پاکستان اور انڈیا کی کرکٹ ٹیمیں 15 فروری کو کولمبو کے آر پریماداسا سٹیڈیم میں ٹی20 ورلڈ کپ کے میچ میں مدِمقابل ہوں گی، اور ہمیشہ کی طرح اس میچ میں شائقین کی بے پناہ دلچسپی دیکھی جا رہی ہے۔
گراؤنڈ کی تمام 28 ہزار نشستیں پہلے ہی فروخت ہو چکی ہیں اور ایئرلائنز نے بھی ٹکٹس کی قیمتیں بڑھا دی ہیں۔ شائقین اس میچ کے لیے دوستوں اور دیگر ذرائع سے بھی ٹکٹس حاصل کرنے کی کوشش کر رہے ہیں۔
یہ میچ ابتدا سے بین الاقوامی خبروں میں رہا، خاص طور پر بنگلہ دیش کے معاملے پر پاکستان کے انڈیا سے میچ کھیلنے سے انکار کے بعد۔ بعد میں سری لنکا، بنگلہ دیش کرکٹ بورڈز اور انٹرنیشنل کرکٹ کونسل نے پاکستان کو میچ کھیلنے کے لیے قائل کیا۔
بی بی سی نیوز سنہالا سے بات کرتے ہوئے ایک شائق، درشنا چمندا نے کہا کہ وہ اور ان کے دوست اتوار کے اس میچ کا ٹکٹ خریدنے میں کامیاب نہیں ہو سکے، اور انڈیا پاکستان کے میچ کا سٹیڈیم میں دیکھنا ان کے لیے ہمیشہ یادگار لمحہ ہوتا ہے۔
Author: Aqsa Younas Rana
-
پاکستان انڈیا میچ ، تمام ٹکٹس فروخت, ائیر لائنز کے ٹکٹ مہنگے
-
چیک باؤنس مقدمات: جیل جانے سے قبل اداکار راجپال یادیو کا آخری بیان وائرل
چیک باؤنس کے متعدد مقدمات میں سزا یافتہ بھارتی اداکار راجپال یادیو کا جیل منتقل ہونے سے قبل دیا گیا بیان سوشل میڈیا پر وائرل ہو گیا ہے۔
ٹائمز آف انڈیا کی رپورٹ کے مطابق اداکار نے پولیس کے سامنے سرنڈر کرنے سے پہلے ایک آفیشل بیان ریکارڈ کروایا۔ اپنے بیان میں انہوں نے کہا کہ ان کے پاس رقم موجود نہیں اور انہیں کوئی راستہ نظر نہیں آ رہا۔ انہوں نے کہا کہ وہ اس مشکل وقت میں خود کو تنہا محسوس کر رہے ہیں اور انہیں یہ مرحلہ اکیلے ہی برداشت کرنا ہوگا۔
یاد رہے کہ نئی دہلی ہائی کورٹ نے چیک ڈس آنر کے متعدد مقدمات میں راجپال یادیو کو دی گئی رعایت واپس لیتے ہوئے انہیں 4 فروری تک متعلقہ جیل سپرنٹنڈنٹ کے سامنے سرنڈر کرنے کا حکم دیا تھا۔
بھارتی میڈیا کے مطابق اداکار نے عدالتی حکم کے مطابق تہاڑ جیل میں خود کو گرفتار کرایا۔ رپورٹس میں بتایا گیا ہے کہ ان کے وکیل نے عدالت سے 50 لاکھ روپے کی ادائیگی کے لیے ایک ہفتے کی مہلت طلب کی تھی، تاہم عدالت نے یہ درخواست مسترد کر دی۔ -
لاہور ہائیکورٹ کا حکم، رضیہ بی بی کو بنگلادیش جانے کی اجازت 15 دن میں فیصلہ ہوگا
لاہور ہائیکورٹ نے بزرگ خاتون رضیہ بی بی کی بنگلادیش جانے سے روکنے کے خلاف درخواست پر سماعت کی اور معاملہ ڈپٹی ڈائریکٹر ایف آئی اے امیگریشن کو بھیج دیا۔
عدالت نے فیصلے میں کہا کہ قانون کے مطابق خاتون کی درخواست پر 15 دنوں میں فیصلہ کیا جائے۔ جسٹس احمد ندیم ارشد نے کیس کی سماعت کی۔
درخواست گزار کی جانب سے علی چنگیزی ایڈووکیٹ نے دلائل دیے کہ رضیہ بی بی چالیس سال قبل بنگلادیش سے اغوا ہو کر کراچی لائی گئی تھیں اور اب سوشل میڈیا کے ذریعے والدین سے رابطہ ہوا ہے۔ جب وہ اپنے خاندان سے ملنے بنگلادیش جا رہی تھیں، تو ایف آئی اے نے انہیں آف لوڈ کر دیا۔
وکیل نے عدالت سے استدعا کی کہ ایف آئی اے کے غیر قانونی آف لوڈ کرنے کے عمل کو غیر آئینی قرار دیا جائے، خاتون کو والدین سے ملنے کے لیے بنگلادیش جانے کی اجازت دی جائے اور درخواست گزار کے نقصان کی تلافی کی جائے۔ -
بنگلادیش میں عام انتخابات کے لیے ووٹنگ کا عمل مکمل , نتائج کا انتظار
بنگلادیش میں عام انتخابات کے لیے ووٹنگ کا عمل مکمل ہو گیا۔ ملک بھر کے 299 حلقوں میں مقامی وقت کے مطابق صبح 7:30 بجے شروع ہونے والی پولنگ شام 4:30 بجے تک جاری رہی۔
300 رکنی پارلیمان کے لیے 50 سیاسی جماعتوں کے امیدوار میدان میں ہیں جبکہ 12 کروڑ 70 لاکھ سے زائد رجسٹرڈ ووٹرز کو حق رائے دہی حاصل ہے۔ حکومت بنانے کے لیے کسی بھی جماعت یا اتحاد کو کم از کم 151 نشستیں درکار ہوں گی۔
اہم جماعتوں میں بنگلادیش نیشنلسٹ پارٹی، جماعتِ اسلامی، نیشنل سٹیزن پارٹی اور جماعتی پارٹی شامل ہیں۔ عوامی لیگ پابندی کے باعث انتخابات میں حصہ نہیں لے رہی۔
بی این پی کی جانب سے سابق وزیراعظم خالدہ ضیا کے بیٹے طارق رحمان وزارت عظمیٰ کے امیدوار ہیں۔ ووٹ ڈالنے کے بعد انہوں نے کہا کہ امن و امان کا قیام ان کی اولین ترجیح ہو گا اور خواتین کی فلاح پر خصوصی توجہ دی جائے گی۔ انہوں نے انتخابی کامیابی کی امید بھی ظاہر کی۔
جماعتِ اسلامی کے امیر شفیق الرحمان نے بھی ووٹ کاسٹ کیا اور کہا کہ یہ انتخابات ملک کے لیے ایک اہم موڑ ہیں۔ ان کے بقول عوام تبدیلی چاہتے ہیں اور ان کی جماعت اس خواہش کی نمائندگی کرتی ہے۔
ملک بھر میں سکیورٹی کے سخت انتظامات کیے گئے اور فوج کو بھی تعینات کیا گیا۔ چیف الیکشن کمشنر نے کہا کہ انتخابات کو شفاف، آزاد اور غیر جانبدار بنانے کے لیے تمام ضروری اقدامات مکمل کیے گئے ہیں۔
ایک حالیہ عوامی سروے کے مطابق بی این پی کی قیادت میں قائم اتحاد کو 44.1 فیصد ووٹ ملنے کا امکان ظاہر کیا گیا ہے، جبکہ جماعتِ اسلامی کی سربراہی میں 11 جماعتوں پر مشتمل اتحاد کو 43.9 فیصد ووٹ مل سکتے ہیں، جس سے سخت مقابلے کی پیشگوئی کی جا رہی ہے۔ -
عمران خان کی آنکھ کے مسئلے سے جیل حکام آگاہ تھے، علیمہ خان
سپریم کورٹ میں عمران خان سے متعلق رپورٹ سامنے آنے کے بعد میڈیا سے گفتگو کرتے ہوئے علیمہ خان نے کہا کہ سپرنٹنڈنٹ اڈیالا جیل عبدالغفور انجم کو گزشتہ تین ماہ سے بتایا جا رہا تھا کہ عمران خان کی آنکھ میں تکلیف ہے۔
ان کے مطابق معاملہ صرف جیل سپرنٹنڈنٹ تک محدود نہیں، بلکہ نگرانی کے کیمروں کے ذریعے بھی صورتحال دیکھی جا سکتی تھی۔ انہوں نے دعویٰ کیا کہ دو ہفتوں سے عمران خان کی بینائی متاثر ہو رہی تھی۔
علیمہ خان نے کہا کہ عمران خان آج جیل میں اس لیے ہیں کیونکہ عدلیہ آزاد نہیں۔ ان کے بقول اگر انصاف مل رہا ہوتا تو وہ قید میں نہ ہوتے۔
انہوں نے مزید کہا کہ عمران خان کا علاج شفاء اسپتال میں ان کے ذاتی معالج کی موجودگی میں کرایا جائے گا، اور متعلقہ حکام کے پاس اس حوالے سے فوری اقدامات کے لیے دو دن کا وقت ہے۔ -
بالی ووڈ اداکار شریاس تلپاڈے کے خلاف سرمایہ کاری فراڈ کا مقدمہ درج
بھارتی ریاست اترپردیش کے ضلع مین پوری میں بالی ووڈ اداکار شریاس تلپاڈے کے خلاف مبینہ سرمایہ کاری فراڈ کے الزام میں مقدمہ درج کر لیا گیا ہے۔ ایف آئی آر بھگاؤں تھانے میں درج کی گئی، جس میں شریاس تلپاڈے سمیت 12 افراد کو نامزد کیا گیا ہے۔
رپورٹ کے مطابق مدعی نے الزام عائد کیا کہ ایک مبینہ سرمایہ کاری اسکیم کے نام پر اس سے لاکھوں روپے وصول کیے گئے۔ شکایت میں کہا گیا ہے کہ دیہاتیوں کو منافع کا لالچ دے کر رقوم جمع کروائی گئیں، جس کے نتیجے میں متعدد افراد کو مالی نقصان اٹھانا پڑا۔
عدالتی حکم پر پولیس نے باقاعدہ تفتیش شروع کر دی ہے۔ تاہم شریاس تلپاڈے کی جانب سے اب تک ان الزامات پر کوئی باضابطہ ردعمل سامنے نہیں آیا۔
واضح رہے کہ شریاس تلپاڈے ہندی اور مراٹھی فلم انڈسٹری کے معروف اداکار، ہدایتکار اور پروڈیوسر ہیں۔ انہوں نے 2005 میں فلم ’اقبال‘ سے مرکزی کردار کے طور پر شہرت حاصل کی۔ ان کی نمایاں فلموں میں ’دور‘، ’گول مال‘ اور ’اوم شانتی اوم‘ شامل ہیں۔
شریاس تلپاڈے آئندہ فلم ’ویلکم ٹو دی جنگل‘ میں دکھائی دیں گے، جو ’ویلکم‘ سیریز کا تیسرا حصہ ہے اور توقع ہے کہ 26 جون 2026 کو ریلیز ہوگی۔ -
کراچی ایئرپورٹ پر بدنظمی، رکاوٹوں اور عملے کی کمی سے مسافروں کی پروازیں چھوٹنے لگیں
کراچی کا جناح انٹرنیشنل ایئرپورٹ بیرون ملک سفر کرنے والے مسافروں کے لیے شدید مشکلات کا سبب بن گیا ہے، جہاں سیکیورٹی رکاوٹوں، طویل قطاروں اور عملے کی کمی کے باعث پروازیں چھوٹنے کے واقعات بڑھ گئے ہیں۔
اسٹار گیٹ اور جناح ٹرمینل پر پولیس چیک پوسٹس پر محدود اہلکاروں کی تعیناتی کے باعث چیکنگ کا عمل سست ہے، جس سے شارع فیصل پر گاڑیوں کی لمبی قطاریں معمول بن چکی ہیں۔ جناح ٹرمینل کی پارکنگ اور لیول ٹو ریمپ پر بھی ٹریفک جام کی صورتحال رہتی ہے۔
ڈپارچر لاؤنج میں داخلے کے لیے تنگ راستے اور ناکافی عملہ مسافروں کو کم از کم ایک گھنٹے کی تاخیر کا سامنا کروا رہے ہیں۔ سامان کی اسکیننگ، جسمانی تلاشی، کسٹمز اور اے این ایف کی پوچھ گچھ کے مراحل سے گزرنے کے بعد مسافر ایئرلائن کاؤنٹر تک پہنچتے ہیں، جہاں بورڈنگ کے لیے وقت انتہائی محدود رہ جاتا ہے۔
ایئرپورٹ ذرائع کے مطابق امیگریشن کے صرف 9 کاؤنٹر فعال ہیں جبکہ نصف سے زائد بند پڑے ہیں، جس کی وجہ ایف آئی اے امیگریشن میں عملے کی کمی بتائی جاتی ہے۔ حالیہ دنوں میں ایک ہی شفٹ میں 22 مسافر تاخیر کے باعث سفر سے محروم رہے۔
پی اے اے ریکارڈ کے مطابق مسافروں کی تاخیر سے آمد اور امیگریشن میں غیر معمولی سست روی کے باعث بین الاقوامی پروازوں کی روانگی میں ایک گھنٹے سے زائد تاخیر معمول بن چکی ہے۔ غیر ملکی ایئرلائنز نے بھی اس صورتحال پر تحفظات کا اظہار کیا ہے۔
اگرچہ وفاقی وزیر داخلہ محسن نقوی نے خود ایئرپورٹ کا دورہ کیا، تاہم عملی طور پر بہتری نظر نہیں آئی۔ حکام کے مطابق صرف مسافروں کو پانچ گھنٹے پہلے بلانے سے مسئلہ حل نہیں ہوگا جب تک داخلی راستوں پر رکاوٹیں اور عملے کی کمی دور نہیں کی جاتی۔ -
سلمان خان کے بہنوئی ایوش شرما کو بشنوئی گینگ کی مبینہ دھمکی آمیز ای میل موصول
بالی ووڈ سپر اسٹار سلمان خان کے بہنوئی ایوش شرما کو مبینہ طور پر لارنس بشنوئی گینگ کی جانب سے دھمکی آمیز ای میل موصول ہوئی ہے۔ ممبئی پولیس کرائم برانچ کے مطابق ایوش کو یہ ای میل بدھ 11 فروری کو بھیجی گئی۔
رپورٹس کے مطابق ای میل بھیجنے والے نے دعویٰ کیا کہ وہ لارنس بشنوئی گینگ سے وابستہ ہے۔ پولیس کا کہنا ہے کہ ای میل پروٹون میل کے ذریعے بھیجی گئی، جس سے بھیجنے والے نے اپنی شناخت خفیہ رکھنے کی کوشش کی۔
چند روز قبل اداکار رنویر سنگھ کو بھی اسی نوعیت کی دھمکی موصول ہوئی تھی۔ بھارتی میڈیا کے مطابق رنویر کو واٹس ایپ پر ایک وائس میسج بھیجا گیا، جس کے بارے میں بتایا گیا ہے کہ اسے وی پی این کے ذریعے بھیجا گیا تھا۔ پیغام میں مبینہ طور پر 10 کروڑ روپے کا مطالبہ کیا گیا۔
رنویر سنگھ اور ان کی اہلیہ دیپکا پڈوکون نے واقعے کے بعد ممبئی میں اپنی رہائش گاہ کی سیکیورٹی سخت کر دی ہے۔
پولیس ذرائع کے مطابق دونوں واقعات میں بھیجنے والوں نے اپنی شناخت چھپانے کی کوشش کی ہے اور تفتیش کار یہ جانچ رہے ہیں کہ آیا ان دھمکیوں کا تعلق واقعی بشنوئی گینگ سے ہے یا نہیں۔ حالیہ مہینوں میں اس گروہ کا نام متعدد شوبز شخصیات کو دی جانے والی دھمکیوں کے حوالے سے سامنے آ چکا ہے۔ -
بنگلادیش: 10 نئی سیاسی جماعتیں سامنے آگئیں، 45 لاکھ نئے ووٹرز کا اضافہ
بنگلادیش کے الیکشن کمشنر بریگیڈیئر (ر) ابوالفضل محمد ثنا اللہ نے کہا ہے کہ ملک میں عام انتخابات سے قبل 10 نئی سیاسی جماعتیں سامنے آئی ہیں جبکہ ووٹر لسٹ میں 45 لاکھ نئے ووٹرز کا اضافہ ہوا ہے۔
پریس بریفنگ میں انہوں نے بتایا کہ ملک بھر میں سکیورٹی کے سخت انتظامات کیے گئے ہیں اور قانون نافذ کرنے والے ادارے الیکشن کمیشن کے ساتھ مکمل تعاون کر رہے ہیں۔ ان کے مطابق 60 رجسٹرڈ سیاسی جماعتوں میں سے 50 جماعتیں عام انتخابات میں حصہ لے رہی ہیں۔
انہوں نے کہا کہ ملک میں پارلیمانی انتخابات کے ساتھ ساتھ آئینی اور قانونی اصلاحات سے متعلق ریفرنڈم بھی کرایا جا رہا ہے، جس کے باعث انتخابی عمل کی اہمیت مزید بڑھ گئی ہے۔
الیکشن کمشنر کے مطابق نئی ووٹر لسٹ میں 45 لاکھ افراد کا اضافہ کیا گیا ہے جبکہ سابقہ فہرست میں شامل 20 لاکھ ووٹرز انتقال کر چکے تھے۔
انہوں نے انتخابی اخراجات کی حد سے متعلق وضاحت کرتے ہوئے کہا کہ ہر امیدوار کو اپنے حلقے میں فی ووٹر 10 ٹکا خرچ کرنے کی اجازت ہے۔ اگر کسی حلقے میں 3 لاکھ ووٹرز ہیں تو امیدوار زیادہ سے زیادہ 30 لاکھ ٹکا خرچ کر سکتا ہے۔
ابوالفضل محمد ثنا اللہ کا کہنا تھا کہ ڈھائی لاکھ سے کم ووٹرز والے حلقوں میں بھی اخراجات کی بالائی حد 25 لاکھ ٹکا مقرر کی گئی ہے۔ مقررہ حد سے تجاوز کی صورت میں قانونی کارروائی کی جا سکتی ہے۔ ان کے مطابق تمام امیدواروں کو ضابطہ اخلاق کے تحت شفاف انتخابی مہم چلانا ہوگی۔ -
سابق ہیئر ڈریسر نے لیڈی ڈیانا کی قدرتی خوبصورتی کے راز بتا دیے
دنیا بھر میں کروڑوں دلوں پر راج کرنے والی برطانیہ کی شہزادی لیڈی ڈیانا کو خوبصورتی کا عالمی معیار مانا جاتا تھا۔ ان کا منفرد انداز اور قدرتی دلکشی انہیں سب سے الگ بناتی تھی، اور ان کے پرستاروں کی اکثریت خواتین پر مشتمل تھی، جو ان کی خوبصورتی کی بدولت ان کی مداح بن جاتیں۔
حال ہی میں ان کے سابق ہیئر ڈریسر رچرڈ ڈالٹن نے ڈیانا کے روزمرہ معمولات کے حوالے سے انکشافات کیے ہیں، جو ظاہر کرتے ہیں کہ وہ خود کو قدرتی اور پرکشش دکھانے کے لیے کیا کرتی تھیں۔
میڈیا رپورٹ کے مطابق رچرڈ ڈالٹن نے ڈیانا کے ساتھ ایک دہائی تک کام کیا۔ ان کے مطابق شہزادی عوامی مقامات پر پیش ہونے کے لیے کبھی کسی پیشہ ور میک اپ آرٹسٹ کی خدمات حاصل نہیں کرتیں، اور اپنے بالوں کو اسٹائل کرتے وقت وہ میک اپ خود لگاتی تھیں۔ صرف سرکاری پورٹریٹس یا فیملی فوٹو شوٹس جیسے خاص مواقع پر ہی وہ ماہرین کی مدد لیتی تھیں۔
رچرڈ کے مطابق سب سے زیادہ متاثر کن چیز ڈیانا کی جلد کی فطری چمک تھی، جسے اکثر "انگلش روز” کی رنگت کہا جاتا ہے۔ انہیں بھاری فاؤنڈیشن یا میک اپ کی ضرورت محسوس نہیں ہوتی تھی، اور ان کی خوبصورتی ان کی قدرتی جلد کی چمک سے جھلکتی تھی۔
اگرچہ ڈیانا سادہ انداز کی حامل تھیں، لیکن ان کی کچھ مخصوص میک اپ عادتیں تھیں۔ وہ ہلکے پنسل لائنر سے آنکھوں کو نمایاں کرتی تھیں اور ہونٹوں کے لیے نرم شیڈز کا انتخاب کرتی تھیں۔ رچرڈ نے یاد دلایا کہ ڈیانا آئی لائنر لگاتے وقت محتاط رہتیں تاکہ ان کے بالوں کا اسٹائل خراب نہ ہو، مگر وہ مکمل طور پر اس معمول پر قابو رکھتی تھیں۔
یہ انکشاف ظاہر کرتا ہے کہ ڈیانا نے فطری خوبصورتی کے فلسفے کو اپنایا اور اسٹائلسٹ اور کنسلٹنٹس کی ٹیم کے باوجود اپنی شخصیت کو میک اپ کی تہوں کے پیچھے نہیں چھپایا۔