Author: +9251

وینا ملک کے سابق شوہر کی ایک سال بعد بچوں سے ملاقات؛ اسد خٹک نے کہا بچوں کے لئے معاملات مل بیٹھ کر حل کرنا چاہتا ہوں.

وینا ملک نے سندھ ہائی کورٹ کے حکم پر سابق شوہر اسد خٹک کی ایک سال بعد بچوں سے ملاقات کرادی۔ سندھ ہائی کورٹ میں بچوں کو پیش کرنے سے متعلق فیملی کورٹ کے حکم کے خلاف ویناملک کی درخواست پر سماعت ہوئی۔ عدالت نے والد اسد خٹک سے بچوں کی 2 گھنٹے کی ملاقات کرانے کا حکم دیا۔
سندھ ہائی کورٹ نے ریمارکس دیئے کہ بچوں کے معاملے میں والدین بہترین جج ہوتے ہیں، عدالت سے باہر معاملات طے کرنے کی کوشش کریں۔ عدالتی حکم پر وینا ملک نے اپنے سابق شوہراسد خٹک کی ایک سال بعد بچوں سے ملاقات کرادی۔ عدالتی حکم پر اداکارہ اورماڈل وینا ملک بچوں کی والد اسد خٹک سے ملاقات کے لئے سندھ ہائیکورٹ پہنچیں۔
مزید یہ بھی پڑھیں؛ سیالکوٹ کے بنے فٹبال فیفا ورلڈ کپ میں استعمال ہوں گے
سونے کی آسمان کو چھوتی قیمتیں؛ غریب کیلئے شادی اب ایک خواب بن گئی
سعودی عرب کا پاکستان کے ساتھ آئی ٹی اور کمیونیکیشن میں تعاون کا عزم
ایک سال بعد عدالتی احاطے میں بچوں کی والد سے 2 گھنٹے ملاقات کرائی گئی۔ اسد خٹک بچوں کیلئے تحائف بھی لائے تھے۔ بیٹی امل خان تو والد کے ساتھ بیٹھی رہیں لیکن بیٹا ابرم خان والدہ سے چمٹا رہا۔ طویل عرصے بعد بچوں سے مل کر اسد خٹک انتہائی خوش نظرآئے، انہوں نے کہا کہ دو تین سال بعد بیٹی گود میں سوئی تو بہت اچھا لگا، بچوں کے لئے معاملات مل بیٹھ کر حل کرنا چاہتا ہوں۔ وینا ملک اور اسد خٹک کی شادی دسمبر 2013 کو ہوئی تھی اور ان کے دو بچے ہیں۔ وینا ملک نے 2017 میں اسد خٹک سے خلع لے لی تھی۔

چیئرمین نیب کا کہنا ہے کہ پشاور بی آر ٹی کیس میں پیشرفت ہوئی ہے.

چیئرمین نیب آفتاب سلطان نے کہا ہے کہ پشاور بی آر ٹی کیس میں پیشرفت ہوئی ہے اور 6 ماہ میں کسی نتیجہ پر پہنچنے کی کوشش کریں گے۔ چیئرمین پی اے سی نور عالم خان کی زیر صدارت پبلک اکاؤنٹس کمیٹی کا اجلاس ہوا، چیئرمین نیب آفتاب سلطان پبلک اکاؤنٹس کمیٹی اجلاس میں شریک ہوئے۔ چیئرمین پی اے سی نے کہا کہ نیب کو کچھ انکوائریز ریفر کی گئی تھیں جن پر تحقیقات کی رفتار سست ہے، بی آر ٹی، ہیلی کاپٹر کیس، بلین ٹری سونامی اور بینک آف خیبر سے متعلق نیب کو انکوائری کرنے کا کہہ رکھا ہے، ایسے لگ رہا جیسے کچھ لوگوں کو بچایا جا رہا ہے۔

چیئرمین نیب نے کہا کہ جب میں نے عہدہ سنبھالا تو بی آر ٹی کیس بند تھا لیکن ہم کیس کو 6 ہفتے سے دیکھ رہے ہیں اور پیشرفت ہوئی ہے، تاریخ نہیں دے سکتا۔ بینک آف خیبر سے متعلق اسٹیٹ بینک کو لکھا ہوا ہے، انکا جواب آئے گا تو آگے بڑھیں گے۔ چیئرمین پی اے سی نے کہا کہ نیب کے جو افسران کیسز کو سرد خانے میں رکھنے کے ذمہ دار ہیں انکے خلاف کارروائی کی جائے، معلوم ہے کہ کچھ کیسز میں بہت زیادہ کرپشن ہے لیکن تحقیقات سست روی کا شکار ہیں، بی آر ٹی کیس کو 4 سال ہوچکے ہیں، اس لیے ٹائم فریم طے کریں۔

خیال رہے کہ اس سے قبل قومی احتساب بیورو (نیب) نے پشاور کے سب سے بڑے ٹرانسپورٹ منصوبے بی آر ٹی میں مبینہ بے ضابطگیوں کی تحقیقات کا آغاز کرتے ہوئے سابق ڈائیریکٹر جنرل پشاور ڈویلپمنٹ اتھارٹی سلیم وٹو کو طلب کر لیا گیا تھا. نیب نے تفتیش اور تحقیقات کے سلسلے میں سلیم وٹو کو 17 اکتوبر کو طلب کیا، جن سے پراجیکٹ میں مبینہ کرپشن کے حوالے سے تحقیقات کی جائیں گی۔

نیب کی جانب سے بھیجے گئے نوٹس میں بتایا گیا تھا کہ سلیم وٹو ڈی جی پی ڈی اے رہے اور اسکے علاوہ بی آر ٹی پراجیکٹ کی ٹیکنیکل ایویلئیویشن کمیٹی کے کے چئیرمین بھی رہے۔ اعلامیے میں لکھا گیا تھا کہ بطور چیئرمین ٹیکنیکل اینڈ ایوالیشن کمیٹی پراجیکٹ سے متعلق کئی اہم معاہدے بھی کئے۔ سابق ڈی جی پی ڈی اے کو 17 اکتوبر دن گیارہ بجے پشاور دفتر میں بذات خود حاضر ہونا ہوگا۔

شیخ رشید اور راشد شفیق توہین مذہب کیس میں بے گناہ قرار دے دیئے گئے.

سعودی عرب میں وزراء کے خلاف نعرہ بازی وار مذہبی منافرت کیس میں سابق وزیر داخلہ شیخ رشید اور راشد شفیق کو بے گناہ قرار دے دیا گیا۔ مسجد نبوی کے افسوس ناک واقعہ پر شیخ رشید کے خلاف درج مقدمے پر لاہور ہوئی کورٹ راولپنڈی بینچ میں سماعت ہوئی، کیس کی سماعت جسٹس چوہدری عبدالعزیز نے کی۔

شیخ رشید اپنے وکیل ایڈووکیٹ سردار عبدالرازق خان کے ہمراہ عدالت میں پیش ہوئے جہاں کیس کے تفتیشی افسر نے شیخ رشید احمد اور شیخ راشد شفیق کو توہین مذہب مقدمہ میں بے گناہ قرار دے دیا۔ عدالت نے شیخ رشید احمد کی جانب سے مقدمہ خارج کرنے کی پٹیشن نمٹا دی جبکہ شیخ راشد شفیق کے خلاف فیصل آباد میں درج توہین مذہب کا مقدمہ بھی خارج کر دیا گیا. عدالت کی جانب سے شیخ رشید اور شیخ راشد شفیق کو درج مقدمات سے متعلق ٹرائل کورٹ سے رجوع کرنے کا کہا گیا ہے۔

واضح رہے گزشتہ اپریل کے ماہ کے آخر میں وزیر اعظم شہباز شریف نے سعودی عرب کا دورہ کیا تھا۔ اس دورے کے دوران ان کے وفد کے دو ارکان وزیر اطلاعات مریم اورنگزیب اور وزیر برائے نارکوٹیکس شاہ زین بگٹی کی مسجد نبوی میں حاضری کے دوران مبینہ طور پر تحریک انصاف کے حامیوں نے نعرے بازی کی تھی جس کی ویڈیو وائرل ہوئی اور اس کی ملکی و غیر ملکی سطح پر مذمت کی گئی تھی۔ تحریک انصاف کے کئی رہنماؤں نے اس احتجاج سے لاتعلقی ظاہر کی تھی۔

اس واقعے پر پاکستان میں بھی مقدمہ درج کیا گیا تھا۔ صوبہ پنجاب کے شہر فیصل آباد کی پولیس نے توہین مذہب کے الزام میں سابق وزیرِ اعظم اور پاکستان تحریک انصاف کے چیئرمین عمران خان سمیت جماعت کے مرکزی رہنماؤں کے خلاف مقدمہ درج کیا۔ جبکہ اس مقدمے میں کہا گیا کہ ‘عمران خان، فواد چوہدری، شیخ رشید، شہباز گل، شیخ راشد شفیق، صاحبزادہ جہانگیر چیکو، انیل مسرت، نبیل نسرت، عمیر الیاس، رانا عبدالستار، بیرسٹر عامر الیاس، گوہر جیلانی، قاسم سوری اور تقریباً 100 کے قریب لوگوں نے سعودی عرب کے شہر مدینہ منورہ میں مسجد نبوی کی حرمت و تقدس کو بالائے طاق رکھتے ہوئے قرآن کے احکامات کی واضح خلاف ورزی کی ہے۔’