Author: ڈاکٹرغلام مصطفی بڈانی

بھکر،باغی ٹی وی( نامہ نگار اتباع رسول ملنگی سے) ضلعی بحالی و تربیتی کمیٹی برائے معذوراں کا خصوصی اجلاس ڈپٹی کمشنر ڈاکٹر نور محمد اعوان کے زیر صدارت منعقد ہوا جس میں ڈپٹی ڈائریکٹر سوشل ویلفیئر اینڈ بیت المال ملک مشتاق حسین سمیت کمیٹی کے دیگر ممبران نے شرکت کی ۔ڈپٹی کمشنر ڈاکٹر نور محمد اعوان نے کہا کہ ضلع بھر میں خصوصی افراد کے مسائل ترجیحی بنیادوں پر حل کئے جارہے ہیں علاؤہ ازیں خصوصی افراد کو مالی امداد بھی فراہم کی جائے گی اس سلسلہ میں ڈپٹی ڈائریکٹر سوشل ویلفیئر اینڈ بیت المال ملک مشتاق حسین نے بتایا کہ ضلع بھر کے چالیس (40)خصوصی افراد میں مجموعی طور پر اڑھائی لاکھ روپے چھ ہزار فی کس کے حساب سے تقسیم کئے جائیں گے جس کیلئے پلان کو حتمی شکل دے دی گئی ہے ۔ڈپٹی کمشنر ڈاکٹر نور محمد اعوان نے اس موقع پر خطاب کرتے ہوئے کہا کہ خصوصی افراد ہماری خصوصی توجہ کے مستحق ہیں اور دستیاب وسائل میں انکے مسائل کو حل کرنے کیلئے ہر ممکن اقدامات اٹھائے جائیں گے .

پشاور،باغی ٹی وی (ویب نیوز) خیبرپختونخوا میں ہونے والے پولیس کے تبادلوں ایک شہید ہونے والے ڈی ایس پی کا نام بھی میں شامل کر دیاگیا ہے۔
یاد رہے ڈی ایس پی عصمت شاہ پولیس لائن مسجد میں ہونے والے خودکش دھماکے میں شہید ہوئے تھے تاہم پولیس افسران کے تبادلوں کی فہرست میں ان کا نام بھی شامل ہے ۔
کے پی پولیس اعلامیے میں شہید ڈی ایس پی کا تبادلہ ایڈیشنل آئی جی سی ٹی ڈی کے ڈسپوزل پر چھوڑ دیا گیا ہے۔پولیس ترجمان کا اس حوالے سے کہنا ہے کہ گزشتہ سال بورڈ میٹنگ میں ڈی ایس پی کی پروموشن کا فیصلہ ہوا تھا، اس میٹنگ کے تناظر میں شہید ڈی ایس پی عصمت شاہ کا نام لسٹ میں آ یا ہے۔

اسلام آباد .کندھ کوٹ،رحیم یارخان ،ڈی جی خان (باغی ٹی وی )وفاقی کابینہ نے کچے کےعلاقے میں آپریشن کیلئے فوج کی تعیناتی کی منظوری دے دی ہے۔کابینہ سے منظوری سرکولیشن سمری کے ذریعے لی گئی ہے۔
پنجاب حکومت نے فوج کی خدمات حاصل کرنے کیلئے وفاق سے رجوع کیا تھا، پنجاب حکومت نے 24 اپریل تک فوج کی خدمات کی درخواست کی ہے۔
پنجاب حکومت کی جانب سے آپریشن ختم نہ ہونے کی صورت میں 5 مئی تک توسیع کی بھی درخواست کی گئی ہے۔
خیال رہے پولیس کا کچے کے ڈاکوؤں کیخلاف آپریشن ساتویں روزمیں داخل ہوگیا ہے ، پولیس کچہ میں لاٹھانی گینگ کی کمین گاہوں میں داخل ہوئی تو لاٹھانی گینگ اپنی کمین گاہیں چھوڑ کر دریائی جزیرے میں فرار ہوگئے۔پولیس نےلاٹھانی گینگ کی کمین گاہوں کومسمارکرکےنذرآتش کردیا اور کمین گاہوں سے راکٹ لانچر، اینٹی ایئر کرافٹ گن اور ہزاروں ہینڈگرنیڈز برآمد کرلئے ہیں۔ترجمان نے بتایا کہ پولیس نے جزیرے کا محاصرہ کرلیا ہے، جہاں شدید فائرنگ کاسلسلہ جاری ہے۔
دوسری جانب کشمور کے کچے میں پولیس کی جانب آپریشن کیا گیا جہاں ڈاکوؤں سے مقابلے میں دو اہلکار شہید ہوگئے۔مقابلے میں ایس ایچ اوگل محمد زخمی ہوئے جبکہ کچے کے علاقے میں پولیس اور ڈاکوؤں کے درمیان فائرنگ کا تبادلہ جاری ہے۔
پولیس کے مطابق یہ واقعہ تب پیش آیا جب کچے میں نئی چیک پوسٹ قائم کی جارہی تھی کہ اس دوران ڈاکوؤں نےحملہ کردیا جس پر پولیس کی جانب سے بھی جوابی فائرنگ کی گئی تاہم ڈاکو فرار ہوگئے۔
آج ہی آرمی چیف کی صدارت کورکمانڈرز کانفرنس ہوئی، جس میں عزم کا اظہار کیا کہ مسلح افواج اندرونی اور بیرونی خطرات کا جواب دینے کے لئے ہمہ وقت تیار ہیں۔آئی ایس پی آر نے بتایا کہ کورکمانڈرز کانفرنس میں پاکستان کو درپیش بیرونی اور اندرونی سیکیورٹی چیلنجز پر بھی تبادلہ خیال کیا گیا۔

ٹھٹھہ،باغی ٹی وی (نامہ نگار راجہ قریشی)سماجی و انسانی حقوق کے علمبردارسید الطاف شاہ شیرازی کا تعمیر خلق فاؤنڈیشن کے ضلعی دفتر کا دورہ اور پراجیکٹ منیجر نگہت سلطانہ سے ملاقات، پراجیکٹ پر تفصیلی تبادلہ خیال ۔
تفصیلات کے مطابق انٹرنیشنل ہیومن رائٹس موومنٹ ٹھٹھہ ضلع کے کمپلنٹ سیل انچارچ امن کے سفیر سید الطاف شاہ شیرازی کا ٹھٹھہ میں ایک این جی او کے تعاون سے جاری منصوبے کے تحت 70 غیر رسمی تعلیمی مراکز جس میں تعمیر خلق فاؤنڈیشن کی جانب سے لڑکیوں کی تعلیم پر خصوصی توجہ دینے کا عمل قابل تحسین ہے، سنیٹرز کا دورا اور مسائل کے حل کے لیے مشترکہ کوششیں تیز کرنے پر اتفاق کیا گیا، اس موقع پر پراجیکٹ منیجر نگہت پٹھان نے بتایا کہ 140 مقامی اساتذہ کی خدمات حاصل کر کے ضلع کو لاکھوں روپے ماہانہ اور 9 پراجیکٹ فیلڈ سٹاف کو لاکھوں روپے کی تنخواہ کی ادائیگی کی جاتی ہے جبکہ مقامی دکانداروں کو بھی اچھا روزگار فراہم کیا جا رہا ہے۔ تیل، کار ڈرائیور بھی مقامی ہیں نگہت پٹھان نے مزید کہا پراجیکٹ کے تحت 2100 بچوں کو مڈل لیول کی تعلیم اور کورسز کرائے جاتے ہیں جس سے چھوٹے پیمانے پر روزگار کے مواقع پیدا کیے جائیں گے۔ کمیونٹی کی سطح پر مسائل کا ذکر کرتے ہوئے انہوں نے کہا کہ تعلیم دشمن عناصر ضلع کی ترقی کو برداشت نہیں کرتے وہ جاری منصوبے کے لیے مسائل پیدا کرنا چاہتے ہیں، جس کے لیے حکومتی اداروں کو خط لکھ کر آگاہ کر دیا ہے، جس پر الطاف شاہ شیرازی نے کہا کہ ہم سکولوں کا دورہ کریں گے اور تمام جائز مقامی سطح پر مسائل کے حل کیلئے باہمی مشاورت کے بعد کوششیں تیز کی جائینگی ۔تعلیم اور ضلع ٹھٹھہ کی بہتری کے لیے مکمل تعاون کی یقین دہانی بھی کرائی۔

ننکانہ صاحب ،باغی ٹی وی (نامہ نگاراحسان اللہ ایاز)پاکستان مرکزی مسلم لیگ کے صدر خالد مسعود سندھو ایڈووکیٹ نے پریس کانفرنس سے خطاب کرتے ہوئے کہا کہ ہم خدمت کی سیاست کو لیکر میدان میں اترے ہیں، سیاست ،صحت ،تعلیم اور انصاف کے اداروں میں اصلاحات کرکے ملک کو ترقی کی راہ پر گامزن کیا جاسکتا ہے،حکمرانوں نے قرضے لیکر ملک کو ان قرضوں کے بوجھ کے نیچے دبا دیا ہے، کبھی بھی قرضے لیکرملکی معیشت میں استحکام پیدا نہیں کیا جاسکتا ہے، اس کا واحد حل خود انحصاری اور کفایت شعاری کی پالیسی کو اپنا کر اور اپنے وسائل کو بروئے کار لاکر، ملک کو درپیش چیلنجز سے نکالا جا سکتا ہے، اگر ہم چاہتے ہیں کہ ہمارا ملک ترقی کرے تو ہمیں انصاف کے نظام کو بہتر کرنا ہو گا اور اس کی شروعات اپنے آپ سے کرنا ہوگی،

حکمرانوں نے قرضے لیکر ملک کو ان قرضوں کے بوجھ کے نیچے دبا دیا ہے، کبھی بھی قرضے لیکرملکی معیشت میں استحکام پیدا نہیں کیا جاسکتا ہے-پاکستان مرکزی مسلم لیگ کے صدر خالد مسعود سندھو ایڈووکیٹ@BaaghiTV @MumtaazAwan @PMMLMedia pic.twitter.com/9wOWFMnVO9

— QNN WORLD (@QNN_World) April 14, 2023

اس وقت پورے ملک میں پاکستان مرکزی مسلم لیگ عوام الناس کے لیے سحری و افطاری کے دسترخوان لگا رہی ہے، جس کا مقصد عوام کی خدمت کرکے رمضان المبارک کی ان ساعتوں میں اللہ کی رضا کو تلاش کرنا ہے،میڈیا کا کام لوگوں کو درست سمت میں لیکر جانا ہے، ملکی مفاد کی خاطر مثبت پہلوئوں کو اجاگر کرنا ہے،پریس کانفرنس سے پاکستان مرکزی مسلم لیگ کے جنرل سیکرٹری چوہدری محمد اعظم ، پاکستان مرکزی مسلم لیگ سوشل میڈیا کے ہیڈ طہٰ منیب ،پاکستان مرکزی مسلم لیگ لاہور کے ڈویژنل صدر چوہدری سرور، سرپرست ضلع ننکانہ صاحب رانا عارف جبران،پاکستان مرکزی مسلم لیگ ننکانہ صاحب کے صدر لیاقت حیات بھٹی ایڈووکیٹ ،سینئر نائب صدر میاں محمد عابد،جنرل سیکرٹری غریب عالم سمیت دیگر رہنمائوںنے بھی شرکت کی-

ننکانہ صاحب باغی ٹی وی ( نامہ نگار احسان اللہ ایاز) یوم القدس کے حوالے سے ریلی نکالی گئی
تفصیل کے مطابق ننکانہ صاحب میں بھی نماز جمعہ کے بعد مرکزی امام بارگاہ قصر فاطمۃ الزہرہ سے یوم القدس کی آزادی کے حوالے سے ریلی نکالی گئی جس میں جماعت اسلامی ضلع ننکانہ کے سٹی امیر محمد اسلم اور عاطف ظفر سمیت مکتبہ اہل تشیع کے سینکڑوں افراد نے شرکت کی ریلی کی قیادت (زوار) ڈاکٹرقمر حسین نے کی اور ریلی کے شرکاء نے بینرز اور پلے کارڈ اٹھا رکھے جس پر القدس کی آزادی کے حوالے سے نعرے درج تھے شرکاء ریلی نے نعرے بھی لگائے کہ امریکہ کی بربادی تک اور القدس کی آزادی تک جنگ رہے گی جنگ رہے گی غلام ہیں رسول کے غلام ہیں غلامی رسول میں موت بھی قبول ہے جب ریلی بیری والا چوک پہنچی تو جماعت اسلامی کے محمد اسلم اور علی رضا بھٹی نے شرکاء سے خطاب کرتے ہوئے کہا کہ آج پوری دنیا میں دو ہی مذہب ہیں ایک حسینی ہے اور دوسرا یزیدی ہے اور کربلا بھی ہمیں یہی درس دیتی ہے کہ ڈٹ جاؤ حسین کے انکار کی طرح حق بات کرو چاہیے اس کیلئے تمہیں اپنی جان کی قربانی کیوں نہ دینی پڑے حق بات اور حق کا ساتھ نہ چھوڑو جب حق پر چلا جاتا ہے تو پھر مشکلیں اور مصیبتیں تو آتی ہیں لیکن حق کا ساتھ دینا چاہیے وہ دن دور نہیں جب امریکہ اور اسرائیل تباہ و برباد ہوگا اور قبلہ اول آزاد ہوگا اور آخر میں دعا بھی کروائی گئی محکمہ پولیس کی جانب سے ریلی کی سیکیورٹی کے بھی خصوصی انتظامات کیے گئے تھے