Author: ڈاکٹرغلام مصطفی بڈانی

ننکانہ باغی ٹی وی(نامہ نگاراحسان اللہ ایاز ) بین الاضلاعی خطرناک ریکارڈ یافتہ ڈکیت گزشتہ رات اپنے ساتھی ملزمان کی فائرنگ سے ہلاک
ننکانہ صاحب میں گذشتہ رات اپنے ساتھی ملزمان کی فائرنگ سے ہلاک ہونیوالے ملزم کی شناخت کا عمل مکمل ہو گیا۔ ہلاک ہونیوالا ملزم بین الاضلاعی خطرناک ریکارڈ یافتہ ڈکیت تھا۔ تفصیلات کے مطابق گذشتہ رات تھانہ صدر ننکانہ کے نواحی گاوں لیٹاں کے قریب چار کس نامعلوم ملزمان ڈکیتی کی واردات کر رہے تھے کہ 15 کی کال پر رسپانس کرتے ہوئے تھانہ صدر ننکانہ پولیس موقع واردات پر پہنچی تو ملزمان نے پولیس پر سیدھی فائرنگ شروع کر دی۔ ملزمان کی اپنی فائرنگ سے انکا ایک ساتھی ملزم زخمی ہو گیا۔ تین ملزمان موقع سے اپنی موٹر سائیکل چھوڑ کر فرار ہو گئے۔ تھانہ صدر ننکانہ پولیس زخمی ملزم کو ہسپتال لیجا رہی تھی کہ ملزم زخموں کی تاب نہ لاتے ہوئے دم توڑ گیا۔ ملزم کی شناخت ثقلین عباس کے نام سے ہوئی جو کہ ضلع فیصل آباد کے گاوں چکنمبر 364 گ ب جڑانوالا کا رہائشی تھا۔ ملزم کے خلاف ضلع فیصل آباد کے تھانہ روڈالہ روڈ، ضلع حافظ آباد کے تھانہ صدر پنڈی بھٹیاں اور ضلع ننکانہ کے تھانہ سید والا میں ڈکیتی و چوری سمیت 14 مقدمات درج تھے۔ ملزم نے علاقہ تھانہ روڈالہ روڈ میں دوران ڈکیتی ایک راہگیر کو قتل بھی کیا تھا جسکا مقدمہ روڈالہ روڈ تھانہ میں درج تھا۔ تھانہ تھانہ صدر ننکانہ پولیس نے ملزم کی نعش کا پوسٹ مارٹم کروا کے قتل کا مقدمہ درج کر لیا اور نعش ورثاء کے حوالے کر دی۔ ڈی پی او ننکانہ اعجاز رشید کا کہنا ہے کہ جرم کرنے والے جتنے بھی طاقتور اور چالاک کیوں نہ ہوں آخر کار اپنے انجام کو پہنچ ہی جاتے ہیں

شیخوپورہ، باغی ٹی وی (محمد طلال سے)شیخوپورہ نبی پورہ انڈرپاس سکول وین میں آگ لگ گئی تمام 18 بچے محفوظ رہے۔
تفصیل کے مطابق شیخوپورہ میں نبی پورہ انڈر پاس سکول وین کو آگ لگ گئی،آگ لگنے سے وین مکمل تباہ ہوگئی تاہم خوش قسمتی سے وین میں سوارسکول کت تمام 18 بچے محفوظ رہے، ریسکیو1122 کاکہنا ہے کہ وین کو آگ LPG لیکیج کی وجہ سے لگی۔ریسکیواطلاع موصول ہوتے ہی ریسکیو کنٹرول نے فوراً ایمرجنسی گاڑیاں روانہ کیں۔ریسکیو 1122 کے فائر فائٹرز نے فوراََ ریسپانس کر کے فائر فائٹنگ کرتے ہوئے آگ پر قابو پا لیا۔

راجنپور باغی ٹی وی ( نامہ نگار کنور اویس) راجن پور پولیس بہادر اور پروفیشنل فورس ہے جو ہر قسم کے چیلنج سے نمٹنے کی صلاحیت رکھتی ہے
ڈی پی او راجن پور
ڈسٹرکٹ پولیس آفیسر راجن پور محمد ناصر سیال کا ایس ایچ او تھانہ شاہوالی انسپکٹر نذر چانڈیہ اور ایس ایچ او تھانہ عمرکوٹ ابرار بلوچ کے ہمراہ کچہ میں موجود پولیس پکٹ نوز بندکا دورہ۔
تفصیلات کے مطابق ڈی پی او راجن پور محمد ناصر سیال نے روجھان پولیس پکٹ نوزبند کا دورہ کیا۔ دورہ کے دوران ڈی پی او کے ہمراہ ایس ایچ او تھانہ عمرکوٹ اور ایس ایچ او تھانہ شاہوالی موجود موجود تھے۔
ڈسٹرکٹ پولیس آفیسر نے دورہ کے دوران کچہ کے علاقہ نوز بندپر فرنٹ مورچوں کا دورہ کیا۔ پولیس کی جانب سے کچہ کے علاقوں میں مزید پولیس پکٹس کے قیام کے حوالے سے سائٹس کا وزٹ کیا گیا۔ ڈی پی او راجن پور نے سرکل روجھان کچہ کے علاقوں میں سماج دشمن اور جرائم پیشہ عناصر کیخلاف جاری کاروائیوں اور حکمت عملی کا جائزہ لیا۔ اس موقع پر ڈی پی او راجن پور کا کہنا تھا کہ کچہ کے علاقوں کا امن خراب کرنے والے سماج دشمن عناصر کسی رعایت کے مستحق نہیں۔ جرائم پیشہ عناصر اور علاقہ میں بدامنی پھیلانے والے شر پسندوں سے آہنی ہاتھوں سے نمٹا جائے گا۔ راجن پور پولیس کچہ کے دشوار علاقوں میں امن وامان کے قیام کے لیئے شب و روز کوشاں پولیس شر پسندوں کی سرکوبی کے لیئے فرنٹ لائن پر موجود ہے اور عوام کو تحفظ فراہم کرنے کے لیئے ہمیشہ آگے رہے گی۔ قیام امن کے لیئے راجن پور پولیس کی جانب سے ابتک 43 پولیس افسران نے اپنی جانوں کا نذرانہ پیش کیا ہے راجن پور پولیس ایک بہادر فورس ہے جو ہر قسم کے چیلنج سے نمٹنے کے صلاحیت رکھتی ہے۔

اوکاڑہ باغی ٹی وی (نامہ نگار ملک ظفر)تھانہ صدر پولیس کی بڑی کارروائی بین الاضلاعی ڈکیت گینگ کے دو کارندے گرفتار ملزمان کے قبضہ سے چھینی گئی 26موٹرسائیکلیں اور بھاری اسلحہ برآمد کر لیا گیا۔
تفصیلات کے مطابق اوکاڑہ میں پولیس نے بڑی کارروائی کرتے ہوئے شہریوں سے گن پوائینٹ پر موٹر سائیکلیں چھیننے والے خطرناک ڈکیت گینگ کے دو کارندے گرفتار کرلئے ڈی پی او اوکاڑہ منصور امان کے مطابق گرفتار ملزمان کے قبضہ سے چھینی گئی 26موٹر سائیکلیں برآمد کر لی گئی ملزمان متعدد اضلاع کی۔پولیس کو سنگین وارداتوں میں مطلوب تھے ملزمان کے قبضہ سے بھاری اسلحہ بھی برآمد کر لیا گیا گیا گرفتار ملزمان کی شناخت سلیم اور نواز کے ناموں سے ہوئی ہے ملزمان نے دوران تفتیش متعدد سنگین وارداتوں۔کا۔انکشاف کیا ہے اور مزید انکشافات کی توقع کی جارہی ہے ڈی پی او منصور امان کا کہنا ہے کہ ملزمان کے دیگر ساتھیوں کی گرفتاری کے لئے سپیشل پولیس سکواڈ تشکیل دیا گیا ہے جنہیں جلد گرفتار کر لیا جائے گا

ایک اور کارروائی میں دیپالپور تھانہ سٹی پولیس نے گورنمنٹ کالونی سے 6من مردہ مرغی برآمد کرلی اور تین ملزمان کو بھی گرفتار کر لیایاد یہ حرام کادھندہ محمکہ لائیو سٹاک کی ملی بھگت سے جاری و ساری ہے-

بھکر:باغی ٹی وی (نامہ نگار اتباع رسول ملنگی سے)چنیوٹ کچہری سے چوری شدہ کار بین الصوبائی چیک پوسٹ داجل چوکی پولیس نے پکڑلی
تفصیل کے مطابق ضلع کچہری چنیوٹ سے چوری کار بین الصوبائی داجل چوکی بھکر پر پکڑی گئی ،پولیس ذرائع کے مطابق ملزم محمد رمضان کار کے پی کے میں لے جاتے ہواگرفتارکرلیاگیا ہے، 5 سال قبل چوری کار سنگین وارداتوں میں استعمال ہونے کا خدشہ، ریکارڈ کی چیکنگ ، ملزم سے تفتیش جاری ، کار کی مالیت 15 لاکھ سے زائد ہے ، پولیس۔۔

بھکر،باغی ٹی وی (نامہ نگار اتباع رسول ملنگی )انتظامیہ کی کارروائی بھاری مقدار میں آٹا اسمگلنگ کی کوشش ناکام
بھکرکی انتظامیہ نے کارروائی کرکے بھاری مقدار میں آٹا اسمگلنگ کی کوشش ناکام بنادیا ہے ، 4 ٹرکوں سے 20 کلوگرام کے 6400 تھیلے ملزمان سمیت پکڑے گئے ،ڈپٹی کمشنر بھکر ڈاکٹر نور محمد اعوان کابتانا ہے کہ آٹے سے بھرے ٹرک رحیم یار خان سے کشمیر جارہے تھے ، آٹا کی مالیت ڈیڑھ کروڑ روپے سے زائد ، کارروائی ایم ایم روڈ پر کی گئی یاد رہے کہ گندم ، آٹے کی بین الاضلاعی نقل و حمل پر پابندی عائد ہے –