Author: ڈاکٹرغلام مصطفی بڈانی

ٹبہ سلطان پور ،باغی ٹی وی(نامہ نگار ) ڈپٹی ڈسٹرکٹ ایجوکیشن آفیسر (زنانہ) میلسی ڈاکٹر نسیم اختر نے شہر ٹبہ سلطان پور گردونواح کے سکولوں کا دورہ کے دوران سٹی پریس کلب ٹبہ سلطان پور کے صحافیوں کے وفد سے خصوصی گفتگو کرتے ہوئے کہا کہ گزشتہ دنوں میڈیا پر گردش کرتی خبروں میں کوئی صداقت نہیں ہے گورنمنٹ گرلز انصاف آفٹرنون سکولز کے متعلق جو بھی خبریں شائع ہوئی وہ غلط اور جھوٹ پر مبنی ہیں انھوں نے بتایا کہ دفتر ڈپٹی ڈسٹرکٹ ایجوکیشن (زنانہ) میلسی کے ماتحت 29 عدد گورنمنٹ گرلز انصاف آفٹرنون سکولز کے 2 ماہ کے بلز ( ماہ اگست, دسمبر2022) کی تنخواہیں بذریعہ ایڈوائس مورخہ 09/03/2022 کو تمام ٹیچرز کے سکول اکاؤنٹ میں جاچکی ہیں جبکہ مزید( ماہ اکتوبر, نومبر, دسمبر 2022) 3 ماہ کے انصاف آفٹرنون کے بلز ڈسٹرکٹ اکاؤنٹ آفس وہاڑی میں جمع کروائے ہوئے ایک ماہ سے زائد کا عرصہ ہو چکا ہے, ڈپٹی ڈسٹرکٹ ایجوکیشن آفیسر(زنانہ) میلسی ڈاکٹر نسیم اختر نے بتایا کہ انصاف آفٹرنون سکولز کی خصوصآ لیڈیز ٹیچرز کی آسانی اور سہولت کے لیے اکاؤنٹ آفس وہاڑی کے کام بغیر کسی لالچ اور بلا معاوضہ رضاکارانہ طور پر سرانجام دے رہے ہیں تاکہ خواتین اساتذہ کو بار بار دفتروں کے دھکے کھانے نا پڑیں تاکہ وہ اپنی ذمہ داریاں نظام تدریس میں احسن طریقے سے سر انجام دے سکیں. بل پاس کروانے کے لیے ڈپٹی ڈسٹرکٹ ایجوکیشن آفس(زنانہ)میلسی میں رشوت لینے کی باتیں بے بنیاد اور سراسر جھوٹ ہیں,تمام اساتذہ سمیت دیگر محکمانہ تنظیموں نے بھی اس قسم کی خبروں پھلانے پر انتہائی افسوس کا اظہار کیا ہے.

چترال،باغی ٹی وی(گل حماد فاروقی) الخدمت فاؤنڈیشن کے زیر اہتمام چترال میں یتیم بچوں کی پرورش کیلئے قائم آغوش ہاسٹل میں عید کے تحفوں کی تقسیم کی تقریب منعقد ہوئی، اس سلسلے میں آغوش الخدمت میں 47 یتیم بچوں میں عید کے نئے کپڑے، جوتے اور عیدی بھی تقسیم کی گئی۔آغوش الخدمت میں 47 یتیم بچے قیام پذیر ہیں جن کو یہاں باقاعدہ طور پر عصری علوم دینے کے ساتھ ساتھ ان کی صحت، کھانے پینے اور ہر قسم کی سہولت فراہم کرنے کا خیال رکھا جاتا ہے۔ان بچوں کو باہمت بچوں کا نام دیا گیا ہے تاکہ ان کو یتیم کے نام سے پکار کر احساس کمتری کا شکار نہ ہوں۔عید چونکہ بچوں کی ہوتی ہے اور عید کے موقع پر والدین اپنے بچوں کیلئے نئے کپڑے، جوتے وغیرہ خریدنے کے ساتھ ساتھ ان کو عیدی بھی دیتے ہیں۔تو عید کی آمد پر ان بچوں میں بھی نئے کپڑے، جوتے اور عیدی اس لئے تقسیم کی گئی تاکہ ان کو اپنے والدین کی کمی کا احساس نہ ہو اور یہ احساس کمتری کا شکار نہ ہو۔ان یتیم بچوں کیلئے عید کے یہ تحائف اسلامک سرکل جاپان نے بھیجے تھے۔

الخدمت فاؤنڈیشن کے ضلعی صدر عبد الحق نے ان یتیم بچوں میں عید کے تحفے تقسیم کئے۔ ہمارے نمائندے سے باتیں کرتے ہوئے الخدمت کے صدر عبد الحق نے کہا کہ آغوش ہاسٹل میں ہمارے ساتھ 47 بچے رہائش پذیر ہیں اس کے علاوہ 53 بچوں کو ہم فیملی سپورٹ پروگرام کے تحت ان کے گھروں پر اس ادارے کے زیر کفالت ہیں۔ انہوں نے کہا کہ عید کے اس پرمسرت موقع پر ہم نے ان بچوں کو جن کو باہمت بچوں کا نام دیا گیا ہے ان میں عید کے تحفے تقسیم کئے تاکہ یہ بچے بھی خوشی سے اپنی عید منا سکیں۔

الخدمت آغوش کے ایڈمنسٹریڑ کا کہنا ہے کہ ان بچوں کو ہم معیاری تعلیم دینے کے ساتھ ساتھ ان کی خوراک، تربیت اور ہر قسم کی دیکھ بال بھی کرتے ہیں تاکہ یہ بچے بڑے ہوکر مفید شہری بن سکیں اور ملک و قوم کی خدمت کیلئے اپنا کردار ادا کرسکیں ،انہو ں نے کہا کہ ہم نے عید سے پہلے ان بچوں میں عید کے تحائف اسلئے تقسیم کئے تاکہ یہ خوشی خوشی اپنے گھروں میں جائیں اور دوسرے بچوں کی طرح جن کے والدین زندہ ہیں یہ بھی اپنی عید مناسکیں اور ان کو کسی قسم کی کمی محسوس نہ ہو۔

اس موقع پر آغوش الخدمت میں قیام پذیر چند طلباء جو چھٹی اور ساتویں جماعت میں پڑھتے ہیں ان کا کہنا تھا کہ ان کو عید کیلئے نئے کپڑے، جوتے اور عیدی بھی مل گئی جس سے وہ بہت خوش ہیں اور وہ بھی خوشی خوشی اپنی عید منائیں گے۔اس موقع پر الخدمت فاؤنڈیشن کے دیگر اراکین بھی موجود تھے۔

بھکر،باغی ٹی وی( نامہ نگار اتباع رسول ملنگی سے) ڈپٹی کمشنر ڈاکٹر نور محمد اعوان کادارالامان بھکر کا دورہ
تفصیل کے مطابق ڈپٹی کمشنر بھکر ڈاکٹر نور محمد اعوان کادارالامان بھکر کا تفصیلی دورہ،انہوں نے مقیم خواتین کو دارالامان میں فراہم کردہ رہائشی سہولیات کا معائنہ کیا۔اس موقع پر انچارج دارالامان نسیم اختر بھی موجود تھیں۔ڈپٹی کمشنر نے دارالامان میں مقیم خواتین کیلئے ہنرمندی کے جاری پروگرامز میں مزید وسعت دینے کی ضرورت پر زور دیتے ہوئے کہا کہ دارالامان میں مقیم خواتین کو دینی دنیاوی اور اخلاقی تربیت فراہم کی جائے تاکہ گھروں کو لوٹنے پر انکا شمار باہنر اور باصلاحیت خواتین میں ہو۔ڈپٹی کمشنر ڈاکٹر نور محمد اعوان نے مقیم خواتین کو عید کی پیشگی مبارکباد دی اور خواتین اور انکے ہمراہ بچوں میں عید کے تحائف تقسیم کئے

بھکر،باغی ٹی وی(نامہ نگار اتباع رسول ملنگی) خصوصی افراد کو عید کی خوشیوں میں شامل کرنے کیلئے چیک تقسیم
تفصیل کے مطابق بھکر خصوصی افراد کی عید خوشیاں کو دوبالا کرنے کیلئے 40 افراد میں فی کس 6 ہزار کے حساب سے چیک تقسیم کرنے کی خصوصی تقریب سوشل ویلفیئر ڈپاڑٹمنٹ کی جانب سے ضلع کونسل ہال میں منعقد کی گئی تقریب کے مہمان خصوصی ڈپٹی کمشنر ڈاکٹر نور محمد اعوان تھے۔اس موقع پر ڈپٹی ڈائریکٹر سوشل ویلفیئر اینڈ بیت المال ملک مشتاق حسین سمیت دیگر سوشل ویلفیئر افسران بھی موجود تھے۔تقریب سے خطاب کرتے ہوئے ڈپٹی کمشنر ڈاکٹر نور محمد اعوان نے کہاکہ خصوصی افراد ہماری توجہ کے مستحق ہیں ضلعی انتظامیہ ایسے افراد کیلئے باعزت روزگار کے مواقع فراہم کرنے کیلئے ایک خصوصی پلان مرتب کررہی ہے تاکہ انکو معاشرہ کا ایک کارآمد شہری بنایا جاسکے۔ڈپٹی کمشنر نے مزید کہاکہ 40 خصوصی ضرورت مند افراد کو منتخب کرکے فی کس چھ ہزار کے حساب سے ان افراد میں چیک تقسیم کئے ہیں ان کا کہنا تھا کہ دستیاب وسائل سے خصوصی افراد کیلئے عید پر مالی امداد کا پروگرام مرتب کرنے کیلئے ڈپٹی ڈائریکٹرسوشل ویلفیئر اینڈ بیت المال ملک مشتاق حسین کو ہدایات جاری کی اور اس مختصر دورانیہ میں ڈی ڈی سوشل ویلفیئر کی جانب سے پروگرام ترتیب دے کر آج چیک تقسیم کرنے کی تقریب کا انعقاد کیا گیا۔ڈپٹی کمشنر ڈاکٹر نور محمد اعوان کا کہنا تھا کہ خصوصی افراد کی بحالی و تربیت کیلئے خصوصی پلان کو جلد حتمی شکل دی جائے گی.