Author: ڈاکٹرغلام مصطفی بڈانی

ٹھٹھہ ،باغی ٹی وی (نامہ نگار راجہ قریشی) جئے سندھ محاذ کے ضلع ٹھٹھہ کے صدر امجد شورو ایک پریس ریلیز میں کہا ہے کہ ضلع ٹھٹھہ اور سجاول میں سندھ سرکار کے تعاون سے بکریاں اور مرغیاں دینے والی سماجی تنظیم کے جانب سے بڑے پیمانے پر کرپشن ہورہی ہے، اس سلسلے میں پراجیکٹ کے مطابق ٹھٹھہ اور سجاول ضلع میں بکریاں اور مرغیاں دینے والی این جی اوز کے جانب سے ٹھٹھہ کی تحصیل میر پور ساکرو ، تحصیل کیٹی بندر اور سجاول اضلاع کے تحصیل میر پور بٹھورو اور شاہبندر میں ایک آدمی کو پانچھ عدد بکریاں اور دس عدد مرغیاں دینی ہیں لیکن ان کو دو عدد بکری دے کر فارمیلٹی پوری کی جارہی ہےاور ریکارڈ میں پوری درج کی جارہی ہیں،این جی او بڑے پیمانے پر کرپشن میں ملوث ہے ، دوسرا پرجیکٹ میں طے شدہ وزن اور عمر کی بجاۓ چھوٹی کمزور اور بیمار بکریاں دیکر رقم میں بڑے پیمانے پرپیرپھیر کررہے ہیں اور مستحق برسات متاثرین کوبکریاں اور مرغیاں دینے کی بجائے کمیشن لیکر من پسند بندوں کو نوازاجارہاہے اور ریکارڈ میں غریبوں کے نام کی خانہ پوری کر رہیں ہیں ،امجد شورو نے ڈپٹی کمشنر ٹھٹھہ اور سجاول اور اینٹی کرپشن اور نیب مطالبہ کیا ہے کہ کرپشن کرنے والوں کو اور این جی او کے کرتادھرتا لوگوں کے خلاف اعلیٰ سطح پرتحقیقات کی جاۓ اور اس پروجیکٹ کوکامیاب کرایاجائے .

ٹھٹھہ،باغی ٹی وی( نامہ نگار راجہ قریشی)ایس ایچ او تھانہ ساکرو نے گٹکا مٹیریل کی سپلائی ناکام بنادی
تفصیل کے مطابق ایس ایچ او تھانہ ساکرو انسپکٹر گل حسن کچھار بمعہ اسٹاف نے دوران سنیپ چیکنگ الکریم CNG اسٹیشن ساکرو کے قریب کامیاب کارروائی کرکے سوزوکی پک اپ نمبر LA-8040 میں گٹکا مٹیریل اور انڈین گٹکا سپلائی کرنے کی کوشش کو ناکام بناکر 1 گٹکا فروش ملزم غلام مصطفیٰ ولد اللہ بچایو میمن کو 150 کلو کتھا، 3740 پیکٹ سفینہ گٹکا، 900 پیکٹ عاداب گٹکا، 100 پیکٹ گٹکا ماوا اور 1 سوزوکی پک اپ سمیت گرفتار کرکے تھانہ ساکرو پر مقدمہ درج کردیا۔
ایس ایچ او تھانہ گھارو انسپکٹر ممتاز علی بروہی بمعہ اسٹاف نے دوران گشت خفیہ اطلاع ملنے پر روشن باغ گھارو کے قریب کارروائی کرکے 1 منشیات فروش ملزم ہارون ولد جمعوں بھٹ کو 1200 گرام چرس سمیت گرفتار کرکے تھانہ گھارو پر مقدمہ درج کردیا۔مقدمہ نمبر 53/2023 سیکشن 9-1-3(C) نارکوٹکس ایکٹ تھانہ گھارو۔

میہڑ،باغی ٹی وی (منظورعلی جوئیہ کی رپورٹ)رمضان شریف کے مقدس مہینے میں بھی چوروں کاراج برقرار،بیوپاری سے نامعلوم مسلح افراد نے 27 لاکھ روپے چھین کر فرار ہوگئے
تفصیل کے مطابق رمضان شریف کے مقدس مہینے میں میہڑ پولیس نے میہڑ شہر کو چوروں اور لٹیروں کہ حوالے کردیا بی سیکشن تھانے کہ حدود میں دن دہاڑے مصروف ترین چوک پر 3 نامعلوم مسلح ڈاکو جنہوں نے ماسک پہنے ہوئے تھے رائس مل کے مالک شرجیل سولنگی سے اسلحہ کہ زور پر27 لاکھ روپے چھین کر باآسانی فرار ھوگئے ،مل مالک شرجیل سولنگی نے بتایا کہ بنک سے پیسے نکلواکر بیوپاریوں کو دینے جارہا تھا تویہ واقعہ پیش آیا ہے .
دوسری جانب پورے شہر میں کہیں بھی پولیس گشت یا پولیس پیکٹ نظر نہیں آرہی ہے ،متاثرہ شخص نے پولیس کےاعلیٰ افسران سے مطالبہ کیاہے کہ ملزمان کو گرفتارکرکے میرے ساتھ انصاف کیا جائے.

ٹھٹھہ،باغی ٹی وی( نامہ نگار راجا قریشی)فرید ایکسپریس سے نامعلوم نوجوان گرکر جاں بحق
تفصیل کے مطابق جنگ شاہی ریلوے اسٹیشن پھاٹک پر پنجاب سے کراچی جانے والی فرید ایکسپریس سے گر کر ایک نا معلوم نوجوان جانبحق
پولیس چوکی انچارج جنگ شاہی نے لاش ایدھی کے حوالے کردی ،یاد رہے آج جنگشاہی ریلوے اسٹیشن پھاٹک پر پنجاب سے کراچی جانے والی فرید ایکسپریس سے گر کر ایک نامعلوم نوجوان جانبحق پولیس چوکی انچارج جنگ شاہی علی خان راہو جو نے لاش اپنی تحویل میں لیکر ایدھی کے حوالے کر دی

کراچی(ویب نیوز)سول ہسپتال میں مریضوں کو بےہوش کرکے لوٹنے والی جعلی نرس گرفتار،جعلی نرس کا سول ہسپتال میں متعدد وارداروں کا اعتراف، پولیس کادعوی
تفصیل کے مطابق کراچی کے اہم سرکاری ہسپتال میں نرس کی جانب سے یہ کام انجام دئیے جانے کا انکشاف ہوا ہے جومریضوں کو بے ہوش کرکے لوٹ رہی تھی۔جعلی نرس کی سول ہسپتال میں چہل قدمی کی سی سی ٹی وی فوٹیج بھی منظرعام پرآگئی ہے۔پولیس نے دعویٰ کیا ہے کہ سول ہسپتال میں مریضوں کو بے ہوش کرکے لوٹنے والی جعلی نرس کوگرفتار کرلیا ہے، جو مریضوں کی دیکھ بھال کے بہانے آتی اور بے ہوشی کا انجیکشن لگاتی تھی۔
پولیس نے بتایا کہ نرس مریض کے بے ہوش ہونے کے بعد موبائل فون اور قیمتی سامان لے کرفرار ہوجاتی تھی، اس کے ساتھ ہی پولیس نے دعویٰ کیا ہے کہ جعلی نرس نے سول ہسپتال میں متعدد وارداروں کا بھی اعتراف کیا ہے۔
پولیس کے مطابق جعلی نرس نے متعدد خواتین مریضوں کو بھی بے ہوشی کا ٹیکہ لگا کر لوٹ چکی ہے، جس کی تعلیمی قابلیت انٹرمیڈیٹ ہے اور وہ کورنگی کی رہائشی ہے۔
واردات 17 مارچ کو کارڈیو وارڈ میں ہوئی تھی جس کے بارے میں متاثرہ خاتون نے سول ہسپتال انتظامیہ کو واقعہ کے بارے میں شکایت کی تھی جس کے بعد انتظامیہ کی جانب سے سی سی ٹی وی فوٹیج کی مدد سے جعلی نرس کو پکڑ لیا۔
متاثرہ خاتون کی مُدعیت میں مقدمہ درج کرلیا گیا جبکہ گرفتار جعلی خاتون نرس کے بیگ سے بے ہوشی کے انجیکشن اور موبائل فون برآمد ہوئے ہیں، ملزمہ لیب کورٹ پہن کر اسپتال آئی تھی۔

بہاولپور(ویب نیوز) مبارک پور میں مفت آٹا سینٹر بدنظمی کا شکار ہوگیا، جہاں اسسٹنٹ کمشنر الماس ثاقب آپے سے باہر ہوگئے۔مفت آٹے کے حصول کے لئے آنے والے شہریوں کو اسسٹنٹ کمشنر نے تشدد کا نشانہ بنایا۔اسسٹنٹ کمشنر الماس ثاقب نے غریب شہریوں پر تھپڑوں اور مُکوں کی بارش کردی۔ایجنٹ مافیا شہریوں سے مفت آٹا وصولی پر 200 روپے وصول کرنے لگا، خواتین کی شکائت پر اسسٹنٹ کمشنر بھپر گئے۔
دوسری جانب بہاولپور میں غریبوں کے لئے آٹے کا حصول مشکل سے مشکل ہوگیا، مستحق خاندانوں کے لئے مفت آٹے کی فراہمی کے مرکز نور پور نورنگا پر انتظامیہ کی ناقص کارکردگی سامنے آگئی۔مفت آٹا سینٹر پر آٹے کی کمی کی وجہ سے خواتین میں بھگدڑ مچ گئی، جس میں متعدد خواتین بے ہوش ہوگئیں جبکہ ایک خاتون کی ٹانگ ٹوٹ گئی، خاتون کے ساتھ آیا 8 سالہ بچہ بھی بے ہوش ہوگیا۔حالت غیر ہونے والی خواتین اور بچے کو ریسکیو ٹیم نے طبی امداد کے بعد اسپتال منتقل کردیا۔3 ہزار سے زائد شہری آٹے کے حصول کے لئے لائنوں میں لگے رہے تاہم گھنٹوں تک آٹے کی فراہمی معطل رہی۔آٹا سینٹر انتظامیہ عوام کے رش کو کنٹرول کرنے میں مکمل ناکام رہی۔شہریوں نے مطالبہ کیا ہے کہ ضلعی انتظامیہ عملے اور آٹے کا کوٹہ بڑھائے
دوسری جانب جہانیاں میں آٹا سینٹر پر بھگڈر، خاتون کا بازو ٹوٹ گیا، 10 بے ہوش
جہانیاں میں ضلعی انتظامیہ کی ناقص حکمت عملی کے باعث کرکٹ اسٹیدیم میں آٹا سینٹر پر بھگڈر مچ گئی، ایک خاتون کا بازو ٹوٹ گیا جبکہ 10 خواتین بے ہوش گئیں۔بھگڈر میں اسسٹنٹ کمشنر اقراء مصطفی بھی پھنسی رہی، ریسکیو اہلکاروں نے 20 سے زائد خواتین کو طبی امداد کے بعد ہسپتال منتقل کیا۔آٹا پوائنٹ پر ناقص انتظامات پر خواتین نے نگراں وزیراعلیٰ پنجاب محسن نقوی سے نوٹس لینے کا مطالبہ کیا ہے۔