Author: ڈاکٹرغلام مصطفی بڈانی

کوٹ ہیبت باغی ٹی وی ( شاہد خان ) بستی علیانی باڑہ چوک آوارہ کتوں کا گڑھ بن گیا مقامی آبادی کے بہت سے لوگ کتوں کے کاٹنے کا شکار ہو چکے ہیں آج بھی بستی علیانی کے چوک پر دو راہگیر خواتین اور ان کے ساتھ ایک بچی کو ایک کتے نے کاٹ لیا جس سے خواتین اور بچی شدید زخمی ہوگئیں موقع پر موجود لوگوں نے ریسکیو 1122 کو کال کی کچھ دیر میں ریسکیو ٹیم ایمبولینس کے ساتھ موقع پر پہنچ گئی زخمی عورت اور بچی کو موقع پر فرسٹ ایڈ دی گئی جس کے بعد ریسکیو ٹیم نے خواتین اور بچی کو ڈسٹرکٹ ہیڈ کوارٹر ہسپتال ڈیرہ غازی خان کے ایمرجنسی وارڈ میں شفٹ کر دیا اہل علاقہ نے میونسپل کارپوریشن کو اپیل کی ہے کہ جلد سے جلد ایسے آوارہ کتوں کو تلف کیا جائے تاکہ مقامی آبادی کے لوگ عورتیں اور بچے ایسے حادثات سے بچ سکے،یاد رہے گذشتہ سال میونسپل کارپوریشن نے کاغذوں کی حد تک بھرپور کتا مار مہم چلائی تھی .

چترال،باغی ٹی وی(گل حماد فاروقی کی رپورٹ) مزدہ ٹرک دریائے چترال میں جاگرا، ڈرائیور جاں بحق
تفصیل کے مطابق اپر چترال مستوج سے لوئر چترال آتے ہوئے مزدہ گاڑی لوئر چترال کے مقام کوغزی مشکیلی میں حادثے کا شکار ہو کر دریائے چترال میں جا گری، ریسکیو1122 کو اطلاع ملنے پر ریسکیو1122 کی ٹیم جائے حادثہ پہنچی اور حادثے کے نتیجے میں جان بحق ہونے والے ڈرائیور کو ریسکیو1122 کے ایمبولینس میں ڈی ایچ کیو ہسپتال لوئر چترال منتقل کردیا، ریسکیو1122 کی ریکوری ٹیم نے ریکوری وہیکل کے ذریعے متاثرہ گاڑی کو دریائے چترال سے ریکور کر لیا ، جانبحق ہونے والے ڈرائیور کا تعلق لوئر چترال دروش سے ہے.

اوکاڑہ باغی ٹی وی (نامہ نگار ملک ظفر ) تھانہ حویلی لکھا کی حدود جمال کوٹ کے قریب روڈ ایکسیڈنٹ ہوا ۔
تفصیلات کے مطابق موٹر سائیکل اور ٹرالے میں تصادم ہوا۔جس کے نتیجے میں دو نوجوان جاں بحق ہوگئے ۔جاں بحق ہونے والے نوجوانوں کی شناخت بلال 18 سالہ اشفاق 19 سالہ کے نام سے ہوئی ہے ٹرالا ڈرائیور موقع سے فرار ہونے میں کامیاب ہو گیا۔ریسکیو 1122 نے لاشوں کو آر ایچ سی حویلی لکھا ہسپتال منتقل کر دیا،اوکاڑہ پولیس نے موقع پر پہنچ کر کاروائی کا آغاز کر دیا

اوکاڑہ باغی ٹی وی (نامہ نگار ملک ظفر)پنجاب فوڈ اتھارٹی کی آنکھ کھل گئی،ڈیری مصنوعات میں ملاوٹ کرنے والے ریڈار پر آگئے
تفصیل کے مطابق پنجاب فوڈ سیفٹی ٹیم کی بنگلا گوگیرا میں بڑی کارروائی۔ چیکنگ کے دوران پروڈکشن یونٹ میں 700 کلو فنگس زدہ پنیر اور 1000 کلو بد بو دار دہی موقع پر ضبط کر لیا گیا ۔ پنیر کا سیمپل لے کر ٹیسٹ کے لیے لیبارٹری میں بھیج دیا گیاہے،سٹوریج اور پروڈکشن ایریا کو عارضی طور بند کر دیا گیا۔پنجاب فوڈ اتھارٹی کے ترجمان کاکہنا ہے کہ انسانی صحت کے دشمنوں سے آہنی ہاتھوں نمٹیں گے۔

کندھ کوٹ ،باغی ٹی وی (نامہ نگار)میں پروفیسر اجمل ساوند کے قاتلوں کی گرفتاری کیلئے پولیس کا سرچ آپریشن جاری پولیس نے 5 مشتبہ افراد کو گرفتار کر کے ملزمان کی مزید گھروں کو بھی مسمار کر دیا ہے ۔
تفصیل کے مطابق پولیس کے مطابق گاؤں سردار خان سندرانی میں ایس ایس پی عرفان سموں کی ہدایات پر پولیس کا مقتول پروفیسر اجمل ساوند کے قاتلوں کی گرفتاری کیلئے تیسرے روز بھی سرچ آپریشن جاری ہے پولیس نے گھر گھر تلاشی کے دوران 5 مشتبہ افراد کو گرفتار کر کے تفتیش شروع کردی ہے جبکہ ملزمان کے مزید 6 گھروں کو بلڈوز کر کے آگ لگا دی گئی ہے ۔ ایس ایس پی عرفان سموں کا کہنا ہے کہ دو روز قبل سندرانی قبائل کے ملزمان نے آئی بی اے سکھر کے اسسٹنٹ پروفیسر اجمل ساوند کو قتل کر دیا تھا اور اس واقعے کا 12 ملزمان پر مقدمہ بھی درج کیا گیا ہے ملزمان کی گرفتاری کیلئے مختلف علاقوں میں کاروائیاں کی جا رہی ہیں ملزم اپنے گھر خالی کر کے کچے کی طرف فرار ہوگئے ہیں اور جلد ملزمان اپنے کیفرِ کردار تک پہنچیں گے ۔ دوسری جانب قتل ہونے والے پروفیسر اسکالر اور پی ایچ ڈی ہولڈر اجمل ساوند کے بہیمانہ قتل کے واقعہ کے بعد علاقے میں کشیدگی پائی جاتی ہے جبکہ اس دردناک واقعہ کا سندھ بھر میں سول سوسائٹی اور ہر مکتبہ فکر کے افراد کی جانب سے سوشل میڈیا پر بھی بھرپور انداز میں شدید الفاظ میں مذمت کی جا رہی ہے۔

ٹھٹھہ،باغی ٹی وی ( نامہ نگار راجہ قریشی)پولیس کا گٹکا فیکٹری پرچھاپہ ،3 گرفتار
تفصیل کے مطابق ایس ایچ او تھانہ مکلی سب انسپکٹر اصغر علی شاہ اور انچارج پولیس پوسٹ جنگشاہی سب انسپکٹر علی خان راہوجو بمعہ اسٹاف نے جنگشاہی شہر کے قریب ولیج علی محمد جوکھیو میں بدنام گھٹکہ فروش نظر جوکھیو کی گٹکا فیکٹری پر کامیاب چھاپہ مار کارروائی کرکے 3 گٹکا فروش ملزمان سہیل ولد غلام رسول قریشی، جھانزیب ولد منور حسین شیخ اور ذوالفقار علی ولد مجاہد سونپارکو گرفتار کرلیا۔
دوران کارروائی گٹکا فیکٹری سے 1 پیکنگ مشین، 10 کلو چورہ سپاری، 10 کلو پنی، 300 پیکٹ گٹکا ماوا اور 2 پلاسٹک ٹب برآمد کرکے ملزمان کے خلاف تھانہ مکلی پر مقدمہ درج کردیا گیا ہے۔ مزید تفتیش جاری ہے۔مقدمہ نمبر 74/2023 سیکشن 3,4,8 گٹکا ایکٹ 2019 تھانہ مکلی۔

ٹھٹھہ،باغی ٹی وی( نامہ نگار راجہ قریشی) تیزرفتار سرکاری کار کے ڈرائیور نے پیدل چلتے بچے کو کچل ڈالا ،زخموں کی تاب نہ لاتے ہوئے بچہ جاں بحق
تفصیل کے مطابق مکلی غلام اللہ روڈ پرتیز رفتار سرکاری ٹو ڈی کار نمبر GS7163 کے ڈرائیور کی غفلت سبب روڈ کے کنارے پیدل جانے والے مکلی کا رہائشی معصوم بچہ فیض محمد ولد ممتاز علی منچھری ملاح کو زوردار ٹکر مار کر زخمی کردیا ، تیز رفتار کار بلڈنگ کی دیواروں سے ٹکرا کر روڈ کے قریب لگی سولر پلیٹ کے پول کو بھی گرا دیا، زخمی بچے کو سول ہسپتال مکلی بھیجا گیا جہاں پر ان حالت نا ساز ہونے کی وجہ سے بچے کو کراچی ریفرنس کردیا گیا،جہاں بچہ زخموں کی تاب نہ لاتے ہوئے جاں بحق ہوگیا جب کے کار ڈرائیور کو پولیس اہلکار جو مکلی پریس کلب پر اپنی ڈیوٹی سرانجام دی رہا تھااس نے پکڑ کر مکلی پولیس کے حوالے کر دیا بتایا جا رہا ہے کے سرکاری گاڑی عبدالحمید علوانی کے پاس ہے جس کے ڈرائیور کے جانب سے غفلت کی وجہ سے یہ حادثہ پیش آیا، کاراس قدرتیز رفتارتھی کہ پہلے بچے کوکچلاپھر عمارت کی دیوار سے ٹکرانے کے بعد سولرپلیٹ کے پول کو بھی ہٹ کرکے گرادیا، کار کا آگے والا بونٹ مکمل ختم ہو گیا حادثے والی کار کو بھی مکلی پولیس نے اپنی تحویل میں لے لیا مزید پولیس تفشیش جاری ہے.

ننکانہ صاحب باغی ٹی وی ( نامہ نگار)خاتون نے نہر میں چھلانگ لگا دی ،ریسکیورز نے بچالیا
تفصیل کے مطابق پنجاب ایمرجنسی سروس ڈیپارٹمنٹ ریسکیو 1122 ننکانہ صاحب کالر کے مطابق ہیڈ تولے کی کے قریب کالونی نہر میں خاتون نے چھلانگ لگا دی اطلاع پا کر واٹر ریسکیو 1122 ٹیم نے بروقت جائے حادثہ پر ریسپانس کیا ریسکیو عملہ نے پیشہ ورانہ مہارت سے خاتون کو نہر سے ریسکیو کیا ڈیپ سی پی آر کرتے ہوئے جسم سے اضافی پانی کو نکالا اور سانسیں بحال ہو گئیں ریسکیو عملہ 25 سالہ نامعلوم خاتون کو ابتدائی طبی امداد فراہم کرتے ہوئے ڈسٹرکٹ ہیڈ کوارٹرز ہسپتال ننکانہ صاحب منتقل کر دیا ڈسٹرکٹ ایمرجنسی آفیسر محمد اکرم پنوار نے ڈوبتی ہوئی خاتون کو ریسکیو کرنے والے ریسکیورز کی حوصلہ افزائی کرتے ہوئے نقد انعام اور تعاریفی اسناد کا اعلان کیا، ڈسٹرکٹ ایمرجنسی آفیسر نے پیشہ ورانہ طریقے سے ذمہ داریاں سر انجام دینے والے ایسے ریسکیورز کو دوسرے ریسکیورز کے لئے رول ماڈل قرار دیا