Author: +9251

اوپن کرنسی مارکیٹ میں ڈالر 1 روپے مہنگا ہوکر 246 روپے کا ہوگیا ہے۔

منگل کو بھی ڈالر کی اونچی اڑان کا سلسلہ جاری ہے۔ مسلسل 13 ویں روز ڈالرمہنگا ہوا ہے۔ اوپن کرنسی مارکیٹ میں ڈالر 1 روپے مہنگا ہوکر 246 روپے کا ہوگیا ہے۔ پیر کو دن کے اختتام پراوپن مارکیٹ میں ڈالر3روپےمہنگا ہوکر245روپے کا ہوگیا تھا۔

انٹر بینک میں ڈالر 1روپے 9 پیسے مہنگا ہوکر 239 روپے کا ہوگیا۔پیر کو دن کے اختتام پر انٹربینک میں ڈالر 1 روپے7پیسےمہنگا ہوکر 237روپے91پیسےپربند ہوا تھا۔13 روز میں انٹر بینک میں ڈالر 20 روپے مہنگا ہوا ہے۔ ڈالر مہنگا ہونے سے پاکستان پر قرضوں کے بوجھ میں 2900 ارب روپے کا اضافہ ہوا۔

ڈیلرز کےمطابق اگست میں 1 ارب ڈالر کی ریکارڈ فوڈ امپورٹ سے ڈالر کی طلب میں اضافہ ہوا ہے۔ ڈیلرز کا کہنا تھا کہ امپورٹرز کو بینکوں سے ڈالرز دستیاب نہیں ہیں،قیمت بڑھتی دیکھ کر ایکسپورٹرز نے اپنے ڈالرز روک لئے ہیں۔ کرنسی ڈیلرز کا کہنا تھا کہ سیلاب کے بعد درآمدی ضروریات کے لئے ڈالر کی طلب میں اضافہ ہوا ہے اور آئی ایم ایف کی ایکسچینج ریٹ کو فری فلوٹ رکھنے کی شرط نے بھی صورتحال دشوار کردی ہے۔

ڈالر مہنگا ہونے سے زندگی کیسے دشوار ہوتی ہے؟

ڈالر مہنگا ہونے کے نقصان بارے ایک پرانی کہانی جو 2013 میں ایک نجی ادارے میں شائع ہوئی تھی وہ بتاتے ہیں تاکہ آپ کو اندازہ ہو، نذیراں ایک بیوہ خاتون ہے۔ اس کے شوہر کی وفات کے بعد اس کو دس لاکھ روپے ملے تھے۔ کوئی کاروبار یا سرمایہ کاری کی سکت تو اس میں تھی نہیں لہٰذا اس نے یہ رقم بینک میں جمع کرادی۔وہ رقم سے حاصل ہونے والے منافع سے اپنا گذارا کررہی ہے.

نذیراں نے کئی سال قبل جب یہ رقم بینک میں جمع کرائی تھی تو اس وقت ڈالر نوے روپے کا تھا۔لیکن اب ڈالر ایک سو سات تک پہنچ چکا ہے۔اس کا مطلب ہے کہ روپوں کی صورت میں بینک میں جمع اس کی رقم کی قدر میں بڑے پیمانے پر کمی ہوچکی ہے۔نذیراں کی طرح جن لاکھوں افراد نے اپنی رقم پاکستانی روپوں کی صورت بینکوں میں جمع کرارکھی ہے، ان کی رقم کی قدر بھی کم ہوچکی ہے لیکن یہ غریب اور ضعیف افراد اور بیوائیں اس حقیقت سے شاید بے خبر ہیں کہ ان کے خون پسینے کی کمائی کی قدر کو کس بے دردی سے کم کیا جاتا ہے۔

وفاقی شرعی عدالت نے سینیٹر مشتاق خان، فرحت اللہ بابر ، الماس بوبی سمیت مختلف افراد کی فریق بننے کی درخواستیں منظور کرلیں۔ </strong

وفاقی شرعی عدالت میں ٹرانسجینڈر ایکٹ 2018 کے خلاف درخواست پر سماعت ہوئی۔ عدالت نے سینیٹر مشتاق احمد خان ،فرحت اللہ بابر ، الماس بوبی سمیت مختلف افراد کی فریق بننے کی درخواستیں منظور کرلیں اور تمام فریقین کو اپنی گزارشات تحریری طور پر جمع کروانے کی ہدایت کی۔ اوریا مقبول جان نے کہا کہ بل بنتے وقت پوری اسمبلی نے بل کو منظور کیا تھا۔ وکیل وزارت انسانی حقوق نے کہا کہ وزارتِ انسانی حقوق کا کام صرف عمل کرنا ہے۔

قائم مقام چیف جسٹس شرعی عدالت نے ریمارکس دیے کہ اصل مسئلہ حقوق کا ہے، جس کے بھی جو حقوق ہیں وہ ملنے چاہئیں، کمیونٹی کو تحفظ اور حق دینا ہی اصل مقصد ہے، لیکن کوئی آنکھیں بند کرلے تو وہ نابینا نہیں بن جائے گا۔ فرحت اللہ بابر نے کہا کہ بل بنتے وقت میں اس سارے عمل میں شامل تھا، بل پر کیا اعتراضات تھے کیا بحث ہوئی عدالت کو بتانا چاہتا ہوں، دو بلز کو ملا کر ایک بل بنایا گیا تھا۔
مزید یہ پڑھیں: اسلام آباد ہائی کورٹ میں صحافیوں کو ہراساں کرنے کے خلاف دائر درخواستوں پر سماعت ہوئی
اسلام آباد ہائیکورٹ کا عمران خان کے خلاف دہشتگردی کا مقدمہ خارج کرنے کا حکم
ہالی وڈ اداکارہ اور اقوام متحدہ کے ادارہ برائے پناہ گزین (یو این ایچ سی آر) کی خصوصی سفیر انجلینا جولی ایک بار پھر پاکستان آئیں گی۔
سینیٹر مشتاق احمد خان کے وکیل نے گزارشات پیش کیں کہ سینیٹ میں نیا بل جمع کروایا گیا ہے، کسی کو اپنی مرضی سے جنس تبدیل کرنے کی اجازت نہیں ہونی چاہیے۔ نجی این جی او وکیل اور ٹرانسجینڈر ببلی ملک نے کہا کہ ٹرانسجینڈر قانون میں چیزوں کو مکس کردیا گیا ہے، ٹرانسجینڈر دراصل ایک پیدائشی نقص ہے، ایل جی بی ٹی کمیونٹی اور ہم ٹرانسجینڈر بلکل مختلف ہیں، بہتر ہے کہ عدالت کسی جنس کے ماہر کی معاونت حاصل کرے، فرازنہ باری ،فاطمہ احسان سمیت بہت سے جنس کے ماہر موجود ہیں۔

اوریا مقبول جان نے جواب دیا کہ جنسی ماہر صرف دیکھ کر رائے دیتا ہے، ڈاکٹر کے سرٹیفکیٹ کے بغیر جنس کا تعین نہیں ہو سکتا۔ ٹرانسجینڈرز نے سوشل میڈیا بحث پر پابندی کی استدعا بھی کی۔ عدالت نے کیس کی مزید سماعت غیر معینہ مدت کیلئے ملتوی کردی۔

آڈیو لیک معاملہ پر سابق وزیر خزانہ اور تحریک انصاف کے رہنماء شوکت ترین کو ایف آئی اے نے طلب کرلیا ہے.

تحریکِ انصاف کے رہنما اور سابق وزیر خزانہ شوکت ترین نے پنجاب اور خیبرپختونخوا کے وزرائے خزانہ سے ٹیلی فون پر آئی ایم ایف کی ڈیل سے متعلق گفتگو کی تھی جو لیک ہوگئی تھی۔ اس حوالے سے ایف آئی نے اب شوکت ترین کو کل بروز بدھ طلب کرلیا ہے. ذرائع ابلاغ پر دو فون کالز کی آڈیو نشر کی گئی تھی جن میں شوکت ترین کو محسن لغاری اور تیمور جھگڑا سے الگ الگ آئی ایم ایف سے معاہدے کے تناظر میں وفاقی حکومت کو جواب دینے کے بارے میں بات کرتے ہوئے سنا گیا تھا.

اس آڈیو میں انھیں محسن لغاری کو یہ کہتے سنا جا سکتا ہے کہ ’یہ جو آئی ایم ایف کو 750 ارب کی کمٹمنٹ دی ہے، آپ سب نے سائن کیا ہے۔ آپ نے اب کہنا ہے کہ ہم نے جو کمٹمنٹ دی تھی وہ سیلاب سے پہلے دی تھی۔ اب کہنا ہے کہ سیلاب کی وجہ سے ہمیں بہت پیسا خرچ کرنا پڑےگا۔ آپ نے اب یہ لکھنا ہے کہ اب ہم یہ کمٹمنٹ پوری نہیں کر پائیں گے، یہی لکھنا ہے آپ نے اور کچھ نہیں کرنا‘۔

انھوں نے مزید کہا تھا کہ ’ہم سب چاہتے ہیں ان پر دباؤ پڑے، یہ ہمیں اندر کرا رہے ہیں اور ہم پر دہشتگردی کے الزامات لگا رہے ہیں، یہ بالکل ’سکاٹ فری‘ جا رہے ہیں یہ نہیں ہونے دینا ہے‘۔دوران گفتگو وزیر خزانہ پنجاب محسن لغاری نے جب یہ سوال کیا کہ کیا اس سے ریاست کو نقصان نہیں ہو گا جس پر شوکت ترین نے کہا کہ ’یہ جس طرح چیئرمین و سابق وزیر اعظم ( عمران خان) اور دیگر کو ٹریٹ کر رہے ہیں، اس سے ریاست کو نقصان نہیں ہو رہا؟

اسلام آباد میں ڈینگی بے قابوہوگیا، گزشتہ 24 گھنٹے کے دوران مزید 68 کیسز رپورٹ ہوئے۔

اب تک شہر میں 5 افراد ڈینگی کا شکار ہوکر جان کی بازی ہار گئے، گزشتہ 24 گھنٹے کے دوران دیہی علاقوں میں 35 اور شہری علاقوں میں 33 کیسز رپورٹ ہوئے، ڈسٹرکٹ ہیلتھ آفیسر کے مطابق رواں سیزن میں 1456 ڈینگی کیسز سامنے آچکے ہیں۔
رواں سیزن میں دیہی علاقوں میں 891 اور شہری علاقوں میں 565 ڈینگی کیسز رپورٹ ہوئے، 24 گھنٹے کے دوران پمز اسپتال میں 13۔۔۔پولی کلینک میں 3 مریض داخل ہوئے۔ راولپنڈی کے ہولی فیملی اسپتال میں 11 مریض لائے گئے، 24 گھنٹے میں نجی لیبارٹریز سے ڈینگی کے 28 کیسز رپورٹ ہوئے۔

واضح رہے کہ گزشتہ دنوں سے پاکستان میں ڈینگی وائرس میں تیزی سے اضافہ ہو رہا ہے، اسلام آباد میں گزشتہ روز چوبیس گھنٹوں میں ڈینگی سے 57 افراد متاثر ہوئے تھے جبکہ ایک چل بسا تھا. ڈی ایچ او نے بتایا تھا کہ اسلام آباد میں ڈینگی کی مجموعی تعداد 1388 تک جا پہنچی ہے جبکہ گزشتہ چوبیس گھنٹوں کے دوران ڈینگی سے ایک مریض جاں بحق ہوا جس کے بعد ‏اسلام آباد میں ڈینگی سے جاں بحق افراد کی تعداد پانچ ہو گئی ہے۔

‏اسلام آباد کے شہری علاقے میں گزشتہ جوبیس گھنٹے کے دوران ڈینگی کے 45 کیسز رپورٹ ہونے سے متاثر افراد کی تعداد 532 ہو گئی تھی، جبکہ اسلام آباد کے دیہی علاقے میں گزشتہ چوبیس گھنٹے کے دوران ڈینگی سے 45 کیسز رپورٹ ہوئے تھے۔ جبکہ پمز ہسپتال میں ڈینگی کے کل مریضوں کی تعداد 194 ہوگئی تھی اور پولی کلینک میں ڈینگی کے 45 جبکہ کیپیٹل اسپتال میں 25 مریض زیر علاج رہے.

علاوہ ازیں پنجاب میں ڈینگی کے 152 کیسز رپورٹ ہوئے ، سیکریٹری صحت کے اعداد و شمار کے مطابق راولپنڈی میں 71، لاہور 47 اور گوجرانولہ میں ڈینگی کے 12 کیسز رپورٹ ہوئے۔ قصور، وہاڑی اور شیخوپورہ سے ڈینگی کے 3، 3 کیسز سامنے آئے، ملتان، نارووال اور ساہیوال سے ڈینگی کے 2،2 کیسز رپورٹ ہوئے، لیہ ،راجن پور ،حافظ آباد، خانیوال، چکوال، ننکانہ صاحب اور سیالکوٹ سے ایک ایک کیس رپورٹ ہوئے۔ رواں سال پنجاب بھر میں ڈینگی کے 3 ہزار 437 کیسز ریکارڈ ، لاہور سے ڈینگی کے ایک ہزار 384 کیسز سامنے آئے ہیں، پنجاب بھر میں ڈینگی سے 4 ہلاکتیں رپورٹ ہوئی ہیں۔

نیپرا (نیشنل الیکٹرک پاور ریگولیٹری اتھارٹی) نے ٹیلی کام کمپنیوں کو صنعتی ٹیرف دینے سے انکار کر دیا جبکہ ٹیلی کام انڈسٹری نے نیپرا (نیشنل الیکٹرک پاور ریگولیٹری اتھارٹی) کے خلاف قانونی چارہ جوئی کا عندیہ دے دیا

ٹیلی کام انڈسٹری نے نیپرا (نیشنل الیکٹرک پاور ریگولیٹری اتھارٹی) کے خلاف قانونی چارہ جوئی کا عندیہ دے دیا ہے۔ ٹیلی کام انڈسٹری کے ذرائع کے مطابق ٹیلی کام شعبے کو صنعت کا درجہ حاصل ہے اس کے باوجود نیپرا نے ٹیلی کام کمپنیوں کو بجلی کا صنعتی نرخ دینے سے انکار کر دیا ہے۔
پارلیمنٹ سے منظور شدہ فنانس بل 2021 میں بھی ٹیلی کام کو صنعت تسلیم کیا گیا ہے۔ نیپرا نے ٹیلی کام کمپنیوں کی جانب سے دائر کمرشل سے صنعتی بجلی نرخ میں تبدیلی کی درخواست مسترد کردی ہے۔ ٹیلی کام کمپنیوں کو بھاری ٹیکسوں کی ادائیگی کیلیے صنعت سمجھا جاتا ہے لیکن صنعتوں کو میسر بجلی کے ٹیرف سے ٹیلی کام کے شعبے کو محروم رکھا جا رہا ہے۔ ٹیلی کام کمپنیوں نے نیپرا (نیشنل الیکٹرک پاور ریگولیٹری اتھارٹی) کے فیصلے کو قانونی لائحہ عمل کے تحت چیلنج کرنے کا فیصلہ کیا ہے۔

بجلی کی تقسیم کار کمپنیوں کے برعکس ٹیلی کام کمپنیاں ایندھن کی قیمتوں میں ردوبدل کا بوجھ اپنے صارفین پر نہیں ڈالتیں، بجلی کی قیمتوں میں بتدریج اضافے کے باعث ٹیلی کام کمپنیوں کی آپریشنل لاگت بھی بے حد بڑھ چکی ہے۔ اگر نیپرا (نیشنل الیکٹرک پاور ریگولیٹری اتھارٹی) نے ٹیلی کام انڈسٹری کو صنعتی ٹیرف نہ دیا تو ٹیلی کام خدمات کی صارفین کے لیے قیمت بھی بڑھ جائے گی جس سے ملک میں ڈیجیٹل سہولتوں کو عام کرنے میں بھی مشکلات کا سامنا ہوگا۔

واضح رہے کہ گزشتہ روز نیشنل الیکٹرک اینڈ پاور ریگولیٹری اتھارٹی (نیپرا) نے ٹیلی کام کمپنیز کی کمرشل سے صنعتی بجلی نرخ میں تبدیلی کی درخواست مسترد کردی تھی اسلام آباد سے جاری نیپرا فیصلے میں کہا گیا تھا کہ ٹیلی کام کمپنیاں صنعتی ٹیرف کے معیار پر پورا نہیں اترتیں، ویلیو ایڈیشن کو صنعتی پیداواری عمل نہیں سمجھا جا سکتا۔