Baaghi TV

Author: +9251

  • ملالہ نے فلم جگت میں قدم رکھ دیئے

    ملالہ نے فلم جگت میں قدم رکھ دیئے

    پاکستانی نوبیل انعام یافتہ ملالہ یوسف زئی نے فلم جگت میں قدم رکھ دئے ہیں.

    ہالی وڈ کی شوبز ویب سائٹ کے مطابق ملالہ یوسف زئی کی پروڈکشن کمپنی ’ایکسٹرا کریکلر‘ بھارتی اسٹوڈیو کے ساتھ مل کر اپیل ٹی وی پلس کے لئے دستاویزی فلم تیارکرے گی۔ ملالہ کی فلم کمپنی کی جانب سے تیار کی جانے والی دستاویزی فلم جنوبی کوریا کے ایک جزیرے کی ماہی گیرخواتین سے متعلق ہے۔ ابتدائی طورپر ملالہ یوسف زئی کی پروڈکشن کمپنی اپیل کے لئے تین فلمیں بنائے گی۔

    واضح رہے کہ اس سے قبل 2020 میں اے ایف پی کی رپورٹ میں بتایا گیا تھا نوبل انعام یافتہ تعلیمی و سماجی رہنما ملالہ یوسف زئی اب عالمی امور پر مبنی فلم میں نظر آئیں گی۔ اقوام متحدہ نے عالمی امور پر مبنی اپنی اس فلم کے لیے ملالہ یوسف زئی اور گلوکارہ بیونس سمیت دیگر مشہور شخصیت کو منتخب کیا ہے۔ اقوام متحدہ نے بتایا تھا کہ اس فلم میں ایک بہتر اور ترقی یافتہ دُنیا کی تعمیر کے لیے درکار اقدامات کا تعین کیا گیا ہے کیونکہ عالمی وبا کرونا وائرس کی وجہ سے دُنیا بھر میں کافی مسائل پیدا ہوگئے ہیں۔

    فلم کا نام ‘ارجنٹ سلوشن فار ارجنٹ ٹائمز’ تھا جس کا پریمیئر 19 ستمبر 2020 کو اقوام متحدہ کے یوٹیوب چینل پر پیش کیا گیا تھا. عالمی امور پر مبنی یہ فلم سیارے کی نشاندہی پر مشتمل ہے جو 10 سالوں میں ہماری دُنیا کو تبدیل کرسکتی ہے۔ اس فلم میں گلوکارہ بیونس، ملالہ یوسف زئی، ڈان چیڈل، مشیل یہو اور وائٹیکر نظر آئیں گے جبکہ عالمی امور پر مبنی اس فلم میں اقوام متحدہ کی ڈپٹی سیکریٹری جنرل آمنہ محمد اور سیکریٹری جنرل انتونیو گٹیرس شامل ہونے کا بتایا گیا تھا.

    دوسری جانب اقوام متحدہ نے بتایا تھا کہ آسکر ایوارڈ یافتہ اداکارہ جولیا رابرٹس اس فلم کی ریڈیو نشریات اور پوڈ کاسٹ ورژن کی میزبانی کرنے کا کہا گیا تھا.

  • دا لیجنڈ‌ آف مولا جٹ کی ایڈوانس بکنگ یکم اکتوبر سے شروع ہو گی

    دا لیجنڈ‌ آف مولا جٹ کی ایڈوانس بکنگ یکم اکتوبر سے شروع ہو گی

    ”دا لیجنڈ آف مولا جٹ” ایک ایسی فلم ہے جس کا کافی عرصہ سے بے چینی سے انتظار کیا جا رہا ہے. فلم کی ریلیز پہلے کورونا کی وجہ سے تاخیر کا شکار رہی ہے. لیکن آخر کار ریلیز کی تاریخ کا اعلان ہو ہی گیا. فلم 13 اکتوبر کو سینما گھروں کی زینت بننے جا رہی ہے. فلم کی ریلیز میں اب چند ہی دن باقی رہ گئے ہیں اور فلم کی پرموشنز بھی جاری ہیں لوگوں کی دلچپسی اور ڈیمانڈ کو دیکھتے ہوئے فلم کی ایڈوانس بکنگ کا آغاز کیا جا رہا ہے. فلم کی ایڈوانس بکنگ یکم اکتوبر سے شروع کی جا رہی ہے. شائقین کا اس فلم کو دیکھنے کے حوالے سے جوش و خروش دیدنی ہے. فلم کا بے

    چینی سے انتظار کیا جا رہا ہے. فلم میں ماہرہ خان اور فواد خان ڈرامہ سیریل ہمسفر کے بعد اب اس فلم میں ایک ساتھ دیکھے جا رہے ہیں. فواد خان کی بطور ہیرو یہ پہلی پاکستانی فلم ہے. اہم چیز یہ ہے کہ شائقین فواد خان ، ماہرہ خان اور حمزہ علی عباسی کو پنجابی بولتے ہوئے دیکھنے کے لئے پرجوش ہیں. فلم کے ڈسٹری بیوٹرز بھی کافی خوش ہیں ان کہنا ہےکہ کئی برسوں کے بعد کوئی ایسی فلم سینما گھروں کی زینت بننے جا رہی ہے جس کا اتنی شدت سے انتظار کیا جا رہا ہے.

  • کیا شان شاہد مریم اورنگزیب کے ساتھ ہونے والی ہراسانی پر ہیں خوش ؟

    کیا شان شاہد مریم اورنگزیب کے ساتھ ہونے والی ہراسانی پر ہیں خوش ؟

    مسلم لیگ ن کی رہنما مریم اورنگزیب کے ساتھ حال ہی میں لندن میں پی ٹی آئی کے سپورٹرز نے بدتمیزی کی. انہیں گالیاں دیں ان کو برا بھلا کہا چور چور کے نعرے لگائے. مریم ارونگزیب نے خاموشی سے ان کی باتیں سنیں اور کچھ نہ کہا. پی ٹی آئی کے سپورٹرز کے اس رویے پر پوری پاکستانی قوم ہے شرمندہ لیکن شان شاہد نہیں ہیں شرمندہ کیونکہ انکی ٹویٹر پوسٹ تو کم از کم یہی کہہ رہی ہے. لالی وڈ اداکار شان شاہد نے ایک پوسٹ کی اور اس میں مریم اورنگزیب کے ساتھ ہونے والی ہراسانی کے حوالے سے لکھا کہ جب آپ کسی کے ووٹ کے حق کو چھین لیتے ہیں اس پر ڈاکہ ڈالتے ہیں اور پھر سوچتے ہیں کہ یہی لوگ جن کے ساتھ آپ نے زیادتی کی ہے یہ سیاستدانوں اور گورنمنٹ کی عزت کریں تو یہ ممکن

     

     

     

     

    نہیں انہوں نے اپنی پوسٹ کے آخر میں لکھا کہ ” عزت کمائی جاتی ہے دی نہیں جاتی ” شان نے پوسٹ میں آئی سٹینڈ ود اورسیز پاکستانیز کا ہیش ٹیگ بھی استعمال کیا. شان شاہد کی اس قسم کی پوسٹ کے بعد ان کافی برا بھلا کہا جا رہا ہے اور کہا جا رہا ہے کہ سیاست اور پسند نہ پسند کو ایک طرف رکھ کر یہ سوچنا چاہیے کہ مریم اورنگزیب ہوں یا کوئی بھی عورت ، ان کے ساتھ اس قسم کا سلوک وہ بھی راہ چلتے یہ نہیں ہونا چاہیے اور نفرت کے اس سلسلے کو کہیں تھم جانا چاہیے.

  • عمران خان نے اپنی ان باتوں سے انکار کردیا جنکی بنیاد پر ریاستی تشکیل کا وعدہ کیا تھا

    عمران خان نے اپنی ان باتوں سے انکار کردیا جنکی بنیاد پر ریاستی تشکیل کا وعدہ کیا تھا

    سابق وزیر اعظم عمران خان نے اپنی ان باتوں تک سے انکار کردیا ہے جنکی بنیاد پر ریاستی تشکیل کا وعدہ کیا تھا.

    عمران خان ایک سیمنار سے خطاب کرتے ہوئے کہا کہ جب میں حکومت میں آیا تو تب میں نے ریاست مدینہ کی بات کی جبکہ اس سے پہلے میں نے ایسی کوئی بات نہیں ہے، اور جب میں وزیر اعظم پاکستان بن گیا تب میں نے محسوس کیا کہ یہاں پاکستان میں ریاست مدینہ کے اصولوں کو اپنانا چاہئے اور میں نے اس سے پہلے یہ بات اس لیے نہیں کی تھی کہ یہ کوئی نہ سمجھے کہ میں ووٹ مانگ رہا ہوں اور لوگ میری نیت پر شک نہ کریں جیسے کہ مولانا فضل الرحمان اسلام کو بیچتا ہے.


    جبکہ وہ ویڈیو کلپ موجود ہیں میں الیکشن کمپین کے دوران عمران خان کئی بار مدینہ کی ریاست کا کہہ چکے 2018 کے ایک ویڈیو کلپ میں چیئرمین تحریک انصاف عمران خان کہہ رہے کہ ہمارے پیارے نبی ﷺ نے پہلی فلاح ریاست بنائی تھی لہذا ہم نے بھی اس پاکستان کو مدینہ پہلی فلاحی ریاست بنانا ہے. ایک اور ویڈیو کلپ جو غالبا 2015 کا ہے کہ میں سابق وزیر اعظم عمران کہہ رہے کہ جو میں نیا پاکستان دیکھ رہا ہوں وہ وہ پاکستان ہوگا جس کو بننا تھا اسلامی فلاحی ریاست، اسی بیان میں انہوں نے الزام عائد کیا تھا یہ حکمران اپنے لیئے ایک قانون اور دوسروں کیلئے الگ قانون بناتے ہیں.
    مزید یہ بھی پڑھیں: عمران خان کی بھی آڈیو لیک ہو گئی،امریکی سائفر کا سارا ڈرامہ بے نقاب
    شہباز شریف کی مبینہ طور پر مریم کے داماد کے لیے سرکاری افسروں پر دباو کی مبینہ آڈیو لیک
    عمران کی ویڈیوز دیکھی ہیں، اس قابل نہیں دیکھا یا دکھایا جائے: رانا ثنا کا دعویٰ
    بات صرف یہی نہیں رکی عمران خان نے 2018 ہی میں ایک جگہ خطاب کرتے ہوئے کہا تھا کہ ہمارا جو چیلنج ہے وہ یہ کہ ہم اس کو کیسے وہ پاکستان بنائیں ہمارے بانی پاکستان قائد اعظم کی تمنا تھی اور ان کی تمنا یہ تھی کہ وہ اس ملک کو اسلامی فلاحی ریاست بنانا چاہتے تھے. اسی بیان میں عمران خان نے یہ بھی وضاحت کی کہ اسلامی فلاحی ریاست کا ماڈل مدینہ کی ریاست ہے.

  • کیا عثمان مختار ہیں مزاحمت کے موڈ میں ؟‌

    کیا عثمان مختار ہیں مزاحمت کے موڈ میں ؟‌

    ٹی وی کے نامور اداکار عثمان مختار ہیں کیا مزاحمت کے موڈ میں؟‌ عثمان مختار کا کہنا ہےکہ ان کے پاس بہت سارے سکرپٹس آئے ہیں کچھ پڑھے ہیں اور کچھ پڑھ رہے ہیں لیکن ابھی تک ان کو سمجھ نہیں آئی اس لئے کسی بھی سکرپٹ کے لئے حامی نہیں بھری. عثمان مختار نے مزید کہا کہ ساری کہانیاں ایک جیسی لگ رہی ہیں جو بن رہی ہیں اور جو مجھے آفر ہو رہی ہیں ہر کہانی میں مار کٹائی ہر کہانی میں عورت کو کمزور دکھایا جا رہا ہے اس پر تشدد کیا جا رہا ہے ایسی چیزوں سے ڈرامہ باہر نکل ہی نہیں رہا. اسلئے میں کسی بھی سکرپٹ کو اوکے نہیں کررہا. ان سے

    جب سوال ہوا کہ کیا آپ مزاحمت نہیں کرتے جب آپ کو ایسے سکرپٹ دئیے جاتے ہیں تو عثمان نے کہا کہ میں بالکل مزاحمت کر رہا ہوں اسی لئے تو میں آپ کو سکرین پر نظر نہیں آ رہا ہوں . عثمان مختار نے مزید یہ بھی کہا کہ ایسا نہیں ہے کہ میں نے کوئی سٹینڈرڈ سیٹ کر رکھا ہے بس کہانی اچھی ہو گی تو یقینا میں کروں گا اور آرٹسٹ نے کرنا کیا ہوتا ہے. یاد رہے کہ عثمان مختار آخری بار ڈرامہ سیریل ہم کہاں کے سچے تھے میں‌نظر آئے تھے .اس میں ان کے ساتھ ماہرہ خان اور کبری خان تھیں ڈرامے کو بہت زیادہ پذیرائی ملی.

  • رابی پیرزادہ نے دکھایا سڑکوں پہ گند ڈالنے والوں کو آئینہ

    رابی پیرزادہ نے دکھایا سڑکوں پہ گند ڈالنے والوں کو آئینہ

    ”رابی پیرزادہ” جو کہ سوشل میڈیا پر کافی متحرک رہتی ہیں وہ کوئی نہ کوئی ایسی پوسٹ لگاتی رہتی ہیں جس کو پڑھ کر یقینا انسان سوچتا ضرور ہے کہ ہاں جو لکھا گیا ہے وہ ٹھیک ہے ایسا ہونا چاہیے. رابی پیرزادہ نے حال ہی میں ٹویٹر پر ایک پوسٹ شئیر کی اس میں انہوں نے ایک تصویر بھی لگائی اس تصویر میں وہ جھاڑو پکڑ کر بیٹھی ہوئی ہیں . اس تصویر کا کیپشن انہوں نے یہ لکھا ہے کہ اگر صفائی کرنے والے چُوڑے ہیں تو پھر گند پھیلانے والے کون ہوئے؟‌ صرف پیسے نہیں جمع داروں کی عزت بھی کریں ، انکی وجہ سے ہم صاف ہوا میں سانس لیتے ہیں. یوں رابی

    پیرزادہ کی اس پوسٹ کے نیچے بہت سارے صارفین نے کمنٹس کئےاور اس بات سے اتفاق کیا کہ ہاں صاف ستھرائی تو ہونی چاہیے اپنے ملک کو صاف رکھنا چاہیے لیکن جو اس ملک کو صاف رکھتے ہیں ہمیں صاف ماحول دیتے ہیں کہ ہم سڑکوں پر چل ٔپھر سکتے ہیں انکی عزت کی جائے. یاد رہے کہ رابی پیرزادہ ایک عرصہ تک شوبز کا حصہ رہیں لیکن اس کے بعد انہوں نے شوبز کو خیرباد کہہ کر اپنی باقی کی زندگی دین اسلام کے راستے پر چلنے کا فیصلہ کر لیا. رابی پیرزادہ کیلی گرافی بھی کرتی ہیں اور ان کی کیلی گرافی کی پینٹنگز خاصی خوبصورت ہوتی ہیں، رابی پیرزادہ ان پینٹنگز کو فروخت کر کے غریبوں کی مدد کرتی ہیں.

  • مفتاح اسماعیل نے سخت معاشی حالات میں ملک کو دیوالیہ ہونے سے بچایا۔ وزیر اعظم

    مفتاح اسماعیل نے سخت معاشی حالات میں ملک کو دیوالیہ ہونے سے بچایا۔ وزیر اعظم

    وزیر اعظم شہباز شریف کا کہنا ہے کہ مفتاح اسماعیل نے سخت معاشی حالات میں ملک کو دیوالیہ ہونے سے بچایا ہے.

    وزیر اعظم شہباز شریف نے سابق وزیر خزانہ مفتاح اسماعیل کو خدمات پر خراج تحسین پیش کرتے ہوئے کہا کہ سابق وزیر خزانہ مفتاح اسماعیل نے مشکل معاشی حالات میں بہترین کام کیا۔


    انہوں نے کہا کہ: مفتاح اسماعیل نے سخت معاشی حالات میں ملک کو دیوالیہ ہونے سے بچایا اور انہوں نے معیشت کو بہتر کرنے کے لیے عالمی مالیاتی ادارے (آئی ایم ایف) سے کامیاب مذاکرات کیے۔ شہباز شریف نے مزید کہا کہ بہترین معاشی امور کی انجام دہی پر مفتاح اسماعیل کی خدمات پر ان کا احترام کرتا ہوں۔

    واضح رہے کہ مسلم لیگ (ن) کے رہنما مفتاح اسماعیل وزیر خزانہ کے عہدے سے مستعفی ہوگئے تھے، اور انہوں نے وزیراعظم کو استعفی پیش کردیا تھا. جبکہ وزیراعظم شہباز شریف سے وزیر خزانہ مفتاح اسماعیل کی ملاقات ہوئی تھی. اور اس موقع پر مفتاح اسماعیل نے کہا کہ آپ کی قیادت میں کام کرنا میرے لیے باعث فخر ہے۔ اس سے قبل مفتاح اسماعیل نے ٹویٹر پر اپنے عہدے سے مستعفی ہونے کا اعلان کیا تھا اور لندن میں پارٹی قائد میاں نواز شریف کو بھی اپنا استعفی پیش کیا تھا تاہم آج انہوں ںے ضابطے کے مطابق وزیراعظم کو استعفی پیش کیا تھا جو جلد منظور کرلیا گیا تھا.

    مسلم لیگ ن نے مفتاح اسماعیل کی جگہ سابق وزیر خزانہ اسحاق ڈار کو دوبارہ عہدے دینے کا اعلان کیا تھا جس کے لیے وہ لندن سے پاکستان واپس آئے اور انہوں نے گزشتہ روز سینیٹر کا حلف اٹھایا جبکہ آج انہوں وزیر خزانہ حلف بھی اٹھا لیا ہے دوسری جانب وفاقی وزیر رانا ثناء اللہ نے کہا تھا اسحاق ڈار جس طرح معیشت کو چلانا چاہتے اس حساب مفتاح نہیں چلا پارہے تھے لہذا انہیں یہاں بلا کر یہ عہدہ دیا گیا ہے.

  • بنی گالہ کے باہر اساتزہ کا احتجاج تیسرے روز بھی جاری

    بنی گالہ کے باہر اساتزہ کا احتجاج تیسرے روز بھی جاری

    سابق وزیر اعظم عمران خان کی رہائش گاہ بنی گالہ اسلام آباد کے باہر اساتزہ کا احتجاج تیسرے روز بھی جاری ہے.

    باغی ٹی وی اسلام آباد: ڈیڈ لائن ختم ہونے کے بعد چیئرمین پی ٹی آئی عمران خان کی رہائش گاہ پر آج تیسرے روز بھی مظاہرین کا دھرنا جاری ہے جبکہ مظاہرین کا کہنا ہے کہ عمران خان خیبرپختونخوا حکومت کی جانب سے ہمارے ساتھ ہورہی ناانصافی کا نوٹس لیں اور ہمیں انصاف دلوائیں اور جب تک ہمیں انصاف نہیں ملے ہم یہاں سے نہیں اٹھیں گے مظاہرین کا مزید کہنا تھا یونیورسٹی ماڈل ایکٹ کے تحت ہزاروں عارضی ملازمین کو برطرف کیا گیا جبکہ برطرف ملازمین میں 12 سالہ ملازمت کے حامل افراد بھی شامل ہیں. مظاہرین کا کہنا ہے کہ: 2008 سے ملازمت کررہے ہیں لیکن ہمیں برطرف کردیا گیا ہے جو سراسر ناانصافی ہے.
    مزید یہ بھی پڑھیں: اساتذہ احتجاج: مظاہرین کا عمران خان کی رہائشگاہ کی جانب مارچ
    محمد بن سلمان کو وزیراعظم بننے پر آرمی چیف، وزیراعظم کی مبارکباد
    عافیہ صدیقی رہائی کیس،دفتر خارجہ کی امریکہ سے سفارتی محاذ پرازسرنوکوششوں کی تجویز
    دوسری جانب اسلام آباد پولیس کا کہنا ہے کہ: بنی گالہ میں اساتذہ کے احتجاج کا تیسرا روز ہے اور رات گئے مظاہرین نے رہائش گاہ میں داخل ہونے کی کوشش کی تاہم پولیس نے مظاہرین کو رہائش گاہ میں داخل نہیں ہونے دیا تھا. اسلام آباد پولیس کا مزید کہنا ہے کہ اساتذہ کے رہنماوں سے مذاکرات جاری ہیں اور لیکن مظاہرین نے بنی گالہ میں داخلے کا اعلان کردیا ہے تاہم کسی بھی لاء اینڈ آرڈر صورتحال سے نمٹنے کیلئے پولیس اور مجسٹریٹ موقع پر موجود ہیں۔


    علاوہ ازیں رہائش گاہ کے اندر حکومت کے پی کے اور اے جے کے پولیس بھی تعینات ہے۔ اسلام آباد پولیس انتظامیہ نے مظاہرین سے گزارش کی کہ صبر و تحمل کا مظاہرہ کریں اور کوئی خلاف قانون عمل نہ کریں۔جبکہ اسلام آباد کیپیٹل پولیس روزانہ کی بنیاد پر متعدد لاء اینڈ آرڈر صورتحال سے نمٹ رہی ہے۔ اور شہر کے مختلف علاقوں میں 1500 سے زائد پولیس افسران و اہلکار تعینات ہیں۔ اور اس کے ساتھ ہی عوام کو ٹریفک مشکلات کا سامنا کرنا پڑ سکتا ہے۔

    باغی ٹی وی نے احتجاج کرنے والے اساتزہ رہنماء سے رابطہ کرنے کی کوشش کی تاہم ان سے رابطہ ممکن نہ ہوسکا.

  • لال سنگھ چڈھا کی ناکامی کے بعد امر خان نے ہمت نہیں ہاری اب وہ ہسپانوی فلم کیمپیونز کے ریمیک میں نظر آئیں گے

    لال سنگھ چڈھا کی ناکامی کے بعد امر خان نے ہمت نہیں ہاری اب وہ ہسپانوی فلم کیمپیونز کے ریمیک میں نظر آئیں گے

    مسٹر پرفیکشنسٹ کہلائے جانے والے بالی وڈ اداکار عامر خان کی حال ہی میں ریلیز ہوئی فلم لال سنگھ چڈھا تو باکس آفس پر کچھ خاص کمال نہ کر سکی ، عامر خان ایک صدمے کی حالت میں ضرور رہے ہیں، اس فلم سے عامر خان کے ساتھ ساتھ کرینہ کپور کو بھی کافی توقعات وابستہ تھیں. لال سنگھ چڈھا ہالی ووڈ کی فلم فارسٹ گمپ کا ہندی میں ری میک تھی . فلم شائقین کو متاثر کرنے میں ناکام رہی اس کے بعد عامر خان نے لیا مختصر وقفہ اور پہنچے امریکہ .تازہ اطلاعات یہ ہیں کہ عامر خان جلد ہی ہسپانوی فلم کیمپیونز کے ریمیک پر کام شروع کرنے والے ہیں. ٹائمز آف انڈیا کی رپورٹ کے مطابق عامر اس بار ہسپانوی فلم کیمپیونز کے ریمیک پر کام کریں گے۔ فلم کی شوٹنگ اگلے سال جنوری 2023 میں شروع ہوگی اور اس کی

    ڈائریکشن آر ایس پرسنا کررہے ہیں۔رپورٹس کے مطابق فلم کی پری پروڈکشن کا کام شروع کر دیا گیا ہے اور شنکر، احسان، لوائے موسیقی ترتیب دیں گے۔یاد رہے کہ کیمپیونس ایک کامیڈی ڈرامہ ہے جس کی ہدایت کاری جیویر فیسر نے کی ہے۔ یہ فلم 2018 میں ریلیز ہوئی تھی اور اس میں جیویر گوٹیریز، جوآن مارگلو، ایتھینا ماٹا، لوئیسا گاواسا، ڈینیئل فریئر اور اٹزیار کاسترو نے اداکاری کی تھی۔ہسپانوی فلم مبینہ طور پر ایک متکبر، شرابی کوچ کی زندگی کی پیروی کرتی ہے، جو ذہنی طور پر معذور افراد کی ایک ٹیم کو تربیت دیتا ہے۔

  • اقراء قتل کیس: ایس پی سمیت تین ملزمان کی ضمانت منظور ہوگئی

    اقراء قتل کیس: ایس پی سمیت تین ملزمان کی ضمانت منظور ہوگئی

    اسلام آباد ہائی کورٹ کے جسٹس طارق محمود جہانگیری نے اقراء قتل کیس میں گرفتار ملزمان کی ضمانت کی درخواستوں کی سماعت کی ہے جس میں ملزمان کی جانب سے ایڈوکیٹ عمران فیروز اور ملک جواد عادل نے دلائل دیے ہیں جبکہ عدالت نے نامزد ملزمان ایس پی عارف شاہ سمیت تین ملزمان کی ضمانت کی توثیق کرتے ہوئے ایس پی عارف حسین شاہ ، افتخار علی اور عمران نبی کی ضمانتیں منظور کرلی ہیں.

    واضح رہے کہ وفاقی پولیس کی جواں سال لیڈی کانسٹیبل اقراء نذیر کی مشکوک اورپراسرار ہلاکت کے بعد ایس پی ٹریفک عارف شاہ کو عہدہ سے ہٹاکر پولیس لائنز رپورٹ کرنے کی ہدایت کردی گئی تھی اور اس سلسلے میں تھانہ آب پارہ میں ایس ایچ او سلیم رضا کی مدعیت میں قتل کی دفعہ 302 کے تحت مقدمہ درج کیا گیاتھا۔ لیڈی کانسٹیبل کی موت پراسرار اورمشکوک حالات میں ہوئی تھی.
    اقرا نذیر کے والدین نے مقدمے کی پیروی سے انکار کر دیا تھا، جس کے بعد پولیس خود مدعی بن گئی تھی۔ اقرا کو عارف شاہ پولی کلینک ہسپتال لے کر گئے تھے، جہاں ایک گھنٹے میں ان کی موت واقع ہو گئی تھی۔ اقرا کو زہر دیے جانے کا شبہ ظاہر کیا گیا تھا۔

    خیال رہے کہ اسلام آباد پولیس نے مقدمے میں جائے وقوعہ کا ذکر نہیں کیا تھا۔ تاہم پولیس ذرائع نے بتایا تھا کہ کہ مقتولہ کے موبائل فون کاڈیٹا اورلوکیشنز بھی لی گئی تھی جسکا تحقیقاتی کمیٹی جائزہ لیکروقوعہ اور مقدمہ میں چھپائے گئے پہلوؤں کی بھی مکمل جانچ کرے گی۔ کراچی یونیورسٹی سے گریجویشن کرنے والی اقرا کراچی کی رہائشی تھیں اور ان کا تعلق مانسہرہ سے تھا۔ اقرا نے 2019 میں اسلام آباد پولیس میں ملازمت اختیار کی تھی اور وہ اسلام آباد میں کچھ عرصے کے لیے اپنے رشتہ دار ایس پی ٹریفک پولیس عارف شاہ کے گھر رہائش پذیر رہیں تھیں.