کروا کے بینکوں کو ریلیزکروائی جا رہے ہے، پوری کوشش ہے کہ بینک ہفتے کے دن اوور ٹائم لگا کر اسے تقسیم کر دیں۔

ریلوےپنشنرز کی پنشن شدیدمالیاتی دباؤ کےباعث لیٹ ھوگىئ ھے
وہ سخت تکلیف میں ھیں،اسکاپورا احساس ھے🙏
وزارت خزانہ نے رات کلئیرنس دیدی تھی،آج انشا اللّٰہAGPRسے اتھارٹی ایشوکرواکے بنکوں کوریلیزکروائ جا رھی ھے
پوری کوشش ھے کہ بنک ھفتے کے دن اوور ٹائم لگا کراسے تقسیم کر دیں
اللّٰہ کریم

— Khawaja Saad Rafique (@KhSaad_Rafique) December 9, 2022

اس سے قبل وزیر ریلوے خواجہ سعد رفیق کا کہنا تھا کہ حکومت ریلوے کی کارکردگی بہتربنانے کیلئے اقدامات کررہی ہے ریلوے کے وزیر خواجہ سعد رفیق نے کہا تھا کہ مسافروں کو زیادہ سے زیادہ سہولیات فراہم کرنے کے لئے حکومت پاکستان ریلوے کی کارکردگی بہتر کرنے کے لئے اقدامات کر رہی ہے۔ ایک نجی نیوز چینل سے گفتگو کرتے ہوئے انہوں نے کہا تھا کہ شہباز شریف کی قیادت میں اتحادی حکومت ملک میں معاشی استحکام کے لئے اپنی کوششیں جاری رکھے گی۔ انہوں نے مزید کہا تھا کہ اتحادی حکومت کے فیصلوں سے ملک دیوالیہ ہونے سے بچ گیا ہے۔

سلیمان شہباز نے کہا ہے کہ چار سال بعد وطن واپس جارہا ہوں جبکہ ہمارا جینا مرنا پاکستان میں ہے.

وزیراعظم شہباز شریف کے صاحبزادے سلیمان شہباز نے کہا ہے کہ برطانیہ میں 4 سالہ جلا وطنی ختم کرکے پاکستان آنے کا فیصلہ کیا ہے۔ لہذا پاکستان ہمارا ملک ہے اور میں یہ یاد دلانا چاہتا ہوں کیونکہ لوگوں کی یاداشت کم ہوتی ہے. ان کا مزید کہناتھا جس طرح سے 2018 میں سازش کا آغاز ہوا اور ہمارے شریف خاندان اور خواتین کو جس قدر ہراساں کیا گیا.

چارسال بعد وطن واپس آرہاہوں، سلیمان شہباز
شہزاد اکبر اور اسکے ساتھیوں نے عمران خان کی سربراہی میں پاکستان کے ساتھ کھلواڑ کیا، سلیمان شہباز pic.twitter.com/EiDHMVZk0T

— Ghazanfar Abbas (@ghazanfarabbass) December 9, 2022

سلیمان شہباز کا کہنا تھا کہ چیئرمین نیب جاوید اقبال جو ایک سیاہ دھبہ ہیں انہیں کس طرح بلیک میل کرکے استعمال کیا گیا اسی طرح بشیر میمن کئی بار کہہ چکے انہیں کس طرح دھمکایا گیا کہ آپ اپوزیشن کے خلاف کیس بنائیں. جبکہ شہزاد اکبر اور اسکے ساتھیوں نے عمران خان کی سربراہی میں پاکستان کے ساتھ کھلواڑ کیا ہے. سلیمان کے مطابق اب اللہ کا شکر ہے کہ سلیکٹد نظام سے اب ہماری جان چھوٹ گئی ہے جسکے بعد میں اپنے ملک جارہا ہوں.
مزید یہ بھی پڑھیں؛
مارگلہ کی پہاڑیوں پر نایاب نسل کا تیندوہ مردہ حالت میں پایا گیا
خاشقجی کی منگیتر، نے امریکی عدالت کے فیصلے پر ردعمل میں کہا کہ "جمال آج پھر انتقال کر گئے ہیں۔”
دنیا میں ترقی جنگوں سے نہیں بیلٹ پیپر سے آئی،سیکرٹری الیکشن کمیشن
عمران خان کے خلاف ممنوعہ فنڈنگ کیس کی سماعت 19دسمبر تک ملتوی
ارشد شریف قتل کیس ازخود نوٹس،فیکٹ فائنڈنگ کمیٹی کی رپورٹ سپریم کورٹ میں جمع

عمران حکومت نے برطانیہ کی نیشنل کرائم ایجنسی میں ہمارے خلاف درخواست دی ، این سی اے نے ہمیں الزامات سے بری کیا، سلیمان شہباز pic.twitter.com/5Sf7QcFvoA

— Ghazanfar Abbas (@ghazanfarabbass) December 9, 2022

ان کا مزید کہنا تھا کہ ڈیلی میل کی معزرت ہماری کامیابی ہے کیونکہ عمران خان جب وزیراعظم تھے انہوں نے عالمی ایجنسی کو کہا تھا کہ شہباز شریف کے کیس کی تحقیقات کریں جس کے بعد وہاں بھی ہم سرخرو ہوئے ہیں. کیونکہ این سی اے نے ان تمام الزامات کا کوڑے کے ڈھیر میں پھینک دیا تھا.

کراچی میں صبح 6سے رات11بجے تک ہیوی ٹریفک کا داخلہ بند

سندھ ہائیکورٹ نے صبح 6 سے رات 11بجے تک کراچی شہر میں ہیوی ٹریفک کا داخلہ روکنے اور خلاف ورزی کرنے والوں کی گاڑیاں بند کرنے کا حکم دے دیا۔ جسٹس ندیم اختر کی سربراہی میں 2رکنی بینچ کے روبرو شہر میں ہیوی ٹریفک پر پابندی سے متعلق درخواست پر سماعت ہوئی۔ ڈی آئی جی ٹریفک عدالت میں پیش ہوئے اور رپورٹ جمع کرائی۔ جسٹس ندیم اختر نے استفسار کیا کہ پہلے والے ڈی آئی جی ٹریفک کہاں ہیں، کیا ان کا تبادلہ ہوگیا، کیا عدالت سے ان کے تبادلے کی اجازت لی گئی تھی؟ جسٹس ندیم اختر نے ریمارکس دیئے کہ اس سے پتہ چلتا ہے کہ محکمہ پولیس عدالت کے احکامات کو کتنی سنجیدگی سے لیتا ہے۔ جسٹس ندیم اختر نے ڈی آئی جی ٹریفک سے استفسار کیا کہ سپریم کورٹ اور ہائیکورٹ کے ہیوی ٹریفک سے متعلق احکامات کا آپ کو علم ہے۔

جس پر ڈی آئی جی ٹریفک نے بتایا کہ رات 11بجے سے صبح 6 بجے تک ہیوی ٹریفک شہر میں جاسکتا ہے۔ جسٹس ندیم اختر نے ریمارکس میں کہا کہ ہمیں صرف سپریم کورٹ کے احکامات پر عملدرآمد کرانا ہے۔ ہیوی ٹریفک کی وجہ سے کالج، اسکول، اسپتال، نوکری یا عدالت نہیں پہنچا جاسکتا، یہ آئین کے آرٹیکل 9 کیخلاف ہے۔ ڈی آئی جی نے بتایا کہ سندھ میں ٹریفک قوانین کی خلاف ورزی پر جرمانہ بہت کم ہے۔ موٹرسائیکل والے پر بھی اتنا ہی جرمانہ ہوتا ہے، جتنا بائیس وھیلر والے پر ہوتا ہے۔ ہم اس میں ایف آئی آر بھی درج کریں گے اور گاڑیوں کو بند کریں گے۔

مقررہ اوقات کے علاوہ ہیوی ٹریفک کا داخلہ نہیں ہوتا۔ جسٹس ندیم اختر نے ریمارکس میں کہا کہ انٹری پوائنٹس پر فوکس کریں، آپ کا کورس اور طریقہ کار درست نہیں، شہریوں کو کہیں کہ وہ سوشل میڈیا پر تاریخ اور وقت کے ساتھ وڈیوز اپ لوڈ کریں۔ جسٹس ندیم اختر نے اپنے ریمارکس میں مزید کہا کہ شہر میں جنگل کا قانون ہے، تیز لائٹس اور فینسی نمبر پلیٹس کیخلاف کوئی کارروائی نہیں کی جا رہی۔ ڈی آئی جی نے بتایا کہ فینسی نمبر پلیٹ والی 15 ہزار گاڑیوں کیخلاف کارروائی کی گئی ہے۔ جسٹس ندیم اختر نے کہا کہ قوانین کی خلاف ورزی کرنے والوں کی گاڑیاں بند کریں۔ کوئی بھی ادارہ اس کام میں رکاوٹ ڈالے تو عدالت کو آگاہ کریں۔ نیلی پیلی لائٹس اور ہوٹر والی گاڑیوں کیخلاف بھی کارروائی کی جائے، خواہ وہ ایم این اے یا ایم پی ایز کی ہی کیوں نہ ہوں، کسی کے دباؤ میں نہ آئیں۔

سروں کے سلطان، عالمی شہرت یافتہ گائیک استاد راحت فتح علی خان آج اپنی 48 ویں سالگرہ منارہے ہیں۔

راحت فتح علی خان 9 دسمبر 1974 کو فیصل آباد میں پیدا ہوئے اور ان کو والد فرخ فتح علی خان اور نصرت فتح علی خان کے ساتھ بچپن سے ہی قوالی کی تربیت حاصل کرنے کا موقع ملا۔ وہ اب تک سیکڑوں قوالیاں گیت اورغزلیں گا چکے ہیں اور ان کے گائے گیت اور غزلیں عوام میں بے حد مقبول ہیں۔ پاکستان بھر میں ان کی شہرت کے بعد ہمسایہ ملک بھارت نے بھی ان کی آواز سے فائدہ اٹھایا، بھارتی فلم پاپ میں ان کی آواز میں گایا گیت “من کی لگن ” نے بے پناہ شہرت حاصل کی۔

راحت فتح علی خان اب تک کئی ڈراموں اور فلموں کے ٹائٹل سونگ بھی گا چکے ہیں اور انہوں نے متعدد ملی نغمے بھی گائے۔ 2019 میں آکسفورڈ یونیورسٹی کی جانب سے انہیں موسیقی کے شعبے میں اعزازی طورپر پی ایچ ڈی کی ڈگری سے نوازا گیا جبکہ وہ اب تک متعدد ملکی اور غیر ملکی ایوارڈز جیت کر ملک وقوم کا نام روشن کر چکے ہیں۔ موسیقی کے گھرانے میں آنکھ کھولنے کی وجہ سے سُر، سنگیت اور راگنیاں ان کی گھٹی میں شامل ہوتی گئیں۔

راحت فتح علی خان کم عمری ہی سے اپنے چچا استاد نصرت فتح علی خان کے ساتھ سماع کی محفلوں میں سنگت کرنے لگے تھے۔ اس زمانے کی تربیت آج استاد راحت فتح علی خان کے قدم قدم پر کام آ رہی ہے، 2013ء میں بالی وڈ کی اداکارہ و پروڈیوسر پوجا بھٹ نے اپنی فلم ’’پاپ‘‘ میں راحت فتح علی خان کی آواز میں ایک گیت ’’من کی لگن‘‘ شامل کیا تو ہر طرف ان کی آواز کی دھوم مچ گئی۔

2013ء سے شروع ہونے والا یہ سفر آج بھی بالی وڈ میں پوری توانائی اور مقبولیت کے ساتھ جاری ہے، علاوہ ازیں انہوں نے کئی پاکستانی ڈراموں کے ٹائٹل سونگ بھی گائے، جنہیں بے حد پسند کیا گیا۔ دسمبر 2014ء میں اوسلو میں منعقدہ نوبیل پیس پرائز کی تقریب میں صُوفیانہ کلام پیش کر کے پاکستان کا نام عالمی سطح پر روشن کیا۔ نیویارک میں جیو ٹی وی کے تعاون سے یوم پاکستان کے موقع پر اقوام متحدہ کی جنرل اسمبلی کے ہال میں منعقدہ ’’صوفی نائٹ‘‘ میں آواز کا جادو جگایا۔