Author: ڈاکٹرغلام مصطفی بڈانی

اسلام آباد(ویب نیوز)پاکستان ڈیموکریٹک موومنٹ (پی ڈی ایم) کے ترجمان حافظ حمد اللہ نے کہا ہے کہ ہمیشہ لو سٹوری پر مبنی فیصلوں نے ملکی سالمیت کو خطرات سے دوچار کیا ہے۔
سپریم کورٹ کے فیصلے پر ردعمل دیتےہوئے حافظ حمد اللہ کا کہنا تھا کہ سپریم کورٹ کے فیصلے پر ردعمل دیتے ہوئے ترجمان پی ڈی ایم حافظ حمد اللہ نے کہا کہ آج کے عدالتی فیصلہ سے نظریہ سہولت کے ساتھ ساتھ نظریہ محبت بھی جھلک رہا ہے،فیصلے سے سیاسی، آئینی اور عدالتی بحران میں مزید خوفناک اضافہ ہوگا۔
انہوں نے کہا کہ سپریم کورٹ نے الیکشن کا پورا شیڈول جاری کیا جو الیکشن کمیشن کا کام ہے تو پھر نتائج کا اعلان بھی کر دیتی،یہ بہتر نہیں کہ الیکشن کمیشن کو سپریم کورٹ میں ضم کیا جائے۔

تونسہ شریف( نامہ نگار عمران لنڈ)میڈیکل سپرنٹنڈنٹ ٹی ایچ کیو ہسپتال ڈاکٹر طاہر حسین نتکانی کا تبادلہ کر دیا گیا
تفصیل کے مطابق تحصیل ہیڈ کواٹر ہسپتال تونسہ شریف کے ایم ایس ڈاکٹر طاہر حسین نتکانی کا تبادلہ کر دیا گیا ہے سیاسی اور سماجی حلقوں کا کہنا ہے کہ ڈاکٹر طاہر حسین بہت اچھے اور اعلیٰ اخلاق کی شخصیت کے مالک تھے اور اپنے علاقے کی محرومی کا بھی احساس کرتے تھے اور ڈاکٹر طاہر حسین نتکانی بہت عرصہ سے ٹی ایچ کیو ہسپتال تونسہ شریف میں تعینات تھے اور اپنی اخلاقیات اور اپنے کام کی جستجو کی وجہ سے ٹی ایچ کیو ہسپتال تونسہ شریف کی ترقی میں اہم کردار رہا ہے

ٹھٹھہ،باغی ٹی وی (نامہ نگار راجہ قریشی )ذوالفقار علی بھٹو کی44ویں برسی پر قرآن خوانی اور دعائیہ تقریب منعقد کی گئی
تفصیل کے مطابق پیپلز پارٹی کے قائد ذوالفقار علی بھٹو کی 44ویں برسی کی تقریب کا انعقاد پیپلز پارٹی ضلع ٹھٹھہ کی جانب سے وزیر اعلیٰ سندھ کے معاون خصوصی، پیپلز پارٹی ضلع ٹھٹھہ کے صدر صادق علی میمن کی رہائش گاہ پر کیا گیا جس میں سندھ کے سینئر معاون خصوصی پی پی پی کے ضلعی صدر صادق علی میمن ، علی میمن، وزیر اعلیٰ سندھ کے معاون خصوصی ایم پی اے سید ریاض حسین شاہ شیرازی، پیپلز پارٹی ضلع ٹھٹھہ کے جنرل سیکرٹری امتیاز قریشی، سابق ایم پی اے سید امتیاز شاہ شیرازی ،جہانگیر پالاری، ممتاز علی میمن، نور حسن سرکی، عبدالخالق سومرو، عبدالحمید سومرو، عزیز پکیڈیو اور دیگر بھی موجود تھے۔ اس موقع پر غلام حیدر سائمن،سہیل پلیجو، جمعہ خان جوکھیو، بھرو سرکی اور پارٹی کے رہنماؤں اور کارکنوں نے بڑی تعداد میں شرکت کی۔شہداء کی مغفرت کے لیے خصوصی دعا کی گئی۔ اس موقع پر وزیر اعلیٰ سندھ کے معاون خصوصی صادق علی میمن، پیپلز پارٹی ضلع ٹھٹھہ کے صدر ایم پی اے سید ریاض حسین شاہ شیرازی، پیپلز پارٹی ضلع ٹھٹھہ کے جنرل سیکرٹری امتیاز قریشی اور دیگر نے کہا کہ عوامی لیڈر ذوالفقار علی بھٹو ملک کے قائد ہیں۔ 4 اپریل کو ملکی مفادات اور سلامتی کے لیے شہید ہوئے۔ ان کا کہنا تھا کہ شہید ذوالفقار علی بھٹو نے ایٹمی طاقت فراہم کرکے ملک کو مضبوط کیا اور ملک میں جمہوریت بھی قائم کی اور عوام کو ان کے حقوق دلائے، ان کا کہنا تھا کہ شہید ذوالفقار علی بھٹو نے اس ملک کے عوام کی فلاح و بہبود کے لیے محنت کی، انہوں نے ملک کے عوام کو اپنے پیروں پر کھڑا کیا اور سرمایہ داروں اور جاگیرداروں سے جائیدادیں حاصل کرکے کسانوں اور مزدوروں کو دیں۔

*اوکاڑہ باغی ٹی وی( نامہ نگار ملک ظفر)شہدائے پولیس کے بچوں کیلئے بہترسکول کی پالیسی پر عمدرآمد شروع کردیاگیا
تفصیل کے مطابق انسپکٹر جنرل آف پولیس پنجاب کی جانب سے جاری شہدائے پولیس کے بچوں کے لیے پہلے سے بہتر سکول میں تعلیم کے حصول کی پالیسی پر عملدرآمد کرتے ہوئے شہید آصف رضا جاوید کے کمسن بچوں عائشہ اور حسن ، شہید شرجیل کامران کے بیٹے منیب کامران جبکہ شہید شفیق احمد کے بیٹے زبیر شفیق کو ملک کے صفِ اول کے تعلیمی ادارے The City School میں داخل کروا دیا گیا ،ڈی پی او اوکاڑہ منصور امان شہداءکے چاروں بچوں کو اپنی گاڑی میں بٹھا کر پہلے دن سکول چھوڑنے گئے ،سکول انتظامیہ اور سکول کے بچوں نے شہدائے پولیس کے بچوں کا ہیروز کی طرح خیر مقدم کیا،اوکاڑہ پولیس اپنے عظیم شہداء کو خراج تحسین پیش کرتے ہوئے اُن سے عہد کرتی ہے کہ ان کے اہل و عیال کی فلاح و بہبود کو ہر طور ممکن بنایا جائے گا

ننکانہ صاحب باغی ٹی وی(نامہ نگار احسان اللہ ایاز)ڈی پی او کا سانگلہ ہل کا وزٹ۔ فری آٹا پوائنٹ، کچہری اور جوڈیشل حوالات کا جائزہ لیا
ڈی پی او اعجاز رشید کا سٹی سانگلہ ہل میں وزٹ۔ فری آٹا پوائنٹ، کچہری اور جوڈیشل حوالات کا جائزہ لیا۔ تفصیلات کے مطابق ڈی پی او نے سٹی سانگلہ ہل میں وزٹ کے دوران جمنیزیم ہال میں بنائے گئے فری آٹا پوائنٹ کا وزٹ کیا۔ اسسٹنٹ کمشنر سانگلہ ہل مدثر ممتاز سے ملاقات کی۔ اور فری آٹا پوائنٹ کی سیکیورٹی کا جائزہ لیا۔ دوران وزٹ ڈی پی او نے ڈی ایس پی سرکل سانگلہ میاں ناصر نواز اور ایس ایچ او تھانہ سٹی سانگلہ رائے صدی احمد کو فری آٹا پوائنٹس پر سیکیورٹی ڈیوٹی کو الرٹ رکھنے اور عوامی خدمت کو یقینی بنانے کے احکامات جاری کیے اور پولیس افسران و جوانوں کو بریف کرنے کی ہدایات جاری کیں۔ دوسری جانب ڈی پی او اعجاز رشید نے کچہری سانگلہ ہل کا وزٹ کیا۔ کچہری کی سیکیورٹی ڈیوٹی چیک کی اور کچہری گارد پر تعینات افسران و جوانوں کو سیکیورٹی ڈیوٹی مزید بہتر طور پر انجام دینے کے متعلق بریفنگ دی۔ ڈی پی او نے کچہری سانگلہ ہل میں وزٹ کے دوران حوالات جوڈیشل کا ملاحظہ بھی کیا۔ پیشی پر آنے والے ملزمان کو حوالات میں دی جانے والی سہولیات کا جائزہ لیا۔ جوڈیشل ڈیوٹی پر تعینات پولیس افسران و جوانوں کی حاضری چیک کی اور جوڈیشل حوالات کے ریکارڈ رجسٹر پر اپنے تاثرات قلمبند کیے۔ ڈی پی او نے انچارج جوڈیشل کو زیر حراست ملزمان کی سیکیورٹی کو یقینی بنانے اور پیشی پر لیجانے سے قبل ہتھکڑیوں کے استعمال کے متعلق خصوصی بریفنگ دی۔ دریں اثناء ڈی پی او نے سٹی شاہکوٹ میں ریسٹ ہاوس پر بنائے گئے فری آٹا پوائنٹ کا وزٹ کیا۔ انچارج ڈیوٹی کو الرٹ ہو کر ڈیوٹی کرنے اور عوامی خدمت کے متعلق بریف کیا۔ ڈی پی او کا کہنا ہے ک فری آٹا پوائنٹس پر عوام الناس کی خدمت اور سیکیورٹی کو یقینی بنانا اہم۔ذمہ داری ہے۔ ننکانہ پولیس کے افسران و جوان عوامی تحفظ اور خدمت کو عبادت سمجھ کر انجام دیں۔ ان کا مزید کہنا تھا کہ شہریوں کے جان و مال کی حفاظت میری اولین ترجیح ہے