کراچی کے علاقے صدر میں ٹھیلے والوں کی بدمعاشی عروج پر پہنچ گئی، جہاں ایک ٹھیلے والے نے ٹریفک پولیس کے افسر کو تشدد کا نشانہ بنایا۔ واقعے کی فوٹیج سوشل میڈیا پر وائرل ہو گئی۔
ٹریفک پولیس افسر نے ٹھیلے والے کو سڑک سے ہٹانے کی کوشش کی تو ملزم نے تشدد شروع کر دیا۔ فوٹیج میں دیکھا گیا کہ دھکے لگنے سے پولیس افسر زمین پر گر گیا، جب کہ دیگر پتھارے والے اور ٹریفک پولیس کے اہلکار بیچ بچاؤ کرتے رہے۔
پولیس کے مطابق واقعے کا مقدمہ درج کر کے ملزم عبد القادر کو گرفتار کر لیا گیا ہے، جبکہ اس کے فرار ساتھی کی تلاش جاری ہے۔
Author: Aqsa Younas Rana
-
صدر کراچی میں ٹھیلے والوں کا ٹریفک پولیس افسر پر تشدد، ملزم گرفتار
-
واٹس ایپ صارفین خبردار، اکاؤنٹ ہائی جیکنگ کے خطرات میں اضافہ
واٹس ایپ صارفین کے لیے ہائی جیکنگ کے خطرات میں اضافہ ہوگیا ہے۔ کابینہ ڈویژن کے تحت نیشنل سائبر ایمرجنسی رسپانس ٹیم نے اس حوالے سے ایڈوائزری جاری کر دی ہے۔
ایڈوائزری میں 2026 میں واٹس ایپ ہائی جیک مہم سے خبردار کرتے ہوئے صارفین کو سائبر خطرات کے خلاف چوکس رہنے کا مشورہ دیا گیا ہے۔ بتایا گیا ہے کہ ہیکرز او ٹی پی فراڈ کے ذریعے واٹس ایپ اکاؤنٹس تک غیر مجاز رسائی حاصل کرنے کی کوشش کر رہے ہیں۔
ایڈوائزری کے مطابق اکاؤنٹ ہائی جیک ہونے کی صورت میں صارفین کا ذاتی ڈیٹا چرایا جا سکتا ہے اور ہیکرز کو کنٹیکٹ لسٹ، میڈیا فائلز، چیٹ ہسٹری اور ذاتی پیغامات تک رسائی حاصل ہو سکتی ہے، جسے پیسے منگوانے کے لیے استعمال کیا جاتا ہے۔
ایڈوائزری میں ہدایت کی گئی ہے کہ 6 ہندسوں کا ایس ایم ایس ویری فکیشن کوڈ، ٹو اسٹیپ ویری فکیشن پن اور وائس کال یا ایس ایم ایس کے ذریعے موصول ہونے والا کوئی بھی کوڈ کسی کے ساتھ شیئر نہ کیا جائے۔ -
عظمیٰ بخاری کا پی ٹی آئی کے بیان پر سخت ردِعمل
وزیر اطلاعات پنجاب عظمیٰ بخاری نے پاکستان تحریک انصاف کے حالیہ بیان پر سخت ردِعمل کا اظہار کیا ہے۔ انہوں نے واضح کیا کہ اڈیالہ جیل، زمان پارک یا پاکپتن کا پیر خانہ وہ جگہیں نہیں جہاں ہر ہفتے اہل وعیال اور چند کرائے کے افراد کے ساتھ تماشہ لگایا جائے۔
عظمیٰ بخاری نے کہا کہ اڈیالہ جیل کے باہر ان کی پارٹی کے کسی عہدے دار کی موجودگی نہیں ہوتی اور بعض اوقات خواتین کو سیاسی مقاصد کے لیے ڈھال کے طور پر استعمال کیا جاتا ہے۔ انہوں نے زور دیا کہ پولیس ہمیشہ صبر و تحمل کا مظاہرہ کرتی ہے۔
وزیر اطلاعات نے مزید کہا کہ پولیس صرف تب حرکت میں آتی ہے جب قانون کی خلاف ورزی کی جاتی ہے۔ انہوں نے پی ٹی آئی پر تنقید کرتے ہوئے کہا کہ اگر آپ پولیس کے ساتھ بدتمیزی یا ہاتھا پائی کریں تو کیا پولیس خاموش رہ سکتی ہے؟
عظمیٰ بخاری کے مطابق قانون کی عملداری اور سیکیورٹی اداروں کی شفاف کارکردگی ہر شہری کی ذمہ داری اور فریضہ ہے، اور کسی بھی سیاسی یا ذاتی مفاد کے لیے پولیس کو نشانہ نہیں بنایا جا سکتا۔ -
پاکستان 2047 تک 3 ٹریلین ڈالر معیشت بن سکتا، وزیر خزانہ
وزیر خزانہ محمد اورنگزیب نے کہا ہے کہ پاکستان 2047 تک 3 ٹریلین ڈالر کی معیشت بننے کی صلاحیت رکھتا ہے
تاہم اس کے لیے آبادی پر قابو پانا ضروری ہے۔ انہوں نے بتایا کہ سالانہ 2.55 فیصد آبادی میں اضافہ ملک کی ترقی میں رکاوٹ ہے۔
وزیر خزانہ نے کہا کہ نوجوانوں کا کردار اہم ہے کیونکہ پاکستان کی فری لانسر فورس دنیا میں تیسری بڑی ہے۔ حکومت نوجوانوں کے لیے ضروری نظام اور پلیٹ فارم فراہم کرے گی تاکہ وہ اپنی صلاحیتوں کو بروئے کار لا سکیں۔
محمد اورنگزیب کے مطابق حکومت کی ذمہ داری ہے کہ نوجوانوں کو نظام اور مواقع فراہم کیے جائیں تاکہ ملک کی اقتصادی ترقی میں اضافہ ممکن ہو۔ -
تھائی لینڈ میں کرین کے گرنے سے مسافر ٹرین حادثے کا شکار، 22 ہلاک
غیر ملکی میڈیا کے مطابق تھائی لینڈ کے صوبہ ناخون رتچاسیما میں ایک مسافر ٹرین پر ریل نیٹ ورک بنانے کے لیے استعمال ہونے والی کرین گر گئی۔
حادثے کے نتیجے میں ٹرین پٹڑی سے اتر گئی اور کئی بوگیوں میں آگ بھڑک اٹھی، جس سے جانی و مالی نقصان ہوا۔ غیر ملکی میڈیا کے مطابق اب تک 22 افراد ہلاک اور 50 سے زائد زخمی ہو چکے ہیں۔ -
کراچی میں سردی کی شدت میں کمی، موسم خشک اور سرد رہنے کا امکان
محکمہ موسمیات نے کراچی میں آئندہ تین روز کے دوران سردی کی شدت میں کمی کا امکان ظاہر کیا ہے۔ شہر میں رات کے وقت موسم خنک اور خشک رہے گا، جبکہ صبح کے وقت دھند پڑنے کا بھی امکان ہے۔
محکمہ موسمیات کے مطابق جمعرات کو شہر کا کم سے کم درجہ حرارت 11 سے 13 ڈگری سینٹی گریڈ کے درمیان رہنے کا امکان ہے، اور جمعہ کو یہ 12 سے 14 ڈگری سینٹی گریڈ تک جا سکتا ہے۔ دن کے دوران زیادہ سے زیادہ درجہ حرارت 25 سے 27 ڈگری سینٹی گریڈ تک متوقع ہے۔
شمال مشرق سے خشک اور سرد ہوائیں چلنے کا امکان ہے، جبکہ دوپہر کے بعد جنوب مغرب سے سمندری ہوائیں بھی چل سکتی ہیں۔ -
ترکی میں غیرقانونی افغان شہریوں کی ملک بدری، مزید 18 افراد ڈی پورٹ
ترکی نے غیرقانونی طور پر مقیم مزید 18 افغان شہریوں کو گرفتار کرکے ملک بدر کر دیا ہے۔ حکام کے مطابق یہ افراد رہائشی دستاویزات نہ رکھنے کی وجہ سے ڈی پورٹیشن سینٹر منتقل کیے گئے۔
پاکستان، ایران، امریکا، برطانیہ اور دیگر یورپی ممالک میں غیر قانونی افغان باشندوں کی ملک بدری کا سلسلہ جاری ہے۔ گزشتہ سال ترکی نے 42 ہزار سے زائد غیر قانونی افغان شہریوں کو گرفتار کیا تھا۔
واضح رہے کہ امریکا سمیت دیگر ممالک نے افغان شہریوں پر ویزے اور رہائشی پابندیاں عائد کر رکھی ہیں۔ -
گلشنِ معمار میں 17 سالہ لڑکی سے مبینہ زیادتی،، ملزم گرفتار
کراچی کے علاقے گلشنِ معمار میں 17 سالہ لڑکی کو اغواء کے بعد مبینہ طور پر زیادتی کا نشانہ بنایا گیا۔ متاثرہ خاندان کے مطابق گلشنِ معمار پولیس نے مقدمہ درج کرنے کے بجائے اہلِ خانہ کو ہراساں کیا۔
واقعے کا نوٹس لیے جانے کے بعد آئی جی سندھ نے ایس ایس پی ویسٹ سے تفصیلی رپورٹ طلب کی، جس کے بعد پولیس نے ملوث ملزم کو گرفتار کرلیا۔ رپورٹ کے مطابق میڈیکل رپورٹ میں متاثرہ لڑکی سے زیادتی کی تصدیق ہوگئی ہے۔ واقعہ گزشتہ روز گلشنِ معمار کے علاقے میں پیش آیا۔آئی جی سندھ نے ایس ایس پی ویسٹ سے واقعے کی تفصیلی رپورٹ طلب کرلی، اعلیٰ افسران کے نوٹس لینے پر گلشن معمار پولیس نے ملوث ملزم کو گرفتار کرلیا۔
پیپلزپارٹی کی رہنماء شاہدہ رحمانی متاثرہ بچی کے گھر پہنچ گئیں۔ متاثرہ لڑکی نے بتایا کہ 3 ملزمان مجھے بے ہوش کرکے گاڑی میں اغواء کرکے لے گئے تھے، جنگل جیسی جگہ پر لے جاکر مجھے زیادتی کا نشانہ بنایا اور تشدد کیا، ہاتھ باندھ کر سنسان جگہ پر پھینک کر چلے گئے۔
-
عطا تارڑ نے پاک-افغان سرحد سے متعلق گمراہ کن پروپیگنڈا مسترد کر دیا
وزیر اطلاعات عطا تارڑ نے پاک-افغان سرحد کے حوالے سے پھیلائے جانے والے گمراہ کن پروپیگنڈا کو مسترد کر دیا۔ اپنے حالیہ بیان میں انہوں نے کہا کہ بین الاقوامی سرحد کو بین الاقوامی سرحد ہی سمجھنا اور اسی کے مطابق عمل کرنا چاہیے۔
عطا تارڑ نے مزید کہا کہ اس وقت وزیر اعلیٰ کے پی سہیل آفریدی کو یہ بات پوری طرح سمجھ نہیں آ رہی۔ -
فلور ملز ایسوسی ایشن کا آٹے اور گندم کی قلت پر شدید خدشات کا اظہار
پاکستان فلور ملز ایسوسی ایشن نے گندم اور آٹے کی موجودہ صورتحال پر شدید تشویش کا اظہار کیا ہے۔ لاہور میں پریس کانفرنس کے دوران عہدیداروں نے بتایا کہ گندم کی قلت، غیر منصفانہ پرمٹ سسٹم اور مبینہ کرپشن کے سبب آٹے کا بحران پیدا ہونے کا خدشہ ہے۔
ایسوسی ایشن کے سابق چیئرمین عاصم رضا نے الزام لگایا کہ پنجاب کی چیک پوسٹوں پر روزانہ کروڑوں روپے کی مبینہ کرپشن ہو رہی ہے، جبکہ صوبے کی یومیہ گندم کی ضرورت 25 ہزار ٹن ہے لیکن صرف سات ہزار ٹن فراہم کیا جا رہا ہے۔
انہوں نے کہا کہ اوپن مارکیٹ میں گندم کی آمد کم ہونے کی وجہ سے قیمتیں مسلسل بڑھ رہی ہیں، اور سرکاری نرخوں پر آٹے کی دستیابی تقریباً ختم ہو چکی ہے۔ عاصم رضا نے مزید کہا کہ آٹھ لاکھ ٹن گندم صوبے کے لیے ناکافی ہے اور حکومت کو فوری اقدامات کرنے کی ضرورت ہے تاکہ ممکنہ آٹے کے بحران سے بچا جا سکے۔