Author: ڈاکٹرغلام مصطفی بڈانی

میرپور ساکرو،باغی ٹی وی (نامہ نگارقدرنوازکلوئی)سابق ٹاؤن چیئرمین رہنماء پی ٹی آئی کا پیپلز پارٹی کے کونسلرکے گھرپرحملہ
تفصیل کے مطابق سابق ٹاؤن چیئرمین ساکرو اور پی ٹی آئی رہنما اقبال خاصخیلی نے پیپلز پارٹی کے کونسلر عزیز کٹی پر حملہ کر دیا۔گالی گلوچ اور پتھراؤ میں کونسلر عزیز کٹی کے گھر پر حملہ اس سلسلے میں پیپلز پارٹی کے کونسلر عزیز کٹی کا کہنا ہے کہ میں اپنے کزن سلیم کٹی کے ساتھ گھر میں افطار کر رہا تھا۔ جب اقبال خاصخیلی نے اپنے غنڈوں کے ساتھ گھر پر حملہ کيا اور مجھے زدوکوب کیا، اس نے ہمیں مارنے کی کوشش کی اور گھر پر پتھراؤ کیا، ان کا کہنا ہے کہ ہم نے پیپلز پارٹی میں شمولیت اختیار کی ہے، تکلیف ہو رہی ہے، ہم اپنی مرضی کے مطابق سیاست کریں گے۔ قانونی کارروائی کی جائے اور انہوں نے پیپلز پارٹی کے چیئرمین بلاول بھٹو زرداری، پیپلز پارٹی کے ایم پی اے حاجی علی حسن زرداری اور پیپلز پارٹی کے ضلعی صدر صادق علی میمن سے مطالبہ کیا ہے ہمیں تحفظ فراہم کیاجائے-

ٹھٹھہ،باغی ٹی وی( نامہ نگار راجہ قریشی)صحافیوں کے چوری شدہ موبائل فونز،موٹرسائیکل اور کارکی ریکوری نہ پر ،ایس ایس پی آفس کے سامنے احتجاج
تفصیل کے مطابق ایک ماہ قبل سینئیر صحافی مرزا ثمر حسن بیگ کی گھر سے آگے سے موٹر سائیکل چوری ہونے ،صحافی مرزا حسن بیگ کا سرکاری موبائیل اور ممتاز جوکھیو کی کار چوری ہونے کے خلاف آج ایس ایس پی ٹھٹھہ کی آفس کے سامنے ایک پرامن مظاہرہ کیا گیا مظاہرے میں شامل انٹرنیشنل ہیومن رائیٹس کے چییرمین الطاف تونیو، اور شیر علی شاہ، برائٹ فیوچر ڈویلپمنٹ آرگنائزیشن کے ضلعی صدر ذوالفقار ساٹی، صحافی اے بی شورو، صحافی منظور خاصخیلی ، صحافی ممتاز جوکھیو مرزا اکبر حسن بیگ مرزا حسن بیگ ثمر بیگ اور دیگر مقررین نے کہا کہ آج 27 رمضان کے مقدس دن کی وجہ سے ان کی جانب سے انتہائی مختصر احتجاج رکارڈ کرایا گیا ہے اگر عید سے پہلے چوری شدہ اشیاء نہیں ملیں تو نہ صرف ضلع لیول بلکہ پاکستان لیول پر احتجاج رکارڈ کرایا جائے گا انہوں نے کہا کہ چوریوں کی زمہ دار موجودہ پولیس خاص طور سے ایس ایچ او ٹھٹھہ ہے جو ہاتھ سے چوریاں کروا رہا ہے پولیس امن و امان قائم کرنے میں مکمل نا کام ہوچکی ہے دن دہاڑے وارداتیں ہورہی ہیں لیکن پولیس خاموش تماشائی بنی ھوئی ہے

سیالکوٹ، باغی ٹی وی( شاہد ریاض سٹی رپورٹر) کھلی کچہری ،ڈی پی او نے مردو خواتین کو پولیس کی ستائش سے روک دیا
تفصیل کے مطابق ڈی پی او حسن اقبال کی تھانہ سمبڑیال میں کھلی کچہری شرکاء کو پولیس کی ستائش سے روک دیا،مردوخواتین کی درخواستوں پر فوری قانونی کارروائی کے احکامات جاری،تفصیلات کے مطابق آئی جی پنجاب ڈاکٹر عثمان انور کے احکامات کی روشنی میں ڈی پی او حسن اقبال نے تھانہ سمبڑیال میں کھلی کچہری لگائی جو اس لحاظ سے منفرد اور غیر معمولی تھی کہ اس میں شریک مردو خواتین کو پولیس کی ستائش سے روک دیا گیا،کھلی کچہری سے خطاب کرتے ہوئے ڈی پی او حسن اقبال نے کہا کہ قابل دست اندازی پولیس جرم کی صورت میں اندراج مقدمہ میں ایک لمحہ کی تاخیر بھی برداشت نہیں کی جائے گی،پولیس اور قانون پسند عوام میں خلیج کو کم۔سے کم۔کرنے کے لئے ضروری ہے کہ پولیس عملی طور پر تھانوں کو شرفاء کے لئے دارالامان اور قانون شکنوں کے لئے دارالحساب بنائے،ڈی پی او نے کہا کہ تھانوں میں غیر قانونی بندش کسی صورت بھی قابل برداشت نہیں،سرکلز کے ایس ڈی پی اوز اپنے تھانوں کے وزٹ کو باقاعدہ بنائیں،اگر کسی تھانہ میں سرہرائیز وزٹ کے دوران غیر قانونی بندش پائی گئی تو زمہ دار پولیس افسران و اہلکاروں کے خلاف سخت محکمانہ و فوجداری کارروائی ہو گی،ڈی پی او نے کہا کہ کھلی کچہریوں کا سلسلہ جاری رہے گا اس کا مقصد عوام کو ان کی دہلیز پر انصاف مہیا کرنا ہے,ڈی پی او حسن اقبال نے عوامی شکایات پر ڈی ایس پی سمبڑیال کو قتل کے 4 مقدمات کی تفتیش اپنی نگرانی میں میرٹ پر مکمل کروا کر اس کی رپورٹ ڈی پی او آفس کو بھجوانے کی ہدائت کی

سرگودھا،باغی ٹی وی( ملک شاہنواز جالپ،نامہ نگار ) مین بازاروں میں عید تک کمرشل گاڑیوں کے داخلوں پر پابندی عائد
تفصیل کے مطابق سرگودھا ٹریفک پولیس کی طرف سے تمام مین بازاروں میں عید تک کمرشل گاڑیوں پر پابندی کی وجہ سے ٹریفک جام کے عذاب سے عوام محفوظ ہے۔ٹریفک پولیس اہلکاروں نے بتایاکہ ٹریفک پولیس کی جانب سے شہر بھر کے تمام مین بازاروں رکشہ، چنگ چی، لوڈر رکشہ،گدھا گاڑی، پک اپ و دیگر کمرشل گاڑیوں پرعید تک پابندی لگائی گئی ہے تاکہ ٹریفک کی روانی کو بحال رکھاجا سکے۔عیدتک ٹریفک پولیس کا لفٹر بازاروں میں گھومتا رہے گا اور غلط پارک کی گئی گاڑیوں کو فوری طورپر اُٹھا لیا جائے گا۔اس لیے عوام سے اپیل ہے کہ پریشانی سے بچنے کے لیے اپنی گاڑیوں کو غلط پارک نا کریں اور ٹریفک پولیس اہلکاروں سے بھرپور تعاون کریں ہم آپکی حفاظت کے لیے ہر وقت موجود ہیں۔

سرگودھا،باغی ٹی وی(ملک شاہنواز جالپ ،نامہ نگار)پولیس تھانہ عطا شہید 10ماہ گزر جانے کےبعد بھی سینٸر صحافی مقتول لالہ فضل جان کے قاتلوں کا سراغ نہ لگا سکی۔جبکہ تین ماہ قبل قتل ہونے والے تاجر چوہدری لیاقت جٹ کا کیس بھی لٹک گیااور چند روز قبل قتل ہونے والے تاجر چوہدری عنصر جاوید چٹھہ کے قتل کا کوئی سراغ نہ مل سکا۔سٹون کریشرزمالکان مقتولین کے ملزمان گرفتار نہ ہونے پرسراپا احتجاج ہیں۔اور پل گیارہ سٹون کرشنگ مارکیٹ میں خوف کی فضا قائم ہوتی جارہی ہے۔پل گیارہ سٹون کرشنگ انڈسٹری کے تاجروں نے آئی جی پنجاب ڈاکٹر عثمان انور۔ڈی پی او سرگودھا محمد فیصل کامران سے ملزمان کی جدید ٹیکنالوجی کے ذریعے ٹریسنگ کا مطالبہ کرتے ہوئے تھانہ عطا شہید میں اہل۔کرائم فائٹر ایس ایچ او تعینات کرنے کا مطالبہ کیا ہے تاکہ علاقہ میں امن وامان برقرار رہ سکے۔

کوٹ ہیبت باغی ٹی وی (شاہد خان )تفریحی پارک میلوں کی وجہ سے برباد ہونے لگے
تفصیل کے مطابق ڈیرہ غازیخان میں کمپنی باغ جو کہ سٹی پارک کے نام سے مشہور ہے میں عید میلہ لگایا جا رہا تھا حال ہی میں کروڑوں روپے لگا کر سٹی پارک کی لوکیشن کو تبدیل کیا گیا اب وہاں پر میلہ لگا کر سٹی پارک کو دوبارہ تباہ کرنا چاہتے ہیں یہ پارک شہر کے بالکل سنٹر میں واقع ہے اور میل فی میل اور بچوں کی تفریح کے لئے بہترین پوائنٹ ہے ،میلے کی وجہ سے اس پارک کی حالت بالکل ابتر ہوجائے گی، یہاں کے ایک مقامی صحافی نے یہ بات ڈپٹی کمشنر کے نوٹس میں دی اور ڈپٹی کمشنر نے اس بات کا فی الفور نوٹس لیا اور میلے کو سٹی پارک سے ختم کرنے کا حکم دیا،اب صورتحال یہ ہے کے وہ میلہ اب نواز شریف پارک میں لگایا جا رہا ہے نواز شریف پارک پر بھی حال ہی میں کروڑوں روپے کے فنڈز لگا کر اس کی لوکیشن کو بہتر بنایا گیا ، میلے کی وجہ سے پہلے سٹی پارک کا بیٹرا غرق کیا جا رہا تھا اب نواز شریف پارک کاتباہ ہوجائے گاحالانکہ میلے کے لیے ضلع کونسل کی جگہ بہترین پوائنٹ ہے،عوامی وسماجی اورشہری حلقوں نے کمشنر سے مطالبہ کیا ہے کہ میلہ لگانے کے لیے ضلع کونسل کی جگہ والا پوائنٹ ہی دیا جائے تاکہ مقامی پارک اس میلے کی وجہ سے برباد نہ ہوں-

ٹبہ سلطان پور،باغی ٹی وی (نامہ نگار)افسوس ناک روڈ حادثہ, اڈا 122 کوٹھی کے قریب تیز رفتار لوڈر ہنڈائ ڈالہ نمبری LEB/0604 کا ٹائر پھٹنے سے درخت کے ساتھ ٹکرانے کے نتیجے میں ایک شخص شدید زخمی ہوگیا جس کی حالت تشویشناک بتائی جارہی ہے ریسکیو 1122 ٹبہ سلطان پور کے عملے نے زخمی شخص کو ابتدائی طبی امداد دینے کے بعد جہانیاں ہسپتال منتقل کر دیا ہے.