Author: ڈاکٹرغلام مصطفی بڈانی

اوکاڑہ ،باغی ٹی وی(نامہ نگار ملک ظفر ) ڈپٹی کمشنر ڈاکٹر محمد ذیشان حنیف نے کہا ہے کہ پرائس کنٹرول مجسٹریٹس ضلع میں اشیائے ضروریہ کی مقررہ نرخوں پر فروخت کو یقینی بنانے کے لئے فیلڈ میں روزانہ کی بنیاد پر اقدامات کریں ذخیرہ اندوزوں ،بلیک مارکیٹنگ میں ملوث عناصر اور گراں فروشوں کے خلاف جرمانے کے ساتھ ساتھ مقدمات درج کرائے جائیں اشیائے ضروریہ کی مارکیٹوں میں انسپکشنز کو بڑھائیں پھلوں اور سبزیوں کی کوالٹی کو بھی چیک کریں ان خیالات کا اظہار انہوں نے پرائس مجسٹریٹس کو ہدایات جاری کرتے ہوئے کیا انہوں نے کہا کہ لوگوں کو ریلیف دینے کے لئے انتظامی مشینری کا فعال کردار اس بات کا متقاضی ہے کہ ہم اپنے فراءض بلاخوف و خطر ادا کریں ذخیرہ اندوزاور گرانفروش کسی رعائیت کے مستحق نہیں ہیں اور ان کے خلاف کاروائی کرتے ہوئے کسی دباوَ کو خاطر میں نہ لایا جائے لوگوں کے مفاد کو سب پر فوقیت دی جائے

شیخوپورہ،باغی ٹی وی(محمد طلال سے)تحصیل مریدکے راوی سائفن بی آربی کینال سے نوجوان کی لاش
تفصیل کے مطابق تحصیل مریدکے راوی سائفن BRB کینال سے نوجوان کی لاش برآمد ہوئی ہے،مریدکے اطلاع موصول ہوتے ہی ریسکیو کنٹرول نے فوراً ایمرجنسی گاڑیاں روانہ کیں۔ریسکیو 1122 کے امدای ٹیموں نے فوراََ ریسپانس کر کے تقریباً 30 سالہ نوجوان کی لاش کو ریسکیو کر کے پولیس کے حوالے کر دیا.جس کی تاحال شناخت نہیں ہوسکی-

ٹبہ سلطان پور،باغی ٹی وی (نامہ نگار ) ذخیرہ اندوزی, ناجائز منافع خوری اور مصنوعی قلت پیدا کرنے والوں کے خلاف کارروائیوں میں تیزی آگئی ہے شہر ٹبہ سلطان پور گردونواح میں سپیشل برانچ اورضلعی انتظامیہ تحصیلدار میلسی اور سپیشل پرائس کنٹرول مجسٹریٹ تحصیل میلسی کی جانب سے ناجائز منافع خوروں سٹاکیوں اور مصنوئی مہنگائی اور ۔مصنوعی قلت پیدا کرنے والے مگر مچھوں کے خلاف کریک ڈاون کروڑوں روپے مالیت کی 2500 بوری چینی برآمد اور لاکھوں روپے جرمانے بھی کیے گئے اجمل کریانہ سٹور ٹبہ سلطانپور کے گودام سے 1200 بوری سٹاک برامد,
یعقوب کریانہ سٹور ٹبہ سلطانپور کے گودام سے 900 بوری چینی سٹاک برامد, طارق صدیق کریانہ ٹبہ سلطانپور کے گودام سے 200 بوری چینی برآمد,خلیل کریانہ ٹبہ سلطانپور کے گودام سے 200 بوری چینی برآمد مزید کاروائیوں کا سلسلہ جاری ہے

چونیاں،باغی ٹی وی( نامہ نگار)مسافر گاڑیوں سمیت سکول و کالج کی پک اینڈ ڈراپ سروس دینے والی گاڑیوں میں ایل پی جی سلنڈروں کا غیرقانونی استعمال سرعام جاری،تحصیل انتظامیہ اور محکمہ سول ڈیفنس خاموش تماشائی معصوم بچوں سمیت مسافروں کی زندگیاں داو پر لگ گئی۔ اعلیٰ حکام سے جلد نوٹس لینے کا مطالبہ۔تفصیلات کیمطابق چونیاں،الہ آباد، تلونڈی، چھانگامانگا، کنگن پور اور گردونواح میں تحصیل انتظامیہ اور سول ڈیفنس عملہ کی غفلت یا ملی بھگت سے سکول و کالجوں میں پک اینڈ ڈراپ سروس دینے والی گاڑیوں سمیت مسافر گاڑیوں میں سی این جی کی جگہ ایل پی جی گیس سلنڈروں کا استعمال سرعام جاری ہے جو کہ غیرقانونی اور ہر دم خطرناک عمل ہے جو کسی بھی وقت بڑے سانحہ کا باعث بن سکتا،ذرائع کیمطابق محکمہ سول ڈیفنس گاڑیوں میں ایل پی جی ریفلنگ کرنے والوں سے ماہانہ منتھلیاں وصول کر رہے جس کے باعث یہ دھندہ سرعام جاری ہے مسافروں اور بچوں کی زندگیاں داو پر لگ چکی لیکن پیسے کی چمک اس گھناونے عمل کو روکنے میں رکاوٹ ہے۔ شہریوں نے اعلیٰ حکام سے جلد نوٹس لےذمہ داران کیخلاف فوری کاروائی عمل میں لا کر ان تمام گاڑیوں کو بند کرنے کا مطالبہ کیا جن میں ایل پی جی گیس کا استعمال ہو رہا تاکہ بچوں اور مسافروں کی زندگیاں محفوظ رے سکیں۔

اوکاڑہ ،باغی ٹی وی (نامہ نگار ملک ظفر)سینئر صحافی اللہ دتہ اے ڈی سے ڈسٹرکٹ ہیڈکوارٹر ہسپتال اوکاڑہ کی ایمرجنسی میں تعینات ڈاکٹر کی جانب سے ہتک امیز رویہ پر پروفیشنل جرنلسٹ گروپ کی جانب سے بھرپور مذمت کی گئ انہوں نے کہا کہ صحافت ریاست کا چوتھا ستون ہے اور معاشرے کی آنکھ ہے ڈاکٹرز کا کام مریضوں کی جان بچانا ہے نہ کہ انسانیت کی تذلیل کرنا ہم اسکی بھرپور الفاظ میں مذمت کرتے ہیں اور حکومت وقت سے مطالبہ کرتے ہیں کہ اوکاڑہ ایمرجنسی میں جان بچانے والی ادویات کی فراہمی کو ہنگامی بنیادوں پر یقینی بنائیں اور ایمر جنسی میں تہذیب یافتہ با اخلاق ڈاکٹرز تعینات کیے جائیں جو فوری طور پر علاج معالجہ کر کے مریض کی جان بچا سکیں اور مریضوں کے لواحقین کے ساتھ اخلاق پیار محبت سے پیش آئیں

بھکر(باغی ٹی وی نامہ نگاراتباع رسول ملنگی سے ) منکیرہ میں اسسٹنٹ کمشنر کی کارروائی ،ذخیرہ کی گئی چینی برآمد
تفصیل کے مطابق ڈپٹی کمشنر بھکر کی ہدایت پر اسسٹنٹ کمشنر منکیرہ شاہد بشیر ڈار کی ذخیرہ اندوزوں کے خلاف کاروائیاں تسلسل سے جاری
اسسٹنٹ کمشنر منکیرہ نے کارروائی کرتے ہو گودام میں ذخیرہ کی ہوئی درجنوں گٹو چینی برآمد کرلی ،اسسٹنٹ کمشنر منکیرہ بشیر ڈار نے چینی ذخیرہ کرنے پر شیخ اکرام کریانہ کے گودام کو سیل بھی کر کے قانونی کارروائی کاآغازکردیا ہے ،
اس موقع پر اسسٹنٹ کمشنر منکیرہ شاہد بشیر ڈار نے کہا کہ ذخیرہ اندوزوں سے آہنی ہاتھوں سے نمٹاجائے گا-
بھکر۔۔اسپیشل مجسٹریٹ عدنان جمیل کا ذخیرہ اندوزوں کے خلاف بلا تسلسل کاروائیاں جاری خفیہ ادارے کی نشاندہی پر کاروائی کرتے ہوۓ اسپیشل مجسٹریٹ نے چک 30 ٹی ڈی اے بھکر میں ذخیرہ کی ہوئی پرائیویٹ گودام سے دو سو سے زائد چینی بوری برآمد کر لی اور گودام کو مکمل سیل کر دیا۔ مزید ایف آئی آر کے لیے استخاصہ متعلقہ تھانہ میں بھجوا دیا۔ ذخیرہ اندوزی اور ناجائز منافع خوری کے خلاف ضلعی انتظامیہ بھکر مکمل طور پر متحرک اور کاروائیاں جاری رکھے ہوئے ہے۔ عدنان جمیل کا کہنا تھا ناجائز منافع خوروں کے خلاف بلا تسلسل کارروائیاں جاری رہیں گی اور سخت سے سخت قانونی کاروائی عمل میں لائی جاۓ گی

بھکر باغی ٹی وی(نامہ نگاراتباع رسول ملنگی سے)فوڈ سیفٹی ٹیم ایکشن میں آگئی، 117 فوڈ پوائنٹس اور 35 دودھ بردار گاڑیوں کی چیکنگ
تفصیلات کے مطابق پنجاب فوڈ اتھارٹی فوڈ سیفٹی ٹیموں کی بھکر میں 117 فوڈ پوائنٹس اور 35 دودھ بردار گاڑیوں کی چیکنگ کی گئی،ملاوٹی دودھ، زائد المیعاد کولڈ ڈرنکس، ملاوٹی مصالحہ جات اور مضر صحت آئل تلف کردیا، قواعد و ضوابط کی خلاف ورزیوں پر 16 فوڈ پوائنٹس اور 4 دودھ بردار گاڑیوں کو جرمانے عائد کئے گئے،
معمولی نقائص اور انتظامات کو بہتر بنانے کیلئے 97 فوڈ پوائنٹس کو وارننگ نوٹسز جاری کیے گئے ہیں۔ پنجاب فوڈ اتھارٹی کے ذمہ داران کاکہناہے کہ
خوراک کی تیاری میں دھوکہ دہی کسی صورت برداشت نہیں کی جائے گی۔سحر و افطار میں فوڈ پوائنٹس کی چیکنگ کیلئے خصوصی ٹیمیں تشکیل دی گئی ہیں،شہری صحت دشمن عناصر کیخلاف ہیلپ لائن 1223 پر شکایات درج کروائیں۔