Author: ڈاکٹرغلام مصطفی بڈانی

ڈیرہ غازی خان،باغی ٹی وی(شہزادخان سے)صحافی وفد کی ڈائریکٹر اینٹی کرپشن خرم پرویز سے ملاقات۔ ڈیرہ غازی خان ڈویژن میں جاری کرپشن پر معاملات پر گفتگو کی گئی۔
سابق سینئر نائب صدر انجمن صحافیان پریس کلب عامر رضا قادری اور سابق عہدے دار پریس کلب ملک مجید وہوچہ سمیت صحافی حاجی شہزاد خان یوسفزئی نے ڈائریکٹر اینٹی کرپشن خرم پرویز سے گفتگو میں کہا کہ میڈیا کرپٹ عناصر کی نشاندہی کے لیے آپ کے شانہ باشانہ کام کریگا اور بروقت کرپٹ عناصر کے خلاف نشاندہی کروانے کیلئے اپنا کردار ادا کریگا جو ہمارا فرض ہے
جس پر ڈائریکٹر اینٹی کرپشن خرم پرویز نے کہا کہ کرپشن کے خلاف کاروائی کرنا ہمارا فرض ہے اور کرپٹ عناصر کے خلاف گھیرا تنگ کر رہے ہیں اور جلد گرفتاریاں بھی عمل میں لانے کا عزم رکھتے ہیں۔۔کرپشن کرنے والے عناصر کسی صورت رعایت کے مستحق نہیں۔یہ قوم و ملک کے دشمن ہیں انکو منتقی انجام تک پہنچا کر دم لینگے
میڈیا سے گفتگو کرتے ہوئے مزید ڈائریکٹر اینٹی کرپشن خرم پرویز نے کہا کہ ریجن بھر میں درجنوں آسامیاں خالی پڑی ہیں اور عملے کی کمی کا سامنا ہے حکومت کو چاہیے کہ ڈیرہ ڈویژن میں عملا پورا کرنے کے لیے اقدامات کو یقینی بنائیں تاکہ کاروائیوں میں تیزی لائی جاسکے۔
آخر میں ڈائریکٹر اینٹی کرپشن خرم پرویز نے گفتگو میں کہا کہ میرے ریجن میں اپنے عملے کو ایمانداری سے کام کرنے بھی ہدایت کر دی ہے اور کرپٹ عناصر کی بلکل سپورٹ برادشت نہیں کی جائے گی اور اپنے عملے میں سست روی سے کام کرنے والے کو فوری تبدیل کرنے جیسی کاروائیاں کرنے کے اقدامات بھی عمل میں لائے جائینگے۔

ٹھٹھہ ،باغی ٹی وی( نامہ نگار راجہ قریشی )باغی ٹی وی کی خبرپرایس ایس پی ٹھٹھہ عدیل حسین چانڈیوکا فوری ایکشن،ایس ایچ او کیخلاف ڈی ایس پی جمعہ خان کی سربراہی میں انکوائری ٹیم تشکیل دے دی گئی ہے،
تفصیل کے مطابق گذشتہ روزباغی ٹی وی نے ایک خبرچلائی تھی جس میں ایک خاتون رضیہ بی بی نے عوامی پریس کلب میں پریس کانفرنس کرتے ہوئے کہاتھاکہ گذشتہ دو رات قبل ایس ایچ او ٹھٹھہ اللہ ڈنو پنھور پولیس نفری کے ہمراہ ہمارے گھر پر چڑھائی کر کے بلا جواز اس کے شوہر مجید پلیجو کو پکڑ کر غائب کردیا،متاثرہ عورت رضیہ نے بتایاکہ وہ گذشتہ چار د ن پہلے مسن محلہ میں کرائے کے گھر میں شفٹ ہوئی ہیں ، اس نے مزید کہا کے میرے شوہر کا کسی برائی کے ساتھ کوئی تعلق نہ ہونے کی باوجود پولیس نے میرے شوہر کو پکڑ کر غائب کردیا ہے، پولیس مجھے پریشان کر رہی ہے متاثرہ عورت نے کہا میں اپنے شوہر سے ملاقات کے لئے جب ٹھٹھہ تھانہ پہنچی جہاں پر ایس ایچ او ٹھٹھہ نے اسے دو آفردی ایک اکیلے میں ملاقات، دوسری 20000 ہزار کیش کی ڈیمانڈ کی، اس نے مزید کہا ایس ایچ او ٹھٹھہ نے ٹیبل سے نیچے میرے پیروں پر اپنے پائوں رکھے اور اسے اکیلے میں ملنے پر مزید دبا ئوڈالا اس نے کہا ایس ایچ او اللہ ڈنو پھنور کو عورتوں کا بھی احترام نہیں ہے اکیلے میں ملنے والی آفر کو ٹھکرانے کے بعد ایس ایچ او نے تھانے کے لاک اپ میں بنداس کے شوہر سے ملاقات بھی نہیں کرنے دی، متاثرہ عورت نے ایس ایس پی ٹھٹھہ ڈی آئی جی حیدرآباد اور آئی جی سندھ سمیت ارباب اختیار سے نوٹس لینے کا مطالبہ کیاتھا۔
باغی ٹی وی پرخبرچلنے کے فوراََ بعد ایس ایس پی ٹھٹھہ نے ایس ایس ایچ کے خلاف ایکشن لیتے ہوئے فوری انکوائری کاحکم جاری کردیا
اورڈی ایس پی جمعہ خان کی سربراہی میں انکواری ٹیم تشکیل دے دی،ٹھٹھہ کے شہریوں کاکہنا ہے کہ ڈی ایس پی جمعہ خان ایک ایماندار اور میرٹ پر فیصلے کرنے والا آفیسرہے لیکن دوسری شہریوں نے یہ خدشہ بھی ظاہر کیا کہ ایس ایس او تھانہ ٹھٹھہ اللہ ڈنو پھنورایک بااثر آدمی ہے ،اس کی پشت پر سیاسی وڈیرے ہروقت موجود رہتے ہیں،سوال پیداہوتا ہے کہ ایک ایماندار ڈی ایس پی سیاسی دبائو برداشت کرسکیں گے ،کیا ایس ایس ایچ پر لگنے والے الزامات کی شفاف انکوائری کرسکیں گے ؟دوسری طرف متاثرہ خاتون نے کہا ہے کہ میں ایس ایس پی اور ڈی ایس پی ٹھٹھہ سے امید رکھتی ہوں کے مجھے ضرور انصاف دلائیں گے ۔

ایس ایچ او تھانہ ٹھٹھہ کی شوہر سے ملاقات کیلئے آنے والی خاتون کیلئے خاص آفر
ایک اکیلے میں ملاقات ,دوسری 20000 ہزار کیش کی ڈیمانڈ
ٹیبل سے نیچے متاثرہ عورت کے پیروں پر اپنے پاؤں رکھے, اکیلے میں ملنے کیلئے دباؤ @BaaghiTV @MumtaazAwan @DMCSindhPolice pic.twitter.com/7IV4h7Lc6t

— QNN WORLD (@QNN_World) March 27, 2023

میہڑ،باغی ٹی وی (نامہ نگار منظورعلی جوئیہ)میہڑ کے نواحی علاقے تھرڑی محبت میں بڑھتی ہوئی بدامنی کے خلاف شہریوں اور سندھ ترقی پسند پارٹی کہ جانب سے تھانے کہ آگے احتجاج دھرنا دیکر نعرے بازی کی گئی.
تفصیل کے مطابق یونین کونسل تھرڑی محبت میں بڑھتی ہوئی بدامنی کے خلاف سول سوسائٹی اور سندھ ترقی پسند پارٹی کی جانب سے عبدالحمیدسومرو اور محبوب لاکھیر کی قیادت میں تھرڑی محبت تھانے کہ آگے احتجاجی مظاہر کرکے 3گھنٹے تپتی ڈھوپ میں دھرنادیا اور پولیس کے خلاف سخت نعرے بازی بھی کی،مظاہرین نے کہاکہ ڈکیتیاں اور چوریاں روز کا معمول بن گئی ہیں تھرڑی محبت پولیس صرف اور صرف بھتہ لینے اور ملزمان کی پشت پناہی کرنے میں مصروف ہے اور عوام کو لٹنے کے لئے ڈاکؤوں اور چوروں کہ حوالے کردیاہے.
انہوں نے اعلیٰ حکام سے مطالبہ کیا کہ راشی اور کرپٹ پولیس افسران کے خلاف کارروائی کرکے شہریوں سے انصاف کیاجائے .دوسری صورت میں انڈس ہائی وے پر دھرنادیاجائیگا.

ٹھٹھہ،باغی ٹی وی (نامہ نگار راجا قریشی)ٹھٹھہ کے شاھ کمال محلے میں نامعلوم چور جنرل اسٹور کا صفایا کرگئے شہریوں اور تاجر برادری میں غم و غصے کی لہر
تفصیل کے مطابق ٹھٹھہ کے شاہ کمال محلہ وارڈ نمبر چار میں نامعلوم چوروں نے تالے توڑ کر اعزاز میمن کے جنرل اسٹور سے قیمتی پنکھے مشینری اور دیگر سامان سمیت دس ہزار روپے چرا لئے اور رفو چکر ہوگئے چوری کی اس واردات پر شہریوں سمیت تاجر برادری میں سخت غم و غصے کی لہر دوڑ گئی ہے چوری کی رپورٹ ٹھٹھہ تھانے پر اعزاز میمن کی مدعیت میں لکھائی گئی ہے مگر پولیس نے ابھی تک کوئی کارروائی نہیں کی ہے ٹھٹھہ کے تاجروں شہریوں نے ایس ایس پی ٹھٹھہ اور دیگر بالا حکام سے مطالبہ کیا ہے کہ ٹھٹھہ اور مکلی میں چوری کی وارداتوں پر فوری کنٹرول کروایا جائے

کوٹ ہیبت باغی ٹی وی (شاہد خان )مفت آٹے کے نام پرفلور ملز مالکان عوام کو ناقص اور خراب گندم کا آٹا کھلا رہے ہیں عوام کو ایسا آٹا دیا جارہا ہے جو انسان تو انسان کوئی جانور بھی نہ کھائے آخر غریب عوام کے ساتھ ایسا مذاق کیوں بنایا جا رہا ہے یہاں کے اعلی حکمران کو چاہے کے ناقص آٹا سپلائی کرنے والے فلور ملز مالکان کے خلاف سخت سے سخت کاروائی عمل میں لائیں فلور ملوں کے گوداموں میں معلوم نہیں کب سے گل سڑ کر خراب ہونے والا یہ کچرہ عوام کو فروخت کیا جارہا ہے یہ کچرا اٹھا کر پھینکنے پر بھی انھیں رقم خرچ کرنا پڑتی۔
بھوک مٹانے کے لیے مجبور لوگ یہ کھا لیتے ہیں لیکن انسانی جسم میں اس کے منفی اثرات جب مرتب ہوں گے تو علاج کے لیے لاکھوں روپے خرچ کرنے پڑیں گے ۔اسلئے بہتر ہے اپنے اخراجات اور کھانا کم کر لیں لیکن بھوسے سے بدتر کھانے سے خود کو بچائیں جو کل کو پریشانی کا باعث بن سکتا ہے۔اور معدے کی متعدد بیماریوں کا باعث بن سکتا ہے ۔عوامی و سماجی حلقوں نے اعلی حکام سے نوٹس لینے کامطالبہ کیا ہے.

ملتان(ویب نیوز) چار ڈاکوؤں کی جانب سے گلگشت میں واقع جیولری شاپ پر ڈکیتی کی کوشش میں مزاحمت پر فائرنگ سے ایک شخص جاں بحق اور تین زخمی ہوگئے۔فائرنگ سے 16 سالہ عالیان موقع پر جاں بحق ہوگیا۔ جس پر شہری مشتعل ہو گئے اور انہیں پکڑنے کی کوشش کی تو ڈاکوؤں نے اندھا دھند فائرنگ شروع کر دی۔فائرنگ کے نتیجے میں عرفان، شعیب اور ادریس نامی اشخاص زخمی ہوگئے۔
اس دوران ڈاکوؤں کو اپنے ساتھیوں کے فائر بھی لگے۔پولیس کے دیر سے پہنچنے پر شہری مزید مشتعل ہوگئے۔ہجوم نے ڈاکوؤں کو ڈنڈوں اور سوٹوں کے وار کرکے شدید زخمی کردیا۔پولیس نے موقع پر پہنچ کر ڈاکوؤں کو ہسپتال منتقل کیا، جہاں تین ڈاکو جانبر نہ ہوسکے۔ڈاکوؤں کی شناخت لیاقت حسین، بلال اور احسان کے نام سے ہوئی ہے، جو کبیر والا اور شجاع آباد کے رہائشی ہیں۔چوتھے زخمی ڈاکو کا نام عباس بتایا جا رہا ہےجو پولیس کی حراست میں ہے۔