Author: Aqsa Younas Rana


سپریم کورٹ آف پاکستان نے زنا بالجبر کے ایک مقدمے میں ملوث ملزم کی ضمانت کی درخواست منظور کر دی ہے اور اس دوران اہم آبزرویشن دی کہ ملزم پر جتنا سنگین الزام ہے، اتنی ہی سنجیدہ تحقیقات بھی ہونی چاہیے۔
‎سماعت کے دوران وکیل صفائی نے دلائل دیے کہ ملزم الزام سے مکمل انکار کر رہا ہے۔ جسٹس مندوخیل نے کہا کہ ہر مقدمہ ریپ کا ہی نہیں ہوتا اور ایسے تمام واقعات رپورٹ بھی نہیں ہوتے۔ ان کا کہنا تھا کہ جو جرم ہوگا، اسی کے مطابق سزا دی جائے گی۔
‎جسٹس ملک شہزاد احمد خان نے وضاحت کی کہ الزام مدعی کو ثابت کرنا ہوتا ہے، ملزم پر نہیں۔ صرف لڑکی کی گواہی کی بنیاد پر ملزم کو سزا نہیں دی جا سکتی۔
‎دریں اثنا جسٹس مسرت ہلالی نے سوال اٹھایا کہ جب خاتون نے خود ریپ تسلیم کیا ہے تو اور کون سے ثبوت درکار ہوں گے؟ انہوں نے کہا کہ کوئی اپنی بیٹی پر جھوٹا الزام لگا کر تماشہ نہیں بنائے گا۔


اگلے ماہ فروری کے پہلے ہفتے میں شہریوں کے لیے ممکنہ طور پر چار روزہ طویل تعطیلات دی جا سکتی ہیں۔ ذرائع کے مطابق لاہور میں بسنت کے موقع پر اضافی چھٹی دینے کا امکان زیر غور ہے، جس کے نتیجے میں شہری طویل ویک اینڈ سے لطف اندوز ہو سکیں گے۔
‎5 فروری کو یومِ کشمیر کے باعث پہلے ہی سرکاری تعطیل ہے، جبکہ ہفتہ اور اتوار معمول کے مطابق چھٹیاں ہیں۔ اس کے علاوہ جمعہ کو اضافی تعطیل دینے کی تجویز پر بھی غور کیا جا رہا ہے، جس کی منظوری کے بعد شہریوں کو چار روزہ تعطیلات میسر آئیں گی۔
‎انتظامیہ کا کہنا ہے کہ اضافی تعطیل کا مقصد بسنت کی تقریبات کو محفوظ اور خوشگوار بنانا ہے، اور تعطیلات کے باعث شہر میں ٹریفک کے دباؤ اور غیر ضروری موٹر سائیکل سواروں کی نقل و حرکت میں بھی کمی متوقع ہے۔