Author: ڈاکٹرغلام مصطفی بڈانی

بھکر،باغی ٹی وی( نامہ نگار اتباع رسول ملنگی )ممبر بورڈ آف ریونیو پنجاب شعیب ترین کا دورہ بھکر،انہوں نے علی الصبح ڈی پی اوبھکر محمد نوید اور ڈی سی بھکر ڈاکٹر نور محمد اعوان کے ہمراہ ماڈل بازار،ضلع کونسل،سپورٹس جیمنیزیم،کوٹلہ جام اور دریا خان سپورٹس کمپلیکس کے فری آٹا پوائنٹس کا اچانک معائنہ کیا ۔ممبر بورڈ آف ریونیو پنجاب شعیب ترین نےفری آٹا پوائنٹس کا معائنہ کرتے ہوئے انتظامی امور اور سیکورٹی انتظامات کا جائزہ لیتے ہوئے آٹے کے حصول کیلئے آئے ہوئے افراد سے بات چیت کی اور کہا کہ وزیراعظم پاکستان محمد شہباز شریف اور وزیر اعلیٰ پنجاب محسن نقوی کی جانب سے رمضان پیکج کے تحت شہریوں میں مفت آٹا کی تقسیم بلاشبہ ایک تاریخی اقدام ہے جس سے کروڑوں پاکستانی مستفید ہورہے ہیں ۔ممبر بورڈ آف ریونیو پنجاب شعیب ترین نے ضلعی انتظامیہ کی جانب سے فری آٹا پوائنٹس پر کئے گئے انتظامات کو تسلی بخش قرار دیتے ہوئے بہتر سروس کے نظام کو مزید موثر انداز میں برقرار رکھنے کی ہدایت کی۔انہوں نے ڈی پی او محمد نوید اور ڈی سی بھکر ڈاکٹر نور محمد اعوان کو خصوصی تاکید کی کہ فری آٹا پوائنٹس پر نظم و ضبط کا بطور خاص رکھا جائے ۔قبل ازیں ممبر بورڈ آف ریونیو پنجاب شعیب ترین نے موقع پر موجود آٹے لینے کیلئے آئے ہوئے افراد سے بات چیت کرتے ہوئے کہا کہ تمام رجسٹرڈ افراد کو آٹا میسر ہوگا تمام شہری منظم انداز میں اپنی باری کا انتظار کریں تاکہ پوائنٹس انتظامیہ با آسانی آپکا حق آپ تک پہنچا سکے۔

اسلام آباد(ویب نیوز) ترجمان پی ڈی ایم حافظ حمد اللہ کا کہنا ہے کہ پارلیمنٹ سپریم ہے اس کی سپرمیسی کو تسلیم کرنا ہوگا۔
ان کا کہنا تھا کہ قانون سازی میں پارلیمنٹ پر کوئی قدغن نہیں لگائی جا سکتی، پارلیمنٹ کا فیصلہ قوم کا فیصلہ ہوتاہے جس کو بلڈوز نہیں کیا جا سکتا۔
ان کا کہنا تھا کہ پارلیمنٹ جب بھی ضرورت محسوس کرے قانون سازی ان کا استحقاق ہے، پارلیمنٹ کے بنائے ہوئے قوانین کا احترام نہ کرنا پارلیمنٹ اور قوم کی توہین ہے،انہوں نے مزید کہا کہ تمام اداروں کا آئین کے سامنے سرنگوں ہونا ضروری ہے۔

ڈیرہ غازیخان (باغی ٹی وی) وزیر اعلی پنجاب محسن نقوی نے پنجاب میں مفت آٹے کی تقسیم کی نگرانی کے لئے وزرا کی ڈیوٹیاں لگا دی ہیں . وزیر بلدیات ابراہیم حسن مراد ڈیرہ غازی خان ڈویژن میں مفت آٹے کی تقسیم کی نگرانی کریں گے اور راجن پور، ڈیرہ غازی خان، مظفر گڑھ اور لیہ میں مفت آٹا تقسیم عمل میں شفافیت کو یقینی بنائیں گے . وزیر بلدیات کا کہنا ہے کہ مفت آٹے کی تقسیم نگران حکومت کا عوام دوست اقدام ہے۔انہوںنے کہاکہ مستحق افراد کو معیاری آٹا فراہم کرنے میں کوئی رکاوٹ برداشت نہیں کی جائے گی ،پنجاب میں اب تک آٹے کے تقریباً ڈیڑھ کروڑ تھیلے مفت تقسیم کئے جا چکے ہیں۔وزیر بلدیات نے ہدایت کی کہ آٹا تقسیم کے دوران شہریوں کی عزت نفس کا خیال رکھا جائے، غیر رجسٹرڈ مستحق افراد کو بھی آٹا مہیا کرنے کے لئے ضروری اقدامات کئے جا رہے ہیں، پنجاب کے دور دراز اور پسماندہ علاقوں میں مستحق افراد میں آٹے کی تقسیم خصوصی ترجیح ہے وزیر بلدیات ابراہیم حسن مراد نے کہاکہ پنجاب بھر میں مفت آٹے کی تقسیم 16 اپریل تک جاری رہے گی.
نگران صوبائی وزیر بلدیات پنجاب ابراہیم حسن مراد نے راجن پور پہنچ کر اکبر بزدار سٹیڈیم میں قائم مفت آ ٹا تقسیم کے پوائنٹس کا معائنہ کیا . ڈپٹی کمشنر راجنپور ڈاکٹر منصور احمد خان بلوچ اور ڈی پی او ناصر سیال بھی ان کے ہمراہ تھے . وزیر بلدیات نے آٹے کی تقسیم کے عمل کا جائزہ لیا اور آٹا لینے کے لیے آنے والے مستحق افراد سے گفتگو کی . انہوںنے کہاکہ مستحق افراد کو معیاری آٹے کی فراہمی حکومت پنجاب کی اولین ترجیح ہے ۔ صوبائی وزیرنے فاضل پور میں بھی آٹے کی تقسیم کے عمل کا جائزہ لیااور ہدایت کی کہ آٹا تقسیم کے پوائنٹس پر آنے والے مستحقین کو بہترین سہولیات فراہم کی جائیں۔صوبائی وزیر بلدیات ابراہیم حسن مرادنے کوٹ چھٹہ بوائز سکول میں آٹا ڈسٹری بیوشن سنٹر کا دورہ کیا اورمفت آ ٹاتقسیم کے عمل اور سنٹر پر آنے والے مستحقین کیلئے کئے گئے انتظامات کا جائزہ لیا، انہوں نے ڈسٹری بیوشن سنٹر پر مستحقین سے بھی ملاقات کی ،اسسٹنٹ کمشنر احمد نوید بلوچ نے صوبائی وزیر کو انتظامات بارے بریف کیا . صوبائی وزیر نے کہاکہ وزیر اعلیٰ پنجاب کی ہدایات پر مفت آٹے کے ڈسٹری بیوشن سنٹرز کو چیک کیا جا رہا ہے، حکومت پنجاب غریب طبقے کی مشکلات کم کرنے کیلئے کوشاں ہے.
وزیر بلدیات پنجاب ابراہیم حسن مراد نے ڈیرہ غازی خان آرٹس کونسل میں قائم مفت آٹا کی تقسیم کے پوائنٹس کا معائنہ کیااور آٹا کی سپلائی،تقسیم و کوالٹی کا جائزہ لیا۔صوبائی وزیر نے مستحق مرد و خواتین سے گفتگو بھی کی۔ ایڈیشنل ڈپٹی کمشنر ریونیو رضوان نذیر نے صوبائی وزیر کو بریفنگ دی۔،ڈپٹی ڈائریکٹر فوڈ ایوب بخاری اور سی او میونسپل کارپوریشن جواد الحسن گوندل بھی ہمراہ تھے۔صوبائی وزیر نے کہاکہ عوام کی سہولت کیلئے کاونٹرز کی تعداد بڑھائی جائے، آٹا پوائنٹس پر آنے والے مستحقین کو بہترین سہولیات فراہم کی جائیں،

ٹھٹھہ،باغی ٹی وی ( نامہ نگار راجہ قریشی) وزیر اعلیٰ سندھ کے معاون خصوصی کا گھارو میں رمضان بچت بازار کا دورہ
وزیر اعلیٰ سندھ کے معاون خصوصی برائے محکمہ بین الصوبائی معاملات و ایم پی اے سید ریاض حسین شاہ شیرازی نے ڈپٹی کمشنر غلام فاروق سومرو کے ہمراہ حکومت سندھ کی جانب سے لگائےجانے والی بچت بازار گھارو کا دورہ کیا۔ اس موقع پر انہوں نے روز مرہ استعمال ہونے والی اشیاء خوردونوش کے اسٹالز کا جائزہ لیا اور منتظمین کو ہدایت کی کہ بابرکت ماہ رمضان کے دوران لوگوں کو زیادہ سے زیادہ ریلیف مہیا کرنے کیلئے سستے نرخوں پر معیاری اشیاء فروخت کی جائیں۔ انہوں نے بچت بازار میں آنے والے لوگوں سے خریداری کے متعلق معلومات بھی لی۔ اس موقع پر انہوں نے میڈیا سے بات چیت کرتے ہوئے کہا کہ مہنگائی صرف ضلع یا صوبے سطح پر نہیں بلکہ ملک سطح پر ہے جس کی سب سے بڑی وجہ معمول سے زیادہ بارشیں اور سیلاب کے دوران فصلوں کی تباہی اور روپے کی قدر میں مسلسل کمی بھی مہنگائی کا سب سے بڑا سبب ہے۔ انہوں نے کہا کہ سندھ حکومت ماہ رمضان المبارک میں لوگوں کو رلیف فراہم کرنے کیلئے پوری سندھ میں تحصیل سطح پر بچت بازاریں لگائی گئی۔ انہوں نے کہا کہ تاجر برادری اور دکانداروں کو چاہیے کہ وہ سندھ حکومت کی ہدایات کے تحت ضلعی انتظامیہ سے مکمل تعاون کریں اور اس بابرکت ماہ میں اپنا نفعہ کم رکھیں تاکہ غریب لوگ بھی اشیاء خرید سکیں۔ اس موقع پر ایڈیشنل ڈپٹی کمشنر ٹو شاہد نظیر لنڈ بلوچ، اسسٹنٹ کمشنر میرپور ساکرو اقبال احمد تنیو، پرائس کنٹرول، مارکیٹ کمیٹی و دیگر افسران، تاجر برادری اور علاقہ معززین بھی موجود تھے۔