Author: ڈاکٹرغلام مصطفی بڈانی

کراچی (باغی ٹی وی)صوبہ سندھ کے ضلع شکاپور میں پولیس اہلکاروں کا بڑے پیمانے پر جرائم میں ملوث ہونے کا انکشاف ہوا ہے۔
جرائم میں ملوث ہونے 14 پولیس اہلکاروں کو نوکری سے برطرف کردیا گیا جس سے متعلق ایس ایس پی شکاپورکا کہنا ہے کہ برطرف پولیس اہلکارمنشیات فروشی، رشوت اورجرائم پیشہ افراد کے ساتھ رابطوں میں تھے۔
انہوں نے کہا کہ ضلع شکاپورمیں برطرف پولیس اہلکاروں کو منظم جرائم کا نیٹ ورک تھا، 16پولیس اہلکاروں کو محکمانہ سزا دے دی گئی ہے۔
ایس ایس پی شکاپور نے کہا کہ سزا کے طور پر اہلکاروں کی 2،2 سال کی نوکری کم کردی گئی ہے جبکہ ضلع میں مزید اہلکاروں کی اسکروٹنی کی جارہی ہے۔یاد رہے بارہاعوام باور کراتی رہی ہے کہ سندھ میں کچے کے ڈاکوؤں کی سرپرستی کشمور،شکارپور اور سکھر کی سندھ پولیس سرپرستی کرتی ہے لیکن آج تک عوام کی آواز پر کسی بااختیار اتھارٹی نےکان نہیں دھرے اس لئے روزانہ کشمور کند ھکوٹ سے شہری اغوا ہورہے ہیں.

این ڈی ایم اے نے گذشتہ روز آنیوالے زلزلے کی رپورٹ جاری کردی ہے اس رپورٹ کے مطابق زلزلے کے باعث 11 افراد زندگی کی بازی ہارگئے،جن میں سے 6 مرد، 3 خواتین اور2 بچے شامل ہیں۔زلزلے میں جاں بحق ہنے والے11 افراد کا تعلق خیبرپختونخوا سے ہے جبکہ صوبے کے مختلف مقامات پر77 افراد زخمی ہوئے ہیں، پنجاب میں 2 مرد زلزلے کے باعث زخمی ہوئے۔رپورٹ کے مطابق خیبرپختونخوا میں 169، جی بی ایک ، آزاد کشمیرمیں 2 گھروں کو نقصان پہنچا ہے ساتھ ہی ملک بھرمیں زلزلےسے19لائیواسٹاک کونقصان پہنچا ہے۔

شیخوپورہ،باغی ٹی وی(محمد طلال سے)شیخوپورہ پولیس نے قتل، اقدام قتل،ڈکیتی،راہزنی،چوری اور اغواء برائے تاوان کی درجنوں واردا توں میں ملوث 21گینگز کے 45ارکان کو گرفتار کرکے انکے قبضہ سے مجموعی طور پر 5کروڑروپے مالیت کا لوٹا ہو ا مال مسروقہ جس میں لاکھوں روپے نقدی،طلائی زیورات،21موٹر سائیکلیں،2عد د کاریں، مونجی سے لوڈمزدا ٹرک، مال مویشی برآمد کر لیے جبکہ ناجائز اسلحہ کی ریکوری مہم میں 514مقدما ت درج کر کے اس میں ملوث 510ملزمان کو گرفتار کر کے ان کے قبضہ سے بھاری مقدار میں ناجائزاسلحہ جس میں 38 کلاشنکوف، 41 رائفلز،432پسٹل ریوالور،اورسینکڑوں کی تعداد میں گولیاں و کارتوس برآمد کیے ہیں۔ اس بات کا اظہار آر پی او شیخوپورہ رینج بابر سرفراز الپا نے ڈی پی او شیخوپورہ زاہد نواز مروت کے ہمراہ پر ہجوم پر یس کا نفرنس اور متا ثرین میں مسروقہ سامان کی تقسیم کے موقع پر کیا اس موقع پر ڈی ایس پیز، ایس ایچ اوز اور متا ثر افراد بھی موجو دتھے۔ آر پی ا وشیخوپورہ نے بتایا کہ انسپکٹر جنرل آف پولیس پنجاب ڈاکٹر عثمان انور کی ہدایت پر ریجن میں چلائی جانے والی جرائم پیشہ افراد کے خلاف مہم میں ضلع پولیس نے اشتہاری مجرمان کے خلاف جاری کریک ڈاون میں سنگین وارداتوں میں ملوث 585مجرمان اشتہاریوں کوبھی گرفتارکیا ہے جن میں اے کیٹگری 100اور بی کیٹگری کے 485مجرمان اور 261سابقہ ریکاریافتہ شامل ہیں جبکہ منشیات فروشی میں ملوث 331منشیات فروشوں کو گرفتارکر کے ان کے قبضہ سے لاکھوں روپے مالیت کی 393کلوچرس،10کلو افیون،6کلوہیروین 2889لیٹر شراب برآمد کی ہے جبکہ اغواء برائے تاوان میں ملوث 15اغواء کاروں کوگرفتارکر کے ان کے قبضہ سے 14مغویان کو بازیاب اور تاوان کی رقم 60لاکھ روپے بھی برآمد کی گئی ہے۔ جبکہ پتنگ بازوں کے خلاف ہو نے والے کریک ڈاون میں ضلع پولیس نے91مقدمات درج کر کے پتنگ بازوں کو گرفتار کر نے کے ساتھ ان کے قبضہ سے 4318پتنگیں اور 192ڈورں کی چرخیاں برآمد کیں ہیں، انہوں نے مزید کہا کہ جرائم پیشہ افراد کی پیخ کنی کے لیے پولیس کو عوام کا تعاون درکار ہے اس سے پولیس جرائم کی روک تھام کے لیے اپنا موثر کردار ادا کر سکتی ہے عوام کی جان و مال اور عزت و آبرو کے تحفظ کے لیے پولیس تمام وسائل کو بروئے کا ر لا رہی ہے انہوں نے شہریوں میں ان سے چھینی گئی نقدی اور موٹر سائیکلیں تقسیم کیں جبکہ آرپی او شیخوپورہ کی جانب سے اچھی کارکردگی کا مظاہرہ کرنے والے ایس ایچ اوز اور انکی پولیس ٹیموں میں تعریفی سرٹیفکیٹ اور نقد انعام بھی تقسیم کیے گئے۔

ٹھٹھہ،باغی ٹی وی( نامہ نگار راجہ قریشی )اعلیٰ آفیسران کاکماؤ پوت ،جرائم پیشہ عناصر کاسرپرست ایس ایچ او دوبارہ عوام پر مسلط کردیا گیا،عوام کاایماندار اعلیٰ پولیس آفیسران سے نوٹس لینے کامطالبہ
تفصیل کے مطابق گذشتہ ہفتے عوامی مطالبہ پر ایس ایچ او ٹھٹھہ کو تھانہ ٹھٹھہ سے تبدیل کر دیا گیا تھا لیکن مبینہ طورپر ایس ایس پی ٹھٹھہ کاکماؤپوت اللہ ڈینو پنھورکو دوبارہ تھانہ ٹھٹھہ میں تعینات کردیا گیاہے،جس نے آتے ہی شہریوں اور صحافیوں کو گالیاں دینا شروع کردیں اور کہاکہ تم لوگوں نے میراکیااکھاڑلیا ، مجھے کوئی ہٹانے والا پیدا ہی نہیں ہوا ہے،آئی جی سندھ تک میرے اپنے بندے بیٹھے ہیں، میں جب تک چاہوں گایہاں ایس ایچ او تعینات رہوں گا ،ایس ایچ او موصوف نے غلیظ گالیاں بکتے ہوئے کہا کہ تم لوگوں سے جو ہوسکتا ہے کرلو،یاد رہے ذرائع کاکہنا ہے کہ مبینہ طورپر ٹھٹھہ شہر کی شوگر ملزسے لوہا چوری بھی اسی ایس ایچ اوکی سر پرستی میں کی جاتی ہے،اس کے علاوہ شہر میں آکڑا پرچی جوا ، منشیات سمیت برائی کے اڈوں کی سرپرستی بھی یہی ایس ایچ او کرتا ہے، ایس ایچ اوتھانہ ٹھٹھہ اللہ ڈینو نے اپنے ان مذکورہ دھندوں کی دیکھ بھال کیلئے دو بندے رکھے ہوئے ہیں، ایک کانام مجید ہے جو اپنے آپ کو اے ایس آئی کہلاتا ہے دوسرا موسیٰ پالاری ہے جو ایس ایچ او ٹھٹھہ کے کہنے پر سارے دونمبر کاموں کی ریکوری کرتا ہے ،دوسری جانب ایس ایچ او ٹھٹھہ تھانے میں اگر کو ئی صحافی یا معزز شہری کسی کام سے چلاجائے تو اس وقت وہ واپس نہیں جاسکتا جب تک ایس ایچ او ٹھٹھہ کے گھٹیا الفاظ نہ سنے، ٹھٹھہ کے شہریوں نے آئی جی سندھ اور ڈی آئی جی حیدرآباد سے نوٹس لیکرآزادانہ تحقیقات کا مطالبہ کیاہے اور یہ بھی کہا کہ یہ بھی معلوم کیا جائے کہ ایس ایس پی ٹھٹھہ کی کیامجبوری ہے کہ ایک ہی ہفتہ کے اندر اس کرپٹ اور بد زبان ایس ایچ او کو دوبارہ ٹھٹھہ شہر کی عوام پرمسلط کردیا گیا.