Author: ڈاکٹرغلام مصطفی بڈانی

شیخوپورہ،باغی ٹی وی(محمد طلال سے)وزیراعظم متوقع دورہ،سڑکوں کی صفائی و مرمت تیزی سے جاری
تفصیل کے مطابق شیخوپورہ میں وزیراعظم کی شیخوپورہ آمد سے قبل انتظامیہ کو ہوش آگیا سڑکوں کی صفائی روڈ کی ٹوٹ پھوٹ کی مرمت تیزی سے جاری وزیر اعظم کا ہیلی کاپٹرہیلی پیڈ پرٹیسٹ لینڈنگ کے بعد دوبارہ پرواز کرگیا وزیراعظم کی آمدسےقبل ہی شیخوپورہ انتظامیہ کی دوڑیں لگ گئیں۔

ٹھٹھہ،باغی ٹی وی ( نامہ نگار راجہ قریشی)وزیر اعلیٰ سندھ کے معاون خصوصی کا بچت بازار کا دورہ
تفصیلات کے مطابق وزیر اعلیٰ سندھ کے معاون خصوصی برائے محکمہ بین الصوبائی معاملات ایم پی اے سید ریاض حسین شاہ شیرازی نے ڈپٹی کمشنر غلام فاروق سومرو و دیگر متعلقہ افسران کے ہمراہ ٹھٹھہ میں قائم بچت بازار کا دورہ کرکے صورتحال کا جائزہ لیا اور مختلف اسٹالز پر اشیاء خوورد نوش کا معائنہ بھی کیا۔ اس موقع پر گفتگو کرتے ہوئے انہوں کہا کہ چیئرمین بلاول بھٹو زرداری اور وزیر اعلیٰ سندھ سید مراد علی شاہ کی خصوصی ہدایات پر سندھ بھر کی طرح ٹھٹھہ، مکلی، گھارو، میرپور ساکرو، گھوڑا باری، گاڑہو سمیت ضلع کے دیگر مختلف شہروں میں سندھ حکومت کے تعاون سے ضلعی انتظامیہ کی جانب سے بچت بازار قائم کئے گئے ہیں، انہوں نے کہا کہ سستے رمضان بچت بازاروں میں قیمتوں اور معیار کو مدنظر رکھتے ہوئے اشیاء ضروریہ فراہم کی جا رہی ہیں تاکہ غریب اور متوسط طبقے کے لوگوں کو ماہ رمضان المبارک میں زیادہ سے زیادہ ریلیف مل سکے۔ انہوں نے عوام کو مشورہ دیا ہے کہ وہ قائم بچت بازاروں میں جاکر کم قیمتوں پر اشیاء خرید سکتے ہیں۔ اس موقع پر ڈپٹی کمشنر غلام فاروق سومرو نے کہا کہ رمضان المبارک کے دوران اشیاء خورد و نوش کی قیمتوں میں استحکام کے لئے عملی اقدامات کرتے ہوئے ضلع بھر کے مارکیٹوں، بازاروں، دکانوں اور ٹھیلوں پر اچانک چھاپے مارنے کیلئے اسسٹنٹ کمشنرز و دیگر عملہ بھی تعینات کیا گیا ہے تاکہ قیمتوں پر ضابطہ برقرار رکھا جا سکے۔ انہوں نے کہا کہ عوام کو ریلیف فراہم کرنا ضلعی انتظامیہ کی اولین ترجیحات میں شامل ہے۔ اس موقع پر اسسٹنٹ کمشنر شفیق احمد آریسر کے علاوہ پرائس کنٹرول، مارکیٹ کمیٹی و دیگر متعلقہ افسران بھی موجود تھے۔

چترال،باغی ٹی وی (گل حماد فاروقی) گذشتہ دنوں شدید زلزلے کی وجہ سے چترال کے مختلف سڑکوں پر پہاڑوں سے سلائیڈنگ اور بڑے بڑے پتھر لڑھک کر گرے تھے۔ زلزلہ کی وجہ سے اکثر پہاڑوں میں دراڑیں پیدا ہوئی تھی اور ایک دوسرے سے الگ ہوئے تھے۔ اس کے بعد بارش برسی تو بارش کی پانی سے مزید ملبہ ان سڑکوں پر آگرا جس کی وجہ سے یہ سڑکیں یا تو بند ہوگئی تھیں یا پھر اس ملبہ کی وجہ سے ٹریفک میں خلل پڑتا تھا۔ نیشنل ہائی وے اتھارٹی کی مشنری فوری حرکت میں آگئی اور ان سڑکوں سے بھاری پتھر اور ملبہ ہٹاکر انہیں ٹریفک کیلئے کھول دیا۔این ایچ اے کے عملہ نے ٹھیکیدار سے بکر آباد، کلکٹک، دنین اور زنانہ کالج روڈ کی سڑکوں سے ملبہ ہٹاکر انہیں ٹریفک کیلئے کھول دیا ہے۔ این ایچ اے کے اسسٹنٹ ڈائریکٹر عامر زیب خود ان سڑکوں کی صفائی کے کام کی نگرانی کررہے ہیں انہوں نے میڈیا کو اس کے بارے میں تفصیلات سے آگاہ کیا۔
تعمیراتی کمپنی کے نمائندے بشیر احمد کا کہنا ہے کہ وہ این ایچ اے حکام کے ہدایت کے مطابق عوام کو ہر ممکن سہولت فراہم کرنے کی کوشش کرتے ہیں۔
ان سڑکوں کے کھولنے پر علاقے کے عوام بھی خوشی کااظہارکیا۔ اعجاز احمد دنین کا باشندہ ہے ان کا کہنا ہے کہ یہ سڑک زلزلے کی وجہ سے بند ہوگئی تھی اب این ایچ اے حکام نے اسے دوبارہ کھول دیا جس پر ہم بہت خوش ہیں
جب سے پشاور چترال مین شاہراہ این ایچ اے کے حوالے کیاگیا ہے اس کے بعد جب بھی کوئی ملبہ سڑک پر پڑتا ہے تو این ایچ اے کا عملہ اسے فوری صاف کرکے ٹریفک کیلئے کھول دیتے ہیں تاکہ عوام کو سفر کرنے میں مشکلات درپیش نہ ہو اور وہ حادثات سے بھی بچ سکے۔

چترال : شدید زلزلہ اور بارش کے بعد بند سڑکوں کو این ایچ اے نے دوبارہ کھول دیا
چترال سے گل حماد فاروقی کی رپورٹ @BaaghiTV @MumtaazAwan @GulHamaadFarooq @NHMPofficial pic.twitter.com/89LziAtiUq

— QNN WORLD (@QNN_World) March 27, 2023

چترال(باغی ٹی وی) میونسپل کمیٹی کے خاکروب 4 ماہ سے تنخواہوں سے محروم ،مجبوراََاحتجاجی دھرنا دے دیا
چترال میں تحصیل میونسپل انتظامیہ کے 35 خاکروبوں نے ہڑتال کرکے ڈسٹرکٹ کونسل کے سامنے دھرنا دیا ہوا ہے۔ ان خاکروبوں کا کہنا ہے کہ ہم دن رات چترال کی صفائی کرتے ہیں مگر گذشتہ چار ماہ سے ہم تنخواہوں محروم ہیں۔ ان کا کہنا ہے کہ جب تک انہیں تنخواہیں نہیں ملیں گی وہ اس وقت اپنا اختجاج اور ہڑتال جاری رکھیں گے۔ تفصیل گل حماد فاروقی کے اس رپورٹ میں

گوجرخان،باغی ٹی وی( نامہ نگار شیخ ساجد قیوم )15سالہ لڑکا ڈیم میں ڈوب کر جاں بحق
تفصیل کے مطابق نماز جمعہ کی ادائیگی کے لئے گھر سے جانے والا دسویں جماعت کا طالب علم عمیراحمد گوجرخان کے( خونی ڈیم ) میں ڈوب کر جاں بحق ہو گیا ریسکیو 1122ریسکیو ٹیم نے اطلاع ملنے پر اوگاہون ڈیم سے کئی گھنٹے کی کوششوں سے ہفتہ کی شام پندرہ سالہ لڑکے کی نعش نکال لی گوجرخان کے علاقہ میں قائم اوگاہوون نامی ڈیم میں اس سے قبل بھی گوجرخان کے کئی نوجوان لقمہ اجل بن چکے ہیں نوجوان عمیر گھر سے نماز جمعہ کی ادائیگی کے لئے گیا تھا اور گھر واپس نہ آسکا