Author: +9251

لاہور ہائی کورٹ نے نارویجن پاکستانی تاجر عمر فاروق ظہور کیخلاف ایف آئی اے کی عرضی خارج کردی ہے

لاہور ہائی کورٹ نے وفاقی تحقیقاتی ایجنسی (ایف آئی اے) کی جانب سے ایڈیشنل سیشن جج کے حکم کے خلاف دائر کی گئی عمر فاروق بارے رٹ پٹیشن کو خارج کر دیا ہے، قبل ازیں ایک مقامی مجسٹریٹ کی جانب سے نارویجن پاکستانی تاجر عمر فاروق ظہور کے خلاف جاری کیے گئے ناقابل ضمانت وارنٹ کو خارج کر دیا تھا۔ آپ کو یاد ہوگا کہ پچھلے دنوں باغی ٹی وی نے ایک خبر دی تھی جس کے مطابق: اداکارہ و ماڈل صوفیہ مرزا نے اپنے بہترین دوست سابق مشیر احتساب و داخلہ شہزاد اکبر کے گٹھ جوڑ سے اپنے سابق شوہر کے خلاف انتقامی مہم چلائی جبکہ دبئی میں مقیم پاکستانی نژاد نارویجین شہری عمر فاروق ظہور کے خلاف مہم کا بھانڈا عدالتی دستاویزات نے پھوڑ دیا تھا، تین ممالک کی عدالتوں نے عمر فاروق ظہور پر لگائے گئے الزامات ثابت نہ ہونے پر کیسز خارج کر دئیے تھے.

علاوہ ازیں عمران خان کی حکومت کے طاقتور وزیر شہزاد اکبر نے انتقامی مہم کیلئے ایف آئی اے کو استعمال کیا تھا، گزشتہ کورٹ آرڈر کے مطابق ایف آئی اے نے عمر فاروق کے خلاف کارروائی کیلئے قانون کی بھی پرواہ نہ کی تھی. شہزاد اکبر اور ایف آئی اے لاہور کے سربراہ ڈاکٹر رضوان نے عمر فاروق کے خلاف کیس پر پوری قوت لگا دی تھی، ایف آئی اے نے عمر فاروق کے خلاف کارروائی کیلئے انٹرپول سے بھی جھوٹ بولا تھا، جبکہ جج غلام مرتضی ورک نے سارا پول کھول دیا تھا.

تاہم اب لاہور ہائیکورٹ نے تفصیلی حکم نامے میں مشاہدہ کیا کہ عمر فاروق کے خلاف ایف آئی آر میں وارنٹ اس حقیقت کے باوجود جاری کیے گئے کہ مجسٹریٹ کی جانب سے انہیں دبئی میں غیر ملکی پتہ پر کوئی سمن یا نوٹس جاری نہیں کیا گیا تھا جہاں وہ اس وقت مقیم جیسے کہ قانون کی متعلقہ دفعات کے تقاضے ہیں. عدالت نے لاء آفیسر کے اعتراض کا بھی مشاہدہ کیا کہ فاروق ظہور ایف آئی اے کی جانب سے فاروق کے خلاف فوجداری مقدمے کے اندراج سے بہت پہلے ملک چھوڑ گیا تھا۔

یادرہے کہ بشیر میمن پر مارچ 2022 میں الزام لگایا گیا کہ انہوں نے عمر فاروق ظہور کو پاکستان کے دورے کرنے کی غیر قانونی اجازت دی تھی، سوئس حکام نے 7 دسمبر 2020 کو تصدیق کےشواہد کی کمی اور ٹائم بار کے سبب عمر فاروق کے خلاف کیس خارج کردیا گیا تھا. علاوہ ازیں ترک باشندے کی طرف سے لگائے گئے فراڈ کے الزام کی نیب نے انکوائری کی، کرپشن کا کوئی ثبوت نہ ملنے پر اگست 2013 کو احتساب عدالت نے عمر فاروق کو کلین چٹ دے دیا تھا۔جبکہ مئی 2020 میں ناروے حکام نے بینک فراڈ کیس میں عدم ثبوت پر عمر فاروق کے خلاف کیس بند کردیا تھا، سوئٹزلینڈ اور ناروے کی طرف سے عمر فاروق ظہور پر کیسز ختم ہوتے ہی ان پر پاکستان میں عجلت میں کیسز بنائے گئے۔

اداکارہ صوفیہ مرزا کی بچیوں کی حوالگی سے متعلق کیس میں سپریم کورٹ نے توہین عدالت کی درخواست واپس لینے پر خارج کردی۔

ے بنیاد اور وحشیانہ قتل کب بند ہوں گے:صوفیہ مرزا بھی چُپ نہ رہ سکیں‌

پیٹ کیسے کم کرنا ہے؟صوفیہ مرزا نے آسان حل بتادیا 
شوہر کے گھر ڈاکہ ڈالنے کی سازش رچی، ناکامی پر خود کو زخمی کر لیا صوفیہ مرزا

راولپنڈی میں گاڑی چوری کی وارداتیں بڑھ گئیں ہیں جبکہ جدید سکیورٹی سسٹم بھی ناکام ہوگیا ہے.

دارالحکومت کے جڑواں شہر میں گاڑی چوری کی وارداتوں میں غیر معمولی اضافہ ہوگیا جب کہ جدید گاڑیوں میں نصب سکیورٹی سسٹم کے توڑ کے لیے چور بھی جدید ڈیوائسز کا استعمال کرنے لگے۔ نجی ٹی وی کی ایک خبر کے مطابق ملزمان گاڑی چوری کی وارداتوں میں جدید ڈیوائسز کا استعمال کرکے ہر قسم کے ڈیجیٹل حفاظتی نظام کو جام کردیتے ہیں۔ چوروں نے گاڑی میں لگے سکیورٹی سسٹم، ٹریکرز، کی لیس انٹری اور پش اسٹارٹ جیسے حفاظتی نظام کو جام کرنے کی صلاحیت حاصل کررکھی ہے۔ حالیہ گرفتار گروہوں کی تفتیش میں انکشاف ہوا کہ چور جدید ٹیکنالوجی سے لیس ڈیوائسز کے استعمال سے ایک منٹ سے بھی کم وقت میں قیمتی گاڑی اُڑا لے جاتے ہیں۔ کار چوری کے ماہر ملزمان جدید ڈیوائسز سے لیس ہیں، جو گاڑی میں نصب جدید ٹریکنگ سسٹم سمیت کسی بھی قسم کے ڈیجیٹل لاک کو ناکارہ بنا کر گاڑی چوری کرتے ہیں۔
مزید یہ پڑھیں: لاہور:خاتون کرائےدارکیساتھ اسلحہ کے زور پر زیادتی کرنیوالامالک مکان گرفتار
ملک بھر میں سیلاب سے متاثرہ 561184 سے زیادہ مریضوں کا علاج کیا گیا. نیشنل فلڈ ریسپانس کوآرڈینیشن سنٹر
راولپنڈی پولیس کے اعداد وشمار کے مطابق گاڑی چوری کی وارداتوں میں 10 گنا اضافہ ہوچکا ہے۔ پولیس نے رواں سال 1129 کار چور گرفتار کرکے 75 گاڑیاں اور 515 موٹرسائیکلیں برآمد کی ہیں۔ پولیس نے شہریوں کو ڈیجیٹل لاکس کے بجائے مینوئل لاک استعمال کرنے کا مشورہ دیا ہے۔ دریں اثنا گاڑی چوری کی وارداتوں سے تنگ شہریوں نے پولیس سے سخت حفاظتی انتظامات کے ساتھ چوروں کے خلاف موثر کریک ڈاؤن کا مطالبہ بھی کیا ہے۔ پولیس حکام کا کہنا ہے کہ محکمہ کار چوروں کے تعاقب میں ہے۔ وارداتوں میں ملوث گینگز پولیس سے بچنے کے لیے مختلف گیٹ ویز کا استعمال کرتے ہیں، جنہیں ٹریس کرنے کوشش کی جا رہی ہے۔

ملک بھر میں سیلاب سے متاثرہ 561184 سے زیادہ مریضوں کا علاج کیا گیا.

نیشنل فلڈ ریسپانس کوآرڈینیشن سنٹر کے اعلامیہ کے مطابق: گزشتہ 24 گھنٹوں کے دوران انفراسٹرکچر کو کوئی نقصان نہیں ہوا تاہم کل 13093 کلومیٹر سڑکیں اور 392 پلوں کو نقصان پہنچا ہے۔ نیشنل فلڈ ریسپانس کوآرڈینیشن سنٹر کے مطابق: ملک بھر کے وہ اضلاع جن کی سب سے زیادہ تباہی ہوئی ہے ان میں سندھ کے سب سے زیادہ متاثرہ اضلاع میں قمبر شہداد کوٹ، جیکب آباد، لاڑکانہ، خیرپور، دادو، نوشہرو فیروز، ٹھٹھہ اور بدین شامل ہیں۔ جبکہ بلوچستان کے اضلاع میں کوئٹہ، نصیر آباد، جعفرآباد، جھلمگسی، بولان، صحبت پور اور لیسبیلہ شامل ہیں۔ اس کے ساتھ ہی خیبر پختون خواہ میں ضلع دیر، سوات، چارسدہ، کوہستان، ٹانک اور ڈی آئی خان اور پنجاب میں ڈی جی خان اور راجن پور شامل ہیں۔

نیشنل فلڈ ریسپانس کوآرڈینیشن سنٹر کا بتانا ہے کہ: اب تک 604 آرمی ایوی ایشن ہیلی کاپٹر مختلف علاقوں میں پھنسے ہوئے لوگوں کو نکالنے کے لیے روانہ کیے جا چکے ہیں۔ گزشتہ 24 گھنٹوں میں 20 پروازیں کی گئیں اور 19.1 ٹن امدادی سامان سیلاب متاثرین تک پہنچایا گیا۔ مزید یہ کہ اب تک ہیلی کاپٹر کے ذریعے 4653 پھنسے ہوئے افراد کو بھی نکالا جا چکا ہے۔ جبکہ صحت کے حوالے سے اب تک 300 سے زیادہ میڈیکل کیمپ لگائے گئے ہیں جن میں ملک بھر میں 561184 سے زیادہ مریضوں کا علاج کیا گیا ہے اور 3-5 دن کی مفت ادویات کی فراہمی بھی کی گئی ہیں۔

نیشنل فلڈ ریسپانس کوآرڈینیشن سنٹر کا کہنا ہے کہ: پاک فضائیہ نے سیلاب متاثرین کے لیے 4885 خیمے، 463045 فوڈ پیکجز، 3273.35 ٹن راشن، 271843 لیٹر میٹھا پانی فراہم کیئے مزید یہ کہ پی اے ایف نے 45 میڈیکل کیمپس قائم کیے ہیں جہاں اب تک 63576 مریضوں کا علاج کیا جا چکا ہے۔ 19807 افراد کی رہائش کے لیے 20 ٹینٹ سٹی اور 54 ریلیف کیمپ بھی قائم کیے گئے ہیں۔ پی اے ایف نے گزشتہ 24 گھنٹوں کے دوران 260 پروازیں کیں اور سیلاب سے متاثرہ علاقوں سے 103 افراد کو نکالا۔

علاوہ ازیں: گزشتہ 24 گھنٹوں کے دوران ملک کے بیشتر علاقوں میں موسم گرم اور خشک رہا ہے۔ کل کا ریکارڈ کیا گیا سب سے زیادہ درجہ حرارت: نوکنڈی 40، سبی، روہڑی، دالبندین اور بھکر 39 ڈگری سینٹی گریڈ۔ جبکہ آئندہ 24 گھنٹوں کے دوران ملک کے بیشتر علاقوں میں موسم گرم اور خشک رہنے کا امکان ہے۔ تاہم بالائی خیبرپختونخوا، گلگت اور کشمیر میں چند مقامات پر آندھی اور گرج چمک کے ساتھ بارش کا امکان ہے۔

ملک بھر میں گزشتہ 24 گھنٹوں کے دوران کورونا وائرس سے مزید 2 مریض جان کی بازی ہار گئے۔

قومی ادارۂ صحت (این آئی ایچ ) کے مطابق گزشتہ 24 گھنٹوں کے دوران مزید 2مریض کورونا وبا کا شکار بن گئے جب کہ 72 مریضوں کی حالت نازک بتائی جاتی ہے۔

COVID-19 Statistics 22 September 2022
Total Tests in Last 24 Hours: 13,945
Positive Cases: 121
Positivity %: 0.87%
Deaths: 02
Patients on Critical Care: 72

— NIH Pakistan (@NIH_Pakistan) September 22, 2022

این آئی ایچ کی جانب سے جاری اعداد شمار کے مطابق 24 گھنٹوں میں مجموعی طور پر 13 ہزار 945 افراد کے کورونا ٹیسٹ کیے گئے جن میں سے 121 افراد کے نتائج کا بطور کورونا مثبت کیس اندراج کیا گیا۔ قومی ادارۂ صحت کا مزید کہنا ہے کہ کورونا وبا کے شکار 72 مریضوں کی حالت تشویش ناک ہے۔ 24 گھنٹوں کے دوران ملک بھر میں کورونا کے مثبت کیسز کی شرح 0.87 فی صد ریکارڈ کی گئی۔

کووِڈ- 19 وائرس کیسے پھیلتا ہے؟
یہ وائرس متاثرہ شخص کی کھانسی یا چھینک سے خارج ہونے والے رطوبتوں کے چھوٹے قطروں اور ایسے چیزوں کی سطح کو چھونے سے پھیلتا ہے جو کورونا وائرس سے آلودہ ہوچکی ہوں۔ کورونا وائرس ان چیزوں کی سطح پر کئی گھنٹے تک زندہ رہ سکتا ہے لیکن اسے عام جراثیم کش محلول سے بھی ختم کیا جاسکتا ہے۔

کورونا وائرس کی علامات کون سی ہیں؟
کورونا وائرس کی علامات میں بخار، کھانسی اور سانس لینے میں مشکل پیش آنا شامل ہیں۔ بیماری کی شدت کی صورت میں نمونیہ اور سانس لینے میں بہت زیادہ مشکل کا سامنا بھی ہوسکتا ہے۔ یہ بیماری بہت کم صورتوں میں جان لیوا ثابت ہوتی ہے۔ اس بیماری کی عام علامات زکام (فلو) یا عام نزلے سے ملتی جلتی ہیں جو کہ کووِڈ- 19 کی نسبت بہت عام بیماریاں ہیں۔ اس لئے بیماری کی درست تشخیص کے لئے عام طور پر معائنے (ٹیسٹ) کی ضرورت پڑتی ہے تاکہ اس بات کی تصدیق ہوسکے کہ مریض واقعی کووِڈ- 19 میں مبتلا ہوچکا ہے۔ یہ بات ذہن نشین کر لینا ضروری ہے کہ نزلے زکام اور کووِڈ- 19 کی حفاظتی تدابیر ایک جیسی ہیں۔ مثال کے طور پر بار بار ہاتھ دھونا اور سانس لینے کے نظام کی صحت کا خیال رکھنا (کھانسی کرتے اور چھینکتے وقت اپنا منہ کہنی موڑ کر یا پھر ٹشو یا رومال سے ڈھانپ لینا اور استعمال شدہ رومال یا ٹشو کو ایسے کوڑا دان میں ضائع کرنا جو ڈھکن سے بند ہوسکتا ہو)۔ نزلہ زکام کی ویکسین دستیاب ہے ، اس لئے ضروری ہے کہ آپ خود کو اور اپنے بچوں کو ویکسین کی مدد سے محفوظ رکھیں۔