Author: +9251

جب سے پاکستان کو سیلاب نے گھیرا ہے تب سے بہت سارے لوگ اپنے اپنے طور پر سیلاب زدگان کی مدد کررہے ہیں. ایسی مدد کررہا ہے انڈس ہسپتال بھی. اس ہسپتال کے پلیٹ فارم سے حرا اور مانی آج کل ہیں امریکہ کے دورے پر. دونوں امریکہ میں سیلاب زدگان کے لئے فنڈز اکٹھے کررہے ہیں. حرااور مانی ابھی تک امریکہ کی کافی ریاستوں میں‌جا چکے ہیں اور ہر جگہ سے ان کو خاصا اچھا ریسپانس ملا ہے. حال ہی میں ان دونوں نے ایک وڈیو جاری کی ہے اس میں دیکھا جا سکتا ہے کہ دونوں کولمبس کے ایشینز لوگوں میں موجود ہیں اور حرا اور مانی نے وہاں کے لوگوں‌ کا شکریہ ادا کیا اور کہا کہ اب ہم نیو جرسی میں جائیں گے اور وہاں پر لوگوں سے ملیں گے مجھے امید ہے کہ جس

طرح سے ہمیں کولمبس سے پیار ملا ہے اسی طرح سے نیوجرسی سے بھی ملے گا. مانی نے اس وڈیو میں کہا کہ ہم اگلے جمعے کو نیو جرسی آرہے ہیں سب ریڈی رہیں. یوں حرااور مانی مسلسل سیلاب زدگان کے لئے فنڈز جمع کرنے کی مہم میں لگے ہوئے ہیں اور ان کی یہ کوشش جو کہ انڈس ہسپتال کے پلیٹ فارم سے ہو رہی ہے یقینا قابل ستائش ہے. حرا اور مانی امریکہ میں فنڈز اکٹھے کررہے ہیں جبکہ حدیقہ کیانی تو باقاعدہ سیلاب زدگان کے گھر بنانے کی تیاری کررہی ہیں .

اداکارہ حبا بخاری نے حال ہی میں ایک انٹرویو دیا ہے جس میں انہوں نے بتایا ہے کہ جب ان کے پاس ” ہمنشین” پراجیکٹ آیا تو کہانی سن کر وہ بہت زیادہ خوش ہوئیں اور پرجوش تھیں کہ شوٹنگ شروع ہو. انہوں نے کہا کہ بہت کم ایسا ہوتا ہے کہ آپ کے پاس ایسے پراجیکٹس آئیں جیسا کہ ہمنشین تھا. اس میں مجھے الگ انداز اپنانا تھا بولنے کا میں‌نے ہاں تو کردی لیکن جب شوٹنگ شروع ہوئی تو میں بہت زیادہ نروس تھی مجھے بولنے میں دقت پیش آرہی تھی . کسی کو یہ نہیں پتہ کہ میں شوٹنگ کے پہلے دو تین دن تو اپنے شوہر کو کالز کرکے کہتی رہی کہ میں یہ پراجیکٹ نہیں‌کر سکوں گی اسی طرح سے میں امی کے گھر جا کر بھی یہی کہتی تھی کہ میں یہ نہیں‌کر سکوں گی لیکن میرا شوہر اور میری امی مجھے حوصلہ دیتے تھے. حبا بخاری نے کہا کہ خجستہ کا کردار یقینا ایک رسک تھا جو میں

نے لیا کیونکہ اس میں مجھے روٹین سے ہٹ کر بولنا تھا ایسی زبان اور لہجہ اپنانا تھا جو روٹین میں نے کبھی نہیں اپنایا . میں نے اس کردار کی تیاری کے لئے اپنے ڈرائیور سے شروعات کی میں‌اسکو پوچھتی تھی کہ پٹھان بھائی سے اگر چائے لینی ہے تو کیسے کہوں وہ مجھے بتاتا تھا کہ ایسے کہو تو میں پریکٹس کرتی رہتی تھی. ایک وقت ایسا آیا کہ سب نے میری تعریف کی اور کاسٹ میں باقی لوگ کہنے لگے کہ ہمیں بھی اب اپنے بولنے کا انداز بہتر کرنا ہوگا.

اداکار اور اقراء عزیز کے شوہر یاسر حسین اکثر سوشل میڈیا پر ایسی پوسٹیں کرتے رہتے ہیں کہ جن کو پڑھ کر بے اختیار ہنسی آجاتی ہے. یاسر حسین اکثر اپنے ناقدین کو بھی جواب دیتے رہتے ہیں اور جواب بھی ایسا دیتے ہیں کہ یہ گِھر جاتے ہیں کنٹرورسی میں. ھال ہی میں یاسر حسین نے اپنے انسٹاگرام اکائونٹ سے ایک پوسٹ جاری کی پوسٹ میں انہوں نے ایک تصویر لگائی اور تصویر میں‌یاسر حسین اپنی اہلیہ اقراء عزیز کو اٹھائے ہوئے ہیں اور انہوں نے

اس کا کیپشن لکھا کہ ” بے بی کہتا ہوں تو سچ میں خود کو بے بی سمجھ لیا ، گھر پہ کبیر اور یہاں یہ ” اور ساتھ ہی انہوں نے دل والا ایموجی بھی بنایا. یاسر حسین کی اس پوسٹ اور اس کیپشن کو بہت زیادہ سراہا جا رہا ہے . سوشل میڈیا صارفین طرح طرح کے دلچپسپ تبصرے کررہے ہیں. یاد رہے کہ اقراء حسین یاسر حسین کی نسبت زرا سوشل میڈیا سے دور ہی رہتی ہیں لیکن یاسر حسین تو سوشل میڈیا کا ریگولر استعمال کرتے ہیں. حال ہی میں یاسر حسین نے کینڈا میں ہم ایوارڈز کی ہوسٹنگ کی اس پہ بھی ان کو سوشل میڈیا صارفین نے آڑھے ہاتھوں لیا جس پر یاسر حسین کو کہنا پڑا کہ جیسے تو اور ہر کوئی کام کرتا ہے ویسے ہی میں بھی کام کرتا ہوں ابے اپنے کام سے کام رکھ نا.

سوشل میڈیا سے راتوں رات شہرت کی بلندیوں پر پہنچنے والی دنانیر مبین آج کل نیویارک میں ہیں انہوں نے حال ہی میں اپنے انسٹاگرام اکائونٹ سے ایک وڈیو جاری کی ہے جس میں وہ نیویارک کے مختلف شہروں میں مختلف مقامات پر دیکھی جا سکتی ہیں . وہ اس وڈیو میں سیر سپاٹے اور مستیاں‌ کرتی ہوئی دکھائی دے رہی ہیں. دنانیر وڈیو میں خاصی خوبصورت لگ رہی ہیں. انکی یہ وڈیو ان کے مداح خاصی پسند کررہے ہیں. دنانیر مبین اکثر سوشل میڈیا پر ایسی وڈیوز ڈالتی رہتی ہیں جن کو عوامی سطح پر کافی پذیرائی ملتی ہے ان کی ھالیہ اس وڈیو کو بھی خاصی پذیرائی مل رہی ہے. یاد رہے کہ دنانیر مبین نے سوشل میڈیا سے شہرت حاصل کی انہوں نے اپنی سہیلیوں کے ساتھ ایک وڈیو

سوشل میڈیا پر پوسٹ کی جس میں یہ کہہ رہی ہیں کہ یہ میں ہوں یہ میری فرینڈز ہیں اور ہماری پارٹی ہو رہی ہے. اس وڈیو نے پاکستان کے ساتھ ساتھ بھارت سمیت پوری دنیا میں‌مقبولیت حاصل کی اور دنانیر کے دیوانے بالی وڈ کے نامور ستارے بھی بن گئے. آج دنانیر پاکستان شوبز انڈسٹری کا ایک اہم نام ہیں وہ ڈراموں میں کام کررہی ہیں وہ مختلف ایونٹس میں بطور مہمان خصوصی بھی شرکت کرتی ہیں. یوں سوشل میڈیا نے ان کی قسمت کا ستارہ بلند کر دیا .

فرح خان اور شاہ رخ خان کی اہلیہ گوری خان کی دوستی کافی پرانی ہے یہ دونوں بہت اچھی سہلیاں ہیں اسی لئے ان کو اکثر ملتے ملاتے اور ایک ساتھ گھومتے ہوئے بھی دیکھا جاتا ہے . گوری کے ریئلٹی شو ڈریم ہومز کے تازہ ترین ایپی سوڈ میں فرح خان نے گوری کے ساتھ اپنی دوستی کی کہانی سنائی اور کہنے لگیں کہ شاہ رخ خان کی اہلیہ آج تک ‘مڈل کلاس پنجابی لڑکی’ ہی ہیں۔ انہوں نے گوری کو اپنے تین بچوں آریان خان، سوہانا خان اور ابرام خان کے لیے غیر معمولی ماں بھی کہا۔ایپی سوڈ کے دوران، فرح نے گوا میں گوری کے ساتھ اپنی پہلی ملاقات کو یاد کرتے

ہوئے کہا کہ SRK گوری کو گوا لے آئے جب ان کی ابھی شادی ہوئی تھی اور وہ ”کبھی ہاں کبھی نا” کی شوٹنگ کر رہے تھے۔ فرح نے کہا کہ اس کی ملاقات گوری سے گوا کے ساحل پر ہوئی۔میں گوری کو اتنے برسوں سے جانتی ہوں یہ آج تک نہیں بدلی .نہ صرف یہ اچھی خاتون ہے بلکہ اسکی عادات بھی بہت اچھی ہیں. انہوں نے مزید یہ بھی کہا کہ گوری خان ایک خاندانی خاتون ہے اس نے خاندان کو بھی جوڑ کر رکھا ہوا ہے. یوں فرح خان نے پروگرام میں گوری خان کے ساتھ اپنی دوستی کے حوالے سے بتانے کے ساتھ ساتھ گوری کی تعریفوں کے پل باندھے.

کیارا ایڈوانی اور کارتک آریان یقیناً بالی وڈ کے مقبول ترین اداکاروں میں شمار ہوتے ہیں۔ ان دونوں کی رواں برس ریلیز ہونے والی فلم بھول بھولیا 2 میں دونوں کی جوڑی کو بہت سراہا گیا شائقین ان دونوں کی جوڑی کے سحر میں مبتلا ہو گئے. یہ سال مجموعی طور پر بالی وڈ کے لئے خاصا مایوس کن رہا ہے لیکن کیارا ایڈوانی اور کارتک آریان کے لئے یہ سال خوش قسمت ثابت ہوا ہے کیونکہ ان کی فلم بھول بھلیاں ٹو اور ان کی جوڑی اس سال کی سپر ہٹ بن گئی ہے . اب یہ خوبصورت جوڑی فلم ستیہ پریم کی کتھا میں نظر آئے گی۔اس فلم کی شوٹنگ کی شروعات ہو چکی

ہے اور اس ھوالے سے کارتک آریان نے گزشتہ روز اپنی انسٹاگرام سٹوری میں لکھا کہ ”کام پر واپس” اور لکھا کہ ستیہ پریم کی کتھا کی شوٹنگ شروع ہو گئی ہے اور میں اسکے لئے ممبی میں موجود ہوں.‌ستیہ‌پریم‌‌ کی کتھا‌ کی‌ڈائریکشن مشہور فلمساز سمیر ودوانز کررہے ہیں. کیارا ایڈوانی نے اپنے ایک حالیہ انٹرویو میں کہا ہے کہ میری اور کارتک کی جوڑی کو سراہا جاتا ہے اس کےلئے مجھے خوشی ہے اور مجھے یہ بھی بہت زیادہ خوشی ہے کہ میں اور کارتک آریان ایک بار پھر بڑی سکرین شیر کررہے ہیں. اسی طرح سے ستیہ پریم کی کتھا کے لئے کارتک آریان بھی بہت پرجوش ہیں ان کا کہنا ہے کہ یہ فلم بھی شائقین کے دل جیتے گی.

عمائمہ ملک جو کہ دا لیجنڈ آف مولا جٹ میں دارو نت کا کردار ادا کررہی ہیں انہوں نے حال ہی میں ایک انٹرویو دیا ہے اس میں انہوں نے بتایا ہے کہ انہیں پرانی مولا جٹ دیکھنے کےلئے منع کیا گیا تھا اور منع بھی بلال لاشاری نے کیا تھا اور کہا تھا کہ اگر پرانی مولا جٹ دیکھو گی تو تمہارے کام پر اسکا اثر نظر آئیگا اس لئے تم پرانی مولا جٹ نہ دیکھنا. انہوں نے کہا کہ دارو نت نوری نت کی بہن ہے اور نوری نت کی ایک ہی کمزوری ہے اور وہ ہے اسکی بہن . دارو نت اپنے آپ میں ایک مرد ہے اس نے تلوار بازی بھی سیکھی ہوئی ہے ، گھڑ سواری بھی کرلیتی ہے نیرہر وہ کام کر لیتی ہے جو مرد کر سکتے ہیں . اپنی فیملی میں وہ واحد لڑکی ہے باقی اس کی فیملی میں مرد ہی مرد

ہیں. انہوں نے کہا کہ مجھے بلال لاشاری نے پہلی بار یہ سکرپٹ عمارہ حکمت کے گھر میں سنایا اور میرے ساتھ عمارہ بھی موجود تھیں ہم دونوں نے کہانی سنی اور میرا کردار سنا تو ہم دونوں ہی وائو کررہے تھے عمارہ کو بلال کی اس فلم کآ آئیڈیا ہت اچھا لگا. میں نے کردار کے لئے ہاں کر دی اور مجھے بہت بعد میں پتہ چلا کہ عمارہ حکمت فلم کو پرڈیوس کررہی ہے اور میرا خیال ہے کہ عمارہ حکمت کا یہ بہت اچھا فیصلہ ہے جو انہوں نے کیا ہے . عمائمہ ملک نے کہا کہ ہمارے پاس ایکٹرز ، ڈائریکٹرز سب اچھے ہیں بس کہانی پر اگر توجہ دی جائے تو ہمارے ملک میں کیا نہیں بن سکتا .دا لیجنڈ آف مولا جٹ پوری کی پوری پاکستان میں شوٹ ہوئی ہے .

پرائم ویڈیو تھرلر سیریز ”ہش ہش” سے واپسی کرنے والی بالی وڈ اداکارہ آئشہ جھلکا نے حال ہی میں ایک انٹرویو دیا ہے اس میں انہوں نے سلمان خان کے ساتھ اداکاری کے دنوں کو یاد کرتے ہوئے کہا ہے کہ سلمان خان ایک شاندار انسان ہیں. آشا جھلکا نے کہا کہ ہم دونوں نے فلم قربان میں ایک ساتھ کام کیا یہ فلم 1991 میں ریلیز ہوئی تھی ،مجھے یاد ہے کہ سلمان خان سیٹ پر بچا ہوا کھانا پیک کرتے اور پھر کسی فقیر کو ڈھونڈتے اور اسکو دیتے تاکہ وہ کھا سکے. آشا جھلکا نے کہا کہ ہم جب شوٹنگ ختم کرتے تھے تو واپسی پر چاہے جتنی بھی رات ہو چکی ہوتی تھی

لیکن سلمان خان کھانا کسی فقیر کو تلاش کرکے ضرور اسکو دیتے. ان کا یہ روپ مجھے بہت پسند آیا خوشی یہ ہے کہ سلمان خان آج تک چیرٹی کرتے ہیں اور لوگوں کی مدد کرتے ہیں. آشا جھلکا نے کہا کہ بھکاری جو سڑکوں پر سوئے ہوتے تھے ان کو اگر کھانے کے لئے جگانا پڑتا تھا تو جگا دیتے تھے اور کہتے تھے کھانا کھا لو. یاد رہے کہ آشا جھلکا سلمان خان کے علاوہ اکشے کمار کے ساتھ جو جیتا وہی سکندر اور کھلاڑی جیسی سپر ہٹ فلموں میں نظر آئیں . آشا جھلکا نے او ٹی ٹی پلیٹ فارم سے بالی وڈ میں واپسی کی ہے.

انڈین پنجابی فلم بابے پنگڑا پاندے کی کل لاہور میں سکریننگ کی جا رہی ہے . سکریننگ میں نامور آرٹسٹ سہیل احمد موجود ہوں گے. سہیل احمد کی یہ پہلی کوئی بالی وڈ فلم ہے. اس سے قبل انہوں نے بھارت میں کوئی فلم نہیں کی لہذا سہیل احمد نے پنجابی فلم کے زریعے بالی وڈ میں اینٹری دیدی ہے. دلجیت دوسانجھ کی اس پنجابی فلم سہیل احمد ایک منفرد کردار میں نظر آئیں گے، فلم کو امر جیت سینگھ نے ڈائریکٹ کیا ہے جبکہ پرڈیوسر دلجیت دو سانجھ ہیں. اس فلم کی تمام تر شوٹنگ امریکہ میں کی گئی ہے . اس فلم کا جب پہلا ٹریلر جاری کیا گیا اس وقت اداکار سہیل

احمد نے ایک وڈیو پیغام جاری کیا جس میں انہوں نے اپنی فلم بابے پنگڑا پاندے کے بارے میں شائقین کو آگاہ کیا اور کہا کہ انہیں یہ فلم ضرور پسند آئیگی. سہیل احمد نے اپنے فن کی بدولت بے حد شہرت اور عزت کمائی. انہوں نے سٹیج پر ہہت زیادہ کام کیا لیکن جب سٹیج پر بے ہودہ قسم کی جگت بازی کے سلسلے کا آغاز ہوا تو پھر انہوں نے سٹیج سے کنارہ کر لیا. سہیل احمد پاکستانی فلموں میں بھی کام کر چکے ہیں لیکن انڈیا میں یہ ان کی پہلی پنجابی فلم ہے. سہیل احمد کو امید ہے کہ شائقین کو یہ فلم بے حد پسند آئیگی.