Author: ڈاکٹرغلام مصطفی بڈانی

خانقاہ ڈوگراں،باغی ٹی وی (نامہ نگارعلی رضا رانجھا) پولیس کا مویشی چوروں کے خلاف کریک ڈاؤن آپریشن ،48گھنٹوں کے دوران پولیس نے مختلف جگہوں پر چھاپے مار کر لاکھوں روپے مالیت کے مویشی برآمد کر کے مالکان کے حوالے کردیئے ،
تفصیل کے مطابق مویشی مالکان کا پولیس کی اعلیٰ کارکردگی پر خراج تحسین خانقاہ ڈوگراں کےمختلف گاؤں سے مویشی چوری ایک کے بعد ایک چوری کی وارداتیں پولیس کے لئے ایک چیلنج بن گئیں ،ڈی پی او شیخوپورہ کی خصوصی ہدایت پر ایس ایچ او جمیل بھٹی نے خود اپنی نفری کے ہمراہ خانقاہ ڈوگراں کے مختلف علاقوں میں اپریشن کیا اپریشن کے دوران ایک چور گرفتار اور دوسرے چوروں کی گرفتاری کے لئے پولیس مختلف جگہوں پر چھاپے مار رہی ہے۔ مالکان نے ایس ایچ او جمیل بھٹی کی جاندار کارروائی کی تعریف کرتے ہوئے ڈی پی او شیخوپورہ اور سرکل ڈی ایس پی کا شکریہ ادا کیا ،ڈی پی او شیخوپورہ نے ایس ایچ او جمیل بھٹی اور پولیس پارٹی کے لئے انعام اور تعریفی اسناد دینے کا اعلان کیا

چونیاں،باغی ٹی وی(نامہ نگار) عید سے قبل پٹرول،بجلی گیس اور دیگر اشیاء خوردونوش کی قیمتوں میں اضافہ کر کے امپورٹڈ حکومت اپنی قبر کھود رہی ہے،حکومت کی ساری توجہ پی ٹی آئی راہنماؤں کے انتقامی کارروائیوں میں ہے،ان خیالات کا اظہار پی ٹی آئی پی پی 178 کے امیدوار میاں حمبل ثناء کریمی نے صحافیوں سے گفتگو کرتے ہوئے کیا انہوں نے کہا کہ امپورٹڈ حکومت ہر محاذ پر ناکام ہوچکی ہے جتنی رسوائی میاں خاندان کے حصہ میں آب آ رہی ہے تاریخ میں اسکی مثال نہیں ملتی ملک میں مہنگائی کا طوفان برپا کر کے پی ڈی ایم ٹولہ خود اپنی قبر کھود رہا ہے عید سے قبل عوام الناس کو ریلیف فراہم کرنے کی بجائے پٹرول،بجلی گیس اور دیگر اشیاء خوردونوش کے نرخ بڑھائے جا رہے ہیں انہوں نے مزید کہا کہ حکومت کی ساری توجہ پی ٹی آئی راہنماؤں کے خلاف انتقامی کارروائیاں کرنے میں ہے جب بھی انتخابات ہوئے پی ڈی ایم ٹولے کو اسکے نتائج بھگتنے ہوں گے حکومتی اتحاد کی تمام جماعتیں اپنے اپنے کیسز ختم کروا کر ملک کو دونوں ہاتھوں سے لوٹ کر دیوالیہ بنا رہی ہیں۔ رانا ثناء اللہ کا بیان کہ الیکشن 14 مئی کو نہیں ہوں گے جتنا مرضی زور لگا لیں۔ سیدھی عدلیہ کے ساتھ جنگ ہے جسے عدالت کو نوٹس لینا چاہیے ایسے وزیر ملک کو آندھیوں میں لے کر جا رہے ہیں

چونیاں،باغی ٹی وی (نامہ نگار) محکمہ وائلڈ لائف کے ملازمین سے شکاریوں کا ساز باز ہو کر چھانگا مانگا جنگل میں نایاب ہرنوں کا شکار کرنا معمول بن گیا، پکڑے گئے دو شکاروں کو اسسٹنٹ ڈائریکٹر وائلڈ لائف نے چھوڑ دیا باقی شکاری دو زخمی ہرن چھوڑ کر فرار-
تفصیلات کے مطابق چونیاں چھانگا مانگا جنگل میں نایاب ہرن کا شکار معمول بن گیا ہے جنگل شکاریوں کیلئے سونے کی چڑیا، محکمہ وائلڈ لائف سے سازباز ہو کر شکار کرنا معمول بن گیا،اسسٹنٹ ڈائریکٹر وائلڈ لائف ذیشان نے مبینہ طور پر پکڑے گئے دو شکاروں شعیب عرف بچھو اور عامر عرف عامری کو ساز باز ہو کر چھوڑ دیا ہے، 12کے قریب شکاری چھانگامانگا جنگل میں ناجائز طور پر بلاک 5 ،4 میں شکار کر رہے تھے کہ وائلڈ لائف محکمہ نے 2 شکاریوں کو دھر لیا تھا, محکمہ وائلڈ لائف کے اعلیٰ حکام کو اطلاع ہونے کے باوجود اسسٹنٹ ڈائریکٹر ذیشان کے خلاف کارروائی نہ ہو سکی۔ رانا عدنان، ارشاد بشیر، عاشق عباس و دیگر علاقہ مکینوں نے بتایا کہ عرصہ سے شکاری محکمہ وائلڈ لائف کے ساتھ ساز باز ہو کر نایاب ہرنوں کا شکار کر چکے ہیں 12 کے قریب شکاری دو زخمی ہرنوں کو چھوڑ کر فرار بھی ہوئے ،محکمہ وائلڈ لائف شکار کو روکنے میں ناکام ہیں، نایاب جانوروں کا شکار روکنے کیلئے ایماندار افسران تعینات کئے جائیں

چونیاں،باغی ٹی وی(نامہ نگار)چودہ سالہ گھریلو ملازمہ بچی کو پولیس افسر کی بیگم کے پالتو کتے نے نوچ ڈالا،بچی کو بغیر علاج کروائے لاہور سے واپس الہ آباد بھیج دیا۔متاثرین کا اعلیٰ حکام سے انصاف کا مطالبہ
تفصیلات کے مطابق چونیاں کے نواح الہ آباد کی رہائشی چودہ سالہ سعدیہ لاہور کے علاقہ پیراگون سوسائٹی میں پولیس افسر کے گھر کام کرتی تھی گزشتہ روز پولیس افسر کی بیوی کے پالتو کتے نے بچی پر حملہ کرکے اسے شدید زخمی کر دیا کتے نے سعدیہ کو چھاتی کے نازک اعضاء سمیت جسم کے دیگرحصوں پر بری طرح کاٹا۔ با اثر مالکان نے سعدیہ کو شدید زخمی حالت میں بغیر علاج کروائےالہ آباد گھر بھجوا دیا چودہ سالہ سعدیہ اور اسکی والدہ نے وزیر اعلی پنجاب اور وزیر اعظم پاکستان شہباز شریف سے انصاف کی اپیل کر دی۔

سیالکوٹ.باغی ٹی وی ( سٹی رپورٹر شاھد ریاض رپورٹ ) انٹر پول کے ذریعے قتل، اقدام قتل سمیت 8 مقدمات میں انتہائی مطلوب اشتہاری ملزم جاپان سے گرفتار
تفصیل کے مطابق ڈی پی او نے انٹر پول کے زریعے قتل، اقدام قتل سمیت 8 مقدمات کا انتہائی مطلوب اشتہاری ملزم جاپان سے گرفتار کروا دیا. آئی جی پنجاب ڈاکٹر عثمان انور کے احکامات کی روشنی میں ڈی پی او حسن اقبال نے قانونی طریق کار کے تحت خطرناک اشتہاری ملزمان کی اندرون و بیرون ملک سےگرفتاری کے لئے اپنی نگرانی میں جو آپریشن شروع کروایا اس کے نتائج برآمد ہونا شروع ہو گئے ہیں،تھانہ سترا،تھانہ ڈسکہ کو شاہدجاوید نامی شخص قتل اور اقدام قتل سمیت 8 مقدمات میں مطلوب تھا ملزم پولیس سے خود کو بچاتے ہوئے بیرون ملک جاپان فرار ہو گیا،جس کی گرفتاری کے لئے باقاعدہ ریڈ وارنٹ جاری کروائے گئے جس کی روشنی میں ملزم شاہد جاوید کو جاپان سے گرفتار کروا دیا گیا ،جس کی گرفتاری کو عوامی حلقوں نے ڈی پی او حسن اقبال کی پروفیشنل کمانڈ کا عملی اظہار قرار دیا ہے،ڈی پی او حسن اقبال کا کہنا ہے کہ پولیس کو مطلوب شخص جہاں کہیں بھی ہو اسے قانون کے ذریعے گرفتار کر لیا جائے گا کیوں کہ قانون سب سے زیادہ طاقتور ہے قانون سے زیادہ طاقتور اور بالادست کوئی بھی نہیں ہے

ٹھٹھہ،باغی ٹی وی ( نامہ نگار راجہ قریشی)پولیس پوسٹ جنگشاہی نے گٹکا فیکٹری پکڑلی
تفصیل کے مطابق ایس ایچ او تھانہ مکلی سب انسپکٹر اصغر علی شاہ اور انچارج پولیس پوسٹ جنگشاہی سب انسپکٹر شوکت علی درس بمعہ اسٹاف نے کلاکوٹ مکلی تعمیراتی جیل کے قریب بدنام گٹکا فروش قاسم صابرو کی گٹکا فیکٹری پر چھاپہ مار کارروائی کرکے گٹکا فیکٹری سے 20 کلو بھیگی ہوئی چورا سپاری، 6 کلو تمباکو پتی، 2 ریپر پنی رول، 1 پیکنگ مشین اور ، 105 پیکٹ گٹکا ماوا برآمد کرکے ملزمان کے خلاف تھانہ مکلی پر گٹکا ایکٹ کے تحت مقدمہ درج کردیا گیا ہے۔ فرار ملزمان کی گرفتاری کے لیے پولیس کے چھاپے جاری ہیں مزید تفتیش جاری ہے۔

سیالکوٹ، باغی ٹی وی( شاھد ریاض سٹی رپورٹر )کرائم چھپانے کی بجائے ٹریس کرنے سے کم ہوتا ہے _ ڈی پی او
تفصیل کے مطابق ڈی پی اوسیالکوٹ حسن اقبال نے کہا کہ کرائم چھپانے کی بجائے ٹریس کرنے سے کم ہوتا ہے،کرائم ہونے کے بعد اس کو ٹریس کرنے کے لئے جدید سائنسی ٹیکنالوجی سمیت ہر قسم کی معاونت پولیس کو فراہم کی جائے گی تاہم اگر کسی نے کرائم چھپانے کی کوشش کی تو اس کے خلاف فوری طور پر سخت محکمانہ احتسابی کارروائی کی جائے گی،ڈی پی او حسن اقبال نے کہا کہ کسی بھی شکل میں معاشرے کے اندر شر انگیزی یا نفرتیں پھیلانے کی ہرگز اجازت نہیں دی جا سکتی،شر انگیزی اور نفرتیں پھیلانے والے نیشنل ایکشن پلان کے تحت خود تو گرفتار ہوں گے ہی ان کے ساتھ ان کے ہر قسم کے سہولت کاروں کو بھی گرفتار کر کے ان کے خلاف قانون کے مطابق مقدمات درج کئے جائیں گے۔۔