Author: ڈاکٹرغلام مصطفی بڈانی

سوات،باغی ٹی وی(ویب نیوز) شدید بارشیں،بحرین بازار میں پانی داخل،ندی نالوں میں طغیانی،روڈ بند،شہری محصور
سوات کے بالائی علاقوں میں شدید بارشوں کا سلسلہ جاری ہے اور کئی مقامات پر ندی نالوں میں طغیانی آنے سے کالام روڈ دوسرے روز بھی ٹریفک کے لئے بند ہے جس کے باعث اسی ہزار کے قریب آبادی محصور ہوکر رہ گئی ہے۔ عید کی آمد کے باوجود کالام روڈ کی بندش کے باعث گھروں کو جانے والے مسافر بھی پھنس گئے ہیں۔ روڈ کو فوری طور پر بحال نہ کیا گیا تو عید پھیکی اور سوات کی سیاحت بھی ماند پڑجائے گی۔درال خوڑ، چھم گھڑئی، کولائی،اسریت،پیشمال سمیت دیگر مقام پر ندی نالے بپھر گئے ہیں اور مسلسل بارش سے پانی کے بہاؤ میں بدستوراضافہ ہورہا ہے۔ بحرین کے مقام پر رابطہ پل بھی بدستور زیر آب ہے اور کالام روڈ ٹریفک کے لئے معطل ہے۔ 26اگست2022کو آنے والے سیلاب کے بعد ابھی آباد کاری ہوئی نہیں کہ دوبارہ پانی کے بہاؤ میں اضافہ ہوگیا اور ہر طرف پانی نے تباہی مچادی۔ بحرین بازار میں بھی پانی داخل ہوگیا ہے اور متعدد دکانیں اور ہوٹلوں کے بیس منٹس پانی سے بھر گئے ہیں اور عید کی آمد پر بھی بحرین بازارویران اور سنسنان پڑا ہے اور کاروباری لوگوں کو شدید مالی دھچکا لگا ہے۔ مسلسل بارشوں کے باعث عید پر بھی کالام روڈ کی بحالی کے آثار نظر نہیں آرہے اورانتظامیہ محض فوٹو سیشن تک محدود ہے۔ مقامی افراد نے بتایا کہ گزشتہ سال کے سیلاب کی تباہ کاریوں کے باوجود اداروں اور حکومت نے اپنا فرض نہیں نبھایا نہ دریا کے کنارے حفاظتی پشتے تعمیر کئے گئے اور نہ ہی کالام روڈ کو تعمیر کیا گیا جس کے باعث دوبارہ صورتحال نے عوام کو مشکلات سے دوچار کردیا ہے جبکہ اس سال عید کا سیاحتی سیزن بھی ماند پڑنے کا خدشہ ہے۔

ڈیرہ غازیخان،باغی ٹی وی ( شہزادخان نامہ نگار) ڈکیٹی چوری کی بڑھتی ھوئی واداتوں میں اپنے موٹرسائیکل نقدی رقم 9000 موباٸل فون 15 عدد بیٹریاں حقہ پمپ,سے شہری ہاتھ دھوبیٹھے اس طرح تھانہ سٹی کے رہائشی محمدفرحان ضیاء نے پولیس کو بیان دیامیں اپنی موٹرسائیکل پر جارہاتھا جب ہائی سکول چوک کے قریب پہنچاتودوکس نامعلوم اشخاص نے اسلحہ کے زورپر موٹرسائیکل چھین کر فرار ھونے کامیاب ھوگئے تھانہ سٹی تونسہ کے رہائشی حضور بخش نےپولیس کو بیان دیاکہ میں دوکان بند کرکے بستی بلوانی کی طرف جارہاتھاکہ راستے محمدابراھیم دوکس نامعلوم اشخاص نے اسلحہ کے زور پرمیری جیب سے مبلغ 9000موبائیل فون اور موٹرسائیکل چھین کرفرارھوگئے تھانہ سٹی عمیراحمد نے پولیس کوبیان دیا کہ اپنی موٹرسائیکل گھرکےباہرکھڑی کرکےاندرچلاگیاواپس آیاتوموٹرسائیکل ناموجودتھاجسے نامعلوم ملزمان نے سرقہ کرلیا تھانہ گدائی کے رہائشی محمدعادل نے بیان دیا کہ حسب معمول دکان بندکرکے گھرچلاگیاصبح واپس آکردکان کاتالا کھولا تودکان کوسندھ لگی ھوئی تھی سامان پڑتال کیاتو 58 عدد آئل ڈبہ 5 عددسیٹ 10 عدد سی وی جائینٹ 30عددبیرنگ 20 عدد گیرآئل 13 ڈبے اے ٹی ایف 3 عدد سیٹ کلچ پریشر ایک عددحقہ پمپ ودیگر سامان نہ موجود تھے جس نامعلوم ملزمان نے سرقہ کرلیاھےتھانہ سخی سرور کے رہائشی ثناءاللہ نے بیان دیاکہ اپنی مشینری ٹرک ڈمپر چیک کرنے کیلیے دیکھاتو 2عددٹرک سے 4عدد بیٹریاں اور 4عدد ڈمپر سے 8عدد بیٹریاں لوڈرسے تین عددبیٹریاں کل مالیت دولاکھ پچاس ہزارروپے سرقہ ھوچکی تھی تھانہ سول لائن کے رہائشی عبدالجبارایڈووکیٹ نے بیان دیاکہ اپنے چیمبر میں کیس کی تیاری کررہاتھا سائل کاموبائل فون مالیتی 36 ہزاراوربٹوے میں موجود گیارہ ہزار پانچ سوروپے اور مسز کااصل شناختی کارڈ ٹیبل پررکھ کر عدالت چلاگیا واپس آنے پرسامان غائب تھا جوکہ نامعلوم ملزمان نے چوری کرلیا،تھانہ شاہ صدر دین سے چند گز کے فاصلے پر رات گئے چوری کی واردات پنل کریانہ اسٹور شاہصدردین میں رات کے اندھیرے میں دکان کی چھت کو پھاڑ کر چور پنل کریانہ سٹور کا سامان لے اڑے ،مدعیان کے بیان پرپولیس نےمقدمات درج کرکے کاروائیاں شروع کردی ہیں-

سیالکوٹ،باغی ٹی وی(سٹی رپورٹر شاھد ریاض ) پولیس کاضلع بھر میں سرچ آپریشنز کا سلسلہ جاری، اشتہاری، عدالتی اور ریکارڈ یافتگان سمیت جرائم پیشہ عناصر اور منشیات فروش گرفتار.
تفصیلات کے مطابق ڈی پی او سیالکوٹ محمد حسن اقبال کی سربراہی میں سیالکوٹ پولیس نے جرائم پیشہ عناصر کی سرکوبی اور شہریوں کے جان و مال کے تحفظ کو یقینی بنانے کیلیے ضلع بھر میں سرچ اینڈ سٹرائیک آپریشنز کا سلسلہ شروع کر دیا ہے اس سلسلہ میں گزشتہ روز تھانہ مراد پور، حاجی پورہ، صدر پسرور اور صدر ڈسکہ پولیس اور سی ٹی ڈی ٹیموں نے مشترکہ کاروائی کے دوران قانون شکنی کرنے والوں کے خلاف سرچ آپریشن کیا۔ دوران سرچ آپریشن 4 اشتہاری مجرمان، 2 عدالتی مفرور، 2 ریکارڈ یافتہ ملزمان کو گرفتار کیا گیا، 200 افراد کی چیکنگ کی گئی اور کرایہ داری ایکٹ کے تحت کرائے نامے چیک کئے گئے، 22 مشتبہ افراد کو حراست میں لیا گیا۔

جبکہ 11 ملزمان سے 10 کلو چرس کے قریب چرس، 83 لیٹر شراب، اسلحہ ناجائز 2 پسٹل 30 بور معہ متعدد گولیاں برآمد کر کے گرفتار کر لیا اور تھانوں میں منتقل کر کے علیحدہ علیحدہ دفعات کے تحت انکے خلاف مقدمات درج کر لیے گئے ہیں۔

ٹھٹھہ،باغی ٹی وی ( نامہ نگار راجہ قریشی)تھانہ میرپور ساکرو نے گٹکاسپلائی کی کوشش ناکام بنادی،2 گرفتار
تفصیل کے مطابق ایس ایچ او تھانہ ساکرو انسپکٹر گل حسن کچھار بمعہ اسٹاف نے دوران گشت خفیہ اطلاع ملنے پر فگارو تا ساکرو روڈ فیضو ہوٹل کے قریب کامیاب کارروائی کرکے ٹرک نمبر JU-2858 میں گٹکا مٹیریل سپلائی کرنے کی کوشش کو ناکام بناکر 2 گٹکا مٹیریل سپلائر ملزمان عبدالصمد ولد وشدل بلوچ اور شاکر ولد محمد بلوچ رہائشی لسبیلہ بلوچستان کو گرفتار کرلیا۔
دوران کارروائی پولیس نے ٹرک کو حراست میں لیکر 348 کلو چورا سپاری اور 200 پیکٹ گٹکا ماوا برآمد کرکے ملزمان کے خلاف تھانہ ساکرو پر گٹکاایکٹ کے تحت مقدمہ درج کردیا۔ مزید تفتیش جاری ہے۔

ٹھٹھہ،باغی ٹی وی( نامہ نگار راجہ قریشی)مکلی پوسٹ آفس ایریا اور مکلی کالونی حیدری چوک 2 ٹرانسفارمرز دھماکوں سے جل گئے
تفصیل کے مطابق مکلی پوسٹ آفس ایریا اور مکلی کالونی نزد حیدری چوک کے دو ٹرانسفارمر ز دھماکوں سے جل گئے جسکی وجہ سے ضلعی افسران اسسٹنٹ کمشنر اے ڈی سی فاریسٹ آفیسر سمیت سرکاری ملازمین کی سرکاری کالونیاں مکمل اندھیرے میں ڈوبی ہوئی ہیں اور روزہ داروں سمیت دیگر افراد سخت مشکلات سے دوچار ہیں اور لوگ گھروں سے باہر بیٹھ کر راتیں گزارنے پر مجبور ہیں اس سلسلے میں حیسکو حکام کا کہنا ہے کہ اوور لوڈ کی وجہ سے ٹرانسفارمر جلے ہیں مکلی ہیڈ کوارٹر کے رہائشیوں نے وزیر اعلی سندھ کے معاون خصوصی صادق میمن سید ریاض شاھ شیرازی ڈپٹی کمشنر ٹھٹھہ فاروق سومرو اور حیسکو چیف سے مطالبہ کیا ہے کہ ایمرجنسی طور پر دونوں ٹرانسفارمر نئے لگائے جائیں تاکہ رمضان کے آخری روزے اور عید کے دن لوگ سکون سے گھروں میں رہ سکیں

سرگودھا،باغی ٹی وی (ملک شاہ نواز جالپنامہ نگار )سرگودھا آر پی او شارق کمال صدیقی نے تھانہ نورپور میں کھلی کچہری کا انعقاد کیا۔اس موقع پر ڈی پی او خوشاب شائستہ ندیم بھی موجود تھیں ۔ کھلی کچہری کا باقاعدہ آغاز تلاوت کلام پاک سے ہوا۔اس کے بعد آر پی او سرگودھا نے کھلی کچہری میں موجود لوگوں کے مسائل سنے اور ان کے حل کے لیے موقع پر ہی متعلقہ افسران کو احکامات جاری کئے۔ انہوں نے کہا کہ کھلی کچہری کا انعقاد باقاعدگی سے کیا جارہا ہے اور عوام کی سہولت کو مدنظر رکھتے ہوئے اور ان کے مسائل جاننے کے لیے تمام ذرائع استعمال کئے جا رہے ہیں ۔